კახა კალაძე და ანუკი არეშიძე

„11 წლის წინ...“ ანუკი არეშიძე და კახა კალაძე კომოს ტბაზე ფოტო

483
(განახლებულია 20:11 25.09.2020)
2009 წლის ფოტო – როგორ გამოიყურებოდნენ თბილისის მერი და მისი დიზაინერი მეუღლე წლების წინ? ანუკი არეშიძემ რომანტიკული ფოტო გამოაქვეყნა.

კალაძეების ოჯახზე საუბარი და მათი ოჯახის წევრების განხილვა არასდროს წყდება. კახა კალაძე საზოგადოებამ აქტიურ პოლიტიკურ მოღვაწეობამდე სპორტით გაიცნო. ანუკის სოციალური ქსელის მიმდევრების დაინტრიგება არ უყვარს.

View this post on Instagram

❤️❤️

A post shared by Kakha Kaladze (@kakhakaladze) on

მიუხედავად ამისა, ბოლო პერიოდის მანძილზე ყურადღების ცენტრში რამდენჯერმე მოხვდა. მან კახა კალაძესთან ერთად ერთ-ერთი მოგზაურობა გაიხსენა. წყვილი გაცნობიდან ერთ წელიწადში ლომბარდიის ძვირადღირებულ რეგიონს ეწვია. 2009 წელი კომოს ტბა და დაუვიწყარი მოგონებები - ანუკი და კახა რადიკალურად განსხვავებულად გამოიყურებოდნენ.

View this post on Instagram

Let’s spread LOVE 💕💕💕

A post shared by ANOUKI ARESHIDZE (@anoukigold) on

რამდენიმე თვის წინ თბილისის მერს კახა კალაძეს და ცნობილ დიზაინერს ანუკი არეშიძეს ქორწინების 12 წლის იუბილე ჰქონდათ. ამის შესახებ დედაქალაქის მერმა Instagram-ის „ფოლოვერებს“ რომანტიკული ფოტოთი ამცნო. შარშან ამ დროს წყვილმა ქორწინება ეკლესიურადაც დააკანონა და გრემში ჯვარი დაიწერა. პანდემიის დროს ანუკი არეშიძე ძველ დროს იხსენებს და მოგზაურობის ფოტოებს აქვეყნებს. „11 წლის წინ, რა ლამაზი დრო იყო. 2009 წელი, კომო“, - აღნიშნა ანუკიმ.

გადატვირთული გრაფიკი კორონავირუსის გავრცელების გამო სახლში, ოჯახთან ერთად ყოფნამ ჩაანაცვლა. ამიტომ სელებრითები სოციალურ ქსელში საკუთარი ფეშენებელური სახლებიდან სახალისო ფოტო-ვიდეოებს აქვეყნებენ ან სასარგებლო რჩევებს იძლევიან. ისინი კულინარიულ ნიჭსა და სხვადასხვა ხრიკებს ასაჯაროებენ. დიზაინერი დიდ დროს ვაჟებს უთმობს და პარალელურად სამზარეულოში ფუსფუსსაც ასწრებს.

View this post on Instagram

❤️

A post shared by Kakha Kaladze (@kakhakaladze) on

წყვილმა ერთმანეთი მილანში 2008 წელს გაიცნო და მათ 2013 წელს იქორწინეს. ოჯახში პატარა ნიკოლას გარდა, რომელიც 2018 წლის შემოდგომაზე დაიბადა, კიდევ სამი ბიჭი იზრდება – 12 წლის ლევანი, 7 წლის კახაბერი და 5 წლის ვაჩე.

483
თემები:
სელებრითების ცხოვრება (2213)
პაციენტი რეანიმაციაში

კულუმბეგოვი: როდის ხდება აუცილებელი კოვიდინფიცირებული პაციენტის ჰოსპიტალიზაცია

112
ცნობილმა ქართველმა ექიმმა კორონავირუსით დაავადებულ ადამიანებს ურჩია ბევრი სითხის მიღება და შეძლებისდაგვარად მუცელზე ძილი.

თბილისი, 19 ოქტომბერი – Sputnik. თუ ადამიანს მოსვენებულ მდგომარეობაში სუნთქვის გაძნელება აქვს, ის დაუყოვნებლივ უნდა გადაყვანილ იქნას საავადმყოფოში, აცხადებს ცნობილი ქართველი ექიმი-ალერგოლოგი ბიძინა კულუმბეგოვი.

მისი თქმით, კორონავირუსის შემთხვევების 80% არის მსუბუქი ან საშუალო ფორმა, რომელთა მართვაც სახლში შესაძლებელია. თუმცა რისკჯგუფებში შემავალი პირები - ონკოპაციენტები, ასაკოვნები, ქრონიკული დაავადების მატარებლები, ჰიპერტენზიის და დიაბეტის მქონე პირები, თუნდაც კორონავირუსისთვის დამახასიათებელი მინიმალური სიმპტომებით, ოჯახის ექიმთან უფრო მეტ და ახლო კომუნიკაციაში უნდა იყვნენ.

ასევე, კულუმბეგოვი აცხადებს, რომ კორონავირუსის ყველაზე საშიში სიმპტომია სუნთქვის გაძნელება, რადგან ის ფილტვის ქსოვილს აზიანებს. და ეს სუნთქვის გაძნელებაც არის სხვადასხვაგვარი.

„სუნთქვის გაძნელება შეიძლება იყოს მსუბუქი, საშუალო და მძიმე. თუ თქვენ მოსვენებულ მდგომარეობაში, წამოწოლილი ან დამჯდარი არავითარ სუნთქვის გაძნელებას არ გრძნობთ, გრძნობთ მაშინ, როცა გაქვთ ძლიერი ფიზიკური აქტივობა, როგორიცაა კიბეზე ან აღმართზე ასვლა, ეს ნორმალურია, დასაშვებია. ხოლო, თუ სუნთქვის გაძლებას ან გულმკერდის არეში გრძნობთ ტკივილს მოსვენებულ მდგომარეობაში, როცა არაფერს  აკეთებთ, ეს იმას ნიშნავს რომ ამ ადამიანებისთვის უკვე მნიშვნელოვანია მოხდეს ჰოსპიტალიზაცია დაუყოვნებლივ“, - განაცხადა კულუმბეგოვმა.

რაც შეეხება მედიკამენტებს, რომელთა მიღება შეუძლიათ სახლში მყოფ კოვიდინფიცირებულებს, კულუმბეგოვის თქმით, ეს არის სიცხის დამწევი - პარაცეტამოლი, ასევე ტკივილის შემთხვევაში შეიძლება ტკივილგამაყუჩებლების მიღება.

მან ასევე კორონავირუსით დაავადებულ ადამიანებს ურჩია ბევრი სითხის მიღება და შეძლებისდაგვარად მუცელზე ძილი.

„სასურველია, რაც შეიძლება მეტი სითხის მიღება. თუ ადამიანს აქვს ხველა, უძნელდება სუნთქვა და არის სახლში, აუცილებელია, შეეცადოს ძილის დროს დაიძინოს მუცელზე და არა ზურგზე. ეს არის სასუნთქი სისტემის და ფილტვის უკეთესი ფუნქციონირებისთვის საუკეთესო“, – განაცხადა კულუმბეგოვმა.

საქართველოში კორონავირუსით ინფიცირების ყოველდღიური მაჩვენებელი უკვე ათასს აჭარბებს, ხოლო ყველაზე მეტი შემთხვევა თბილისში, აჭარასა და იმერეთში დასტურდება.

COVID-19 საქართველოში: ეყოფათ თუ არა პაციენტებს ადგილები საავადმყოფოებში >>

ბოლო 24 საათში 1186 ახალი შემთხვევა გამოვლინდა და ინფიცირებულთა საერთო რიცხვმა 18663-ს მიაღწია.  ბოლო 24 საათში საქართველოში კორონავირუსით შვიდი პაციენტი გარდაიცვალა და მათი საერთო რაოდენობა 143-მდე გაიზარდა. სულ გამოჯანმრთელდა 8338 ადამიანი. კარანტინის რეჟიმში იმყოფება 6407, სტაციონარებში ექიმების დაკვირვების ქვეშ 836 პაციენტია, ხოლო კოვიდ–სასტუმროებში 1420 ადამიანი იმყოფება.

ახალი კორონავირუსი საქართველოში პირველად 26 თებერვალს დაფიქსირდა.

112
თემები:
COVID-19 საქართველოში
მგზავრები ავტობუსის გაჩერებაზე

როდის ითვლება პირი კორონავირუსით ინფიცირებულის ახლო კონტაქტად: ინფექციონისტის განმარტება

95
ექიმ-ინფექციონისტის განმარტებით, თუ პირს ინფიცირებულთან წამიერი კონტაქტი ჰქონდა, ან ორივე პირბადეები ეკეთად, ამ შემთხვევაში დაინფიცირების რისკი მინიმალურია

თბილისი, 19 ოქტომბერი - Sputnik. თბილისის ინფექციური საავადმყოფოს ინფექციონისტი ალექსანდრე გოგინავა განმარტავს, რა შემთხვევაში ითვლება ადამიანი კორონავირუსით ინფიცირებულის ახლო კონტაქტად.

თენგიზ ცერცვაძე: ბინაზე მყოფ ინფიცირებულებს გარკვეული გამოკვლევები ჩაუტარდებათ >>

ექიმი აცხადებს, რომ დახურულ სივრცეში ინფიცირებულთან 10-15 წუთზე მეტი დროის განმავლობაში ყოფნა, რა დროსაც არ არის დაცული დისტანცია და არც პირბადეა გამოყენებული, კონტაქტად ითვლება და სიმპტომების გამოვლენის შემთხვევაში ტესტის ჩატარებაა საჭირო.

„ეს დაავადება გადადის წვეთოვანი გზით, ამიტომ თუ ახლო კონტაქტი გვაქვს ადამიანთან დახურულ სივრცეში, საუბარია, მეტრნახევარზე უფრო ახლო მანძილზე, არ გვიკეთია პირბადე და კონტაქტი გრძელდება 10-15 წუთზე დიდხანს, ასეთი ადამიანები უკვე ითვლებიან კონტაქტირებულებად და მათთვის მნიშვნელოვანია, თუ სიმპტომები ექნებათ, ჩაიტარონ კვლევები“, – განაცხადა გოგინავამ.

ინფექციონისტის თქმით, თუ პირს ინფიცირებულთან წამიერი კონტაქტი ჰქონდა, ან ორივეს ეკეთათ პირბადე, ამ შემთხვევაში დაინფიცირების რისკი არის მინიმალური.

ექიმმა ასევე მოსახლეობას მიმართა, პანიკას არ აყვნენ და იყვნენ მშვიდად.

საქართველოში კორონავირუსით ინფიცირების ყოველდღიური მაჩვენებელი უკვე ათასს აჭარბებს, ხოლო ყველაზე მეტი შემთხვევა თბილისში, აჭარასა და იმერეთში დასტურდება.

ლევან რატიანი: „დავუტოვოთ საწოლი იმას, ვისაც მკურნალობა სჭირდება" >>

ბოლო მონაცემებითб საქართველოში კორონავირუსით ინფიცირებულთა რიცხვმა 18 663-ს მიაღწია. სულ გამოჯანმრთელდა 8338 ადამიანი, გარდაიცვალა – 143.

ახალი კორონავირუსი საქართველოში პირველად 26 თებერვალს დაფიქსირდა.

95
თემები:
COVID-19 საქართველოში
ნახევარმთვარე

მთვარის კალენდარი: 20 ოქტომბერი რისი გაკეთება შეიძლება და რისი არა

0
(განახლებულია 09:45 19.10.2020)
მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

  • 20 ოქტომბერი, სამშაბათი. ამ დღეს მარსი მართავს. მზარდი მთვარე მშვილდოსნის ნიშანშია.

ყველაფერი გამოგივათ, თუ შემოქმედებით აქტიურობას გამოიჩენთ და მიზნისკენ ივლით. უნდა დაიცვათ საკუთარი პრინციპები, გამოამჟღავნოთ ემოციები, გრძნობები.

იზრდება აქტიურობა, სიცოცხლის ხალისი. ადამიანებში ჩნდება სტაბილურობისა და წესრიგის თვისებები. განწყობაში სიმშვიდე დომინირებს. ამ დღეს კარგია შეთანხმებების დადება. იღვიძებს საზოგადოებრივი საქმის კეთების ინტერესი. კარგი დღეა სამართლებრივი საკითხების გადაჭრისთვის. შეიძლება ახალი საქმეების დაწყება, შორეულ ადგილებში გამგზავრება. არ ღირს მიწის ყიდვა და მშენებლობის დაწყება.

ამ დღეს კარგად გამოდის ერთობლივი რომანტიკული მოგზაურობა, ან რამე სახის ღონისძიებაზე ერთად დასწრება, ასევე ხელსაყრელი დროა მეგობრული საღამოებისა და ოჯახური წვეულებების მოწყობისთვის.

ასეთ პერიოდში დაწყებული რომანი რომანტიკული, მგზნებარე იქნება, რომელიც მრავალ კმაყოფილებასა და იმედს მოიტანს. მსოფლმხედველობის, ვნების, აზარტისა და ორმხრივი კმაყოფილების თანხვედრა განამტკიცებს ურთიერთობებს, შედეგად დგება მსუბუქი და ოპტიმისტური კავშირი. თუ რომელიმე წყვილში მეორის ცხოვრების მასწავლებელი ან მისი წამოწყებების მფარველი გახდება, ეს ძალიან წაადგება ამ კავშირს. თუმცა, სწრაფად გაჩენილი მგზნებარება შეიძლება ასევე სწრაფად ჩაქრეს.

ასეთ დღეს, ძირითადად, ხანმოკლე, მაგრამ ინტენსიური და კაშკაშა ურთიერთობები იბადება.

რეკომენდებულია ვალის დაბრუნება, დაწყებული საქმეების დამთავრება, სამუშაო ადგილზე ცვლილებები, ახალი ნაბიჯების გადადგმა საქმეების წარმოების მეთოდების მხრივ.

არარეკომენდებულია ფინანსური საქმეების წარმოება, ახალი საქმეების დაწყება.

არცთუ ხელსაყრელი დღეა მგზავრობისთვის.

თმის შეჭრა, შეღებვა: მშვილდოსნის დღე არ მიიჩნევა ხელსაყრელ დროდ თმის შეჭრის ან შეღებვისთვის. მანიკურისთვის ნეიტრალური დღეა.

მებაღეობა: მშვილდოსანი დღე კარგია ხილის დარგვისთვის, ასევე იმ ხეების, რომლებიც მალე უნდა გაიზარდოს. შეიძლება ხილის ხეებისა და ბუჩქების გასხვლა, მავნებლებთან ბრძოლა.

ამ დღეს არ შეიძლება ნიადაგის გაფხვიერება.

0