საავადმყოფოს პალატა

COVID-19-ის შემთხვევების ზრდა: მედიკოსები საწოლების ეკონომიის მოწოდებით გამოდიან

122
(განახლებულია 16:13 23.09.2020)
კორონავირუსით ინფიცირებულების საგანგაშო დღიური ზრდა ლოგიკურ კითხვას იწვევს – საკმარისია თუ არა საწოლები საავადმყოფოებში?

თბილისი, 23 სექტემბერი – Sputnik. თუ საქართველოში კორონავირუსის გავრცელების ლოკალიზაცია ვერ მოხერხდება, პაციენტებზე სამედიცინო რესურსების თანაბრად განაწილებაც ვერ მოხერხდება, განაცხადეს მედიკოსებმა ტელეკომპანია Rustavi2-ის ეთერში.

მოსალოდნელ რისკებზე საუბრისას ექიმებმა აღნიშნეს, რომ ვირუსის მზარდი სტატისტიკის პირობებში საჭიროა, რომ სტაციონარში განთავსდნენ მხოლოდ შედარებით მძიმე პაციენტები, ხოლო ვისთანაც ვირუსი მსუბუქ ფორმებში ვითარდება, ისინი სახლში მკურნალობდნენ.

„თუ ეს ასე გაგრძელდა ორი-სამი თვის განმავლობაში, ჩვენ ძალიან დიდი რაოდენობით პაციენტები დაგვიგროვდება, გაჭირდება მათი მოვლა, ტრიაჟი, ანალიზების დროულად გაცემა. ამიტომ საწოლები არ დავაკავოთ, ძალიან ძვირფასი რესურსი, რომელიც დასჭირდება იმ ადამიანებს, რომელთაც ავადობა ექნებათ“, – განაცხადა ალერგოლოგ-იმუნოლოგმა ბიძინა კულუმბეგოვმა.

საავადმყოფოს რესურსების ეკონომიის აუცილებლობაზე ისაუბრა ასევე ინფექციონისტმა, კლინიკა NeoLab-ის კლინიკური განყოფილების გამგემ მაია ბუწაშვილმა.

მეზვრიშვილი: ქვეყანაში საგანგებო მდგომარეობის გამოცხადება არ იგეგმება>>

„ჩაკეტვა და კარანტინები მთლიანად, რა თქმა უნდა, ვერ აჩერებს პროცესს და უბრალოდ გადაავადებს, რომ დრო იყოს მომზადებისთვის და ეს მივიღეთ ჩვენც. როდესაც შევამსუბუქეთ რეგულაციები, შესაბამისად მივიღეთ აღმავლობა. ახლა მთავარია დაიგეგმოს ამ ინფიცირებულთა მართვა. ერთ-ერთი ეს საშუალება, რომლითაც ჩვენ ეფექტურად ვმართავთ, იქნება ის, რომ უსიმპტომო და მსუბუქი პაციენტები დარჩნენ ბინაზე და ჰოსპიტალური რესურსი აღარ დავახარჯოთ მათ“, – აღნიშნა ბუწაშვილმა.

ბოლო მონაცემებით, საქართველოში ინფიცირებულთა რაოდენობამ 4140-ს მიაღწია, გამოჯანმრთელდა 1643, გარდაიცვალა 24 ადამიანი.

ამასთან, გუშინ და დღეს ახალი შემთხვევების რაოდენობა 200-ს გადასცდა. გუშინ იყო 218, ბოლო 24 საათში კი ინფიცირებულთა რეკორდული მაჩვენებელი – 227 შემთხვევა დაფიქსირდა. გუშინ გარდაიცვალა სამი, ხოლო დღეს კიდევ ერთი ადამიანი.

მიუხედავად ეპიდემიური სიტუაციის გაუარესებისა, საქართველოს მთავრობა ქვეყანაში საგანგებო მდგომარეობისა და კარანტინის გამოცხადებას არ აპირებს, თუმცა ისევ დააწესა გარკვეული შეზღუდვები – აიკრძალა ქორწილები, ქელეხები და სხვა მასობრივი ღონისძიებები. ქვეყნის ზოგიერთ ქალაქსა და სოფელში გადაიდო სწავლა სკოლებში, 15 სექტემბრიდან აქ სასწავლო პროცესი ონლაინ–რეჟიმში მიმდინარეობს.

იგეგმება თუ არა თბილისში საველე კარვების მოწყობა? – გამყრელიძის განმარტება>>

ქვეყანაში დაკეტილია საზღვრები – მოქმედებს შეზღუდვები საერთაშორისო სახმელეთო, საზღვაო და ავიამიმოსვლაზე.

 

122
თემები:
COVID-19 საქართველოში (2173)
თეონა კონტრიძე

„იდეალური დილაა, როდესაც...“-თეონა კონტრიძე ქმართან ერთად საწოლში ინტიმურ ვიდეოს აქვეყნებს

8
(განახლებულია 18:07 23.10.2020)
„შემოდგომის მშვიდი დილაა“- ასე იწყება თეონა კონტრიძის Insta-ვიდეო. მომღერალი მეუღლესთან ერთად დილის რუტინას „ფოლოვერებს“ უზიარებს

თეონა თავისუფლად უკრავს ფორტეპიანოზე, დრამზე, სოლო და ბას-გიტარებზე. რუსულ ტაბლოიდებთან თეონა ჰყვება, რომ შვილებს მთელი დღის მანძილზე ვერ ხედავს, მხოლოდ ღამით, ძილის წინ ხვდებიან ერთმანეთს. უცხო გარეგნობის მქონე და-ძმა გადატვირთული გრაფიკით იზრდება, ისინი მუსიკალურ ნიჭს უკვე ავლენენ. ამას თეონას მიერ გაზიარებული ფოტოებიც ადასტურებს. ახლა კი ყველაფერი შეიცვალა, ოჯახი გაერთიანდა და დიდი ოჯახის ყველა წევრმა სახლში მოიყარა თავი.

ახლა თეონას დილა რეპეტიციების მაგივრად, მეუღლის გვერდით იწყება. წყვილი ერთად ნებივრობს და ამაში ხელს არავინ უშლის. „შემოდგომის მშვიდი დილა და იდეალურია დილა, როდესაც მანიკიური ადგილზე გაქვს...“- აღნიშნავს თეონა.

თეონას მეუღლეს საქართველო განსაკუთრებულად უყვარს და შვილებთან ერთად ქართულის შესწავლას წლების წინ შეუდგა. აღსანიშნავია, რომ შემსრულებლის ქმარი პანდემიამდე მეუღლის სამშობლოს ხშირად სტუმრობდა. მისი ჩოხიანი სურათები სოციალურ ქსელში აქტიურად ვრცელდებოდა. ტრადიციულ ქართულ სამოსში გამოწყობილი მამაკაცი განსაკუთრებულად მომხიბლავად გამოიყურებოდა. „ჩემთვის ზოგადად ქართული ენაა ლამაზი!“ – ამ სიტყვებით პასუხობს ცნობილი შემსრულებლის ქმარი ქართველ ცოლს ძველ ვიდეოზე.

მუსიკალურ ოჯახში გაზრდილი მომღერალი საესტრადო ცხოვრებას ჯერ კიდევ ლეგენდარული „მზიურის“ დროს შეუდგა. მისი ხმის ტემბრით აღფრთოვანებულმა სოსო პავლიაშვილმა სოლო კარიერის დაწყება შესთავაზა. ცნობილია, რომ სოსო პავლიაშვილმა მომავალ არტისტს სიმღერა Just do it აჩუქა. ასე დაიწყო თეონა კონტრიძის დაუვიწყარი მუსიკალური მოგზაურობა.

8
თემები:
სელებრითების ცხოვრება
ამირან გამყრელიძე

თუ გვაქვს სიმპტომები და არ ვიცით ოჯახის ექიმის ვინაობა - გამყრელიძის რეკომენდაცია

28
თუ მოქალაქემ არ იცის მისი ოჯახის ექომის ვინაობა, ოჯახის ექიმთან მას „112“-ის ოპერატორი გადაამისამართებს. თავის მხრივ ოჯახის ექიმი პაციენტის მართვას იწყებს

თბილისი, 24 ოქტომბერი - Sputnik. კორონავირუსისთვის დამახასიათებელი სიმპტომების - ცხელების, ხველის, სუნთქვის გაძნელების შემთხვევაში მოქალაქე უნდა დაუკავშირდეს საკუთარი ოჯახის ექიმს, ან დარეკოს „112“-ზე, ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ, უწყებათაშორისი საბჭოს წევრების სამუშაო შეხვედრის დასრულების შემდეგ ჟურნალისტებს განუცხადა.

„თითოეული ამ სიმპტომის გამოვლენის შემთხვევაში რეკომენდაცია გახლავთ მარტივი – თითოეულმა ჩვენგანმა იცოდეს თავისი ოჯახის ექიმის სახელი, გვარი და ტელეფონის ნომერი. როდესაც ეს სიმპტომი ჩნდება, აუცილებელია ის დარჩეს სახლში, იყოს რაც შეიძლება იზოლირებული, დაურეკოს თავის ოჯახის ექიმს და ექიმი ეტყვის, როგორ მოიქცეს. თუ არ იცის, ვინ არის მისი ოჯახის ექიმი, ის რეკავს „112“-ზე, რომელიც გადაამისამართებს ოჯახის ექიმთან, რომ ექიმის დანიშნულებით ეს ყველაფერი იმართოს“, – განაცხადა ამირან გამყრელიძემ.

ამირან გამყრელიძემ აღნიშნა, რომ საკოორდინაციო საბჭოს სამუშაო შეხვედრაზე მსოფლიოში, რეგიონსა და საქართველოში არსებული ეპიდემიოლოგიური მდგომარეობა განიხილეს.

„ეპიდსიტუაცია გლობალურად დაიძაბა განსაკუთრებით ჩვენს რეგიონში, ევროპაში, სადაც დაახლოებით 200 000 ახალი შემთხვევა ფიქსირდება. მსოფლიომ კი უკვე გადააჭარბა 42 მილიონ ინფიცირებულს, დღეს კი მსოფლიო მასშტაბით დაახლოებით 490 000 შემთხვევა გამოვლინდა, რაც ანტირეკორდია“, - განაცხადა გამყრელიძემ.

მისი თქმით, საქართველოში ცხელ წერტილებად კვლავ სამი რეგიონი რჩება, თბილისი სადაც ახალი შემთხვევების რეკორდული მაჩვენებელი დაფიქსირდა - 1034 ახალი შემთხვევა, აჭარა სადაც 320 შემთხვევა იყო და იმერეთი, სადაც ვირუსი 258 ადამიანს გამოუვლინდა.

ასევე მნიშვნელოვნად იმატებს რიცხვები ქვემო ქართლში, გამყრელიძის მტკიცებით, ეს კვლავ დიდ შეკრებებს უკავშირდება.

„იყო საქორწილო სუფრა ერთ-ერთ სოფელში, სწორედ ამან გამოიწვია ეპიდაფეთქება და შესაბამისად მისი გავრცელება სასწავლო დაწესებულებებში“, - აღნიშნა ამირან გამყრელიძემ.

მან კიდევ ერთხელ მოუწოდა მოქალაქეებს, დაიცვან რეკომენდაციები: ეს არის დისტანციის დაცვა და პირბადის ტარება დახურულ და ღია სივრცეებშიც, სადაც დისტანციის დაცვა ვერ ხერხდება.

„უმორჩილესად გთხოვთ, დავემორჩილოთ რეგულაციებს, რაც დაწესებულია სახელმწიფოს მიერ, რადგან სხვანაირად პანდემია უკან არ იხევს“, - განაცხადა ამირან გამყრელიძემ.

საქართველო ფაქტობრივად უკვე გადავიდა ისეთ რეჟიმში, როდესაც ინფიცირებულთა ყოველი მომდევნო სტატისტიკა რეკორდულია.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 1 941-ით გაიზარდა და საერთო რიცხვმა 26 503-ს მიაღწია, აღნიშნულია საქართველოს მთავრობის სპეციალურ ვებ-გვერდზე stopcov.ge.

ამ დროისათვის სულ გამოჯანმრთელდა 10 163 ადამიანი, გარდაიცვალა – 193, კარანტინის რეჟიმში იმყოფება 4180, სტაციონარებში ექიმების დაკვირვების ქვეშ 3571 პაციენტია, ხოლო კოვიდ–სასტუმროებში 1848 ადამიანი იმყოფება.

ასევე კორონავირუსის დიაგნოზით უცხოეთიდან სამშობლოში გადმოყვანილია საქართველოს 41 მოქალაქე, მათ შორის 38 – სამხედრო მოსამსახურე.

საქართველოში კორონავირუსის პირველი შემთხვევა 26 თებერვალს დაფიქსირდა.

28
თემები:
COVID-19 საქართველოში (2173)