ბერა ივანიშვილი და ნანუკა გუდავაძე

ბერა ივანიშვილისა და ნანუკა გუდავაძის თამამი ფოტოსესია ნახევრად შიშველი მომღერალი

397
(განახლებულია 20:21 16.09.2020)
მილიარდერის ვაჟი ინტიმური ხასიათის ფოტოებით არ გამოირჩევა, მაგრამ ეს უკანასკნელი ფოტოსესია გულგრილს არავის დატოვებს. ბერა და ნანუკა, ზღვისთვის არადამახასიათებელი ატრიბუტიკა – უახლესი კადრები Instagram-დან.

ბერა და ნანუკა – საქართველოში ერთ-ერთი გამორჩეული და არაორდინარული წყვილია. შეყვარებულებმა თაყვანისმცემლები სხვადასხვა ხერხით დააინტერესეს. მათი ნიშა ცხოვრების გამორჩეული სტილი, ორიგინალური ვიდეოები, შემოქმედებითი ხედვა და ურთიერთსიყვარულია. წყვილმა შვილისთვისაც კი უცხო და აქამდე უცნობი სახელი მოიფიქრა – ბერუკა. ნანუკამ და ბერამ საკუთარი სახელები გააერთიანეს.

View this post on Instagram

🪐

A post shared by Nanuka Gudavadze (@nanukagudavadze) on

აღსანიშნავია, რომ პატარა ბერუკას მუსიკა მამამ უკვე შეაყვარა. ცოტა ხნის წინ ახალგაზრდა კომპოზიტორმა და შემსრულებელმა ვაჟთან ერთად ვიდეო გამოაქვეყნა, სადაც ისინი როიალზე უკრავენ. „ჩემი მომავალი პიანისტი, მის თითებს დააკვირდით“, – წერდა ახალბედა მამა. ბერამ შვილს „იავნანაც“ დაუწერა და ვიდეო, სადაც ამ მუსიკაზე ბერუკა იძინებს, სოციალურ ქსელში განათავსა. ის შვილთან ერთად ხშირად ვარჯიშობს. ახლა კი, რამდენიმე თვის მანძილზე შეკვეთილში დასვენების პერიოდში ახალი იდეებით აღსავსე შეუდარებელი ფოტოსესიების გამოქვეყნება დაიწყეს.

View this post on Instagram

Caption this 🤎

A post shared by Nanuka Gudavadze (@nanukagudavadze) on

პარტია „ქართული ოცნების“ თავმჯდომარისა და საქართველოს ყოფილი პრემიერის ბიძინა ივანიშვილის ოჯახში პატარა ბერუკა 2019 წლის 29 ნოემბერს გაჩნდა. როგორც ცნობილია, ბერამ და ნანუკამ შვილს სახელი მათი სახელების შერწყმის შედეგად დაარქვეს. ბერ (ბერ-ა) + უკა (ნან-უკა). ცოტა ხნის წინ ბერამ და ნანუკამ Instagram-ზე ახალშობილის უსაყვარლესი ფოტოები გამოაქვეყნეს.

View this post on Instagram

Diving into Instagram Reels

A post shared by Nanuka Gudavadze (@nanukagudavadze) on

წყვილი თაყვანისმცემლების გაოცებას არ წყვეტს. ამჯერად მათი ფოტოსესია არა რომელიმე ფილმის ან პერსონაჟის განსახიერებას, არამედ კრეატიული იდეის განხორციელებას დაუკავშირდა. ბერამ და ნანუკამ ფოტოსესიისთვის შესაფერისი ატრიბუტიკა გამოიყენეს და ფოტოს სახით მორიგი ხელოვნების ნიმუში შექმნეს. სარკე, ზღვა და შიშველი ბერა – იდეამ გაამართლა.

 

397
თემები:
სელებრითების ცხოვრება (2102)
ტესტირება

აჭარა კვლავ „წითელი ზონაა“ ინფიცირების შემთხვევები რეგიონების მიხედვით

16
(განახლებულია 12:05 23.09.2020)
საქართველოში ახალი კორონავირუსით დაავადებულთა რაოდენობა ბოლო დღე-ღამეში 227-ით გაიზარდა და 4140-ს მიაღწია.

თბილისი, 23  სექტემბერი – Sputnik. საქართველოში ბოლო 24 საათში გამოვლენილი კორონავირუსის 227 ახალი შემთხვევიდან 165  აჭარას უკავშირდება, განაცხადა თბილისის ინფექციური საავადმყოფოს ბოქსირებული განყოფილების ხელმძღვანელმა მარინა ენდელაძემ ჟურნალისტებთან.   

რაც შეეხება სხვა რეგიონებს, მაჩვენებლები ასეთია: 34 – თბილისი, 4 – რუსთავი, 14  – იმერეთი, აქედან ორი შემთხვევა დაფიქსირდა თერჯოლაში, 4 – გურია (ერთი ლანჩხუთში, სამი ოზურგეთში), 2 – ზუგდიდი და 1 – დუშეთი.

რაც შეეხება უშუალოდ ინფექციურ საავადმყოფოს, კლინიკაში სულ 32 პაციენტი მკურნალობს, მათგან მძიმე სამი  პაციენტია.

დღეს საქართველოში კორონავირუსის დიაგნოზით ერთი პაციენტი გარდაიცვალა, 70 წლის მამაკაცი თბილისის ინფექციურ საავადმყოფოში მკურნალობდა. მას ონკოლოგიური დაავადება ჰქონდა, ახალ ნაოპერაციევი იყო და თანმდევი დაავადებები აღენიშნებოდა – ორმხრივი პნევმონია, გულოზური ემფიზემა, ანემია, მარჯვენა ფილტვის ქვედაწილოვანი თრომბოემბოლია.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 227-ით გაიზარდა და 4140-ს მიაღწია, გამოჯანმრთელდა 1643 ადამიანი, გარდაიცვალა – 24.

საქართველოში კორონავირუსის პირველი შემთხვევა 26 თებერვალს დაფიქსირდა.

16
თემები:
COVID-19 საქართველოში
შოთა არველაძე

შოთა არველაძეს კორონავირუსი დაუდასტურდა

62
(განახლებულია 12:40 23.09.2020)
ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. ჩინეთში პნევმონიის აფეთქება 2019 წლის დეკემბერში დაიწყო

თბილისი, 23 სექტემბერი  — Sputnik. ცნობილ ფეხბურთელს შოთა არველაძეს, რომელიც ტაშკენტის საფეხბურთო კლუბ „ფახთაკორის“ მთავარი მწვრთნელია, კორონავირუსი დაუდასტურდა. ინფორმაციას უზბეკური გამოცემა Tribuna.uz-ი ავრცელებს.

მათივე ცნობით, არველაძე გუნდს აზიის ჩემპიონთა ლიგის შეხვედრაზე, რომელიც 23 სექტემბერს „ფახთაკორსა“ და „შადრი ჰუდრუს“ შორის უნდა გაიმართოს, ვერ უხელმძღვანელებს.

მედიის ინფორმაციით, შოთა არველაძე იზოლაციაშია გადაყვანილი.

ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.

21 იანვარს ჩინეთმა დაადასტურა, რომ კორონავირუსი გადამდებია. მომხდარის გამო ქვეყნის ორ ქალაქში კარანტინი გამოცხადდა.

62
თემები:
COVID-19 საქართველოში
ნინო ბურჯანაძე

ბურჯანაძე: სააკაშვილი საქართველოში არ დაბრუნდება თავის კეთილდღეობას ეჭვქვეშ არ დააყენებს

0
(განახლებულია 12:07 23.09.2020)
საქართველოს ყოფილმა პრეზიდენტმა განაცხადა, რომ დაბრუნებას აპირებს, ხოლო „ერთიანმა ნაციონალურმა მოძრაობამ“, არჩევნებში გამარჯვების შემთხვევაში, პრემიერად მისი კანდიდატურა წამოაყენა

თბილისი, 23 სექტემბერი – Sputnik. საქართველოს პარლამენტის ყოფილი თავმჯდომარე, პარტი „ერთიანი საქართველო – დემოკრატიული მოძრაობის“ ლიდერი ნინო ბურჯანაძე აცხადებს, რომ ყოფილი პრეზიდენტი მიხეილ სააკაშვილი, თავისი დაპირებების მიუხედავად, სამშობლოში არ დაბრუნდება.

„არა, არ დაბრუნდება. ეს ის ადამიანი არ არის, რომელიც თავის კეთილდღეობასა და თავისუფლებას კითხვის ნიშნის ქვეშ დააყენებს. მისი ჩამოსვლის შანსი 1%–ია. ხელისუფლებაში ნამდვილად არ დაბრუნდება. ქართველი ხალხი პარტია „ნაცმოძროაბას“ იმდენი რაოდენობით არ დაუჭერს მხარს, რომ ის პირველ ადგილზე გავიდეს და მთავრობა ჩამოაყალიბოს. კოალიციურ მთავრობაშიც კი არასდროს დავუჭერ მხარს სააკაშვილს", - განაცხადა ბურჯანაძემ РИА Новости–სთან ინტერვიუში.

პოლიტიკოსის თქმით, როდესაც ექს–პრეზიდენტმა 2013 წელს საქართველო დატოვა, ის უღირსად მოიქცა. ამასთან, ბურჯანაძე მიიჩნევს, რომ სააკაშვილი რომ ქართული მართლმსაჯულების წინაშე წამდგარიყო, მას ხელისუფლებაში დაბრუნების შანსი ჰქონდა, რადგან „ხალხი მალე ივიწყებს ყველაფერს“.

„არ უნდა წასულიყო. როდესაც სააკაშვილი და მისი ხელისუფლება თავის დროზე მდევნიდა, როცა აპატიმრებდნენ ჩემს შვილს და როდესაც არავის შეეძლო ჩემთვის უსაფრთხოების გარანტიის მოცემა, როდესაც ყველა, ვინც მიცავდა, მძღოლებიც კი, დააპატიმრეს, მე არ წავსულვარ“, – დასძინა მან.

უფრო ადრე სააკაშვილმა განაცხადა, რომ უკრაინიდან საქართველოში ბრუნდება. მან აღიარა, რომ მისი პრეზიდენტობის დროს ბევრი შეცდომა დაუშვა, თუმცა ახლა საკმარისი გამოცდილება შეიძინა, რომ უფრო ღირსეულად „ემსახუროს თავის ქვეყანას“. საქართველოს ხელისუფლების წარმომადგენლებმა სააკაშვილის განცხადება უარყოფითად შეაფასეს. იუსტიციის მინისტრმა თეა წულუკიანმა პირობა დადო, რომ მას საზღვრის გადმოკვეთისთანავე დააკავებენ.

ინტერვიუს სრული ტექსტი იხილეთ ria.ru–ზე.

0