საავადმყოფოს პალატა

COVID-19-ის მკურნალობა სახლში: ჯანდაცვის სამინისტრომ დეტალური ინსტრუქცია შეიმუშავა

359
(განახლებულია 22:18 24.09.2020)
საქართველოს ჯანდაცვის სამინისტრომ შეიმუშავა მსუბუქი ფორმით კოვიდ-ინფიცირებულთა მკურნალობის დეტალური გეგმა. საუბარია მკურნალობაზე სახლის პირობებში ან საკარანტინე სივრცეებში

თბილისი, 24 სექტემბერი - Sputnik. საქართველოს ჯანდაცვის მინისტრმა დაამტკიცა იმ პაციენტების სამედიცინო მეთვალყურეობის წესები, რომელთაც კორონავირუსი მსუბუქი ფორმით დაუდგინდათ და რომელთა მკურნალობა დასაშვებია სახლის პირობებში ან საკარანტინე სივრცეში.

აღნიშნული ალგორითმით, PCR-ტესტის მეშვეობით COVID-19-ის დადასტურების შემთხვევაში პაციენტის სტაციონარში გადაყვანის საკითხი შემდეგი სქემით ხორციელდება:

  • COVID-19-ის დიაგნოზის დადასტურებისთანავე, საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნული ცენტრი ინფორმაციას აწვდის „112“-ს სამსახურს;
  • „112“, პაციენტის საწყისი კლინიკური შეფასების მიზნით, ზარს ამისამართებს ამბულატორიულ დაწესებულებებში (ონლაინ-კლინიკებში);
  • შემდგომში ონლაინ-კლინიკის ექიმი სატელეფონო კონსულტაციის დახმარებით აფასებს პაციენტის მდგომარეობს;
  • მიიღება გადაწყვეტილება პაციენტის ბინაზე დატოვების, შესაბამის საიზოლაციო სივრცეში (სასტუმრო) გადამისამართების ან სამედიცინო დაწესებულებაში მოთავსების შესახებ.

თუ პირველადი კლინიკური შეფასების შედეგად გამოვლინდა დაავადების მსუბუქი ფორმა, ექიმები უნდა დარწმუნდნენ, რომ პაციენტის მოვლა უზრუნველყოფილი იქნება იზოლირებულ გარემოში და ოჯახის წევრების/ახლობლების მიერ ინფექციის პრევენციისა და კონტროლის სათანადო ზომების დაცვით.

სათანადო პირობების არარსებობის შემთხვევაში პაციენტი გადაჰყავთ შესაბამის საკარანტინო სივრცეში (სასტუმრო). თუ დაავადება მსუბუქი ფორმით არ მიმდინარეობს, ავადმყოფები სამედიცინო დაწესებულებაში გადაჰყავთ.

ბინაზე დატოვება/საკარანტინე სივრცეში გადაყვანა არ არის რეკომენდებული: პაციენტებისთვის, რომელთაც აქვთ რომელიმე ქრონიკული დაავადება (ჰიპერტენზია, შაქრიანი დიაბეტი, გულის კორონარული დაავადება, გულის უკმარისობა, ფილტვის ქრონიკული ობსტრუქციული დაავადება და ბრონქული ასთმა და სხვ.; ასევე 15 წლამდე პირთათვის და ხანდაზმულებისთვის (65+).

თუ პირი მკურნალობს საკარანტინე სივრცეში, პაციენტის მდგომარეობას აკონტროლებენ სამედიცინო ბრიგადები (ექიმი, მედდა), რომლებიც საკარანტინე სივრცეში მუშაობენ.

საკარანტინე სივრცეში 20 პაციენტზე იმუშავებს ექიმისა და ექთნის 1 გუნდი. პაციენტების რაოდენობის მატებასთან ერთად ემატება კიდევ 1 ექთანი ყოველ დამატებით 30 პაციენტზე და 2 სრული გუნდი, თუ პაციენტების რაოდენობა აღემატება 50-ს.

ბინაზე/საკარანტინე სივრცეში მყოფი პაციენტის მდგომარეობის გაუარესების შემთხვევაში პაციენტი ექვემდებარება ჰოსპიტალიზაციას (მათ შორის, განმეორებით ჰოსპიტალიზაციას).

საიზოლაციო სივრცეში (სასტუმროში) მოთავსებული COVID-19-ით პაციენტების ბინაზე გაწერა განხორციელდება ჯანდაცვის სამინისტროს მიერ შემუშავებული კრიტერიუმების საფუძველზე.

ასევე განისაზღვრა საკარანტინე სივრცეში მოთავსებული პაციენტის სამედიცინო დოკუმენტაციის წარმოების წესი. პაციენტების ისტორიები დაავადებათა კონტროლის ცენტრში 5 წლის განმავლობაში შეინახება.

პროტოკოლის სრული ტექსტის ნახვა შესაძლებელია უწყების ვებგვერდზე.

359
თემები:
COVID-19 საქართველოში (2174)
ტესტი კორონავირუსზე

კორონავირუსი კიდევ ერთ ცნობილ ქართველ პოლიტიკოსს დაუდასტურდა

14
პარლამენტის დეპუტატი ქუთაისში თვითიზოლაციის პირობებში მკურნალობს. ასევე ინფიცირებულია ოთარ კახიძის მეუღლეც.

თბილისი, 24 ოქტომბერი - Sputnik. ოპოზიციური პარტია „ევროპული საქართველოს“ წევრს, ოთარ კახიძეს კორონავირუსი დაუდასტურდა. ინფორმაციას დეპუტატი სოციალურ ქსელში თავად ავრცელებს.

ოთარ კახიძე
ოთარ კახიძე

კახიძის თქმით, მას ხველა, სიცხე და სახსრების ტკივილი აღენიშნება. ის ქუთაისში თვითიზოლაციის პირობებში მკურნალობს.

დეპუტატის ინფორმაციით, ვირუსი მის მეუღლესაც დაუდასტურდა.

„მოკლედ, კოვიდინფიცირებულებს მე და ნანუკაც შევუერთდით. ვირუსის კვალობაზე თავს ნორმალურად ვგრძნობთ. ატარეთ პირბადე და გაუფრთხილდით თქვენ გარშემო მყოფებს. ამ ვირუსს მალე მოვერევით“, - წერს კახიძე.

ოთარ კახიძის თქმით, მისი გუნდი ქუთაისში საარჩევნო კამპანიას ჯანდაცვის რეკომენდაციებით გააგრძელებს.

შეგახსენებთ, ოთარ კახიძე ქუთაისში „ევროპული საქართველოს“ მაჟორიტარი დეპუტატობის კანდიდატია.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 1 941-ით გაიზარდა და საერთო რიცხვმა 26 503-ს მიაღწია, აღნიშნულია საქართველოს მთავრობის სპეციალურ ვებ-გვერდზე stopcov.ge.

ამ დროისათვის სულ გამოჯანმრთელდა 10163 ადამიანი, გარდაიცვალა – 193, კარანტინის რეჟიმში იმყოფება 4180, სტაციონარებში ექიმების დაკვირვების ქვეშ 3571 პაციენტია, ხოლო კოვიდ–სასტუმროებში 1848 ადამიანი იმყოფება.

ასევე კორონავირუსის დიაგნოზით უცხოეთიდან სამშობლოში გადმოყვანილია საქართველოს 41 მოქალაქე, მათ შორის 38 – სამხედრო მოსამსახურე.

საქართველოში კორონავირუსის პირველი შემთხვევა 26 თებერვალს დაფიქსირდა.

 

14
თემები:
COVID-19 საქართველოში (2174)
თეონა კონტრიძე

„იდეალური დილაა, როდესაც...“-თეონა კონტრიძე ქმართან ერთად საწოლში ინტიმურ ვიდეოს აქვეყნებს

17
(განახლებულია 18:07 23.10.2020)
„შემოდგომის მშვიდი დილაა“- ასე იწყება თეონა კონტრიძის Insta-ვიდეო. მომღერალი მეუღლესთან ერთად დილის რუტინას „ფოლოვერებს“ უზიარებს

თეონა თავისუფლად უკრავს ფორტეპიანოზე, დრამზე, სოლო და ბას-გიტარებზე. რუსულ ტაბლოიდებთან თეონა ჰყვება, რომ შვილებს მთელი დღის მანძილზე ვერ ხედავს, მხოლოდ ღამით, ძილის წინ ხვდებიან ერთმანეთს. უცხო გარეგნობის მქონე და-ძმა გადატვირთული გრაფიკით იზრდება, ისინი მუსიკალურ ნიჭს უკვე ავლენენ. ამას თეონას მიერ გაზიარებული ფოტოებიც ადასტურებს. ახლა კი ყველაფერი შეიცვალა, ოჯახი გაერთიანდა და დიდი ოჯახის ყველა წევრმა სახლში მოიყარა თავი.

ახლა თეონას დილა რეპეტიციების მაგივრად, მეუღლის გვერდით იწყება. წყვილი ერთად ნებივრობს და ამაში ხელს არავინ უშლის. „შემოდგომის მშვიდი დილა და იდეალურია დილა, როდესაც მანიკიური ადგილზე გაქვს...“- აღნიშნავს თეონა.

თეონას მეუღლეს საქართველო განსაკუთრებულად უყვარს და შვილებთან ერთად ქართულის შესწავლას წლების წინ შეუდგა. აღსანიშნავია, რომ შემსრულებლის ქმარი პანდემიამდე მეუღლის სამშობლოს ხშირად სტუმრობდა. მისი ჩოხიანი სურათები სოციალურ ქსელში აქტიურად ვრცელდებოდა. ტრადიციულ ქართულ სამოსში გამოწყობილი მამაკაცი განსაკუთრებულად მომხიბლავად გამოიყურებოდა. „ჩემთვის ზოგადად ქართული ენაა ლამაზი!“ – ამ სიტყვებით პასუხობს ცნობილი შემსრულებლის ქმარი ქართველ ცოლს ძველ ვიდეოზე.

მუსიკალურ ოჯახში გაზრდილი მომღერალი საესტრადო ცხოვრებას ჯერ კიდევ ლეგენდარული „მზიურის“ დროს შეუდგა. მისი ხმის ტემბრით აღფრთოვანებულმა სოსო პავლიაშვილმა სოლო კარიერის დაწყება შესთავაზა. ცნობილია, რომ სოსო პავლიაშვილმა მომავალ არტისტს სიმღერა Just do it აჩუქა. ასე დაიწყო თეონა კონტრიძის დაუვიწყარი მუსიკალური მოგზაურობა.

17
თემები:
სელებრითების ცხოვრება