ანი ჩირაძე

ანა ჩირაძეს მისი უფროსი ქალიშვილი ტყუპისცალივით ჰგავს - ფოტოები

24655
(განახლებულია 13:09 19.09.2020)
რეალურ ცხოვრებაში „ჩიკას“ ორი შვილი ჰყავს - ქალ-ვაჟი. გოგონა განსაკუთრებით ჰგავს დედას. ცოტა ხნის წინ ანიმ სოციალურ ქსელში ნიცას ფოტო გამოაქვეყნა. დედა-შვილის მსგავსება დაუჯერებელია.

პოპულარულ სერიალში „ჩემი ცოლის დაქალები“ „ჩიკას“ როლის შემსრულებელს, მუსიკისა და დრამის თეატრის მსახიობს ანა ჩირაძეს რეალურ ცხოვრებაში ორი შვილი ჰყავს. მსახიობს განსაკუთრებით ჰგავს გოგონა - მშვენიერი ნიცა ცისკარიშვილი.

View this post on Instagram

A post shared by Anna Chiradze (@annachiradze__) on

ანი ჩირაძე და ცნობილი შეფ-მზარეული კონსტანტინე თედელური ოქტომბერში დაქორწინდნენ. მათ ხელი თელავში მოაწერეს. წყვილს თან ახლდნენ მსახიობები ბაია დვალიშვილი და ეკა ჩხეიძე, ასევე „ჩემი ცოლის დაქალების“ სცენარისტი ქეთი დევდარიანი და სხვა ახლობლები.

View this post on Instagram

A post shared by Anna Chiradze (@annachiradze__) on

კონსტანტინეს და ანის რომანი საკმაო ხანი გრძელდებოდა. ანა ჩირაძე და კონსტანტინე თედელური სხვადასხვა პროფესიებში მომუშავე საინტერესო პერსონები არიან. ვიზუალითა და მანერით გამორჩეულები და ამავდროულად მსგავსნი, დიდ ყურადღებას იქცევენ და მაღალი რეიტინგით წამყვან არხებს ფინანსურ მოგებას ჰმატებენ. ანას და კონსტანტინეს თმაც კი ერთნაირად ავანგარდულად აქვთ გაკეთებული სერიალში, რეალითი-შოუსა და რეალურ ცხოვრებაში.

არაორდინარულები და ამავდროულად უბრალოები დიდი პოპულარობით გამოირჩევიან. მათი რეალური ცხოვრება მათივე პერსონაჟებისგან განსხვავდება. სწორედ ეს უფრო და უფრო მეტ ყურადღებას იქცევს. ანა ჩირაძისა და კონსტანტინე თედელურის თავბრუდამხვევი სიყვარულის ისტორია ყოფილი პრეზიდენტის გიორგი მარგველაშვილის რეზიდენციაში დაიწყო და განვითარდა. როგორც მედიასაშულებები იუწყებიან, ანა პრეზიდენტის ადმინისტრაციაში მუშაობდა, რა დროსაც კონსტანტინე შეფ-მზარეულის რანგში გამოჩნდა. ორივე მათგანი მანამდე დაოჯახებული იყო და შვილებიც ჰყავდათ.

24655
თემები:
სელებრითების ცხოვრება (2214)
თბილისის რესპუბლიკური საავადმყოფო

თბილისის რესპუბლიკური საავადმყოფო კოვიდ–კლინიკად გადაკეთდა

16
(განახლებულია 12:27 20.10.2020)
საავადმყოფოს კლინიკური დირექტორის დევი ტაბიძის განცხადებით, კლინიკა დღეიდან ცხელების სიმპტომების მქონე  არცერთ პაციენტს აღარ მოემსახურება.

თბილისი, 20 ოქტომბერი – Sputnik. აკადემიკოს ნიკოლოზ ყიფშიძის სახელობის  ცენტრალური საუნივერსიტეტო კლინიკა -„რესპუბლიკური საავადმყოფო“  20 ოქტომბრიდან მხოლოდ კორონავირუსით ინფიცირებულ პაციენტებს მიიღებს, იუწყება ტელეკომპანია „იმედი“. 

ქვეყანაში სექტემბრის დასაწყისიდან  ეპიდემიოლოგიური ვითარება მკვეთრად გაუარესდა. ინფიცირებულთა დღეღამურმა მაჩვენებელმა უკვე ოთხნიშნა ციფრს მიაღწია. ბოლო დღე-ღამეში ინფიცირებულთა რაოდენობა 1194-ით გაიზარდა, აქედან თბილისში ინფიცირების 425 შემთხვევა დაფიქსირდა.

საავადმყოფოს კლინიკური დირექტორის დევი ტაბიძის განცხადებით, კლინიკა დღეიდან ცხელების სიმპტომების მქონე  არცერთ პაციენტს აღარ მოემსახურება.

„რესპუბლიკური საავადმყოფო მთლიანად დაიცალა და კვლავ კოვიდ–ცენტრად გადავკეთდით.  მივიღებთ მხოლოდ ინფიცირებულ პაციენტებს და მათი მკურნალობის მხრივ, ალბათ, უფრო ქმედითი ღონისძიებები გატარდება. მსუბუქი სიმპტომების პაციენტების მკურნალობა კოვიდ–სასტუმროებშიც შესაძლებელია. კლინიკებს კი უნდა მიეცეთ საშუალება, იმუშაონ  საშუალო და მძიმე პაციენტებთან“, – განაცხადა ტაბიძემ.

ამ დროისთვის, საქართველოში კორონავირუსით ინფიცირებულთა რაოდენობამ 19857-ს მიაღწია,  სულ გამოჯანმრთელდა 8666 ადამიანი, გარდაიცვალა – 158, კარანტინის რეჟიმში იმყოფება 6407, სტაციონარებში ექიმების დაკვირვების ქვეშ 2862 პაციენტია, ხოლო კოვიდ–სასტუმროებში 1420 ადამიანი იმყოფება.

 

16
თემები:
COVID-19 საქართველოში
თბილისის ინფექციური საავადმყოფო

კორონავირუსის ბოლო შემთხვევები რეგიონების მიხედვით: დღის სტატისტიკა

37
ბოლო 24 საათის განმავლობაში საქართველოში კოვიდ-ინფიცირების ყველაზე მეტი – 425 შემთხვევა თბილისში დაფიქსირდა.

თბილისი, 20 ოქტომბერი – Sputnik. საქართველოში ახალი კორონავირუსით დაავადებულთა ყველაზე მეტი რაოდენობა ბოლო დღე-ღამეში თბილისში დაფიქსირდა. სულ ბოლო 24 საათში 1194 ახალი შემთხვევა გამოვლინდა და ინფიცირებულთა რაოდენობამ 19857-ს მიაღწია.

რესტორნები მცხეთაშიც 22:00 საათიდან დაიკეტება>>

უწყებათაშორის საკოორდინაციო საბჭოსთან არსებული საოპერაციო შტაბის უფროსის მოადგილის, ბერდია სიჭინავას ინფორმაციით, კორონავირუსის 1194 ახალი შემთხვევიდან ყველაზე მეტი – 425 ინფიცირებული თბილისში გამოვლინდა.

არსებული სტატისტიკით, 372 ინფიცირებულია იმერეთში, აჭარაში - 193. გურიაში 21 შემთხვევა დადასტურდა, სამეგრელო-ზემო სვანეთში - 27, ქვემო ქართლში -53, შიდა ქართლში -64, მცხეთა-მთიანეთში- 18, კახეთში - სამი, რაჭა-ლეჩხუმსა და ქვემო სვანეთში - ცხრა, სამცხე-ჯავახეთში ასევე ცხრა შემთხვევა.

„აქედან მძიმე 341 პაციენტია, მათ შორის 172 - თბილისში, აჭარაში - 69. ხელოვნური სუნთქვის აპარატზე, დღეის მდგომარეობით, გვყავს 75 პირი. მათ შორის თბილისში 49, ხოლო აჭარაში -10. 1672 პირი განაწილებულია კოვიდსასტუმროებში, საიდანაც 1079 არის აჭარაში, ხოლო 449 -თბილისში. 5670 ადამიანი ბინაზე გადის მკურნალობის კურსს", - განაცხადა ბერდია სიჭინავამ.

მისი თქმით, ამჟამად საკარანტინე სივრცეში იმყოფება 4726 პირი, აქედან თბილისში განაწილებულია 1005, აჭარის რეგიონში -2337, თვითიზოლაციაშია 21962 პირი, მათ შორის თბილისში 3 798, აჭარაში – 8 821, იმერეთში – 3 369.

ამ დროისათვის სულ გამოჯანმრთელდა 8666 ადამიანი, გარდაიცვალა – 158, კარანტინის რეჟიმში იმყოფება 6407, სტაციონარებში ექიმების დაკვირვების ქვეშ 2862 პაციენტია, ხოლო კოვიდ–სასტუმროებში 1420 ადამიანი იმყოფება.

ასევე კორონავირუსის დიაგნოზით უცხოეთიდან სამშობლოში გადმოყვანილია საქართველოს 41 მოქალაქე, მათ შორის 38 – სამხედრო მოსამსახურე.

საქართველოში კორონავირუსის პირველი შემთხვევა 26 თებერვალს დაფიქსირდა.

37
თემები:
COVID-19 საქართველოში
დედოფალი ელიზაბეტი

ელიზაბეტ II-მ უკიდურესად იშვიათი პრეროგატივა გამოიყენა და მკვლელი შეიწყალა

0
(განახლებულია 12:35 20.10.2020)
დედოფლის შეწყალებას მხარს უჭერს გალანტის მიერ მოკლული მეხანძრის ოჯახიც - დაღუპულის ვაჟის თქმით, მომხდარი არის მაგალითი იმისა, თუ როგორ შეიძლება შეიცვალოს ადამიანი 

თბილისი, 20 ოქტომბერი — Sputnik. დიდი ბრიტანეთის დედოფალმა ელიზაბეტ II–მ უკიდურესად იშვიათი პრეროგატივა გამოიყენა და შეიწყალა მკვლელი, რომელმაც 2019 წლის ნოემბერში ლონდონის ხიდზე ტერორისტის შეჩერებაში მიიღო მონაწილეობა, იუწყება Daily Mail–ი.

​გავრცელებული ინფორმაციით, 42 წლის სტივენ გალანტი 2005 წელს დააპატიმრეს მეხანძრის მკვლელობისთვის და 17 წლით თავისუფლების აღკვეთა მიუსაჯეს. 2019 წლის 29 ნოემბერს, მიიღო რა ციხის ხელმძღვანელობისგან საპატიმროდან გასვლის უფლება პატიმრებისთვის სარეაბილიტაციო ღონისძიებაში მონაწილეობის მისაღებად, ის შემთხვევის წყალობით მოხვდა ლონდონის ხიდზე, სადაც 28 წლის უსმან ჰანი გამვლელებს დაესხა თავს მოსაკლავად. 

ირკვევა, რომ გალანტს იმ დღეს თან ჰქონდა ნარვალის (ზღვის ძუძუმწოვარა) ეშვი, რომელიც მას ერთ–ერთმა ჩინოვნიკმა აჩუქა. სწორედ ამ ეშვის დახმარებით შეაჩერა მან სხვა გამვლელებთან ერთად დანებითა და თვითმკვლელის ჟილეტის მულაჟით აღჭურვილი ჰანი პოლიციის მოსვლამდე. საბოლოოდ ტერორისტი სწორედ სამართალდამცველებმა მოკლეს.

მიმდინარე წლის 17 ოქტომბერს ბრიტანეთის იუსტიციის სამინისტრომ გაავრცელა ინფორმაცია, რომ დედოფალმა ელიზაბეტ II–მ გამოიყენა იშვიათი სამეფო პრეროგატივა გალანტის შეწყალების თაობაზე, რომლის ქმედებებიც ქვეყნის ხელისუფლებამ „უკიდურეს სიმამაცედ“ შეაფასა.

გამოცემის ინფორმაციით, მართალია, სტივენ გალანტის გათავისუფლების შესახებ საბოლოო გადაწყვეტილება სპეციალურმა კომისიამ უნდა მიიღოს, მაგრამ უარის თქმის შანსი თითქმის არ არსებობს.  

აღსანიშნავია ისიც, რომ დედოფლის შეწყალებას მხარს უჭერს გალანტის მიერ მოკლული მეხანძრის ოჯახიც. დაღუპულის ვაჟის თქმით, მომხდარი არის მაგალითი იმისა, თუ როგორ შეიძლება შეიცვალოს ადამიანი. 

შეგახსენებთ: უსმან ჰანი გამვლელებს გასული წლის 29 ნოემბერს დაესხა თავს ლონდონის ხიდზე და ხუთი ადამიანი დაჭრა, რომელთაგან ორი გარდაიცვალა. ცნობილია, რომ ჰანი, რომელიც 2012 წელს დააპატიმრეს ტერორიზმთან დაკავშირებული დანაშაულის გამო, 2018 წელს გათავისუფლდა ციხიდან.

0
თემები:
მსოფლიო დღეს