მაია ასათიანი

„ვაშა! სამსახურში ვარ!“ რატომ დატოვა დროებით მაია ასათიანმა ტელეკომპანია „რუსთავი-2“?

431
(განახლებულია 20:37 16.09.2020)
მაია ასათიანი „რუსთავი-2“-ს დაუბრუნა. რა მოხდა ტელეწამყვანის კარიერულ გზაზე და რატომ მოუწია მას რამდენიმე დღით ტელევიზიიდან წამოსვლა?

მას შემდეგ, რაც სამაუწყებლო კომპანია „რუსთავი-2“-ში კორონავირუსი „კურიერის“ წამყვანს თეონა ცხომელიძეს დაუდასტურდა, ტესტი ყველა თანამშრომელმა ჩაიტარა, თუმცა 400-ვე თანამშრომლის პასუხი უარყოფითი აღმოჩნდა, მათ შორის გადაცემა „პროფილის“ ავტორისა და პროდიუსერის ტესტის პასუხებიც.

View this post on Instagram

A post shared by maia asatiani (@maia.assatiani) on

მაია ასათიანი საკუთარ ჯანმრთელობასა და ოჯახის წევრების კეთილდღეობაზე რამდენიმე დღის მანძილზე დაუსრულებლად ფიქრობდა, მანამ, სანამ ტესტის პასუხები არ გაიგო. ჟურნალისტს კოვიდ-19 არ დაუდგინდა, თუმცა მან რამდენიმე დღით ტელევიზია დატოვა, რადგან თეონა ცხომელიძესთან უშუალო კონტაქტში იმყოფებოდა. ტელევიზიას ერთი დღის წინ დაუბრუნდა და საყვარელ საქმეს ახალი იდეებით შეუდგა, მანამდე კი ტესტის მოლოდინში კვლავ ყოველდღიურ ცხოვრებას უზიარებდა თაყვანისმცემლებს.

View this post on Instagram

ტესტი

A post shared by maia asatiani (@maia.assatiani) on

მაია ასათიანმა კორონავირუსისთვის განკუთვნილი ტესტი ორჯერ გაიკეთა. თვითიზოლირებულმა ჟურნალისტმა ძაღლებთან ერთად ვიდეო გადაიღო და აღნიშნა, რომ მათთან ერთად მოწყენა შეუძლებელია და, მაღალი ტემპერატურის მიუხედავად, თავს კარგად გრძნობს.

View this post on Instagram

A post shared by maia asatiani (@maia.assatiani) on

საკუთარ სახლში ხალხისგან იზოლირებულმა ტელესახემ რამდენიმე ვიდეო გამოაქვეყნა. ტელეწამყვანი ჰყვებოდა, თუ როგორ ატარებდა ტესტის პასუხის მოლოდინში დროს. ვიდეოზე ჩანს, რომ ქალს მომარაგებული აქვს წიგნები და ირგვლივ შემოკრებილი სამივე ძაღლი, რომლებიც პატრონის სახლში ყოფნით ძალიან გახარებული არიან.

431
თემები:
სელებრითების ცხოვრება (2093)
სამედიცინო აპარატზე შეერთებული პაციენტი

„არ მჯეროდა ვირუსის...“ -რას წერდა სოციალურ ქსელში ქალი, რომელიც კორონავირუსით გარდაიცვალა

79
(განახლებულია 14:41 21.09.2020)
ბოლო ოფიციალური მონაცემებით, საქართველოში კორონავირუსი დაუდგინდა 3 695 ადამიანს, აქედან გამოჯანმრთელდა 1 534, გარდაიცვალა – 20

თბილისი, 21 სექტემბერი  — Sputnik. 60 წლის მასწავლებელმა, რომელიც კორონავირუსისგან გარდაიცვალა, სოციალურ ქსელში რამდენიმე დღის წინ მიმართვა გაავრცელა.

ქალი წერდა, რომ დაინფიცირებამდე კორონავირუსის არ სჯეროდა.

„აფხა­ზე­ბო, გა­უფრ­თხილ­დით თავს. ინ­ფექ­ცია ჩვენს შო­რი­საა. მეც არ მჯე­რო­და ვირუ­სის, მაგ­რამ გუ­და­უ­თა­ში აღ­მოვ­ჩნდი“, - წერ­და ქალი, რომელიც სოციალურ ქსელში გავრცელებული ინფორმაციით, სოხუმის პირველი სკოლის მასწავლებელი იყო.

ქალი 20 სექ­ტემ­ბერს, ქუ­თა­ის­ში, კლი­ნი­კა „ბო­მონდში“, კო­რო­ნა­ვირუ­სით გა­მოწ­ვე­უ­ლი გარ­თუ­ლე­ბე­ბის­გან გარ­და­იც­ვა­ლა.

ექი­მე­ბის გან­ცხა­დე­ბით, პა­ცი­ენ­ტი სო­ხუ­მი­დან კრი­ტი­კულ მდგო­მა­რე­ო­ბა­ში გად­მო­იყ­ვა­ნეს.

ბოლო ოფიციალური მონაცემებით, საქართველოში კორონავირუსი დაუდგინდა 3 695 ადამიანს, აქედან გამოჯანმრთელდა 1 534, გარდაიცვალა – 20.

კორონავირუსის პირველი შემთხვევა ქვეყანაში 26 თებერვალს დაფიქსირდა.

79
თემები:
COVID-19 საქართველოში
თბილისი

საქართველოში ცვალებადი ამიდნია მოსალოდნელი: სინოპტიკოსების პროგნოზი

57
(განახლებულია 14:39 21.09.2020)
საქართველოს მთელ ტერიტორიაზე უახლოეს დღეებში თბილი ამინდია მოსალოდნელი – ჰაერის ტემპერატურა 31 გრადუსი იქნება

 

თბილისი, 21 სექტემბერი  — Sputnik.  საქართველოში ცვალებადი ამინდია მოსალოდნელი – ქვეყნის ზოგიერთ რაიონში 26 სექტემბრამდე ხანმოკლე წვიმაა ნავარაუდევი, ნათქვამია გარემოს დაცვის ეროვნული სააგენტოს განცხადებაში.

 „საქართველოს ზოგიერთ რაიონში 21-25 სექტემბერს მოსალოდნელია ხანმოკლე წვიმა. ჰაერის ტემპერატურა დასავლეთ საქართველოს დაბლობში  პლუს 26 –31, ხოლო აღმოსავლეთ საქართველოში პლუს 23 –28 გრადუსის ფარგლებშია მოსალოდნელი“, – აღნიშნულია განცხადებაში.

ხანმოკლე წვიმაა ნავარაუევი თბილისშიც. 21-22 სექტემბერს  ჰაერის ტემპერატურა პლუს 24–26, ხოლო 23-25 სექტემბერს  პლუს 27–29 გრადუსი იქნება.

57
თემები:
ამინდი საქართველოში
ნანა ჯორჯაძე

ნანა ჯორჯაძის ფილმმა „ბოცვერის თათი“ რუსეთში ჯილდო მოიპოვა

0
(განახლებულია 14:59 21.09.2020)
ფესტივალი ამურის ოლქის ქალაქ ბლაგოვეშჩენსკში 13–20 სექტემბრის პერიოდში  ეპიდუსაფრთხოების ყველა ნორმის დაცვით გაიმართება.

თბილისი, 21 სექტემბერი  — Sputnik.  ქართველი რეჟისორის ნანა ჯორჯაძის ფილმ „ბოცვერის თათის“ (Кроличья лапа) ოპერატორმა მიხეილ კვირიკაძემ რუსეთის კინოსა და თეატრის XVIII ფესტივალზე „ამურის შემოდგომა“  საუკეთესო ოპერატორული ნამუშევრის ჯილდო მოიპოვა, ნათქვამია ფესტივალის Facebook-გვერდზე.

ფესტივალი ამურის ოლქის ქალაქ ბლაგოვეშჩენსკში 13–20 სექტემბრის პერიოდში  ეპიდუსაფრთხოების ყველა ნორმის დაცვით გაიმართება. 

ტრადიციულად „ამურის შემოდგომის“ ფარგლებში გაიმართა სრულმეტრაჟიანი და მოკლემეტრაჟიანი ფილმების, თეატრალური სპექტაკლების კონკურსებიი, ასევე მასტერ-კლასები და შემოქმედებითი საღამოები, კონცერტები და გამოფენები.

ფესტივალის სტუმრები და მონაწილეები იყვნენ რუსი კინემატოგრაფისტები, საზოგადო მოღვაწეები, მუსიკოსები, მხატვრები და ა.შ.

ანა ჯორჯაძის ფილმი „ბოცვერის თათი“ სამი ქვეყნის კოპროდუქციაა – რუსეთის, ბელგიისა და ფინეთის. ფილმში როლებს ასრულებენ პიერ რიშარი, ნიკოლა დუვოშელი, ევგენი ტკაჩუკი.

ფილმში მოქმედება ხდება 1990-იან წლებში, ე.წ. „პერესტროიკის“ პერიოდში. მთავარი პერსონაჟები არიან ფრანგი არქიტექტორი ნიკა და საბჭოთა ინტელიგენტი ალია, რომელთა შეხვედრა მათ ცხოვრებას მთლიანად ცვლის.

0
თემები:
ქართული კინო