ამირან გამყრელიძე

გამყრელიძე: აუცილებელია კვლავ გავააქტიუროთ კამპანია „დარჩი სახლში“

742
(განახლებულია 22:20 01.10.2020)
საქართველოში ინფიცირების დღეღამური მაჩვენებელი ყოველდღიურად იზრდება. ბოლო 24 საათში ახალი შემთხვევების რაოდენობა 448–ით გაიზარდა.

თბილისი, 1 ოქტომბერი  — Sputnik.  სლოგანი „დარჩი სახლში“ სასურველია ქვეყნის ყველა მსხვილ ქალაქში კვლავ ამოქმედდეს, განაცხადა დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელმა ამირან გამყრელიძემ.

საქართველოში კორონავირუსით ინფიცირებულთა საერთო რაოდენობამ 6640–ს მიაღწია, გამოჯანმრთელდა 3419, გარდაიცვალა 41 პაციენტი. 

„აჭარის შემდეგ, ყველაზე დიდ ყურადღებას  იმერეთის რეგიონის მიმართ ვიჩენთ,  სადაც დღეს  96 შემთხვევა  დაფიქსირდა და, რა თქმა უნდა, განსაკუთრებული სიფრთხილით ვეკიდებით თბილისში ფართომასშტაბიანი პრევენციული ღონისძიებების გატარებას“, – განაცხადა გამყრელიძემ.

მან კიდევ ერთხელ გაამახვილა ყურადღება აჭარაში შემოღებულ შეზღუდვებზე –  აკრძალულია საქალაქთაშორისო და მუნიციპალუტი რტანსპორტის მოძრაობა, კაფე–რესტორნები 22:00 საათამდე მუშაობენ.

 „აჭარაში ასევე მოქმედებს სლოგანი ხანდაზმულებისთვის – განსაკუთრებული აუცილებლობის გარდა  „დავრჩეთ სახლში“.   ეს სლოგანი უკვე სასურველია, რომ ავამოქმედოთ ყველა დიდ ქალაქში“, – განაცხადა გამყრელიძემ.

საქართველოში კორონავირუსით კიდევ ერთი პაციენტი გარდაიცვალა>>>

ამასთან, აღსანიშნავია ღია სივრცეში სოციალური დისტანციის დაცვა. თუ მისი დაცვა შეუძლებელია, მაშინ აუცილებელია პირბადის ტარება.

 „გამომდინარე იქიდან, რომ ეპიდემია ყველგან და, მათ შორის, ჩვენთანაც ძალებს იკრებს, სასურველია, რომ უფრო გაფართოებული და ინტენსიური პრევენციული ღონისძიებები გავატაროთ.  ძირითადად ეს არის პირბადის გამოყენება, რადგანაც უკვე დამტკიცებულია, რომ პირბადე არის ყველაზე მძლავრი იარაღი დაავადების გავრცელების პრევენციისთვის. ამიტომ, ჩვენ პირბადე უნდა გამოვიყენოთ დახურულ შენობაში, ღია სივრცეში, სადაც დისტანციის დაცვა ვერ ხერხდება“, – აღნიშნა გამყრელიძემ.

საქართველოში ინფიცირების დღეღამური მაჩვენებელი ყოველდღიურად იზრდება. ბოლო 24 საათში ახალი შემთხვევების რაოდენობა 448–ით გაიზარდა.

742
თემები:
COVID-19 საქართველოში (2189)
თბილისი

COVID-19 საქართველოში: რამდენი შემთხვევა გამოვლინდა ბოლო დღე-ღამეში

0
(განახლებულია 11:04 26.10.2020)
ამ დროისათვის სულ გამოჯანმრთელდა 11370 ადამიანი, გარდაიცვალა – 215, კარანტინის რეჟიმში იმყოფება 3769, სტაციონარებში ექიმების დაკვირვების ქვეშ 3832 პაციენტია, ხოლო კოვიდ–სასტუმროებში  2249 ადამიანი იმყოფება.

თბილისი, 26 ოქტომბერი – Sputnik. საქართველოში ახალი კორონავირუსით დაავადებულთა რაოდენობა ბოლო დღე-ღამეში 1872-ით გაიზარდა და საერთო რიცხვმა 30303-ს მიაღწია, აღნიშნულია საქართველოს მთავრობის სპეციალურ ვებ-გვერდზე stopcov.ge.

ამ დროისათვის სულ გამოჯანმრთელდა 11370 ადამიანი, გარდაიცვალა – 215, კარანტინის რეჟიმში იმყოფება 3769, სტაციონარებში ექიმების დაკვირვების ქვეშ 3832 პაციენტია, ხოლო კოვიდ–სასტუმროებში  2249 ადამიანი იმყოფება.

ასევე კორონავირუსის დიაგნოზით უცხოეთიდან სამშობლოში გადმოყვანილია საქართველოს 41 მოქალაქე, მათ შორის 38 – სამხედრო მოსამსახურე.

საქართველოში კორონავირუსის პირველი შემთხვევა 26 თებერვალს დაფიქსირდა.

0
თემები:
COVID-19 საქართველოში (2189)
სასწრაფო დახმარება

საქართველოში კორონავირუსით ექიმი გარდაიცვალა

27
ბოლო მონაცემებით, საქართველოში ახალი კორონავირუსით დაავადებულთა რაოდენობამ 28431 -ს მიაღწია. სულ გამოჯანმრთელდა 10767 ადამიანი

 

თბილისი, 26 ოქტომბერი - Sputnik. თბილისში, კლინიკა „ჯერარსში"  კორონავირუსით ექიმი გარდაიცვალა, იუწყება ტელეკომპანია „რუსთავი“.

კლინიკის ინფორმაციით, მედპერსონალი მათი თანამშრომელი არ არის და ის ერთ-ერთი რეგიონიდან უმძიმეს მდგომარეობაში გადმოიყვანეს.

გავრცელებული ინფორმაციით, გარდაცვლილი „სასწრაფო დახმარების“ ექიმია. სხვა დეტალები ამ დროისთვის უცნობია.

ბოლო მონაცემებით, საქართველოში ახალი კორონავირუსით დაავადებულთა რაოდენობამ 28431 -ს მიაღწია. სულ გამოჯანმრთელდა 10767 ადამიანი, გარდაიცვალა – 201, კარანტინის რეჟიმშია 4112, სტაციონარებში ექიმების დაკვირვების ქვეშ 3766 პაციენტია, ხოლო კოვიდ–სასტუმროებში 2268 ადამიანი იმყოფება.

საქართველოში კორონავირუსის პირველი შემთხვევა 26 თებერვალს დაფიქსირდა.

27
თემები:
COVID-19 საქართველოში (2189)