ტესტირება კორონავირუსზე ბათუმის ბულვარში

იანვრის ბოლოდან საქართველოში COVID-19-ზე ნახევარ მილიონზე მეტი ტესტი გაკეთდა

284
საქართველო უმკლავდება მთავარ ამოცანას - შეაკავოს საშიში ვირუსი და გააკონტროლოს ინფიცირებულთა მკურნალობა, მიიჩნევს ქვეყნის მთავარი ეპიდემიოლოგი

თბილისი, 16 სექტემბერი - Sputnik. საქართველოში მნიშვნელოვნად გაიზარდა PCR-ტესტირების მაჩვენებელი - იანვრის ბოლოდან ქვეყანაში 508 ათასზე მეტი ტესტი გაკეთდა, განაცხადა დაავადებათა კონტროლისა და საზოგადოებრივი ჯანდაცვის ეროვნული ცენტრის ხელმძღვანელმა ამირან გამყრელიძემ.

მისი თქმით, საქართველოში მილიონ მოსახლეზე 136,8 ათასზე მეტ ტესტს აკეთებენ. ეს ნიშნავს, რომ ინფექციის შეკავება ხერხდება.

ამასთან, როგორც გამყრელიძემ აღნიშნა, მნიშვნელოვანია, რომ საქართველოში სიკვდილობის მაჩვენებელი 0,79%-ს შეადგენს. მისი სიტყვებით, ეს ევროპაში ერთ-ერთი ყველაზე დაბალი მაჩვენებელია და ქვეყანამ ყველაფერი უნდა გააკეთოს ამ ციფრის შესანარჩუნებლად და არ გადააჭარბოს ლეტალური დასასრულის 19 შემთხვევას.

საქართველოში ამ მომენტისთვის ხუთ კრიტიკულ პაციენტს მკურნალობენ. ერთი მათგანი ხელოვნური სუნთქვის აპარატზეა მიერთებული.

აჭარაში კორონავირუსით ინფიცირებული პაციენტები კლინიკებში გადანაწილებას ელოდებიან >>

„გაფართოებული ტესტირების დროს, დილისთვის 11 ათასამდე ტესტირება გვქონდა. შეიძლება ითქვას, რომ ადრეულ ეტაპზე ინფექცია თითქმის არ გვეპარება და ამიტომაც ეს ერთ-ერთი მიზეზია იმისა, რომ ძირითადად მსუბუქი შემთხვევებია. ინფიცირებულებს ადრეულ ეტაპზევე ვავლენთ და ვიწყებთ მათ მართვას“, – განაცხადა ამირან გამყრელიძემ.

ოთხშაბათს დაავადებათა კონტროლის ეროვნული ცენტრის ხელმძღვანელი საქართველოში კორონავირუსის ეპიცენტრს - აჭარას ესტუმრა. ამირან გამყრელიძის განცხადებით, ამ რეგიონში, ისევე როგორც მთელ ქვეყანაში, კორონავირუსით ინფიცირებულთა უმეტესობა უსიმპტომო პაციენტები არიან.

ამასთან დაკავშირებით ექიმმა ბათუმის მოსახლეობასა და სტუმრებს, რომელთაც მომატებული ტემპერატურა აქვთ, შესაბამისი გამოკვლევის ჩატარებისკენ მოუწოდა. 37 გრადუსი სიცხის შემთხვევაშიც კი ადამიანებმა უნდა გაიკეთონ PCR-ტესტი, ამბობს მედიკოსი.

ეპიდემიოლოგის სიტყვებით, აჭარაში თერმოსკრინინგიც მკაცრდება. კერძოდ, ყველა დახურულ შენობაში, მაღაზიაში, სავაჭრო ცენტრში, აფთიაქში, რესტორანში სავალდებულოა მკაცრი თერმოსკრინინგი. იწყება ასევე აჭარიდან წამოსული ყველა მოქალაქის თერმოსკრინინგიც.

„მე რომ გავალ, დავტოვებ ბათუმს დღეს ან ხვალ, აუცილებლად უნდა გამისინჯონ ტემპერატურა. ვისაც მომატებული ტემპერატურა ექნება, აუცილებელია, მან შესაბამისი კვლევა ჩაიტაროს. სიმპტომი არ გახლავთ მხოლოდ ტემპერატურა. ამ დაავადების მთავარი სიმპტომებია: ტემპერატურის მატება, ხველა, მშრალი უპირატესად, სუნთქვის გაძნელება, შესაძლებელია, ასევე ბავშვებში გამოვლინდეს დიარეული სინდრომი. ამ დროს  აუცილებელია „112“-ზე დარეკვა“,– განაცხადა ამირან გამყრელიძემ.

რაც შეეხება პანდემიის მეორე ტალღას, გამყრელიძის თქმით, კორონავირუსის შემთხვევების მატება შემოდგომის დასაწყისში მოსალოდნელი იყო. ამასთან, გასაკვირი არ არის, რომ ეპიდემიოლოგიური აფეთქება აჭარიდან დაიწყო, სადაც ზაფხულის სეზონზე ბევრი ხალხი ისვენებს.

დაავადების გავრცელების კიდევ ერთი მიზეზი ის გახდა, რომ ადამიანები მოდუნდნენ და შეწყვიტეს დადგენილი რეკომენდაციების დაცვა, აღნიშნავს ეპიდემიოლოგი.

„დამერწმუნეთ, რომ დიდი თავშეყრები არის ერთ-ერთი მთავარი მიზეზი, რაც ჩვენ ახლა აგვიფეთქდა აჭარაში. ძალიან ბევრი შემთხვევა, კლასტერები სწორედ ამ უკონტროლო თავშეყრებთან იყო დაკავშირებული“, – განაცხადა ამირან გამყრელიძემ.

გურიაში კორონავირუსი პედაგოგებს დაერია >>

მთელი მსოფლიოს მასშტაბით ეპიდემიოლოგიური ვითარება კვლავ დაძაბულია, განმარტავს ამირან გამყრელიძე და დასძენს, რომ ერთადერთი დამაიმედებელი ფაქტი ისაა, რომ ვირუსის აგრესიულობა ცოტათი შემცირებულია. „გლობალურად სიკვდილობის მაჩვენებელი 7%-დან 3,2%-მდე შემცირდა“, - ამბობს გამყრელიძე.

284
თემები:
COVID-19 საქართველოში (1783)
ნანუკა გოგიჩაიშვილი, ნათია ბანძელაძე, გიორგი გოგიჩაიშვილი და ნინი გოგიჩაიშვილი

ნანუკა და ნინი გოგიჩაიშვილების მოდური ბაბუა - აი ვის ჰგვანან ტოპ-მოდელი დები

62
(განახლებულია 13:04 23.09.2020)
გოგიჩაიშვილების ოჯახის წევრი შეუდარებლად გამოიყურება. მოდელების ბაბუის შთამბეჭდავი „ლუქი“. რა ფოტოს აქვყნებს ნანუკა გოგიჩაიშვილი?

მოკრძალებული ჯვრისწერის შემდეგ, გოგიჩაიშვილების ოჯახი დედაქალაქს დაუბრუნდა. ნანუკა და ნიკოლოზ ნაყოფია ოფიციალურად ცოლ-ქმარნი არიან. წყვილს ალავერდის მონასტერში ჯვრისწერა ვიწრო წრეში ჰქონდა. მათ კახეთში მხოლოდ ნათესავებმა მიაკითხეს. ნანუკამ აღნიშნა, რომ ქორწილი არ იქნება, ბუნებრივია, მიზეზი პანდემიაა.

ნანუკა გოგიჩაიშვილმა მოდური ბაბუის ფოტო სოციალურ ქსელში განათავსა. ხანდაზმული ოჯახის წევრი მოდელის ძაღლს ასეირნებს და შეუდარებლად გამოიყურება.

პოპულარულ ოჯახში რამდენიმე თვის წინ დიდი ტრაგედია დატრიალდა. რამდენიმეწლიანი ბრძოლის შემდეგ გიორგი გოგიჩაიშვილის ორგანიზმმა სენს ვერ გაუძლო. მისმა გარდაცვალებამ გული მთელ ქვეყანას დასწყვიტა. მსახიობის კეთილი როლები, ბავშვების უკიდეგანო სიყვარული და გულახდილი ღიმილი ყველას კარგად დაამახსოვრდა. მისი უბოროტო და ყველას მიმართ ყურადღებიანი ხასიათი ბევრისთვის მაგალითად იქცა. გოგიჩას ადამიანები არასდროს დაივიწყებენ, რადგან ის ბავშვობის უდარდელ წლებთანაა დაკავშირებული.

View this post on Instagram

1. #❤️🪐♾

A post shared by Leonard Cohen Was Right (@ninigogicha) on

ცნობილი მსახიობი და ტელეწამყვანი გიორგი გოგიჩაიშვილი ივლისში 51 წლის ასაკში გარდაიცვალა. გი­ორ­გი გო­გი­ჩა­იშ­ვილს, ბავ­შვე­ბის­თვის, მისი პა­ტა­რა მა­ყუ­რებ­ლის­თვის კი უბ­რა­ლოდ გო­გი­ჩას 49 წლის ასაკ­ში გან­საც­დე­ლის პე­რი­ო­დი და­უდ­გა. ჯერ სა­ზო­გა­დო­ებ­რივ არხზე გა­და­ცე­მა „ყო­ჩა­ღე­ბის ქუჩა“ და­უ­ხუ­რეს, შემ­დეგ კი სრუ­ლი­ად მო­უ­ლოდ­ნე­ლად გა­ჩე­ნილ მძი­მე სენ­თან ბრძო­ლა დას­ჭირ­და. მკურ­ნა­ლო­ბის კურ­სი უცხო­ეთ­ში, სტამ­ბუ­ლის კლი­ნი­კა­ში ჩა­უ­ტარ­და. ეს ავად­მყო­ფო­ბა მისი ოჯა­ხის­თვის მოწ­მენ­დილ ცაზე მე­ხის გა­ვარ­დნა­სა­ვით იყო. მკურნალობის შემდეგ ერთი პერიოდი მსახიობი თავს კარგადაც გრძნობდა, თუმცა ბოლო თვეები მდგომარეობა გაუარესდა და ის გარდაიცვალა.

62
თემები:
სელებრითების ცხოვრება
ლაბორატორია

ინფიცირებული მოსწავლეები, მასწავლებელი, მერიის თანამშრომლები რა ვითარებაა სამეგრელოში

56
(განახლებულია 13:02 23.09.2020)
საქართველოში ახალი კორონავირუსით დაავადებულთა რაოდენობა გასულ დღე-ღამეში 227-ით გაიზარდა და 4140-ს მიაღწია, გამოჯანმრთელდა 1643 ადამიანი, გარდაიცვალა 25.

თბილისი, 23 სექტემბერი  — Sputnik. ზუგდიდში კორონავირუსი მერიის სამ თანამშრომელს დაუდასტურდა, სამივე მათგანი უკვე დადასტურებული შემთხვევების კლასტერს უკავშირდება, განაცხადა სამეგრელო-ზემო სვანეთის სახელმწიფო რწმუნებულის მოვალეობის  შემსრულებელმა მალხაზ თორიამ  „Sputnik-საქართველოსთან“

ამ დროისთვის ზუგდიდის მერიაში სადეზინფექციო სამუშაოები ტარდება, თანამშრომელთა ნაწილი მუშაობის დისტანციურ რეჟიმზეა გადასული. ინფიცირებულ პირებთან უშუალო კონტაქტში მყოფი პირები კი თვითიზოლაციაში არიან გადაყვანილი – ტესტის პასუხები დღის მეორე ნახევარში იქნება ცნობილი.  

თორიას განცხადებით, რეგიონში გუშინ  კორონავირუსზე PCR-ტესტი 728 მოქალაქეს ჩაუტარდა და უარყოფითი პასუხი 17 შემთხვევაში დაფიქსირდა. ინფიცირებულთა შორის არასრულწლოვნებიც არიან.

კორონავირუსის  შემთხვევებიდან  14  გუშინ დადასტურებული ორი მოქალაქის კონტაქტებია. სამი მესტიის მუნიციპალიტეტის ხაიშის სკოლის მოსწავლეა.  მათი ინფიცირების წყარო ქობულეთიდან მოწვეული  მასწავლებელია, რომელსაც ინფექცია აღმოაჩნდა.  რაც შეეხება სკოლას, დაწესებულება ფუნქციონირებას დისტანციური რეჟიმში  აგრძელებს. ინფიცირებულთა შორისაა აფხაზეთიდან გადმოყვანილი ერთი პირიც. 

„ამ ეტაპზე მოსახლეობის მასობრივი ტესტირება მიმდინარეობს. ეპიდემიოლოგები ინფიცირებულთა კონტაქტების მოძიებას ახორციელებენ.  რეგიონში გამკაცრდება  მოქალაქეების მხრიდან ჯანდაცვის სამინისტროს მიერ დადგენილი რეგულაციების დაცვაზე კონტროლი“, - განაცხადა  მალხაზ თორიამ.

საქართველოში ახალი კორონავირუსით დაავადებულთა რაოდენობა გასულ დღე-ღამეში 227-ით გაიზარდა და 4140-ს მიაღწია, გამოჯანმრთელდა 1643 ადამიანი, გარდაიცვალა 25.

ქვეყანაში ბოლო 24- საათში პაციენტის გარდაცვალების ორი შემთხვევა დაფიქსირდა – ბოლო ორ დღეში  СOVID-19-ს  ხუთი პაციენტი ემსხვერპლა.

საქართველოში კორონავირუსის პირველი შემთხვევა 26 თებერვალს დაფიქსირდა.

ნიკა ლატარია

56
თემები:
COVID-19 საქართველოში (1783)
ირაკლი კობახიძე

კობახიძე: როგორც არ შეიძლება პედოფილი დააბრუნო საბავშვო ბაღის გამგედ, ასევე არ შეიძლება...

0
(განახლებულია 14:37 23.09.2020)
მმართველი პარტია „ქართული ოცნების“ დეპუტატი და აღმასრულებელი მდივანი ირაკლი კობახიძე  ოპოზიციურ სპექტრზე საუბრობს.
კობახიძე: როგორც არ შეიძლება პედოფილი დააბრუნო საბავშვო ბაღის გამგედ, ასევე არ შეიძლება...
„როდესაც ხარ სუსტი, ასეთ დროს იწყება რღვევა და ამის შედეგია მუდმივი კინკლაობა და დაპირისპირება არა მხოლოდ „ნაცმოძრაობის“ განშტოებებს შორის, არამედ თვითონ პარტიების შიგნითაც. „ნაცმოძრაობის“ შიგნით არის სამი განშტოება, რომლებიც ერთმანეთს იმაზე მეტად ვერ იტანენ, ვიდრე შეიძლებ სხვა ვერ იტანდეს მათ. შიგნით მიდის მძიმე პროცესები და ეს იმის შედეგია, რომ მძიმე მდგომარეობაში არიან საარჩევნო კუთხით“, -ამბობს კობახიძე.

მისი თქმით,  არსებობს გარკვეული ტიპის დანაშაულები, რომლებიც პოლიტიკოსს არა მხოლოდ იმიტომ არ უნდა ეპატიოს, რომ მას პოლიტიკაში დარჩენის უფლება არ ჰქონდეს, არამედ ეს დანაშაულები მეტყველებს იმაზე, რომ ასეთი ადამიანები ასეთ დანაშაულებს აუცილებლად გაიმეორებენ.

 

0