საპატრულო პოლიცია

მარნეულში „ქართული ოცნების“ შტაბის წევრს თავს დაესხნენ

65
(განახლებულია 16:34 30.09.2020)
მარნეულში სიტყვიერი და  ფიზიკური დაპირისპირება „ქართული ოცნება - დემოკრატიული საქართველოსა“ და „ერთიანი ნაციონალური მოძრაობის“ აქტივისტებს შორის გუშინაც მოხდა.

თბილისი, 30 სექტემბერი – Sputnik. მარნეულის მუნიციპალიტეტში მმართველი პარტია „ქართული ოცნება - დემოკრატიული საქართველოს“ ადგილობრივი შტაბის წევრს თემურ შუბითიძეს თავს დაესხნენ, იუწყება საზოგადოებრივი მაუწყებლის „პირველი არხი“.

შემთხვევა დღეს, დილით მოხდა.

გავრცელებული ინფორმაციით, უცნობმა პირებმა თემურ შუბითიძის ავტომობილს თავისი მანქანა განზრახ დააჯახეს და შემდეგ მას ფიზიკურად გაუსწორდნენ. დაშავებული შუბითიძე სამედიცინო კლინიკაშია გადაყვანილი, სადაც გამოკვლევები უტარდება.  

მარნეულში სიტყვიერი და  ფიზიკური დაპირისპირება გუშინაც მოხდა. „ქართული ოცნება - დემოკრატიული საქართველოსა“ და „ერთიანი ნაციონალური მოძრაობის“ აქტივისტებს შორის დაპირისპირების შედეგად დაშავდა რამდენიმე ადამიანი, მათ შორის მასმედიის წარმომადგენლები.

მარნეულში მომხდარ ფიზიკურ დაპირისპირებასა და ძალადობის წახალისებაში ოპოზიცია „ქართულ ოცნებას" ადანაშაულებს. მმართველი გუნდის წევრების განცხადებით კი ხელისუფლების ოპონენტები წინასაარჩევნოდ მიზანმიმართული პროვოკაციებით დაკავდნენ.

„ჩვენი ოპონენტები სწორედ ამ პროვოკაციების ხარჯზე ცდილობენ თავიანთი მარცხის გადაფარვას. წინასაარჩევნო პერიოდში, იცით, რომ საერთაშორისო საზოგადოების ყურადღება ჩვენი ქვეყნისკენაა მომართული. ხელისუფლების ინტერესშია, რომ პროცესი იყოს მშვიდობიანი, მათი მთავარი ამოცანა კი მშვიდობიანი საარჩევნო გარემოს დაზიანებაა", – განაცხადა მმართველი გუნდის წევრმა ირაკლი სესიაშვილმა.

ამ დროისათვის შემთხვევის ადგილზე საპატრულო და კრიმინალური პოლიციის თანამშრომლები მუშაობენ.

მომხდარ ფაქტთან დაკავშირებით გამოძიება 126-ე მუხლით მიმდინარეობს, რაც ძალადობას გულისხმობს.

65
თემები:
საქართველოს პოლიტიკური ცხოვრება (167)
თელასი

„თელასი": თბილისის რომელ უბნებს შეეზღუდება ელექტროენერგიის მიწოდება 20 ოქტომბერს

11
(განახლებულია 18:07 19.10.2020)
გეგმიური სარემონტო სამუშაოების გამო დედაქალაქის სხვადასხვა უბნებში ელექტროენერგიის მიწოდება დროებით შეიზღუდება.

თბილისი, 20 ოქტომბერი — Sputnik. სააქციო საზოგადოება „თელასი" იუწყება, რომ 20 ოქტომბერს გეგმიური სარემონტო სამუშაოების გამო დედაქალაქში ელექტროენერგიის მიწოდება შეიზღუდება.

გლდანის რაიონი

11:00 საათიდან 17:00 საათამდე შეზღუდვა შეეხება: ქერჩოს და იპოლიტოვ-ივანოვის ქუჩების მოსახლეობას.

საბურთალოს რაიონი

11:00 საათიდან 18:00 საათამდე შეზღუდვა შეეხება: ვაშლიჯვრის დასახლების, გელოვანის გამზირის, გელოვანის, გოძიაშვილის, იასამნის და ბროწეულის ქუჩების მოსახლეობას.

ისნის რაიონი

11:00 საათიდან 18:00 საათამდე შეზღუდვა შეეხება: დიმიტრი გულიას, რიჩარდ ჰოლბრუკის, იორის და იუნკერთა ქუჩების მოსახლეობას.

კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.

11
თემები:
თბილისი დღეს
ფოტოლენტა

საქართველოში ახალი საგანმანათლებლო პროექტი „ისტორია–კინო–ისტორია“ ჩაეშვა

15
(განახლებულია 08:32 20.10.2020)
პლატფორმის პრაქტიკაში გამოყენება მოხდება პროექტის პარტნიორ ყველა ქვეყანაში, მათ შორის საქართველოშიც, პროექტ „კინოსკოლის“ ფარგლებში.

თბილისი, 20 ოქტომბერი – Sputnik.  საქართველოში ახალი საგანმანათლებლო პროექტი „ისტორია–კინო–ისტორია“ დაიწყო, რომელიც ხელს შეუწყობს ისტორიის კინოჩვენებების დახმარებით შესწავლას, იუწყება საქართველოს კინემატოგრაფის ეროვნული ცენტრი. 

წელს ეროვნული კინოცენტრის პროექტმა მედიაპროგრამის კონკურსში „შემოქმედებითი ევროპა“ გაიმარჯვა და გრანტის სახით  205 ათასი ევრო მოიპოვა.   ეს პირველი შემთხვევაა პროგრამასთან თანამშრომლობის მანძილზე, როდესაც საქართველომ, როგორც ლიდერმა ქვეყანამ გაიმარჯვა. კონკურსში სულ 23 პროექტი მონაწილეობდა, რომელთაგან მხოლოდ ხუთმა მიიღო უმაღლესი შეფასება და გამარჯვებულის სტატუსი.

 „ისტორია–კინო–ისტორია“ კინოხელოვნების საგანმანათლებლო პოტენციალის გამოყენების ახალ შესაძლებლობას იძლევა. პროექტის ფარგლებში მასალები შეიქმნება ორი მიმართულებით: მე-20 საუკუნის ევროპის ისტორიის სწავლება ფილმების გამოყენებით და კინოს, როგორც ხელოვნების ერთ-ერთი მიმართულების, ისტორიის სწავლება.

მოზარდებს შესაძლებლობა ექნებათ გაეცნონ ევროპის ისტორიისა და ევროპული კინოს განვითარების მნიშვნელოვან ეტაპებს. სწავლის პროცესში გამოყენებული ფილმები თუ სხვა ვიზუალური მასალა გაუადვილებთ მათ ეპოქის აღქმას. 

თანამედროვე ეპოქაში ონლაინ–სივრცე და თხრობის აუდიოვიზუალური ფორმა ყველაზე ხშირად გამოიყენება ინფორმაციის მიღებისა და გავრცელებისთვის. ამ ფაქტის გათვალისწინებით, პროექტის ფარგლებში შექმნილ სასწავლო მასალებს ექნებათ ვიდეოლექციების სახე (თეორიულ მასალასთან და სავარჯიშოებთან ერთად), რაც განასხვავებს ახალ პორტალს აქამდე არსებული ამ ტიპის სხვა საგანმანათლებლო რესურსებისგან.

პლატფორმის პრაქტიკაში გამოყენება მოხდება პროექტის პარტნიორ ყველა ქვეყანაში, მათ შორის საქართველოშიც, პროექტ „კინოსკოლის“ ფარგლებში.

ახალ კინოსაგანმანათლებლო პლატფორმაზე მუშაობა ნოემბერში დაიწყება და სამომავლოდ ხელმისაწვდომი იქნება ნებისმიერი მსურველისთვის.

პროექტი „ისტორია-კინო-ისტორია“ (History-Film-History) – ასე ჰქვია ახალ კინოსაგანმანათლებლო პლატფორმას, რომელიც ეროვნული კინოცენტრის ინიციატივითა და „შემოქმედებითი ევროპის“ მხარდაჭერით შეიქმნება.

15
თემები:
საქართველო და კულტურა