მაია ასათიანი

„ტრავმული თაობა ვართ...“ მაია ასათიანი ბავშვობის მტკივნეულ მოგონებებს ვერ ივიწყებს

226
(განახლებულია 19:20 25.09.2020)
ცნობილმა ჟურნალისტმა 9 წლის ასაკში გადაღებული ფოტო სოციალურ ქსელში გამოაქვეყნა. როგორ გამოიყურებოდა ბავშვობაში და რის გამო სტკივა გული ტელეწამყვანს?

მაია ასათიანი გადაღებების შემდეგ სახლში მარტო რჩება და ნოსტალგიურ განწყობას „ფოლოვერებსაც“ უზიარებს. ამჯერად „მისი კამერის ობიექტივში“ 1986 წელს გადაღებული შავ-თეთრი ფოტო მოხვდა. მაია ასათიანი აღნიშნულ ფოტოზე ფილარმონიის დიდი საკონცერტო დარბაზის სცენაზე საზეიმოდ გამოწყობილი დგას. აქ მომავალი ჟურნალისტი 9 წლის არის.

View this post on Instagram

A post shared by maia asatiani (@maia.assatiani) on

მისი სოციალური ქსელის ფოტო-ვიდეოების უმეტესობა სახლშია გადაღებული. კადრებზე ჰარმონიული ხედი, ბუნება, მისი უსაყვარლესი ძაღლები და კატა დომინირებს. მაიამ სიმშვიდე საკუთარ თავთან განმარტოებაში იპოვნა, თუმცა ოჯახის წევრებს უფრო და უფრო დაუახლოვდა. რამდენიმე თვის წინ გადაცემაში დედაც ჰყავდა მიწვეული, რომელმაც ჟურნალისტის ცხოვრების ბევრი ფაქტი გაიხსენა. მაიამ კი, თავის მხრივ, დედას ყველაფრისთვის მადლობა გადაუხადა. საქართველოში კარანტინის შემსუბუქების შემდეგ გადაცემების დაგეგმვა დაიწყო.

მაიამ  ბავშვობის ფოტოს ემოციური წარწერაც დაურთო. „9 წლის. ჩაჩაჩულ რეიტუზს არ ვიმჩნევთ. ამ მხრივ ტრავმული თაობა ვართ“, - აღნიშნა ტელესახემ. როგორც ბავშვობის ფოტოზე ჩანს, მაია ასათიანი ფაქტობრივად არ შეცვლილა. პოპულარული ჟურნალისტი სკანდალური ცხოვრების მიუხედავად უამრავ ადამიანს უყვარს.

View this post on Instagram

A post shared by maia asatiani (@maia.assatiani) on

მის გარშემო განსაკუთრებულად გულწრფელი ადამიანები ერთადერთი ქალიშვილის გარდაცვალების შემდეგ გამოჩნდნენ. მათ შორის არიან მაიას დედა, ნახევარდები და მამინაცვალი, რომლებიც მას გვერდიდან არ შორდებიან. როგორც ოჯახის წევრებს შეეფერებათ, მაიას დებთან ძალიან ახლო და მეგობრული ურთიერთობა აქვს. უმცროსი და ვერონიკა მაიას ჰგავს, გოგონები ერთად ხშირად მოგზაურობენ მიუხედავად იმისა, რომ მაიას ბოლო პერიოდის მანძილზე საზოგადოებრივი თავშეყრის ადგილებში გამოჩენა აღარ ხიბლავს.

View this post on Instagram

A post shared by maia asatiani (@maia.assatiani) on


ცნობილი ვარსკვლავი გულშემატკივართან კომუნიკაციას სხვადასხვა ხერხით ცდილობს. მათ შორის ის ხშირად აქვეყნებს ბავშვობის ფოტოებს და ეს შემთხვევა გამონაკლისი არ არის. თავად შეაფასეთ - შეიცვალა თუ არა მაია ასათიანი ბავშვობის შემდეგ.

226
თემები:
სელებრითების ცხოვრება (2259)
სპეცოპერაცია ზუგდიდში

„გამოდი შვილო, ჩაბარდი პოლიციას“: ბადრი ესებუას მამა შვილს მიმართავს

15
ამ დროისთვის სამართალდამცველები ესებუას ადგილსამყოფელის დადგენისა და დაკავების მიზნით, სპეციალურ ოპერატიულ, საგამოძიებო და სამძებრო მოქმედებებს განაგრძობენ

თბილისი, 29 ოქტომბერი - Sputnik. ზუგდიდში, „საქართველოს ბანკის“ ფილიალზე მომხდარ თავდასხმაში ბრალდებული პირის, ბადრი ესებუას მამა შვილს მიმართავს და სთხოვს, პოლიციას ჩაბარდეს. ვიდეომიმართვას საინფორმაციო სააგენტო „კვირა“ ავრცელებს.

„საქართველოს ბანკზე“ თავდამსხმელი ამ დროისათვის იდენტიფიცირებულია. პირი, რომელსაც ბანკის ზუგდიდის ფილიალში მძევლების აყვანა ედება ბრალად, 1988 წელს დაბადებული ბადრი ესებუაა. შსს-ს მიერ გავრცელებული ინფორმაციით, მისი ვინაობის დადგენა თავდასხმის ღამესვე მოხდა.

„შვილო, ბადრი, გელოდებოდით გუშინ, არ ჩამოხვედი, სად ხარ? არ ვიცით შენი ადგილსამყოფელი. გამოდი, შვილო, ჩაბარდი პოლიციას და გაირკვევა ყველაფერი ნორმალურად. ამას გთხოვთ, მეტი სათქმელი არაფერი მაქვს. გამოდი, დაგვიკავშირდი ან ჩაბარდი პოლიციას“, – მიმართავს ტარიელ ესებუა შვილს.

შსს-ს ცნობით, პოლიცია ბადრი ესებუას ადგილსამყოფელის დადგენისა და დაკავების მიზნით, სპეციალურ ოპერატიულ, საგამოძიებო და სამძებრო მოქმედებებს აქტიურ რეჟიმში განაგრძობს.

21 ოქტომბერს შეიარაღებული პირი „საქართველოს ბანკის“ ზუგდიდის ფილიალში შეიჭრა და 43 ადამიანი მძევლად აიყვანა. ბოროტმოქმედმა ხელისუფლებისგან ნახევარი მილიონი დოლარი, ვერტმფრენი ან მანქანა, ასევე მისი უსაფრთხოების გარანტიები მოითხოვა. აღნიშნული მოთხოვნების დაკმაყოფილების შემდეგ მან ყველა მძევალი გაათავისუფლა და მიმალვა მოახერხა. მისი ადგილსამყოფელი ამ დრომდე უცნობია.

ბადრი ესებუას მამა ისევ პოლიციაში გამოკითხვაზე დაიბარეს>>

შინაგან საქმეთა სამინისტრომ ბანკზე თავდასხმის ფაქტს ტერორისტული აქტის კვალიფიკაცია მისცა.

გამოძიება საქართველოს სისხლის სამართლის კოდექსის 236-ე, 323-ე და 329-ე მუხლებით მიმდინარეობს, რაც ტერორისტულ აქტს, მძევლად ხელში ჩაგდებას ტერორისტული მიზნით და ცეცხლსასროლი იარაღის უკანონოდ შეძენა-შენახვა-ტარებას გულისხმობს.

15
თემები:
ზუგდიდში შეიარაღებულმა პირმა მძევლები აიყვანა
თავისუფლების მოედანი

„ნაცმოძრაობის" აქცია: ცალკეულ უბნებში ავტოტრანსპორტის მოძრაობა იზღუდება

18
(განახლებულია 17:29 29.10.2020)
თბილისის ცენტრალურ უბანში სატრანსპორტო ნაკადის უსაფრთხო გადაადგილებას საპატრულო პოლიციის ეკიპაჟები უზრუნველყოფენ. მოძრაობა ჩვეულ რეჟიმში ღონისძიების დასრულების შემდეგ აღდგება.

თბილისი, 29 ოქტომბერი – Sputnik. თავისუფლების მოედანზე ყოფილი მმართველი პარტია „ერთიანი ნაციონალური მოძრაობის“ მიერ დაგეგმილ  წინასაარჩევნო შემაჯამებელ აქციასთან დაკავშირებით, დედაქალაქის ცალკეულ უბნებში ავტოტრანსპორტის მოძრაობა შეიზღუდება, ნათქვამია შსს–ს მიერ გავრცელებულ განცხადებაში.

„ერთიანი ნაციონალური მოძრაობისა“ და გაერთიანებული ოპოზიციის დასკვნითი შეკრება თავისუფლების მოედანზე დღეს, 18:00 საათზე გაიმართება.

ტრანსპორტის მოძრაობა სრულად აიკრძალა თავისუფლების მოედანზე. ავტომანქანები ალტერნატიული მარშრუტებით მოძრაობენ. კერძოდ:

„ბარათაშვილის ხიდიდან მომავალი სატრანსპორტო საშუალებების ნაკადი მოძრაობს იუსტიციის სახლის მიმართულებით. მსუბუქი ავტომანქანები მოძრაობენ კოტე აფხაზის ქუჩაზე და ვერცხლის ქუჩის გავლით ბარათაშვილის ქუჩაზე გადიან; ლადო ასათიანის ქუჩიდან მომავალი სატრანსპორტო ნაკადი ვერ მოხვდება შალვა დადიანის ქუჩაზე. შესაბამისად, ავტომანქანები მოძრაობენ ოვანეს თუმანიანის ქუჩის გავლით, ვახტანგ გორგასლის მოედნის მიმართულებით; მერაბ კოსტავას ქუჩაზე მოძრავი ავტომანქანები ყოფილი ფოსტის შენობასთან ბრუნდებიან და გადაადგილებას აგრძელებენ ელბაქიძის ქუჩის მიმართულებით“, – ნათქვამია განცხადებაში. 

ამასთან, 17:00 საათიდან მოძრაობა იკრძალება  რესპუბლიკის მოედანზე, შესაბამისად, პეტრე მელიქიშვილის ქუჩიდან მოძრაობა შესაძლებელი იქნება მერაბ კოსტავას ქუჩის და ელბაქიძის დაღმართის გავლით, მტკვრის ორივე სანაპიროსა და ჩუღურეთის მიმართულებით.

– რუსთაველის გამზირსა და მიმდებარე  ქუჩებზე: ალექსანდრე ჭავჭავაძის, მიტროფანე ლაღიძის, ბესიკის, 9 აპრილის, ზაქარია ჭიჭინაძის, ლესია უკრაინკას, მესხიას, რევაზ ლაღიძის, ვასო აბაშიძის, გია ჭანტურიას, არჩილ ჯორჯაძის და ანტონ ფურცელაძის ქუჩებზე.

აღნიშნული აკრძალვის პერიოდში, ავტომანქანებს თავისუფლად გადაადგილება შეეძლებათ მტკვრის ორივე სანაპიროზე, ვასილ პეტრიაშვილის, თამარ ჭოველიძის და დანიელ ჭონქაძის ქუჩებზე.

მოქალაქეების და სატრანსპორტო საშუალებების უსაფრთხო გადაადგილებას საპატრულო პოლიციის ეკიპაჟები უზრუნველყოფენ.

მოძრაობა ჩვეულ რეჟიმში ღონისძიების დასრულების შემდეგ აღდგება.

18
თემები:
საქართველოს პოლიტიკური ცხოვრება
მაჭახელას ეროვნული პარკი

მაჭახელას ხეობაში ეთნოსოფელი შენდება

0
(განახლებულია 16:47 29.10.2020)
ეთნოსოფელი მდინარე მაჭახელას ულამაზეს ხეობაში შენდება და ის ტურისტებისთვის კიდევ ერთი მიმზიდველი ადგილი გახდება

თბილისი, 29 ოქტომბერი – Sputnik. აჭარაში, მაჭახელას ხეობაში ეთნოსოფლის მშენებლობა დაიწყო, იუწყება პირველი არხი.

პროექტი მიმართულია ხეობის უნიკალური კულტურულ–ეთნოგრაფიული ფასეულობების, ისტორიისა და ტრადიციების მაქსიმალური დაცვისა და არსებული ლანდშაფტის შენარჩუნებისკენ.

ეთნოსოფელი განკუთვნილია ტურიზმის განვითარების, ეკონომიკური აქტივობის ზრდის, გარემოს დაცვისა და ასევე ადგილობრივი მოსახლეობის დასაქმებისთვის.

პროექტი თანამედროვე სტანდარტების საინფორმაციო ცენტრის მშენებლობით დაიწყო. ის სრულად 2021 წლის სექტემბერში დასრულდება.

მაჭახელას საინფორმაციო ცენტრში მოეწყობა სამუშაო და საგამოფენო სივრცეები, ასევე საკონფერენციო დარბაზი.

მაჭახელას ეროვნული პარკი ფინანსურ დახმარებას მიიღებს>>

ასევე გაეროს განვითარების პროგრამა მაჭახელას ხეობისთვის დაცული ლანდშაფტის სტატუსის მინიჭებაზე მუშაობს.

მაჭახელას ხეობა ბათუმიდან 20 კილომეტრში, ზღვის დონიდან 300–800 მეტრ სიმაღლეზეა და უნიკალური ბუნებით გამოირჩევა.

0
თემები:
ტურიზმი საქართველოში