სოფო ნიჟარაძე

„ან დაბრუნდები, ან ბომბს გესვრი“ - რას პასუხობს ნიკა გვარამიას მუქარას სოფო ნიჟარაძე?

445
(განახლებულია 14:17 20.09.2020)
სოფო ნიჟარაძე ნიკა გვარამიას სტატუსს Facbook- ზე გამოეხმაურა. როგორც ჩანს, „მთავარი არხის“ გენერალურ დირექტორს მომღერალი ძალიან მოენატრა და დაბრუნებას სთხოვს. რას წერს სოფო ნიჟარაძე და რა უპასუხა ნიკა გვარამიას?

„მთავარი არხის“ პირდაპირ ეთერში კიდევ ერთი ახალი გადაცემა გამოჩნდა. ახალ სეზონთან ერთად ლელა წურწუმიას გადაცემამ მაღალი რეიტინგი დადო. პოპ-დივას გადაცემას „მხოლოდ ლელასთან“ ჰქვია. ნიკა გვარამიამ აღნიშნულ გადაცემას ვრცელი პოსტი მიუძღვნა. ამ სტატუსს ამერიკიდან სოფო ნიჟარაძე გამოეხმაურა. აი, რას წერენ სატელევიზიო სახეები: „გიჟია რა ეს გოგო. პირველივე ეთერში გააფრინა, თან ლაივში. მისი ცხოვრების პირველ ლაივში“, - დაწერა ნიკა გვარამიამ ლელა წურწუმიაზე.

აღნიშნულს სოფო ნიჟარაძე გამოეხმაურა და დააკომენტარა, რომ ლელა წურწუმიაზე „აფრენს“. ნიკას კომენტარმა არ დააყოვნა და არხის გენდირექტორმა აღნიშნა, რომ მომღერალი ძალიან მოენატრა. „ვაფრენ კი არა, ან დაბრუნდები ან ბომბს გესვრი. მომენატრე, გადავირიე, ხო არ გაკლია შენ?!“, - დააკომენტარა ნიკამ. სოფო ნიჟარაძემ ეს კომენტარი უპასუხოდ არ დატოვა და ნიკას შეპირდა, რომ ძალიან მალე ჩამოვა. 

View this post on Instagram

A post shared by Sofia Nizharadze (@sofianizharadze) on

რამდენიმე თვეა სოფო ნიჟარაძე მეუღლესთან და პაწაწინა ქალიშვილთან ერთად ამერიკაში ცხოვრობს. მისი მეორე ნახევრის, ახალშობილის მამის ვინაობა ჯერ კიდევ უცნობია. მასმედიაში მხოლოდ ქალიშვილის დაბადების თარიღი და სახელი გავრცელდა. აღმოჩნდა, რომ სოფო ნიჟარაძე ოჯახის წევრებთან ერთად ფეხმძიმობას მთელი 9 თვის განმავლობაში მალავდა.

445
თემები:
სელებრითების ცხოვრება (2214)
ავადმყოფი კლინიკაში

„თუ ასეთი სიმპტომები გაქვთ, აუცილებლად უნდა მოხვდეთ საავადმყოფოში“ - ექიმი

16
(განახლებულია 12:29 20.10.2020)
სოციალურ ქსელში ექიმი სოფო ბერიძე იმ სიმპტომებსა და დაავადებებზე წერს, რა შემთხვევაშიც პაციენტი კლინიკაში აუცილებლად უნდა მოხვდეს

თბილისი, 20 ოქტომბერი - Sputnik. ვირუსის გავრცელების მაღალი მაჩვენებლის ფონზე, სოციალურ ქსელში ექიმ სოფო ბერიძის მიმართვა ვრცელდება, სადაც ჩამოთვლილია ის ჯგუფები, რომლებსაც დადასტურებული დაავადების დროს, ყოველგვარი სიმპტომების გარეშეც კი, ესაჭიროებათ საავადმყოფოში მკურნალობა.

ექიმი წერს, რომ თუ სიმპტოპებიანი პაციენტი 60 წლისმ ან მეტი ასაკისაა, აქვს შაქრიანი დიაბეტი, მკვეთრად გამოხატული სიმსუქნე, თირკმლის ქრონიკული დაავადება (თირკმლის ქრონიკული უკმარისობა, ჰემოდიალიზი), ღვიძლის ქრონიკული დაავადება (ციროზი, ჰეპატიტი და ა.შ.), გულის ქრონიკული დაავადება (გულის იშემიური დაავადება, გადატანილი ინფარქტი სტენტირება, შუნტირება, გულის უკმარისობა), ფილტვის ქრონიკული დაავადება (ასთმა, ფქოდი), არის ე.წ. იმუნოკომპრომიტებული პირი, რაც ნიშნავს, რომ აქვს სუსტი იმუნიტეტი სხვადასხვა მიზეზის გამო – უხშირესად ეს მიზეზებია: ონკოლოგიური დაავადება, ჰორმონების ხანგრძლივი მოხმარება, ქიმიოთერაპია, აივი, შიდისი, თამბაქოს მოხმარება და სხვა, აუცილებლად უნდა მოთავსდეს კლინიკაში.

ასევე საავადმყოფოში დაუყოვნებელი მოთავსება ესაჭიროება ყველა პირს, რომელსაც აღენიშნება: ძლიერი ქოშინი მოსვენებულ მდგომარეობაში ან მკვეთრად გაძნელებული სუნთქვა; ჰემოფტიზი (სისხლიანი ხველა); სახის, ან ტუჩების ციანოზი(სილურჯე); შემცივნება ფერმკრთალი ნამიანი ან აჭრელებული კანის ფონზე; სინკოპე (გულის წასვლა); მწვავე კონფუზია(მწვავედ განვითარებული დაბნეულობა, დროსა და სივრცეში გაურკვევლობა); ძილიანობა და შეფხიზლების გაძნელება; შარდის გამოყოფის შემცირება ან არარსებობა.

„თუ მიეკუთვნებით ზემოთ ჩამოთვლილ რომელიმე ჯგუფს, გამოიყენეთ ყველა შესაძლო ბერკეტი საავადმყოფოში დროულად მოსახვედრად! გახსოვდეთ – კარგი გამოსავალი პირდაპირ არის დამოკიდებული იმაზე, თუ რამდენად სწრაფად მოხვდებით კლინიკაში – იქ ექიმები ყველაფერს გააკეთებენ თქვენს გადასარჩენად“, - წერს ექიმი.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 1194-ით გაიზარდა და 19857-ს მიაღწია, აღნიშნულია საქართველოს მთავრობის სპეციალურ ვებ-გვერდზე stopcov.ge.

ამ დროისათვის სულ გამოჯანმრთელდა 8666 ადამიანი, გარდაიცვალა – 158, კარანტინის რეჟიმში იმყოფება 6407, სტაციონარებში ექიმების დაკვირვების ქვეშ 2862 პაციენტია, ხოლო კოვიდ–სასტუმროებში 1420 ადამიანი იმყოფება.

ასევე კორონავირუსის დიაგნოზით უცხოეთიდან სამშობლოში გადმოყვანილია საქართველოს 41 მოქალაქე, მათ შორის 38 – სამხედრო მოსამსახურე.

საქართველოში კორონავირუსის პირველი შემთხვევა 26 თებერვალს დაფიქსირდა.

16
თემები:
COVID-19 საქართველოში
თბილისის რესპუბლიკური საავადმყოფო

თბილისის რესპუბლიკური საავადმყოფო კოვიდ–კლინიკად გადაკეთდა

18
(განახლებულია 12:27 20.10.2020)
საავადმყოფოს კლინიკური დირექტორის დევი ტაბიძის განცხადებით, კლინიკა დღეიდან ცხელების სიმპტომების მქონე  არცერთ პაციენტს აღარ მოემსახურება.

თბილისი, 20 ოქტომბერი – Sputnik. აკადემიკოს ნიკოლოზ ყიფშიძის სახელობის  ცენტრალური საუნივერსიტეტო კლინიკა -„რესპუბლიკური საავადმყოფო“  20 ოქტომბრიდან მხოლოდ კორონავირუსით ინფიცირებულ პაციენტებს მიიღებს, იუწყება ტელეკომპანია „იმედი“. 

ქვეყანაში სექტემბრის დასაწყისიდან  ეპიდემიოლოგიური ვითარება მკვეთრად გაუარესდა. ინფიცირებულთა დღეღამურმა მაჩვენებელმა უკვე ოთხნიშნა ციფრს მიაღწია. ბოლო დღე-ღამეში ინფიცირებულთა რაოდენობა 1194-ით გაიზარდა, აქედან თბილისში ინფიცირების 425 შემთხვევა დაფიქსირდა.

საავადმყოფოს კლინიკური დირექტორის დევი ტაბიძის განცხადებით, კლინიკა დღეიდან ცხელების სიმპტომების მქონე  არცერთ პაციენტს აღარ მოემსახურება.

„რესპუბლიკური საავადმყოფო მთლიანად დაიცალა და კვლავ კოვიდ–ცენტრად გადავკეთდით.  მივიღებთ მხოლოდ ინფიცირებულ პაციენტებს და მათი მკურნალობის მხრივ, ალბათ, უფრო ქმედითი ღონისძიებები გატარდება. მსუბუქი სიმპტომების პაციენტების მკურნალობა კოვიდ–სასტუმროებშიც შესაძლებელია. კლინიკებს კი უნდა მიეცეთ საშუალება, იმუშაონ  საშუალო და მძიმე პაციენტებთან“, – განაცხადა ტაბიძემ.

ამ დროისთვის, საქართველოში კორონავირუსით ინფიცირებულთა რაოდენობამ 19857-ს მიაღწია,  სულ გამოჯანმრთელდა 8666 ადამიანი, გარდაიცვალა – 158, კარანტინის რეჟიმში იმყოფება 6407, სტაციონარებში ექიმების დაკვირვების ქვეშ 2862 პაციენტია, ხოლო კოვიდ–სასტუმროებში 1420 ადამიანი იმყოფება.

 

18
თემები:
COVID-19 საქართველოში