პატრიოტთა ალიანსის აქცია

„საქართველოს პატრიოტთა ალიანსმა“ წინასაარჩევნო მიტინგზე მომხრეები შეკრიბა

98
(განახლებულია 17:53 04.10.2020)
„პატრიოტთა ალიანსის" ლიდერების განცხადებით, 31 ოქტომბრის საპარლამენტო არჩევნებში დამარცხების შემთხვევაში, ისინი ხმების დაცვისთვის ბრძოლას აპირებენ

თბილისი, 3 ოქტომბერი – Sputnik. საპარლამენტო ოპოზიციურმა პარტია „საქართველოს პატრიოტთა ალიანსმა“ თავისუფლების მოედანზე რამდენიმე ათასი თანამოაზრე შეკრიბა და წინასაარჩევნო პროგრამა წარადგინა.

შეკრებილთ პარტიის ლიდერებმა ირმა ინაშვილმა და დავით თარხან–მოურავმა მიმართეს, რომლებმაც პარტიის სამომავლო გეგმებზე ისაუბრეს.

 „ეს აქცია კიდევ ერთხელ აჩვენებს, რომ „საქართველოს პატრიოტთა ალიანსი“  საქართველოში ყველაზე ძლიერი პოლიტიკური ძალაა. ამ მოედანს ვერ ავსებს ვერც „ქართული ოცნება“ და ვერც „ნაციონალური მოძრაობა“, რომელიც უკვე აღარ არსებობს. ჩვენ გვაქვს 900 ათასი აუდიოჩანაწერი, რომელიც მკაფიოდ ცხადყოფს, რომ ჩვენი პარტია უსწრებს „ქართულ ოცნებას“, „ნაციონალურ მოძრაობას“ და ყველა დანარჩენ  პარტიებს“, – განაცხადა დავით თარხან-მოურავმა.

პარტიის ძირითადი გზავნილი იყო საკუთარი თავის, როგორც მესამე პოლიტიკური ძალის წარმოჩენა.

„ეს ერთადერთი სწორი ძალაა. ჩვენ აღარ გვჭირდება მოღალატეები. „ქართულმა ოცნებამ“ უღალატა მის დაპირებებს და ახლა ხელისუფლებაში სააკაშვილი მოჰყავს“, – განაცხადა თარხან–მოურავმა.

შეხვედრაზე პარტიის ლიდერებმა ისაუბრეს საარჩევნო პროგრამაზე, სიღარიბესთან ბრძოლაზე, სამხედრო ნეიტრალიტეტსა და ტერიტორიების დაბრუნებაზე.

 „ჩვენ შევქმნით საშუალო კლასს, საქართველოში მრავალი უზრუნველყოფილი ადამიანი გაჩნდება. ჩვენ შევქმნით მშვიდ ქართულ საზოგადოებას. ჩვენ არ გვინდა გაყიდული საქართველო, ჩვენ სოხუმთან და ცხინვალთან ხიდებს ავაშენებთ“, – განაცხადა თარხან–მოურავმა, რომელმაც დასძინა, რომ პარტია საპარლამენტო არჩევნებში დამარცხების შემთხვევაში უკან არ დაიხევს.

 „ჩვენ მზად უნდა ვიყოთ მიტინგებისთვის, საკუთარი ხმების დაცვისთვის“, – განაცხადა თარხან–მოურავმა.

აქციაზე პარტიამ თბილისსა და რეგიონებში მაჟორიტარი დეპუტატობის კანდიდატები წარადგინა.

„საქართველოს პატრიოტთა ალიანსი“ 2012 წელს დააფუძნა რამდენიმე ქართველმა პოლიტიკურმა მოღვაწემ, რომლებიც კონსერვატიულ ანტიდასავლურ პოზიციებს იზიარებდნენ.

2016 წლის საპარლამენტო არჩევნებზე „საქართველოს პატრიოტთა ალიანსმა“ ხმების ზუსტად 5% მიიღო და გახდა მესამე საპარლამენტო პარტია – „ქართული ოცნებისა“ და „ერთიანი ნაციონალური მოძრაობის“ შემდეგ.

98
თემები:
საქართველოს საპარლამენტო არჩევნები 2020 (319)
ფეხბურთის ბურთი

„მერანის“ ფეხბურთელებს კორონავირუსი აღმოაჩნდათ 

23
საფეხბურთო კლუბის ადმინისტრაციის ცნობით, ფეხბურთელების ინფიცირების გამო გადაიდო მარტვილის „მერანისა“ და ბოლნისის „სიონის“ მატჩი.

თბილისი, 29 ოქტომბერი – Sputnik. საფეხბურთო კლუბ „მერანის“ ფეხბურთელებს კორონავირუსი დაუდასტურდათ, წერია კლუბის ოფიციალურ გვერდზე.

კლუბის ადმინისტრაციის ცნობით, ფეხბურთელების ინფიცირების გამო გადაიდო მარტვილის „მერანისა“ და ბოლნისის „სიონის“ მატჩი.

„5 ნოემბერს გასამართი მატჩი ეროვნულ ლიგა 2-ში, სადაც მარტვილის „მერანს“ ბოლნისის „სიონისთვის“ უნდა ემასპინძლა, გადადებულია. მიზეზი, კორონავირუსით გამოწვეული სიტუაციაა („მერანის“ რამდენიმე ფეხბურთელს COVID-19 დაუდასტურდა)“, – აღნიშნულია კლუბის Facebook-გვერდზე გავრცელებულ ინფორმაციაში.

ეროვნული ლიგის გვერდზე „მერანისა“ და „სიონის“ მატჩის ჩატარების ოფიციალურ თარიღად 25 ნოემბერია ჩანიშნული. ეს პირველი შემთხვევა არაა, როდესაც მატჩი გადაიდო. ანალოგიური მიზეზით თამაშები გადაუდეს „ლოკომოტივს“, ქუთაისის „ტორპედოს“ და ქობულეთის „შუქურას“.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 1709-ით გაიზარდა და საერთო რიცხვმა 35567-ს მიაღწია. გამოჯანმრთელდა 16904 ადამიანი, გარდაიცვალა 273 პაციენტი.

საქართველოში კორონავირუსის პირველი შემთხვევა 26 თებერვალს დაფიქსირდა.

23
თემები:
COVID-19 საქართველოში
გია სურამელაშვილი

შორენა ბეგაშვილმა გია სურამელაშვილს სამკაულები მოხსნა ნახეთ რამდენს იწონის ოქროულობა

267
(განახლებულია 19:52 29.10.2020)
ექსტრავაგანტური მომღერალი გია სურამელაშვილი ცნობილია სამკაულების სიყვარულით. ნახეთ რამდენს იწონის ის სამკაულები, რასაც მომღერალი ყოველდღიურად ატარებს.

ცნობილი მოდელისა და მსახიობის შორენა ბეგაშვილის გადაცემაში „შორენას ეფექტი“ მომღერალ გია სურამელაშვილის ოქროს სამკაულები აწონეს. იდეა თავად წამყვანს ეკუთვნოდა, რომელიც დაინტერესდა, რამდენს იწონის სურამელაშვილის სამკაულები, რომლის გარეშეც მაყურებელს ალბათ ის არც ახსოვს.

თავიდან სურამელაშვილი წინააღმდეგი იყო, თუმცა შემდეგ დათანხმდა. შორენას დახმარებით სამკაულები მოიხსნა და ააწონინა. ძვირფასეულობის მასამ 600 გრამი შეადგინა, თანაც იმ დროს, როდესაც სამაჯური და საყურეები წამყვანმა ვერ მოხსნა. „ერთ კილოგრამამდე ოქროთი დადიხარ, გია?!“ – ჰკითხა მას შორენამ, რაზეც სურამელაშვილმა უპასუხა, რომ ეს იმ სამკაულების მხოლოდ ნახევარია, რომელიც ჩვეულებრივ უკეთია ხოლმე.

ერთ დროს ცნობილი და ყველასათვის საყვარელი მომღერალი გია სურამელაშვილი გულახდილობით გამოირჩევა. სხვა ვარსკვლავებთან შედარებით მედიასთან კომუნიკაცია ძალიან ხიბლავს და ნებისმიერ გადაცემაში საზეიმო განწყობას ქმნის.

გია სურამელაშვილის პოპულარობამ პიკს მაშინ მიაღწია, როცა საქართველოში სამოქალაქო ომი მიმდინარეობდა. თბილისის ქუჩებში ხალხი ერთმანეთს ესროდა, გია კი ფილარმონიის დარბაზს ავსებდა. მასზე შეყვარებული ქალბატონები ცრემლებს და ემოციურ შეძახილებს არ იშურებდნენ.

267
თემები:
სელებრითების ცხოვრება
ვლადიმირ პუტინი დამცავ კომბინეზონში

პუტინმა რუსეთში კორონავირუსზე მასობრივი ვაქცინაციის დაწყების ვადა დაასახელა

0
რუსეთი მზადაა უზრუნველყოს რუსულ ვაქცინებთან დაკავშირებული ინტელექტუალური საკუთრების გაყიდვა ან აწარმოოს ისინი უცხოელი პარტნიორების პლატფორმებზე

თბილისი, 29 ოქტომბერი — Sputnik. კორონავირუსის საწინააღმდეგო ორივე რუსული ვაქცინა უსაფრთხო და ეფექტურია, განაცხადა რუსეთის პრეზიდენტმა ვლადიმირ პუტინმა.

„რუსული ვაქცინის გამოცდები ხარვეზების გარეშე მიმდინარეობს, იმედი მაქვს, რომ მასობრივ ვაქცინაციაზე წლის ბოლოსთვის გადავალთ“, - განაცხადა სახელმწიფოს მეთაურმა.

მისი თქმით, პირველ რიგში კორონავირუსის საწინააღმდეგო რუსულ ვაქცინას რუსეთის მოქალაქეები მიიღებენ. თუმცა რუსეთი მზადაა უზრუნველყოს რუსულ ვაქცინებთან დაკავშირებული ინტელექტუალური საკუთრების გაყიდვა ან აწარმოოს ისინი უცხოელი პარტნიორების პლატფორმებზე.

პუტინმა ასევე განაცხადა, რომ რუსეთში კორონავირუსის საწინააღმდეგო ვაქცინების შექმნა მოწმობს, რომ ქვეყანაში მეცნიერება ვითარდება, საბჭოური სკოლა ცოცხალია.

ადრე ცნობილი გახდა, რომ რუსეთის მოქალაქეების მასობრივი ვაქცინაზე რუსული ვაქცინით „სპუტნიკ V" ნოემბრის ბოლოს შეიძლება დაიწყოს.

რუსეთის ჯანდაცვის სამინისტრომ აგვისტოში დაარეგისტრირა მსოფლიოში პირველი კორონავირუსის საწინააღმდეგო ვაქცინა „სპუტნიკV",  რომელიც გამალეს ეპიდემიოლოგიისა და მიკრობიოლოგიის ეროვნულ კვლევით ცენტრში შეიქმნა. ვაქცინა სამკვირიანი შუალედით პრეპარატის ორი კომპონენტის შეყვანას ითვალისწინებს. აგვისტოში იუწყებოდნენ, რომ „სპუტნიკ V“ მალე დამზადდება ასევე „რ-ფარმას“, „ბინოფარმისა“ და „ბიოკადის“ საწარმოებში.

რუსულ სამეცნიერო ცენტრ „ვექტორში“ დასრულდა SARS-CoV-2-ის საწინააღმდეგო ვაქცინის კლინიკური ცდები. როგორც „როსპოტრებნადზორის“ ხელმძღვანელმა ანა პოპოვამ განაცხადა, „ვექტორის“ ვაქცინა სახელწოდებით „ეპივაკკორონა“ კორონავირუსის საწინააღმდეგო მეორე რუსული ვაქცინა გახდება.

0
თემები:
COVID-19-ის პანდემია მსოფლიოში