თბილისი, 21 სექტემბერი – Sputnik. საქართველოში ახალი კორონავირუსისგან კიდევ ერთი პაციენტი გარდაიცვალა. ეს ამ ვირუსის შედეგად გარდაცვალების მე-20 შემთხვევაა. ინფორმაცია ამის შესახებ მთავრობის სპეციალურ ვებ-გვერდზე stopcov.ge გამოქვეყნდა.
საქართველოში ახალი კორონავირუსით დაავადებულთა რაოდენობა ბოლო დღე-ღამეში 193-ით გაიზარდა და 3695-ს მიაღწია.
ამ დროისათვის სულ გამოჯანმრთელდა 1534 ადამიანი. კარანტინის რეჟიმში იმყოფება 4988, ხოლო სტაციონარებში ექიმების დაკვირვების ქვეშ 836 პაციენტია.
კორონავირუსის პირველი შემთხვევა ქვეყანაში 26 თებერვალს დაფიქსირდა.