თბილისი, 1 ოქტომბერი – Sputnik. საქართველოში კორონავირუსით გარდაცვლილ პაციენტთა რაოდენობა 40-მდე გაიზარდა.
გავრცელებული ინფორმაციით, გარდაიცვალა 81 წლის მამაკაცი, რომელიც ბათუმის რესპუბლიკურ საავადმყოფოში მკურნალობდა. მას აღენიშნებოდა თანხმლები დაავადებები, ორმხრივი პნევმონია.
საქართველოში ახალი კორონავირუსით დაავადებულთა რაოდენობა ბოლო დღე-ღამეში რეკორდულად, 448-ით გაიზარდა და 6640-ს მიაღწია, აღნიშნულია საქართველოს მთავრობის სპეციალურ ვებ-გვერდზე stopcov.ge.
ამ დროისათვის სულ გამოჯანმრთელდა 3419 ადამიანი, გარდაიცვალა – 39, კარანტინის რეჟიმში იმყოფება 5 392, სტაციონარებში ექიმების დაკვირვების ქვეშ 836 პაციენტია, ხოლო კოვიდ–სასტუმროებში 1 100 ადამიანი იმყოფება.
ასევე კორონავირუსის დიაგნოზით უცხოეთიდან სამშობლოში გადმოყვანილია საქართველოს 41 მოქალაქე, მათ შორის 38 – სამხედრო მოსამსახურე.
საქართველოში კორონავირუსის პირველი შემთხვევა 26 თებერვალს დაფიქსირდა.
