ვაშლი

არასტანდარტული ვაშლი: შიდა ქართლში 2 ათას ტონაზე მეტი გადამუშავდა

192
(განახლებულია 19:36 17.09.2020)
სუბსიდირების პროგრამის თანახმად, სახელმწიფო კომპანიებს 0,1 ლარს აუნაზღაურებს ერთ კილოგრამზე, თუ ისინი ფერმერებისგან 1 კილოგრამ არასტანდარტულ ვაშლს მინიმუმ 0,22 ლარად ჩაიბარებენ.

თბილისი, 17 სექტემბერი — Sputnik. არასტანდარტული ვაშლის რეალიზაციის ხელშეწყობის პროგრამა აქტიურ ფაზაშია – ბოლო მონაცემებით, სახელმწიფო პროგრამაში მონაწილე ცხრა კომპანიამ შიდა ქართლში 2 ათას ტონაზე მეტი არასტანდარტული ნაყოფი გადაამუშავა, იუწყება გარემოს დაცვისა და სოფლის მეურნეობის სამინისტრო. 

არასტანდარტული ვაშლის მიღების პროცესს მინისტრის პირველი მოადგილე გიორგი ხანიშვილი ხილის გადამამუშავებელ კომპანია GSK Kula-ში გაეცნო.

„საქართველოს გადამამუშავებელი სექტორის მდგომარეობა წლიდან წლამდე უმჯობესდება, ხდება ტექნიკური გადაიარაღება და ავტომატიზაცია. ეს, ერთი მხრივ, ამცირებს პროდუქციის თვითღირებულებას და მას კონკურენტუნარიანს ხდის, მეორე მხრივ კი ზრდის სტანდარტებს, რომლითაც ქართული პროდუქცია თავისუფლად შედის მსოფლიო ბაზრებზე“, – განაცხადა გიორგი ხანიშვილმა

GSK Kula-ს დირექტორის ივანე გოგლიძის განცხადებით, კომპანია პროგრამის დაწყებიდან ჩართულია როგორც სტანდარტული, ისე არასტანდარტული ვაშლის მიღების პროცესში – საწარმომ უკვე 700 ტონაზე მეტი ნაყოფი გადაამუშავა.

„კომპანიას დღე-ღამეში 200 ტონა ნედლეულის გადამუშავების სიმძლავრე გააჩნია“, – აღნიშნა გოგლიძემ.

სახელმწიფო პროგრამის ფარგლებში სოფლის განვითარების სააგენტო 1 კგ არასტანდარტულ ვაშლზე 0.10 ლარის ოდენობის სუბსიდიას გასცემს. სახელმწიფო სუბსიდიას მიიღებენ ხილის გადამმუშავებელი ის კომპანიები, რომლებიც 2020 წლის 1 დეკემბრამდე მეხილეობის სფეროში დასაქმებული ფიზიკური პირებისგან 1 კგ არასტანდარტულ ვაშლს არანაკლებ 0.22 ლარად შეისყიდიან.

წელს საქართველოში, ძირითადად, შიდა ქართლში ვაშლის უხვ მოსავალს ელოდებიან – 120 ათას ტონაზე მეტს. თუმცა, კორონავირუსის პანდემიის გამო მსოფლიო ბაზარზე ვაშლზე ფასი დაეცა, ამიტომაც მთავრობა გარკვეულ ინტერვენციებს ახორციელებს იმ ფერმერებისა და კომპანიების მხარდასაჭერად, რომლებიც ხილის გადამუშავების სფეროში მუშაობენ.

 

192
თემები:
საქართველოს სოფლის მეურნეობა (175)
მობილური ტელეფონი

მეუფე ნიკოლოზმა დაპირებული Iphone 12 მიიღო - ვრცელდება ფოტოები

24
(განახლებულია 15:28 02.12.2020)
სოციალურ ქსელებში ძალიან პოპულარული გახდა მეუფე ნიკოლოზის განცხადება, რომ „ბრალი დასდეს“ თითქოს ბოლო მოდელის Iphone აქვს

თბილისი, 2 დეკემბერი - Sputnik. ახალქალაქის, კუმურდოს და კარის მიტროპოლიტმა ნიკოლოზ ფაჩუაშვილმა ერთ-ერთი კომპანიისგან დაპირებული ბოლო მოდელის Iphone 12 მიიღო.

როგორც ცნობილი გახდა, მირტოპოლიტმა კომპანიის მიერ შეთავაზებულ „პრომიქსზე” უარი თქვა, რადგან დიდი ზომის, მოუხერხებელი იყო და მის სანაცვლოდ „მაქსი” აჩუქეს.

ჟურნალისტის დასმულ შეკითზვაზე რაში გამოიყენებს ახალ ტექნიკას, მეუფემ უპასუხა: „გამიმართლა და მადლობის მეტი არაფერი მეთქმის. ყველაფერი აიფონ 11 პრო -თი დაიწყო. ახალი დაიკავებს მის ადგილს, რომელიც დამიზიანდა უკვე”.

ახალქალაქისა, კუმურდოს და კარის მიტროპოლიტმა ნიკოლოზ ფაჩუაშვილმა „დღის კურიერის” ეთერში 1 დეკემბერს განაცხადა, რომ მას „აიფონი“ საკუთარი ქადაგების ჩაწერისთვის და youtube-ზე ასატვირთად სჭირდება.

კომპანია „აისტაილმა“ მეუფისთვის მობილური Iphone 12-ის ჩუქება მას შემდეგ გადაწყვიტა, რაც მათი აზრით მეუფემ მას დიდი რეკლამა გაუკეთა. მანამდე სოციალურ ქსელებში ძალიან პოპულარული გახდა მეუფე ნიკოლოზის განცხადება, რომ „ბრალი დასდეს“ თითქოს ბოლო მოდელის Iphone აქვს. სინოდის წევრი ამტკიცებდა, რომ მას მხოლოდ iPhone 11 Pro აქვს.

24
კობა დავითაშვილი

ქართველი პოლიტიკოსი კობა დავითაშვილი გარდაიცვალა

51
(განახლებულია 15:26 02.12.2020)
დავითაშვილს ბოლო რამდენიმე წელია ბეხტერევის დაავადება ჰქონდა. პოლიტიკოსი დაახლოებით ორი კვირის წინ ალადაშვილის კლინიკაში ჯანმრთელობის მძიმე მდგომარეობით გადაიყვანეს.

თბილისი, 2 დეკემბერი - Sputnik. საქართველოს პარლამენტის ყოფილი დეპუტატი კობა დავითაშვილი. მძიმე ავადმყოფობის შედეგად, 49 წლის ასაკში გარდაიცვალა, იუწყება ტელეკომპანია „რუსთავი2“.

დავითაშვილი დაახლოებით ორი კვირის წინ ალადაშვილის კლინიკაში ჯანმრთელობის მძიმე მდგომარეობით გადაიყვანეს. როგორც კლინიკაში განაცხადეს, მას აღენიშნებოდა სეფსისი, სეპტიკური შოკი, პოლიორგანული უკმარისობა, თირკმლის მწვავე უკმარისობა და მართვით სუნთქვაზე იმყოფებოდა.

 კობა დავითაშვილი „ ხალხის პარტიის“ ლიდერი, თბილისის საკრებულოს ყოფილი წევრი  და  საქართველოს პარლამენტის ოთხი მოწვევის (1999, 2004, 2008, 2012) დეპუტატი იყო. 

პოლიტიკური საქმიანობის ბოლო ეტაპზე, ის მერვე მოწვევის პარლამენტის წევრი კოალიცია „ქართული ოცნების"  სიით გახდა, თუმცა,  უთანხმოების გამო, 2013 წელს  საპარლამენტო უმრავლესობა დატოვა და 2016 წლამდე პარლამენტის დამოუკიდებელი დეპუტატი იყო.

2013 წელს დავითაშვილმა საპრეზიდენტო არჩევნებშიც მიიღო მონაწილეობა, მან ამომრჩეველთა ხმების 0,6%–ის მიღება შეძლო. მანამდე მან განცხადება გააკეთა, რომ პოლიტიკიდან იმ შემთხვევაში წავიდოდა, თუ საპრეზიდენტო არჩევნებში ხმების 3%–ს ვერ მიიღებდა.

ბოლო პერიოდში დავითაშვილი საზოგადოების წინაშე იშვიათად ჩნდებოდა და ჟურნალისტებთან კონტაქტს ერიდებოდა.  კობა დავითაშვილს 2017 წელს  ე.წ. ბეხტერევის დაავადება დაუდგინდა, რომელიც დაავადების რთულად მიმდინარეობის შემთხვევაში ხერხემლის სრული უძრაობით ხასსიათდება. პოლიტიკოსი მის დაავადებას  2007 წლის ნოემბერში მიღებულ ტრავმებს უკავშირებდა.

2007 წლის 7 ნოემბერს თბილისის ცენტრში მასობრივი საპროტესტო აქცია დაარბიეს. აქციის მონაწილეები მოითხოვდნენ პრეზიდენტ მიხეილ სააკაშვილის გადადგომას, ვადამდელი საპარლამენტო არჩევნების ჩატარებას და პოლიტპატიმრების გათავისუფლებას.

იმ დღეს 500–ზე მეტი ადამიანი დაშავდა – მათ შორის იყვნენ პოლიციელებიც. აქციის დაშლის დღეს „ხალხის პარტიის“ ლიდერი კობა დავითაშვილი „ელიავას“ ბაზრობიდან გაუჩინარდა. სასტიკად ნაცემი დავითაშვილს მეორე დღეს ერთ–ერთ კლინიკაში მიაკვლიეს.

51
მთვარის ზედაპირი  поверхность луны

მომავალ წელს მთვარის ზედაპირზე რბოლის გამართვა იგეგმება: ცნობილია დეტალები

0
ბოლიდების შექმნაში, რომელიც „მაკლარენის“ დიზაინერის პროექტით უნდა აიგოს, სკოლის მოსწავლეების ჩართვა იგეგმება

თბილისი, 2 დეკემბერი — sputnik. მთვარის ზედაპირზე 2021 წლის ოქტომებრში შეიძლება ისტორიაში პირველი რბოლა გაიმართოს როვერებს შორის, იუწყება NewAtlas–ი.

გავრცელებული ინფორმაციით, საუბარია არა რეალური პილოტების რბოლაზე, არამედ პროექტ Moon Mark–ის ფარგლებში ორი რადიომართვადი როვერის შეჯიბრზე, რაც ონლაინ–რეჟიმში გადაიცემა ტელევიზიით.

აღნიშნული პროექტის ფარგლებში მთვარის ზედაპირზე ორი მინიატურული როვერის „გადასხმაა“ დაგეგმილი, რომელთაგან თითოეულის წონა 2,5 კგ იქნება. ამასთან დაახლოებთ 3 კგ წონისა იქნება ბოლიდების მთვარეზე დასმის მექანიზმი. 

ცნობილი ხდება, რომ McLaren P1–ის სპეციალისტ ფრენკ სტივენსონის დიზაინის როვერებს სკოლის მოსწავლეები შექმნიან.

ამასთან აღსანიშნავია, რომ პროექტის ტექნიკური დირექტორის, ტოდ უოლაჰის თქმით, დედამიწიდან მთვარეზე როვერების დისტანციურ მართვაში პრობლემები არ იქნება.

„ჩვენი აზრით, სიგნალის გადაცემა–მიღებაში მნიშვნელოვანი ყოვნი გავლენას ვერ მოახდენს რბოლაზე ან ავტომობილების მართვაზე.“, — აცხადებს ის.

სპეციალიტის თქმით, Intuitive Machines–თან პარტნიორობის წყალობით, პროექტის ორგანიზატორებს საშუალება ექნებათ,  გამოიყენონ რბოლის ონლაინ– რეჟიმისას ვიზუალური ეფექტები  და ტელემეტრია.

0
თემები:
მსოფლიო დღეს