მტრედი

„ერთი თვე არავის მოუნახულებია მოხუცი, დღეს კი მასთან მტრედი მოფრინდა“ - ფოტო კლინიკიდან

473
(განახლებულია 22:55 01.10.2020)
სოციალურ ქსელში პოპულარულია ფოტო, რომელიც სოციალური ქსელის მომხმარებლებმა ღვთისგან მოვლენილ სასწაულად ჩათვალეს

თბილისი, 2 ოქტომბერი – Sputnik. მოსკოვში მცხოვრები ლამზირა მინაშვილი სოციალურ ქსელში ფოტოს ავრცელებს და იმ სასწაულლზე წერს, რომელიც ერთ-ერთ კლინიკაში მოხდა.

ქალი წერს, რომ ფოტო ექთანმა გადაიღო, რომელმაც თქვა, რომ მტრედი იმ მოხუცთან მიფრინდა, რომელიც კლინიკაში თვეზე მეტია წევს და მასთან მნახველები არ დადიან.

„მეც გაოგნებული ვარ, საოცრება არ ხდებაო არავინ თქვას“, - წერს ლამზირა მინაშვილი.

სოციალური ქსელის მომხმარებლები ამ შემთხვევას ღმერთისგან მოვლენილ სასწაულად მიიჩნევენ.

473
ბათუმის სტადიონი

საქართველოს ფეხბურთის ფედერაცია ახალი სტადიონების გახსნას გეგმავს

20
(განახლებულია 09:25 26.10.2020)
ამ  დროისთვის რამდენიმე სტადიონის მშენებლობა მიმდინარეობს – ვაკეში, სპორტის აკადემიის ტერიტორიაზე, ნუცუბიძის პლატოზე და დიდ დიღომში

 

თბილისი, 26 ოქტომბერი – Sputnik. ქართული ფეხბურთის მომავლისთვის აუცილებელია ახალი სტადიონების არამარტო თბილისში, არამედ ქვეყნის რეგიონებშიც გახსნა, განაცხადა საქართველოს ფეხბურთის ფედერაციის (სფფ) პრეზიდენტმა ლევან კობიაშვილმა. 

მისი თქმით, დედაქალაქის ცენტრალურ რაიონებსა და მის შემოგარენში უკვე ხორციელდება კონკრეტული პროექტები. მშენებლობას აფინანსებს სფფ და ფიფა.

განხორციელებულ პროექტებს შორისაა გლდანსა და ვარკეთილში საფეხბურთო ცენტრები.

„ჩვენი მიზანია რაც შეიძლება მეტი ასეთი პროექტის განხორციელება, რათა იყოს მეტი სტადიონი, რომელზეც უფრო მეტი ბავშვი ივარჯიშებს, ვიდრე დღეს. ჩვენ უკვე ვახორციელებთ კონკრეტულ პროექტებს ვაკეში, სპორტის აკადემიის სტადიონის ტერიტორიაზე, ნუცუბიძის პლატოზე და დიდ დიღომში“, – განაცხადა კობიაშვილმა პირველი არხის ეთერში.

მომავალ კვირაში დაგეგმილია სპორტის აკადემიის სტადიონის გახსნა.

ზაფხულში დასრულდა ბათუმის ცენტრალური სტადიონის მშენებლობა.  უეფას IV კატეგორიის სტანდარტებით აშენებული არენა 20000 მაყურებელზეა გათვლილი.

ახალი სტადიონის საძირკველი 2018 წლის დასაწყისში ჩაიყარა. პროექტის ღირებულება თითქმის 100 მილიონ დოლარს შეადგენს. სტადიონი მდებარეობს ბათუმის ცენტრალურ ადგილას, ყოფილი მანქანათმშენებელი ქარხნის ტერიტორიაზე.

20
თემები:
სპორტის ამბები
გადასატანი ყუთი

ცესკო: გადასატანი საარჩევნო ყუთის მიტანა 900-მდე ამომრჩეველმა მოითხოვა

287
თვითიზოლაციაში მყოფი ამომრჩევლები, რომელთა მონაცემებიც ოფიციალურად ფიქსირდება შესაბამისი უწყების მონაცემთა ბაზაში, გადასატანი საარჩევნო ყუთის მომსახურებით მხოლოდ ცესკოს სატელეფონო-საინფორმაციო ცენტრისთვის მომართვის შემთხვევაში ისარგებლებენ.

თბილისი, 25 ოქტომბერი – Sputnik. გადასატანი საარჩევნო ყუთის მოთხოვნით ცენტრალური საარჩევნო კომისიის სატელეფონო-საინფორმაციო ცენტრს უკვე 900-მდე ამომრჩეველმა მიმართა, თუმცა ზარების გარკვეული რაოდენობა გადასატანი ყუთის სიაში შეყვანის კრიტერიუმებს არ შეესაბამებოდა, ნათქვამია ცენტრალური საარჩევნო კომისიის მიერ გავრცელებულ ინფორმაციაში.

საარჩევნო კომისიის ცნობით, იმისათვის, რომ თვითიზოლაციაში მყოფმა იმ საქართველოს მოქალაქეებმა, რომელთა მონაცემებიც ოფიციალურად ფიქსირდება შესაბამისი უწყების მონაცემთა ბაზაში, შეძლონ არჩევნებში მონაწილეობის მიღება, მეორე დღეა  სატელეფონო-საინფორმაციო ცენტრი მოქმედებს.

თვითიზოლაციაში მყოფი მოქალაქეების ზარებს სატელეფონო ცენტრში დილის 10:00 საათიდან 22:00 საათამდე სპეციალურად გადამზადებული 25 ოპერატორი პასუხობს.

„თვითიზოლაციაში მყოფი ამომრჩევლების მაქსიმალურად ინფორმირების მიზნით, საარჩევნო ადმინისტრაციამ აწარმოა აქტიური საინფორმაციო კამპანია. ამ დრომდე, ცესკომ შესაბამისი უწყების მონაცემთა ბაზაში საკონტაქტო ინფორმაციის მითითებით რეგისტრირებულ 3000-მდე ამომრჩეველს გაუგზავნა სატელეფონო შეტყობინებები და გრძელდება სმს-ების დაგზავნის პროცესი აღნიშნულ ყველა მოქალაქესთან“, - ნათქვამია ცესკოს ინფორმაციაში.

ამასთან, როგორც რეგიონულ და ადგილობრივ მედიაში, ისე სოციალური ქსელების საშუალებით ვრცელდება საინფორმაციო ვიდეორგოლები თვითიზოლაციაში მყოფი ამომრჩევლების ინფორმირებისთვის.

საპარლამენტო არჩევნებში მონაწილეობის მიღებას ასევე შეძლებენ სტაციონარულ სამკურნალო დაწესებულებებში მყოფი კორონავირუსით ინფიცირებული ამომრჩევლებიც.

31 ოქტომბრის არჩევნებზე ამ დაწესებულებებში გადასატან ყუთს სპეციალურად შექმნილი კომისიის წევრები მიიტანენ.

სპეციალურ ჯგუფების წევრებს ჩვეულებრივ საარჩევნო უბნებთან ფიზიკური კონტაქტი არ ექნებათ. ხმების დათვლა კი განხორციელდება ცალკე, სპეციალურად შექმნილ საარჩევნო უბნებში.

საპარლამენტო არჩევნები საქართველოში 31 ოქტომბერს გაიმართება. არჩევნებში მონაწილეობას იღებს 48 პარტია და 2 ბლოკი. ამომრჩევლებს მოუწევთ 150 დეპუტატის არჩევა – 120 აირჩევა პროპორციული სისტემით, ხოლო 30 – მაჟორიტარულით.

საქართველოში არჩევნები პანდემიის პირობებში პირველად ტარდება.

ბოლო მონაცემებით, საქართველოში ახალი კორონავირუსით დაავადებულთა რაოდენობამ 28431-ს მიაღწია. ამ დროისთვის კარანტინის რეჟიმში იმყოფება 4112, სტაციონარებში ექიმების დაკვირვების ქვეშ 3766 პაციენტია, ხოლო კოვიდ–სასტუმროებში- 2268 ადამიანი.

საქართველოში კორონავირუსის პირველი შემთხვევა 26 თებერვალს დაფიქსირდა.

287
თემები:
საქართველოს საპარლამენტო არჩევნები 2020
ელიავას ბაზრობა

როგორ შეიცვალა ფასები სამრეწველო პროდუქციაზე

0
(განახლებულია 09:33 26.10.2020)
ერთ წელიწადში ფასები ძირითადად გადამამუშავებელი და სამთო მრეწველობის, ასევე კვების პროდუქტებზე გაიზარდა.

თბილისი, 26 ოქტომბერი – Sputnik. 2020 წლის სექტემბერში სამრეწველო პროდუქციის მწარმოებელთა ფასების ინდექსი, 2019 წლის ანალოგიურ პერიოდთან შედარებით, 5,9%-ით გაიზარდა, ნათქვამია საქართველოს სტატისტიკის ეროვნული სამსახურის „საქსტატის“ მასალებში. 

ინდექსის ფორმირებაზე ძირითადად გავლენა იქონია ფასების ზრდამ გადამამუშავებელ მრეწველობაში – 4,8%-ით, მათ შორის, კვების პროდუქტებზე – 8,1%-ით და სამთო-მომპოვებელ მრეწველობაში – 19,6%-ით.

აგვისტოსთან შედარებით, სექტემბერში სამრეწველო პროდუქციაზე ფასები 1,9%-ით გაიზარდა.

ადგილობრივი წარმოება

სექტემბერში, 2019 წლის ანალოგიურ პერიოდთან შედარებით, საქართველოში წარმოებულ პროდუქციაზე ფასები 4,8%-ით გაიზარდა.

ყველაზე მეტად ფასები გაიზარდა გადამამუშავებელ მრეწველობაში – 5,7%-ით, მათ შორის კვების პროდუქტებზე – 5,5%-ით.

ექსპორტი და იმპორტი

ექსპორტზე გატანილი სამრეწველო პროდუქციის ფასების ინდექსი სექტემბერში, გასული წლის ანალოგიურ პერიოდთან შედარებით, 8,1%-ით გაიზარდა. 

სამთო-მომპოვებელი მრეწველობის პროდუქციაზე ფასები 34,8%-ით გაიზარდა. გადამამუშავებელი მრეწველობის ექსპორტირებულ პროდუქციაზე ფასები გაიზარდა 4,2%-ით, მათ შორის კვების პროდუქტებზე – 13,1%-ით, ლითონის ნაკეთობაზე – 1,9%-ით.

საქართველოში იმპორტირებულ სამრეწველო პროდუქციაზე ფასები საანგარიშო პერიოდში 3,4%-ით გაიზარდა. ამასთან გადამამუშავებელი მრეწველობის იმპორტირებული პროდუქცია 3,4%-ით გაძვირდა.

სამომხმარებლო ფასები

სექტემბერში ინფლაციის წლიურმა დონემ 3,8% შეადგინა (მიზნობრივი მაჩვენებელი 3%-ს შეადგენს). სურსათზე ფასები 6,3%-ით გაიზარდა. ექსპერტები ფასების ზრდას კორონავირუსის პანდემიით გამოწვეულ კრიზისს უკავშირებენ.

სექტემბრიდან ეროვნულმა ბანკმა მონეტარული პოლიტიკა გაამკაცრა გაცვლითი კურსის დაცემის შემდეგ ინფლაციაზე ზეწოლის განეიტრალების მიზნით. რეფინანსირების განაკვეთი ამ პერიოდში 6,5%-დან 9%-მდე გაიზარდა. თუმცა, კორონავირუსის პანდემიისგან გამოწვეული კრიზისის დაწყების შემდეგ მონეტარული პოლიტიკის განაკვეთი ეტაპობრივად 8%-მდე შემცირდა.

0
თემები:
საქართველოს ეკონომიკა