შსს: არ დავუშვებთ საარჩევნო პროცესის ძალადობრივი სცენარით განვითარებას

© photo: Sputnik / Alexander Imedashviliშსს–ს შენობა
შსს–ს შენობა - Sputnik საქართველო
გამოწერა
საპარლამენტო არჩევნები საქართველოში 31 ოქტომბერს ჩატარდება. არჩევნებში მონაწილეობისთვის ამ დროისთვის რეგისტრირებულია 57 პარტია და ორი ბლოკი.

თბილისი, 4 ოქტომბერი – Sputnik. არ დავუშვებთ საარჩევნო პროცესის ძალადობივი სცენარით განვითარებას და მკაცრ რეაგირებას მოვახდენთ ნებისმიერი სამართალდარღვევის ფაქტზე, განაცხადა შინაგან საქმეთა მინისტრის მოადგილე ვლადიმერ ბორცვაძემ  დღეს გამართულ ბრიფინგზე. 

გიორგი გახარია - Sputnik საქართველო
გიორგი გახარია - საპარლამენტო არჩევნები ყოველგვარი ექსცესების გარეშე უნდა ჩატარდეს

27 და 29 სექტემბერს ბოლნის სოფელ ნახიდურში და მარნეულის მუნიციპალიტეტში  ყოფილი მმართველი პარტია „ერთიანი ნაციონალური მოძრაობისა" და „ქართული ოცნება – დემოკრატიული საქართველოს" მომხრეებს შორის სიტყვიერი და ფიზიკური დაპირისპირების ფაქტებზე   შსს–მ ოთხი პირი დააკავა.

ბორცვაძის განცხადებით,  სამინისტროს ამოცანაა მართლწესრიგის დაცვა და არჩევნების თავისუფალ, დემოკრატიულ და უსაფრთხო გარემოში ჩატარების უზრუნველყოფა.

საქართველოში წინასაარჩევნო რბოლა ინციდენტების ფონზე მიმდინარეობს – არჩევნებამდე დარჩენილია 27  დღე და სიტუაცია თანდათანობით იძაბება. 

„ჩვენ არ დავუშვებთ საარჩევნო პროცესის ძალადობივი სცენარით განვითარებას და მკაცრ რეაგირებას მოვახდენთ ნებისმიერი სამართალდარღვევის ფაქტზე“,- აღნიშნა ბორცვაძემ.

ამასთან, მან მოუწოდა პარტიების წარმომადგენლებს, თავი შეიკავონ ძალადობრივი ქმედებებისგან, რათა უზრუნველყოფილ იქნეს მშვიდ, დემოკრატიულ და უსაფრთხო გარემოში არჩევნების ჩატარება. 

თამარ ჟვანია - Sputnik საქართველო
თამარ ჟვანია: საარჩევნო ადმინისტრაცია გმობს ძალადობას

„მოვუწოდებთ როგორც პოლიტიკური პარტიის წარმომადგენლებს, ასევე მათ მხარდამჭერებს, თავი შეიკავონ ძალადობრივი ქმედებებისგან, რათა უზრუნველყოფილ იქნეს მშვიდ, დემოკრატიულ და უსაფრთხო გარემოში არჩევნების ჩატარება. წინააღმდეგ შემთხვევაში, თითოეული სამართალდამრღვევი პასუხს აგებს კანონის მთელი სიმკაცრით, პოლიტიკური კუთვნილების მიუხედავად“, - აღნიშნა ბორცვაძემ.

საპარლამენტო არჩევნები საქართველოში 31 ოქტომბერს ჩატარდება. არჩევნებში მონაწილეობისთვის ამ დროისთვის რეგისტრირებულია 57 პარტია და ორი ბლოკი.

ქვეყნის მოსახლეობა 150 დეპუტატს აირჩევს. აქედან 120-ს პარტიული სიებით და 30-ს – მაჟორიტარულ ერთმანდატიან ოლქებში. პარტიებისთვის გამსვლელი ბარიერია 1%. ხმის უფლება არჩევნებზე საქართველოს 3 501 931 მოქალაქეს აქვს როგორც ქვეყანაში, ისე საზღვარგარეთ.

ყველა ახალი ამბავი
0