პატრიოტთა ალიანსის ბანერი

ყველას წინააღმდეგ: „საქართველოს პატრიოტთა ალიანსი“ თბილისში აქციას აანონსებს

237
(განახლებულია 21:26 02.10.2020)
მმართველი პარტია „ქართული ოცნების“ მიზანია მომავალი მთავრობის „ნაციონალურ მოძრაობასთან“ ერთად ფორმირება, მიაჩნიათ „პატრიოტთა ალიანსში“

თბილისი, 2 ოქტომბერი – Sputnik. ოპოზიციური პარტია „საქართველოს პატრიოტთა ალიანსი“ შაბათს, 3 ოქტომბერს თბილისის ცენტრში საპროტესტო აქციის ჩატარებას აანონსებს.

ვაკის საარჩევნო ოლქში პარტიის მაჟორიტარი დეპუტატობის კანდიდატმა ნანა დევდარიანმა ბრიფინგზე აქციის მიზნებზე ისაუბრა.

მისი თქმით, მმართველი პარტია „ქართული ოცნება – დემოკრატიული საქართველო“ ყველანაირად ცდილობს წინ გაიყვანოს და ხელოვნურად გაზარდოს „ერთიანი ნაციონალური მოძრაობის“ რეიტინგი. დევდარიანის აზრით, „ქართული ოცნების“ მიზანია მომავალი მთავრობის „ნაცმოძრაობასთან“ ერთად ფორმირება. 

„თუ თქვენ ყურადღებას მიაქცევთ, „ქართული ოცნება“ სხვადასხვა ინსტრუმენტებით ცდილობს „ნაციონალური მოძრაობის“ რეიტინგი 12-დან 18%-მდე გაზარდოს, რაც უბრალოდ აბსურდია... ეს ხელისუფლების ცვლილების მცდელობაა, რაზეც ჩვენ დიდი ხანია ვსაუბრობთ“, – განაცხადა დევდარიანმა.

მისი ინფორმაციით, „პატრიოტთა ალიანსმა“ გამოკითხვა ჩაატარა, რომელშიც 1,2 მილიონმა ადამიანმა მიიღო. გამოკითხვის შედეგებით, მმართველი პარტიის რეიტინგი 13%-ს არ აჭარბებს, „ნაცმოძრაობის“ კი 3,2%-ს.

„ჩვენი მიზანია დავანგრიოთ ეს სიცრუე და მას სიმართლე დავუპირისპიროთ. მოვუწოდებ ქართველ ხალხს გვენდონ,  მხარი დაგვიჭირონ არჩევნებში და დაუჯერონ „პატრიოტებს“, – განაცხადა დევდარიანმა.

31 ოქტომბრის საპარლამენტი არჩევნებში „საქართველოს პატრიოტთა ალიანსი“  მონაწილეობას დამოუკიდებლად იღებს.

„საქართველოს პატრიოტთა ალიანსი“ 2012 წელს დააფუძნა რამდენიმე ქართველმა პოლიტიკურმა მოღვაწემ, რომლებიც კონსერვატიულ ანტიდასავლურ პოზიციებს იზიარებდნენ.

2016 წლის საპარლამენტო არჩევნებზე „საქართველოს პატრიოტთა ალიანსმა“ ხმების ზუსტად 5% მიიღო და გახდა მესამე საპარლამენტო პარტია – „ქართული ოცნებისა“ და „ერთიანი ნაციონალური მოძრაობის“ შემდეგ.

237
თემები:
საქართველოს პოლიტიკური ცხოვრება (167)
შორენა ბეგაშვილი

შორენა ბეგაშვილმა შეყვარებულის ინტიმური ფოტო გაასაჯაროვა ნახეთ როგორ გამოიყურება კაცი

733
(განახლებულია 19:51 21.10.2020)
ორი უიღბლო ქორწინების შემდეგ შორენა ბეგაშვილი კვლავ ურთიერთობაშია. ამჟამად მოდელი არც საყვარელ მამაკაცს და არც ურთიერთობას აღარ მალავს. უნდა ვივარაუდოთ, რომ მალე მოდელი ქორწილის ფოტოებსაც გამოფენს.

ზუსტად ერთი წელია, რაც შორენა ბეგაშვილი ბიზნესმენ ირაკლი ნანაძეს ოფიციალურად დაშორდა, თუმცა საზოგადოებამ ვერც ის გაიგო, როდის დაქორწინდა წყვილი. ყველაფერი გასაიდუმლოებული იყო მანამ, სანამ შორენამ იუსტიციის სახლიდან განქორწინების მოწმობის ფოტო არ გამოაქვეყნა.

View this post on Instagram

A post shared by Shorena Begashvili (@shorenabegashviliofficial) on

როგორც საკუთარ გადაცემაში „შორენას ეფექტი“ ტელეწამყვანმა აღიარა, ქმარს იმიტომ დაშორდა, რომ მძიმე წუთებში, როდესაც ის შვილთან ერთად თურქეთის ერთ-ერთ კლინიკაში თვეების განმავლობაში იმყოფებოდა, „ქმარი თბილისში ერთობოდა“.

View this post on Instagram

🖤

A post shared by Shorena Begashvili (@shorenabegashviliofficial) on

შორენამ ისიც აღნიშნა, რომ ამჟამად შეყვარებულია და თავს ძალიან ბედნიერად გრძნობს. სოციალურ ქსელში სტატუსიც შეცვალა და ამჟამად ქალის შესახებ გამოქვეყნებულ პირად ინფორმაციაში მითითებულია, რომ ის ურთიერთობაში იმყოფება.

View this post on Instagram

🖤

A post shared by Shorena Begashvili (@shorenabegashviliofficial) on

მოდელი და ტელეწამყვანი არც შეყვარებულთან ერთად გადაღებულ ფოტოების გასაჯაროებას ერიდება და ცოტა ხნის წინ საყვარელი მამაკაცის ნახევრად შიშველი ფოტოც კი გამოაქვეყნა. ფოტო, სავარაუდოდ, ესპანეთშია გადაღებული, სადაც ზაფხულში შორენა საყვარელ მამაკაცთან ლაშა ბარათელთან ერთად ისვენებდა.

View this post on Instagram

A post shared by Shorena Begashvili (@shorenabegashviliofficial) on

გამოცემა „პრაიმ კრაიმის“ მიერ 2018 წელს გამოქვეყნებულ „კანონიერი ქურდების“ რეიტინგში, მათი ამჟამინდელი გავლენების, წარსული გამოცდილების, სამომავლო პერსპექტივისა და პრესის დაინტერესების გათვალისწინებით, ათ ყველაზე რეიტინგულ „კანონიერ ქურდს“ შორის ერთ-ერთი სწორედ ლაშა ბარათელია.

View this post on Instagram

@nikolozi_ph 🌟 @shorenasefekti

A post shared by Shorena Begashvili (@shorenabegashviliofficial) on

არსებული ინფორმაციით, ლაშა ბარათელი, იგივე „ჭია" 1989 წლის 11 ივლისს სოხუმში დაიბადა. გავრცელებული ინფორმაციით, ამჟამად თურქეთში ცხოვრობს. ბარათელი, მიუხედავად მანძილისა, საყვარელი ქალისთვის ძვირადღირებული საჩუქრებისა და სიურპრიზების კეთებას არ წყვეტს.

733
თემები:
სელებრითების ცხოვრება
საპატრულო პოლიცია

„მძევლების დახოცვას დავიწყებ 2 საათის შემდეგ“ თავდამსხმელის ულტიმატუმი

252
(განახლებულია 19:39 21.10.2020)
ზუგდიდში ბანკზე თავდამსხმელი ულტიმატუმს აყენებს და შესაბამის ორგანოებს ორი საათის განმავლობაში მისი მოთხოვნების შესრულებისკენ მოუწოდებს.

თბილისი, 21 ოქტომბერი — Sputnik. ზუგდიდში „საქართველოს ბანკზე“ თავდამსხმელი სამართალდამცველი უწყებებისთვის მიცემული დროის – 2 საათის გასვლის შემდეგ მძევლების დახოცვას აპირებს. შესაბამისი განცხადება „მთავარი არხის“ პირდაპირ ეთერში მძევლად აყვანილმა ირაკლი კვარაცხელიამ გაახმოვანა.

თავდამსხმელი ითხოვს მასთან შეუიარაღებელმა პირმა მიიტანოს 500 ათასი დოლარი და მისცენ ვერტმფრენი, ან ავტომობილი, რომლითაც მძევლებთან ერთად უსაფრთხოდ დატოვებს შენობას.

მძევლის თქმით, ტელეკომპანიას თავდამსხმელის მითითებით ჩაერთო. კვარაცხელიას თქმით, ოთახში მძევლად 19 ადამიანია აყვანილი და შეიარაღებული თავდამსხმელი „კბილებამდე შეიარაღებულია, ხელყუმბარა აქვს გახსნილი და ისე გადადგილდება, თუმცა მისი ინტერესი არაა ვინმეს დაშავება და უნდა, რომ ყველაფერი მოლაპარაკებით დასრულდეს“.

მძევლის თქმით, როდესაც თავდამსხმელი თანხას მიიღებს, შენობიდან ან ვერტმფრენით წავა, ან მძევლებთან ერთად გავა. შესაბამის ორგანოებს მოთხოვნების შესასრულებლად თავდამსხმელი 2 საათს აძლევს.

დღეს ზუგდიდში, გამსახურდიას ქუჩაზე მდებარე „საქართველოს ბანკის" ფილიალზე შეიარაღებული თავდასხმა მოხდა.

გავრცელებული ინფორმაციით, შეიარაღებულ პირს მძევლად ჰყავს აყვანილი როგორც ბანკის თანამშრომლები, ისე ბანკში მყოფი რიგითი მოქალაქეები.

შემთხვევის ადგილზე მობილიზებულია საპატრულო პოლიციისა და სპეციალური დანიშნულების რაზმები. სპეცოპერაცია ზუგდიდის ცენტრში ამ დრომდე გრძელდება. პოლიციამ მიმდებარე ტერიტორიიდან ადამიანების ევაკუაცია განახორციელა.

შსს-მ განცხადება გაავრცელა და აღნიშნა, რომ მომხდარ ფაქტზე გამოძიება სისხლის სამართლის კოდექსის 179-ე, 236-ე და 144-ე მუხლებით დაიწყო. უწყების ცნობით, ბანკში შეიარაღებული პირის შეჭრის შესახებ შეტყობინება შინაგან საქმეთა სამინისტროში 14:21 საათზე შევიდა. პოლიციის თანამშრომლებმა მყისიერი რეაგირების რეჟიმში შემოსაზღვრეს შემთხვევის ადგილის მიმდებარე ტერიტორია და დაიწყო დამნაშავის გაუვნებელყოფის ოპერაცია.

252
სპეცოპერაცია ზუგდიდში

ზუგდიდში თავდამსხმელმა მძევლად აყვანილი კიდევ ორი პირი გაათავისუფლა

0
ამ დროისთვის შემთხვევის ადგილზე მობილიზებული არიან სამართალდამცველები მიმდინარეობს დამნაშავის გაუვნებელყოფის ოპერაცია.

თბილისი, 21 ოქტომბერი - Sputnik. ზუგდიდში „საქართველოს ბანკზე“ თავდამსხმელმა კიდევ ორი მძევალი გაათავისუფლა.

ამ დროისთვის ზუგდიდში იმყოფება შინაგან საქმეთა მინისტრი ვახტანგ გომელაური, რომელიც უშუალოდ არის ჩართული საპოლიციო მოქმედებებში.

მანამდე თავდამსხმელმა ეტაპობრივად ხუთი მძევალი გაათავისუფლა, მათ შორის ორსული ქალი.

რამდენიმე საათის წინ ზუგდიდში, ზვიად გამსახურდიას გამზირზე მდებარე „საქართველოს ბანკის“ ფილიალზე თავდასხმა მოხდა. შეიარაღებულ პირს მძევლად ოცამდე ადამიანი – ბანკის თანამშრომლები და კლიენტები ჰყავს აყვანილი.

გავრცელებული ინფორმაციით, თავდამსხმელი 500 ათას დოლარს და შენობიდან უსაფრთხოდ გასვლას ითხოვს.

შემთხვევის ადგილზე მობილიზებულია საპატრულო პოლიციისა და სპეციალური დანიშნულების რაზმები. სპეცოპერაცია ზუგდიდის ცენტრში ამ დრომდე გრძელდება. პოლიციამ მიმდებარე ტერიტორიიდან ადამიანების ევაკუაცია განახორციელა.

0
თემები:
კრიმინალი საქართველოში