ლაბორატორია

სენაკის მე-2 ბრიგადის სამხედრო მოსამსახურეს კორონავირუსი დაუდასტურდა

99
(განახლებულია 19:15 16.09.2020)
საქართველოში ბოლო 24 საათში კორონავირუსით ინფიცირებულთა რაოდენობა 196-ით გაიზარდა და საერთო რაოდენობამ 2758-ს მიაღწია.

თბილისი, 16 სექტემბერი — Sputnik. სენაკის მე-2 ბრიგადის სამხედრო მოსამსახურეს COVID-19 დაუდასტურდა, ნათქვამია თავდაცვის სამინისტროს მიერ გავრცელებულ განცხადებაში.   

თავდაცვის სამინისტროს ცნობით, სამხედრო მოსამსახურეს აჭარაში მოგზაურობის ისტორია აქვს, მომატებული რისკის ზონაში ყოფნის გამო კი მისი გამოკვლევა სამხედრო ბაზაზე დაშვებამდე განხორციელდა.

„სამხედრო მოსამსახურე აჭარის რეგიონში იმყოფებოდა დათხოვნის პერიოდში... დადგენილი პროტოკოლით მისი გამოკვლევა სამხედრო ბაზაზე დაშვებამდე განხორციელდა. მას სამხედრო ნაწილში მყოფ პირად შემადგენლობასთან კონტაქტი არ ჰქონია“, – ნათქვამია სამინისტროს განცხადებაში.

უწყების განმარტებით, ამ ეტაპზე სამხედრო ნაწილის ტერიტორიაზე კარანტინის გამოცხადება არ იგეგმება.

​თავდაცვის სამინისტრო მედიასაშუალებებს მოუწოდებს, თავი შეიკავონ გადაუმოწმებელი ინფორმაციის გავრცელებისგან და დაელოდონ უწყების ოფიციალურ განცხადებას.

როგორც სენაკის საზოგადოებრივი ჯანდაცვის ცენტრის ხელმძღვანელმა „Sputnik–საქართველოს" კორესპონდენტს განუცხადა, უკვე მოძიებულია ცხრა პირი, ვისთანაც ინფიცირებულ სამხედროს შეხება ჰქონდა, ისინი თვითიზოლაციაში იმყოფებიან. 

დღეს საქართველოში კორონავირუსით ინფიცირებულთა რაოდენობა 196-ით გაიზარდა და საერთო რაოდენობამ 2758-ს მიაღწია.

99
თემები:
COVID-19 საქართველოში (2543)
ქეთა თოფურია

„საზიზღრობაა... კაცებო, პატივი ეცით თქვენს თავს“ - ლევ დენგოვი სოციალურ ქსელში გააკრიტიკეს

36
(განახლებულია 12:16 27.11.2020)
ქართველმა მომღერალმა ქეთა თოფურიამ ბიზნესმენ და დიპლომატ ლევ დენგოვზე სულ ახლახან იქორწინა. ნახეთ რა სკანდალში გაეხვა ლევი

ქეთა თოფურია ბელორუსული წარმოშობის ბიზნესმენზე 20 ნოემბერს დაქორწინდა და მომღერალმა ფოტოები სოციალური ქსელის საშუალებით გამოაქვეყნა, რასაც ბევრი მისალოცი წერილი და პოზიტიური გამოხმაურება მოჰყვა. თუმცა, დაიწერა ნეგატიური კომენტარებიც. კერძოდ, რუსულ ინტერნეტსივრცეში ლევ დენგოვს ფრჩხილები დაუწუნეს.

რუსული აუდიტორია წერს: „თქვენც ხედავთ პრიალა ფრჩხილებს? საშინელებაა“,
„საზიზღრობაა კაცზე ლაქით შეღებილი ფრჩხილები“, „ეს მეტროსექსუალებს ახასიათებთ“, „მგონი, რკინისა და თუთიის ნაკლებობა აქვს“, „კაცებო, პატივი ეცით თქვენს თავს. არ გჭირდებათ ფრჩხილების გაპრიალება და ლაქის წასმა“ და ა.შ.

პანდემიის გამო მომღერალმა მოკრძალებული ქორწილი გადაიხადა, სადაც სტუმრები მხოლოდ ერთი სუფრის ირგვლივ შეიკრიბნენ. გამორჩეულ ადამიანებს შორის მოხვდნენ ქეთას უახლოესი მეგობრები, რუსეთში მცხოვრები დიზაინერი არტურ არუთინოვი, ფოტომოდელი მიმი შელია, ასევე დიზაინერი ლიკა ალადაშვილი, ქეთას დედა და ქეთას ბავშვობის მეგობარი ნუცა ბერიძე, რომელიც ასევე რუსეთში მოღვაწეობს.

სოციალური ქსელის მომხმარებლებმა ქეთას დაქორწინების შესახებ 23 ნოემბერს გაიგეს. მომღერალმა და ბიზნესმენმა ლევ დენგოვმა ხელი 20 ნოემბერს მოაწერეს. ქეთას თეთრი დეკოლტირებული, ტანზე მომდგარი თეთრი კაბა ეცვა, ნეფე კი ტრადიციულ კოსტიუმში იყო გამოწყობილი.

ქეთასთვის ეს მეორე ქორწინებაა. მომღერალი პირველად 2012 წელს გათხოვდა და ცოლად რუსეთში მოღვაწე ებრაელ მილიონერს, 37 წლის ლევ გეიხმანს გაჰყვა. მოგვიანებით წყვილი რეპერი გუფის სკანდალის შემდეგ დაშორდა, თუმცა ორივე ერთხმად აღნიშნავდა, რომ ქეთას ცხოვრებაში რეპერი მათი დაშორების შემდეგ გამოჩნდა. წყვილს ერთი შვილი - ოლივია გეიხმანი ჰყავს.

View this post on Instagram

A post shared by Nutsa Beridze (@nucacuca)

რაც შეეხებათ ქეთას და ლევ დენგოვს, მათ პირველი საერთო შვილი რამდენიმე კვირაში ეყოლებათ. ბოლო პერიოდის მანძილზე და მანამ, სანამ პანდემია დაიწყებოდა, ცნობილმა მომღერალმა სტილის შეცვლა დაიწყო. შესამჩნევი ცვლილებები ხმაურის გარეშე არ დარჩა. არტისტის გარდერობში მომრავლდა Oversize კაბები და მაისურები, რამაც თაყვანისმცემლებს ეჭვი გაუჩინა. ტაბლოიდები მის ფეხმძიმობაზე აქტიურად წერდნენ.

მომღერალმა გულანთებულ ფანებს სიახლე სულ რამდენიმე დღის წინ გაუმხილა. მან ახალი სიმღერა ჩაწერა, რომლის ვიდეოკლიპში მოზრდილი მუცლით გამოჩნდა. ქეთამ პირველი შვილი 2015 წელს მოავლინა ქვეყნად, მეორეს კი ახლა ელოდება.

View this post on Instagram

A post shared by @beautiful_brideee

ქეთა თოფურიას პირადი ცხოვრება ქართული და რუსული პრესის ყურადღების ცენტრში ყოველთვის ხვდება. რეპერ გუფთან დაშორების შემდეგ A'Studio-ს ქართველმა სოლისტმა პირობა დადო, რომ პირად ცხოვრებაზე არასდროს ილაპარაკებდა, თუმცა იტალიაში წასვლის წინ ერთ-ერთ ინტერვიუში ამომწურავი პასუხი გასცა გუფთან რომანისა და ქმართან დაშორების შესახებ გავრცელებულ ჭორებს. მოგვიანებით კი ახალ პარტნიორზე ალაპარაკდა, რომლისგანაც, სავარაუდოდ, ვაჟს ელოდება.

36
თემები:
სელებრითების ცხოვრება
ლაბორატორია

კოვიდ-სტატისტიკა საქართველოში: თბილისში ისევ ყველაზე მეტი შემთხვევაა

25
(განახლებულია 11:53 27.11.2020)
საქართველოში პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა 123.470-ს შეადგენს

 

თბილისი, 27 ნოემბერი – Sputnik. საქართველოში ბოლო 24 საათში კორონავირუსის დადასტურებული 4.780 შემთხვევიდან ყველაზე მეტი – 1.863 შემთხვევა კვლავ თბილისში გამოვლინდა, განაცხადა უწყებათშორისი  საკოორდინაციო საბჭოსთან არსებული საოპერაციო შტაბის უფროსის მოადგილემ ბერდია სიჭინავამ მთავრობის ადმინისტრაციაში გამართულ ბრიფინგზე.

ინფიცირების ახალი შემთხვევების რაოდენობით მეორე ადგილზე აჭარა, მესამეზე კი იმერეთია.

აჭარა – 664, იმერეთი – 648, ქვემო ქართლი – 319, შიდა ქართლი – 259, გურია – 102, სამეგრელო-ზემო სვანეთი – 385, კახეთი – 280, მცხეთა-მთიანეთი – 128, სამცხე-ჯავახეთი – 89, რაჭა-ლეჩხუმსა და ქვემო სვანეთში – 43. 

ბოლო 24 საათში გარდაიცვალა 37 პაციენტი. ქვეყანაში კორონავირუსის დიაგნოზით ჯამში 1.161 ადამიანი გარდაიცვალა.
ამ დროისათვის საქართველოში 20.013  აქტიური შემთხვევაა. კოვიდ–კლინიკებში მოთავსებულია 6.251 ადამიანი. მათ შორის, თბილისში – 2.724, აჭარაში – 1.020, იმერეთში – 1.219.

კოვიდ–სასტუმროში მოთავსებულია 3.863 ადამიანი, მათ შორის 1.266 – თბილისში, 2.039 – აჭარაში, 278 – იმერეთში.

976 პაციენტის მდგომარეობა მძიმეა. ხელოვნური სუნთქვის აპარატზე შეერთებულია 375 პირი, მათ შორის, თბილისში – 201, აჭარაში – 49, იმერეთში – 45. ბინაზე 9.899 პირი მკურნალობს.

დღევანდელი მდგომარეობით, საკარანტინო სივრცეში იმყოფება 2.114 ადამიანი, მათ შორის, თბილისში – 458, აჭარაში – 1.034, ხოლო იმერეთში – 35.

თვითიზოლაციაში იმყოფება 53.544 პირი, საიდანაც თბილისშია 18.087 ადამიანი, აჭარაში – 14.450, იმერეთში – 4.816.

საქართველოში პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა 123.470-ს შეადგენს.

საქართველოში კორონავირუსის პირველი შემთხვევა 26 თებერვალს დაფიქსირდა.

25
თემები:
COVID-19 საქართველოში (2543)
პოლიცია

ტრაგედია ქარელში: რა გახდა ახალგაზრდების გარდაცვალების მიზეზი

0
(განახლებულია 11:54 27.11.2020)
მომხდარ ფაქტზე გამოძიება გაუფრთხილებლობით სისცოცხლის მოსპობის მუხლით დაიწყო – გარდაცვლილთა ცხედრები ექსპერტიზაზეა გადასვენებული.

თბილისი, 27 ნოემბერი – Sputnik. ქარელის მუნიციპალიტეტში, რუსთაველის ქუჩაზე ერთ–ერთ საცხოვრებელ ბინაში ორი გარდაცვლილი და ერთი უგონო მდგომარეობაში მყოფი მამაკაცი იპოვეს, იუწყება პირველი არხი.

სავარაუდოდ, ტრაგედიის მიზეზი ახალგაზრდების მიერ ნაქირავებ ბინაში ბუნებრივი აირის გაჟონვა გახდა.

ამ დროისთვის უგონო მდგომარეობაში მყოფი მამაკაცი ქარელის სამედიცინო დაწესებულებაშია გადაყვანილი. ექიმების შეფასებით, მისი მდგომარეობა მძიმეა.

მომხდარ ფაქტზე გამოძიება დაწყებულია სსკ-ის 116-ე მუხლით დაიწყო, რაც გაუფრთხილებლობით სიცოცხლის მოსპობას გულისხმობს.

0
თემები:
შემთხვევები საქართველოში