მედიკოსები დამცავ კოსტიუმებში

პროტოკოლში ცვლილებები შევა: რატომ ჩერდება პოლიციელებისა და მძღოლების Covid-19-ზე ტესტირება

164
(განახლებულია 17:16 02.10.2020)
გამყრელიძის ინფორმაციით, კვლევები გაფართოვდება იმ სფეროს წარმომადგენლებზე, რომლებიც ეპიდსიტუაციის გართულებასთან ერთად მეტი რისკის ქვეშ არიან

თბილისი, 2 ოქტომბერი - Sputnik. პოლიციელებისა და სამოქალაქო ტრანსპორტის მძღოლების კორონავირუსზე ტესტირება, შესაძლოა, გარკვეული პერიოდი შეჩერდეს, განაცხადა  დაავადებათა კონტროლის ეროვნული ცენტრის ხელმძღვანელმა ამირან გამყრელიძემ საკოორდინაციო საბჭოს დასრულების შემდეგ.

გამყრელიძის ინფორმაციით, კორონავირუსზე ტესტირების პროტოკოლებში გარკვეული ცვლილებები შედის, კერძოდ, კვლევები გაფართოვდება იმ სფეროს წარმომადგენლებზე, რომლებიც ეპიდსიტუაციის გართულებასთან ერთად მეტი რისკის ქვეშ არიან.

რაც შეეხება პოლიციელებსა და საზოგადოებრივი ტრანსპორტის მძღოლებს, მათთან ინფექციის აღმოჩენის თითქმის ნულოვანი მაჩვენებელია, ამიტომ გამყრელიძის განცხადებით, მათი ტესტირება, შესაძლოა, გარკვეული პერიოდით შეჩერდეს.

„ჩვენ დიდი რაოდენობით ვტესტავთ ჩვენთვის საპატივცემულო პოლიციელებს და იქ გვაქვს თითქმის ნულოვანი აღმოჩენის მაჩვენებელი. შესაძლებელია, შემოდგომაზე გარკვეული პერიოდით შევაჩეროთ ეს და ჩავანაცვლოთ მაღალი რისკით, ჩვენი სამედიცინო კოლეგებით. ასევე, თითქმის არ გვქონია არც ერთი შემთხვევა სამოქალაქო ტრანსპორტის მძღოლების. ამაზე ვფიქრობთ, მაგრამ ჯერ გადაწყვეტილება არ არის მიღებული“, – განაცხადა ამირან გამყრელიძემ.

საქართველოში კორონავირუსით კიდევ სამი პაციენტი გარდაიცვალა>>

დაავადებათა კონტროლის ეროვნული ცენტრის ხელმძღვანელის ინფორმაციით, პარალელურად  გაფართოვდება სამედიცინო სფეროს წარმომადგენლების კორონავირუსზე ტესტირება.

„ეპიდსიტუაციის გართულებასთან დაკავშირებით დღეს მეტი ტვირთი გადადის ჩემ კოლეგებზე და სამედიცინო სექტორზე. ჩვენ ვტესტავდით კოვიდკლინიკების თანამშრომლებს, ვტესტავდით რეანიმაციებისა და ინტენსიური თერაპიის თანამშრომლებს და ა.შ. უფრო უპრიანია, ეს სფერო კიდევ უფრო გაფართოვდეს, ამაზე ვმუშაობთ და ალბათ შესაბამისი ცვლილებები შევა მთავრობის დადგენილებაში ამ საკითხთან დაკავშირებით“, – განაცხადა  გამყრელიძემ.

საქართველოში ახალი კორონავირუსით დაავადებულთა რაოდენობა ბოლო დღე-ღამეში კვლავ რეკორდულად, 453-ით გაიზარდა და 7093-ს მიაღწია.

ენდელაძე: კორონავირუსის შემთხვევების უმეტესობა აჭარას უკავშირდება>>

ამ დროისათვის სულ გამოჯანმრთელდა 3714 ადამიანი (გამოჯანმრთელებულთა რაოდენობას ბოლო 24 საათში დაემატა 295), გარდაიცვალა 46.

საქართველოში კორონავირუსის პირველი შემთხვევა 26 თებერვალს დაფიქსირდა.

164
თემები:
COVID-19 საქართველოში (2243)
ია ფარულავა

„კატების შემოტევა...“ - ია ფარულავას თავს საკუთარი კატა დაესხა - მსახიობი ფოტოს აქვეყნებს

18
(განახლებულია 12:09 30.10.2020)
ია ფარულავას კატებისადმი სიყვარული ცნობილია. მსახიობი ამჟამად სამ კატას უვლის. უცნობია რომელი მათგანი დაესხა თავს მსახიობს

მსახიობი ია ფარულავა „ინსტაგრამის“ „სთორიში“ ვიდეოს აქვეყნებს, სადაც უჩანს, როგორი დაკაწრული აქვს ხელი. მსახიობი ამბობს, რომ თავს საკუთარი კატა დაესხა.

ია ფარულავას კატებისადმი სიყვარული ცნობილია. მსახიობი ამჟამად სამ კატას უვლის. მისი ერთ-ერთი კატა ზუზი, რამდენიმე წლის წინ ყვითელი პრესის ყურადღების ქვეშაც კი მოექცა. მაშინ ამბობდნენ, რომ ზუზი იას მეუღლის, ტარიელ სუარის მიზეზით დაიკარგა, რომელმაც ვერაფრით შეიყვარა იას ოთხფეხა მეგობარი.

View this post on Instagram

#cats #catsofinstagram

A post shared by Ia Parulava (@ia_parulava) on

გახმაურებული კინოფილმის შემდეგ ია ფარულავას ცხოვრება რადიკალურად შეიცვალა. ყველას ახსოვს ის ცნობილი კადრი ფილმიდან „სიყვარული ვენახში“. ია ფარულავას ამჟამად ტელეკომპანია „რუსთავი 2“-ის ეთერში შოუ „ფარული კონვერტი“ მიჰყავს.

View this post on Instagram

A post shared by Ia Parulava (@ia_parulava) on

ია ფარულავა სამჯერ იყო გათხოვილი. პირველად პატარა ასაკში გათხოვდა, მისი მეუღლე რამაზ ჩანტლაძე იყო. ცოლ-ქმარს ურთიერთობა არ აეწყო, რამაზი ძალიან ეჭვიანი იყო და ზოგჯერ მსახიობს ფიზიკურადაც უსწორდებოდა, რის გამოც მათი ოჯახი დაინგრა. შემდეგ ია საცხოვრებლად და სამუშაოდ ამერიკაში წავიდა, სადაც ჟურნალისტ კის რაიზერზე იქორწინა, მაგრამ მოულოდნელად საქართველოში დაბრუნების გადაწყვეტილება მიიღო.

18
თემები:
სელებრითების ცხოვრება
ილია მეორე

საპატრიარქოს გადაწყვეტილება: სად გააკეთებს პატრიარქი საკუთარ არჩევანს

14
(განახლებულია 15:49 30.10.2020)
გავრცელებული ინფორმაციით,  საუბნო საარჩევნო კომისიის წევრები გადასატან ყუთს საპატრიარქოში მიიტანენ.

 

თბილისი, 30 ოქტომბერი – Sputnik. საქართველოს კათოლიკოს-პატრიარქი ილია მეორე  საქართველოს საპარლამენტო არჩევნებზე ხმას გადასატანი ყუთის მეშვეობით მისცემს, იუწყება ქართული მედია.

როგორც საქართველოს საპატრიარქოში განმარტავენ, აღნიშნული გადაწყვეტილება ქვეყანაში შექმნილი ეპიდვითარებიდან გამომდინარე იქნა მიღებული.

გავრცელებული ინფორმაციით,  საუბნო საარჩევნო კომისიის წევრები გადასატან ყუთს საპატრიარქოში მიიტანენ.

საქართველოს საპარლამენტო არჩევნები 31 ოქტომბერს ტარდება, რომელშიც 48 პარტია და ორი ბლოკი მონაწილეობს.

14
თემები:
საქართველოს საპატრიარქო
ოპოზიციის აქცია

ვის წინააღმდეგ ვმეგობრობთ? ოპოზიციური პარტიების ლიდერებმა მემორანდუმი გააფორმეს

0
(განახლებულია 16:21 30.10.2020)
დოკუმენტზე ხელმოწერით ოპოზიციამ თავის თავზე აიღო ვალდებულება, არ შევიდეს კოალიციაში და არ ითანამშრომლოს „ქართულ ოცნებასთან“

თბილისი, 30 ოქტომბერი – Sputnik. რიგი ოპოზიციური პარტიების წარმომადგენლებმა ხელი მოაწერეს მემორანდუმს, რომლითაც აიღეს ვალდებულება, რომ არ ითანამშრომლონ და არ შევიდნენ კოალიციაში მმართველ პარტია „ქართულ ოცნებასთან“.

მემორანდუმს „ლეიბორისტული პარტიის“ ოფისში ხელი მოაწერეს „ევროპული საქართველოს“, გირჩის, „ერთიანი საქართველო – დემოკრატიული მოძრაობის“, სტრატეგია აღმაშენებლის“, „რესპუბლიკური პარტიისა“ და და სხვა პოლიტიკური ძალების ლიდერებმა.

როგორც „ევროპული საქართველოს“ წევრმა ლევან თარხნიშვილმა ჟურნალისტებს განუცხადა, შეკრებილი პარტიები არ შევლენ „ქართულ ოცნებასთან“ კოალიციაში და „ოცნება“ მარტო დარჩება. მეორე გზავნილია ის, რომ ოპოზიციურ პარტიებს შორის არსებული უთანხმოებების მიუხედავად, ისინი შეძლებენ ისაუბრონ ფუნდამენტურ საკითხებზე არჩევნების შემდეგ, როდესაც ბიძინა ივანიშვილისა და „ქართული ოცნების“ მმართველობა დასრულდება.

 „სტრატეგია აღმაშენებლის“ ლიდერის გიორგი ვაშაძის განცხადებით, ამ ღონისძიებას სიმბოლური დატვირთვა აქვს, რადგან, მისი აზრით, ძნელი წარმოსადგენია, რომ ზემოთ ჩამოთვლილი პარტიებიდან რომელიმე კოალიციურ კავშირში შევიდეს „ქართულ ოცნებასთან“.

არჩევნები 2020: ოპოზიციურმა კანდიდატებმა თბილისში საინტერესო შეთანხმება დადეს>>

„ლეიბორისტულმა პარტიამ“ თავისი ოფისი არჩევნების წინ ოპოზიციური პარტიების ლიდერებს შესახვედრად არაერთხელ დაუთმო.

საპარლამენტო არჩევნები 31 ოქტომბერს ჩატარდება. მასში მონაწილეობს 48 პარტია და ორი ბლოკი.

0
თემები:
საქართველოს საპარლამენტო არჩევნები 2020