ბათუმი

აჭარის შემდეგ იმერეთი რეგიონების მიხედვით კორონავირუსის შემთხვევების სტატისტიკა

97
(განახლებულია 17:27 21.09.2020)
ამ დროისათვის კლინიკებსა და კოვიდ–სასტუმროებში, სადაც მსუბუქი სიმპტომების მქონე პაციენტები გადაჰყავთ, კორონავირუსის დიაგნოზით 2133 პაციენტი მკურნალობს.

თბილისი, 21 სექტემბერი – Sputnik. საქართველოში ბოლო 24 საათში გამოვლენილი კორონავირუსის 193 ახალი შემთხვევიდან 92 აჭარას უკავშირდება, განაცხადა თბილისის ინფექციური საავადმყოფოს სამედიცინო დირექტორმა მარინა ეზუგბაიამ ჟურნალისტებთან. 

რაც შეეხება სხვა რეგიონებს, მაჩვენებლები ასეთია: 53 – იმერეთი, 31 – თბილისი,  8 – სამეგრელო-ზემო სვანეთი, 7 – გურია, 1–1 რაჭა-ლეჩხუმი და მცხეთა-მთიანეთი. 

ამ დროისათვის კლინიკებსა და კოვიდ–სასტუმროებში, სადაც მსუბუქი სიმპტომების მქონე პაციენტები გადაჰყავთ, კორონავირუსის დიაგნოზით 2 133 პაციენტი მკურნალობს. მათგან 16-ის მდგომარეობა კრიტიკულია, მძიმე პაციენტების რაოდენობა კი 80-ს აღწევს. 

რაც შეეხება უშუალოდ ინფექციურ საავადმყოფოს, კლინიკაში სულ 34 პაციენტი მკურნალობს, მათგან ერთის მდგომარეობა კრიტიკულია, ორი კი მძიმე პაციენტია.

ბოლო მონაცემებით, ქვეყანაში კორონავირუსის 3695 დადასტურებული შემთხვევა დაფიქსირდა. სულ გამოჯანმრთელდა 1534 ადამიანი. გარდაცვლილია – 20, კარანტინის რეჟიმში იმყოფება 4988, ხოლო სტაციონარებში ექიმების დაკვირვების ქვეშ 836 პაციენტია.

საქართველოში კორონავირუსის პირველი შემთხვევა 26 თებერვალს დაფიქსირდა.

97
თემები:
COVID-19 საქართველოში (2149)
ევა ბარბაქაძე

ევა ბარბაქაძის ახალი ტატუ - შორენა ბეგაშვილის გოგონამ მკლავი მოიხატა

34
(განახლებულია 11:54 22.10.2020)
ევა ბარბაქაძე მსახიობს პატარა ასაკში შეეძინა, ჯერ კიდევ მაშინ, როდესაც შორენა ეკრანზე არ ჩანდა. პოპულარობა დედა-შვილის ცხოვრებაში დიდი მუშაობისა და ძალისხმევის შედეგად მოვიდა

მსახიობისა და ტელეწამყვანის შორენა ბეგაშვილის გოგონამ ტატუს გაკეთება გადაწყვიტა. ევაბ პროცესის ამსახველი ფოტო, სადაც ტატუმასტერი მას მკლავს უხატავს, „ინსტაგრამის“ „სთორიზე“ განათავსა. ტატუების სიყვარულით მისი დედაც გამოირჩევა.

ევა ბარბაქაძე მსახიობს პატარა ასაკში შეეძინა, ჯერ კიდევ მაშინ, როდესაც შორენა ეკრანზე არ ჩანდა. პოპულარობა დედა-შვილის ცხოვრებაში დიდი მუშაობისა და ძალისხმევის შედეგად მოვიდა. ყველამ იცის, რომ შორენა რუსთავში გაჭირვებულად ცხოვრობდა.

View this post on Instagram

A post shared by ევა🧚🏽‍♀️ (@_evvabarbaqadze_) on

ახლა მთელი ქვეყანა ევას და შორენას სილამაზეზე საუბრობს. შორენამ ახალი გადაცემა წამოიწყო. „შორენას ეფექტი“ - ასე ჰქვია მის თოქშოუს, რომელიც ამ კვირაში გავა ეთერში. მსახიობი და ტელეწამყვანი სხვადასხვა პრობლემის მქონე გოგონებს საკუთარი თავის ახლებურად აღმოჩენაში დაეხმარება.

View this post on Instagram

👑✨

A post shared by ევა🧚🏽‍♀️ (@_evvabarbaqadze_) on

ბოლო პერიოდის მანძილზე დედა-შვილს სულ უფრო და უფრო ხშირად ადარებენ. ფაქტი სახეზეა – სილამაზით ევა დედას არ ჩამოუვარდება. მიუხედავად იმისა, რომ ევა ბარბაქაძე ფოტოსესიებში მონაწილეობს და ხშირად მაკიაჟით ჩანს, მისი ბუნებრივი სილამაზის ნახვა ევას ოფიციალურ გვერდზეა შესაძლებელი. მსახიობის ქალიშვილმა Instagram-ის გვერდი სულ ახლახან შექმნა, მაგრამ მას უკვე 87 ათასზე მეტი „ფოლოვერი“ ჰყავს.

View this post on Instagram

☀️

A post shared by ევა🧚🏽‍♀️ (@_evvabarbaqadze_) on

დედასთან შედარებით თამამი ფოტოებით არ გამოირჩევა. ფაქტია, ევა დღითი დღე მეტად მშვენიერი ხდება. თაყვანისმცემლები ამბობენ, რომ ეშხითა და მომხიბლავი გარეგნობით სექსუალური დედაც კი დაჩრდილა.

34
თემები:
სელებრითების ცხოვრება
თავის ტკივილი

შაკიკს ძალიან სახიფათო შედეგი შეიძლება მოჰყვეს: ნევროლოგი განმარტავს

18
(განახლებულია 12:55 22.10.2020)
შაკიკის შეტევა პირველი ნიშნებისთანავე უნდა შეჩერდეს შესაბამისი პრეპარატით, თორემ ამას შეიძლება სავალალო შედეგი მოჰყვეს - ამბობს ნევროლოგი

თბილისი, 22 ოქტომბერი — Sputnik. შაკიკის შეტევებით დაავადებულებში ინსულტის რისკი ორჯერ მეტია, ხოლო მისი წარმოშობის ძირითადი მიზეზები შეიძლება იყოს სტრესი, გადატვირთვა, შიმშილი, არარეგულარული კვება და სიმაძღრეც კი, აცხადებს ნევროლოგი რინატ ბოგდანოვი.

„შაკიკი არის მემკვიდრეობითი დაავადება... შაკიკიან ადამიანებში ინსულტის რისკი თითქმის ორჯერ მაღალია“, — ამბობს ნევროლოგი.

მისი განმარტებით, შაკიკის დროს სამწვერა ნერვის სისტემაში მუშაობა დროებით ფერხდება, გამოიყოფა ნივთიერებები, რომლებიც იწვევს ტვინის მაგარი გარსის სისხლძარღვების გაფართოებას, მის შეშუპებას, არაინფექციური ანთების განვითარებას, რის შედეგადაც ადამიანს ეწყება ინტენსიური და პულსირებადი თავის ტკივილი. ამასთან უმეტეს შემთხვევაში შაკიკის შეტევას თან ახლავს ფოტო- და ფონოფობია, ხშირად — გულისრევა და პირღებინება.

„ყველაზე ხშირად ავადდებიან აქტიური, შრომისუნარიანი ადამიანები, რომლებიც წარმატებებს აღწევს კარიერაში“, — ამბობს ბოგდანოვი.

შაკიკის გამოწვევა შეუძლია სტრესს, გადატვირთვას, ამინდის ცვლილებებს, მენსტრუაციას, შიმშილს, ალკოჰოლს, ნიტრატებს, არარეგულარულ კვებას, კვებათა შორის ხანგრძლივ შუალედება, ძილის ნაკლებობას ან პირიქით, ზედმეტ ძილს.

„არსებობს ცნება „უქმეების შაკიკი“. ეს ის შემთხვევაა, როცა ადამიანს დასვენების დღეებში დიდხანს სძინავს და შედეგად, შაკიკით იღვიძებს“, — განმარტა ნევროლოგმა.

მისი რეკომენდაციით, ყველაზე მნიშვნელოვანი ამოცანა შაკიკის შეტევის მოახლოებისას არის სისხლძარღვების გაფართოების თავიდან აცილება, ანუ მისი დროული კუპირება სპეციალური პრეპარატების დახმარებით.

„თუ ადამიანი გააჭიანურებს წამლების მიღებას (ყველაზე ხშირად ტრიპტანების ჯგუფი), მას ტვინის გარსების შეშუპება განუვითარდება და, მიუხედავად იმისა, რომ წამალი იმუშავებს, მაინც  მოუწევს ლოდინი, სანამ შეშუპება ალაგდება. ეფექტურობა სუსტდება, თუ წამლები დროულად არ მიიღება“, — ამბობს ბოგდანოვი.

ექიმი განმარტავს, რომ შაკიკის მოახლოების ამოცნობა მისი წინმსწრები ნიშნებითაა შესაძლებელი. მაგალითად, მხედველობის არეში „მკვეთრი ხაზებით“, მცურავი ლაქებით,  უცნაური სუნების შეგრძნებით, მგრძნობელობის ნაწილობრივი დაკარგვით, ხელის ან ფეხის თითებში ჟრუანტელით და სხვა.

18
თემები:
მსოფლიო და მეცნიერება
პოლიცია შემთხვევის ადგილზე

მარტყოფში არასრულწლოვანმა ახალგაზრდა მამაკაცი მოკლა

0
მკვლელობაში ეჭვმიტანილი პირი სამართალდამცავებმა უკვე დააკავეს. მკვლელობის მოტივი ამ დროისთვის უცნობია

თბილისი, 22 ოქტომბერი – Sputnik. გარდაბნის მუნიციპალიტეტის სოფელ მარტყოფში ფიზიკურ დაპირისპირებას ახალგაზრდა მამაკაცის სიცოცხლე ემსხვერპლა, იუწყება შსს–ს პრეს–სამსახური.

არსებული ინფორმაციით, 2001 წელს დაბადებულ მამაკაცს ცივი იარაღით სასიკვდილო ჭრილობა არასრულწლოვანმა, 16 წლის თანასოფლელმა მიაყენა. დაჭრილი საავადმყოფოში მიყვანისთანავე გარდაიცვალა.

მკვლელობის მოტივი ამ დროისთვის უცნობია. მასმედიაში გავრცელებული ინფორმაციით, დაპირისპირებულებს კამათი ადრეც მოსვლიათ.

პოლიციამ ბრალდებული ცხელ კვალზე დააკავა.

გამოძიება დაწყებულია სსკ-ის 108-ე მუხლით, რაც განზრახ მკვლელობას გულისხმობს და ითვალისწინებს შვიდიდან 15 წლამდე ვადით პატიმრობას.

0
თემები:
შემთხვევები საქართველოში