ლაბორატორია

COVID-19: ახალი ცნობები სამეგრელოდან

90
(განახლებულია 12:36 04.10.2020)
საქართველოში ახალი კორონავირუსით დაავადებულთა რაოდენობა ბოლო დღე-ღამეში რეკორდულად გაიზარდა და 8118-ს მიაღწია, გამოჯანმრთელებულთა საერთო რაოდენობაა 3 992 ადამიანი

თბილისი, 4 ოქტომბერი – Sputnik. სამეგრელოში ბოლო დღე–ღამეში COVID-19-ის 10 შემთხვევა გამოვლინდა, იუწყება Sputnik–საქართველოს კორესპონდენტი.

ახალი ათი შემთხვევიდან ხუთი უკავშირდება საბერიოს, ორი  ფოთის დადასტურებული შემთხვევის კონტაქტია, ორი უკავშირდება ზუგდიდის მუნიციპალიტეტს (ერთი სავაჭრო ცენტრ „გორგიას“დარაჯის დადასტურებული შემთხვევის კონტაქტია, მეორე კი – რუხის სკოლის მოსწავლის კონტაქტი). რაც შეეხება მეათე ინფიცირებულს, ის ხობის მუნიციპალიტეტის მკვიდრია და ხობში რამდენიმე დღის წინ დადასტურებული შემთხვევის კონტაქტია.

რეგიონში სულ ინფიცირებულია 159 მოქალაქე. რუხის კლინიკაში მკურნალობის კურსს 71 პაციენტი გადის, აქედან რვის მდგომარეობა შედარებით მძიმეა. ფოთის ჰოსპიტალში 24 კოვიდპაციენტი მკურნალობს.

რეგიონის მასშტაბით სულ საკარანტინე სივრცში იმყოფება 130 ადამიანი.

საქართველოში ახალი კორონავირუსით დაავადებულთა რაოდენობა ბოლო დღე-ღამეში რეკორდულად, 554-ით გაიზარდა და 8118-ს მიაღწია, გამოჯანმრთელებულთა რიცხვს 252 ადამიანი შეემატა და მათი საერთო რაოდენობა 3 992-ს შეადგენს.

ვირუსით საქართველოში 50 ადამიანია გარდაცვლილი.

ნიკა ლატარია

90
თემები:
COVID-19 საქართველოში (2228)

საგანგებო სიტუაციების მართვის ცენტრში დეზინფექცია ჩატარდა - ვიდეო

68
საქართველოს შინაგან საქმეთა სამინისტროს საგანგებო სიტუაციების ოპერატიულ ცენტრში კორონავირუსის გავრცელების საფრთხესთან დაკავშირებით დეზინფექცია ჩატარდა. როგორ მიმდინარეობდა პროცედურა - იხილეთ ვიდეოში

ბოლო დღე-ღამეში კორონავირუსით დაინფიცირების შემთხვევებმა 1 731-მდე იმატა. გარდაიცვალა 15 პაციენტი.

ოფიციალური ვებგვერდის StopCov მონაცემებით, პანდემიის დაწყებიდან ქვეყანაში დღემდე 33 858 შემთხვევა გამოვლინდა.

ამასთან, ბოლო 24 საათის განმავლობაში კოვიდ-კლინიკები დატოვა 2 197-მა პაციენტმა, პანდემიის დაწყებიდან განიკურნა 14 829 პაციენტი, გარდაიცვალა 253.

68
არჩევნებზე - როგორც ომში!

არჩევნებზე როგორც ომში!

45
(განახლებულია 21:11 28.10.2020)
შაბათს საპარლამენტო არჩევნები კორონავირუსის პანდემიის ფონზე ჩატარდება. COVID-19-ის გავრცელების საფრთხესთან დაკავშირებით საარჩევნო უბნებზე უსაფრთხოების შესაბამის ზომებს მიიღებენ.
არჩევნებზე - როგორც ომში!

არჩევნებზე ამომრჩევლები აუცილებლად უნდა მივიდნენ პირბადით. საარჩევნო ადმინისტრაციის წევრები და დამკვირვებლები ასევე გამოიყენებენ პირბადეებს.

45
ავტობუსები თბილისში

თბილისში ერთ-ერთ ავტობუსში მგზავრი გარდაიცვალა

0
ასაკოვანი ქალი ავტობუსში მგზავრობისას შეუძლოდ გახდა, ადგილზე გამოძახებულმა სასწრაფო სამედიცინო დახმარებამ მისი გადარჩენა ვერ მოახერხა

თბილისი, 28 ოქტომბერი - Sputnik. თბილისში, #28 ავტობუსში მგზავრობისას ქალი გარდაიცვალა, აცნობეს Sputnik -საქართველოს თბილისის სატრანსპორტო კომპანიაში.

შემთხვევა დღეს საღამოს დაახლოებით 20:30 საათზე გრანელის ქუჩაზე მოხდა.

„ასაკოვანი ქალი 28 ნომერ ავტობუსში მგზავრობისას შეუძლოდ გახდა, გამოიძახეს სასწრაფო სამედიცინო დახმარება, მაგრამ  სამწუხაროდ მისი გადარჩენა ვერ მოხერხდა“, - აღნიშნეს კომპანიაში.

მგზავრის გარდაცვალების მიზეზი ჯერჯერობით უცნობია.

0
თემები:
შემთხვევები საქართველოში