მთელ საქართველოში, გარდა აჭარისა – სწავლის პროცესის შენობებში აღდგენის თარიღი დასახელდა

CC BY 2.0 / Charlie Vinz / kindergartenსაბავშვო ბაღი
საბავშვო ბაღი - Sputnik საქართველო
გამოწერა
სწავლა საბავშვო ბაღებში 12 ოქტომბერს განახლდება, ხოლო უმაღლეს სასწავლებლებსა და პროფესიულ სასწავლებლებში – 19 ოქტომბერს.

თბილისი, 28 სექტემბერი – Sputnik. საბავშვო ბაღები ქვეყნის მასშტაბით, გარდა აჭარისა, 12 ოქტომბერს განაახლებენ მუშაობას, ხოლო უმაღლესი სასწავლებლები მეცადინეობებს აუდიტორიებში – 19 ოქტომბერს, განაცხადა განათლების მინისტრმა მიხეილ ჩხენკელმა ბრიფინგზე.

მიხეილ ჩხენკელი - Sputnik საქართველო
ჩხენკელი: აჭარის რეგიონის მოსწავლეები სწავლას დისტანციურად გააგრძელებენ

ამას გარდა, 1 ოქტომბრიდან პირველიდან მეექვსე კლასის ჩათვლით მოსწავლეები, სადაც სასწავლო პროცესი დისტანციურად მიმდინარეობდა, სწავლას საკლასო ოთახებში გააგრძელებენ. გამონაკლისია აჭარის რეგიონი.

ხოლო თუ მოსწავლეების მშობლები გადაწყვეტენ, რომ ბავშვებმა სასწავლო პროცესი გააგრძელონ დისტანციური ფორმით, ეს უზრუნველყოფილი იქნება, აღნიშნა მინისტრმა.

აუდიტორიებში დაბრუნდებიან სტუდენტებიც – 19 ოქტომბრიდან აჭარის გარდა ყველა უმაღლეს სასწავლებელში აღდგება სწავლა. ეს ეხება პროფესიულ სასწავლებლებსაც.

ყველა ახალი ამბავი
0