„ეს რა გამიკეთე...“ ია ფარულავა სალომე გოგიაშვილის „მსხვერპლი“ გახდა ვიდეო

697
(განახლებულია 18:29 16.09.2020)
სოციალურ ქსელში ია ფარულავამ ყოფილ ტელეწამყვანს მიმართა. ნახეთ რა მოხდა მათ შორის და რამ გამოიწვია ია ფარულავას გაკვირვება.

პანდემიის დროს სელებრითები განსაკუთრებულად გააქტიურდნენ. მათი მეშვეობით უამრავი ადამიანი პოზიტიურ განწყობაზეა. ცნობილი სახეები ვიდეორგოლებს TikTok-ის საშუალებით აქვეყნებენ.

View this post on Instagram

Me karantini ro morcheba 😹😹😹😹😹😹😹😹😹😹

A post shared by Salome Gogiashvili (@salomegog) on

სალომე გოგიაშვილმა სხვადასხვა პერსონაჟი განასახიერა. ამ პერიოდის მანძილზე პოზიტიური გმირების განსახიერების გამო სალომეს „ფოლოვერების“ რაოდენობა მკვეთრად მოემატა. თაყვანისმცემლები თავად სთხოვენ ამა თუ იმ პოპულარული ვიდეოს რესპონდენტის იმიჯის მორგებას. აშკარაა, რომ ტელესახეს ეს საუკეთესოდ გამოსდის.

ამჯერად სალომეს მორიგი „მსხვერპლი“ ცნობილი მსახიობი და ტელეწამყვანი ია ფარულავა გახდა, რომელიც ბოლო დროს „ინსტაგრამის“ „სთორებზე“ ხშირად აქვეყნებს ვიდეოებს მისი ყოველდღიური ცხოვრებიდან. სწორედ ია ფარუალავას ასახიერებს სალომე გოგიაშვილი იმ სიტუაციაში, როდესაც მას სალონში დავარცხნილი თმა ასისტენტმა დაუშალა.

View this post on Instagram

🤣🙈

A post shared by Salome Gogiashvili (@salomegog) on

„სალომე, რა გამიკეთე ეს“ – ასე გამოეხმაურა ტელეწამყვანი ვიდეოს და „ინსტაგრამის“ „სთორიში“ განათავსა. როგორც ჩანს, ვიდეოთი მსახიობმაც იხალისა.

697
თემები:
სელებრითების ცხოვრება (2121)
ადამიანები პირბადეებით

როდის მოხვდება საქართველო ნარინჯისფერ ან წითელ ზონაში: თამარ გაბუნიას განმარტება

173
(განახლებულია 20:21 26.09.2020)
ჯანდაცვის მინისტრის მოადგილის, თამარ გაბუნიას განცხადებით, საქართველოს სტატუსი რომ შეიცვალოს, ძალიან ბევრი ახალი შემთხვევა უნდა დაფიქსირდეს ინციდენტობის კუთხით

თბილისი, 26 სექტემბერი – Sputnik. საქართველო კორონავირუსის გავრცელების კუთხით კვლავ მწვანე ზონაში რჩება და ქვეყნისთვის ნარინჯისფერი და წითელი ზონა დაიწყება მას შემდეგ, თუ შემთხვევების რაოდენობა დღეში 500-დან 700-მდე გახდება, განაცხადა ჯანდაცვის მინისტრის მოადგილემ, თამარ გაბუნიამ.

მან ასევე იმედი გამოთქვა, რომ ქვეყანა ამ ნიშნულამდე არასდროს არ მივა.

დღეს საქართველოში კორონავირუსის 296 ახალი შემთხვევა გამოვლინდა, გამოჯანმრთელდა 60 პაციენტი. დღესვე კორონავირუსით გარდაიცვალა 28-ე პაციენტი.

მისი განმარტებით, საქართველო გლობალურ შკალაზე კვლავაც დაბალი რისკის ქვეყანაა.

„რაც შეეხება ქვეყნის სტატუსს, გლობალური მაჩვენებლის თანახმად, დღეს ინციდენტობის (ანუ ახალი შემთხვევების) საშუალო მაჩვენებელი 100 ათას მოსახლეზე არის დაახლოებით 19. ითვლება, რომ ამ ნიშნულის ქვემოთ ქვეყნები არის დაბალი რისკის მატარებელი და ამის ზემოთ არის მაღალი რისკის მატარებელი. საქართველოს ორი კვირის ჯამური ინციდენტობის მაჩვენებელი 5,5 ერთეულია, რაც კვლავაც ქვედა ზღვარია გლობალურ შკალაზე და პირობითად ფასდება როგორც მუქი მწვანე ზონა (10-ზე ნაკლები 100 000 მოსახლეზე)“, - განაცხადა გაბუნიამ.

მინისტრის მოადგილის განმარტებით, საქართველოს სტატუსი რომ შეიცვალოს, ძალიან ბევრი ახალი შემთხვევა უნდა დაფიქსირდეს ინციდენტობის კუთხით, რომ ქვეყანა გადაცდეს გლობალურ საშუალოს.

მისივე განცხადებით, კორონავირუსის ახალი შემთხვევების რაოდენობა კვლავ მაღალია ბათუმში, თუმცა აჭარიდან სხვა რეგიონებში ინფექციის ფართო გავრცელების სურათი არ შეინიშნება.

საქართველოს მასშტაბით ახალი კორონავირუსის დადასტურებულ შემთხვევათა რაოდენობამ 4960-ს მიაღწია. ამ დროისათვის სულ გამოჯანმრთელდა 1819 ადამიანი, კარანტინის რეჟიმში იმყოფება 5584, სტაციონარებში ექიმების დაკვირვების ქვეშ 836 პაციენტია, ხოლო კოვიდ–სასტუმროებში 781 ადამიანი იმყოფება.

საქართველოში კორონავირუსის პირველი შემთხვევა 26 თებერვალს დაფიქსირდა.

173
თემები:
COVID-19 საქართველოში
ღამის კლუბი ბათუმში

„დაგვიბრუნეთ სამსახურები“, „გახსენით სკოლები“ - ბათუმში დაწესებული შეზღუდვები გააპროტესტეს

122
(განახლებულია 19:05 26.09.2020)
დღეიდან აჭარაში მუნიციპალური ტრანსპორტის მოძრაობა აიკრძალა, რესტორნები ღამის საათებში არ იმუშავებენ. რეგიონში სასწავლო პროცესი ყველა საფეხურზე დისტანციურად გაგრძელდება.

თბილისი, 26 სექტემბერი – Sputnik. ბათუმში, ევროპის მოედანზე მოქალაქეთა ნაწილმა რეგიონში ეპიდსიტუაციის გამო დაწესებული შეზღუდვები გააპროტესტა, იუწყება საზოგადოებრივი მაუწყებლის პირველი არხი.

აჭარა COVID-19-ის გავრცელების ეპიცენტრად ზაფხულში დამსვენებლების გაზრდილი ნაკადის გამო იქცა. მთავრობის გადაწყვეტილებით, დღეიდან აჭარაში მუნიციპალური ტრანსპორტის მოძრაობა აიკრძალა, რესტორნები ღამის საათებში არ იმუშავებენ. რაც შეეხება 1 ოქტომბრიდან სასწავლო პროცესის სკოლებში განახლებას, რეგიონი გამონაკლისი აღმოჩნდა – აქ სასწავლო პროცესი ყველა საფეხურზე დისტანციურად გაგრძელდება.

„გახსენით სკოლები“, „აღადგინეთ ფრენები“, „დაგვიბრუნეთ სამსახურები“, „გახსენით სამორინეები“, – ამ და სხვა შინაარსის ლოზუნგებით აქციის მონაწილეებმა განაცხადეს, რომ შეზღუდვების გამო მათ ფაქტობრივად დაკარგეს სამსახურები და უმუშევრობა უფრო მეტ საფრთხეს უქმნის, ვიდრე ვირუსი.

აქციის მონაწილეთა შორის დიდი ნაწილი რესტორნებისა და სამორინეების თანამშრომლები იყვნენ.

„ვმუშაობდი რესტორანში მუსიკოსად, ათი საათის მერე რომ აიკრძალა მუშაობა, ფაქტობრივად დავრჩი სამსახურის გარეშე. რომც იყოს სამუშაო, როგორ უნდა მივიდე, ტრანსპორტი არაა, ტაქსის ფული რომ მქონდეს, რაღად მინდა სამსახური. რა მნიშვნელობა აქვს, უმუშევრობა უფრო მეტ საფრთხეს მიქმნის, ვიდრე „კოვიდი“, უკვე მეორედ დავრჩი უმუშევარი“, – აღნიშნა აქციის ერთ-ერთმა მონაწილემ.

აქციის მონაწილეთა ნაწილი იღებს 200-ლარიან კომპენსაციას, თუმცა ისინი ამბობენ, რომ ეს ბანკის ვალების დასაფარადაც არ არის საკმარისი. ისინი პროცენტის შემცირებასა და კვლავ საშეღავათო პერიოდს ითხოვენ.

საქართველოში დღეს კორონავირუსის 296 ახალი შემთხვევა გამოვლინდა, აქედან აჭარაში - 166. აჭარაში დიდი ხანია კლასტერებს აღარ ითვლიან. დღეს საქართველოში კორონავირუსით 28-ე პაციენტი გარდაიცვალა. ის ბათუმიდან იყო.

რეგიონის რვა კლინიკაში 484 პირი მკურნალობს, კოვიდსასტუმროებში რჩება 902 ინფიცირებული, ბინაზე კი 350 პაციენტი მკურნალობს. ინფიცირებულთაგან 100-მდე არასრულწლოვანია. აჭარის საზოგადოებრივი ჯანდაცვის ცენტრის ინფორმაციით, ამ დროისთვის კლინიკებში თავისუფალია 92 ადგილი.

ბათუმში სამმა კოვიდინფიცირებულმა იმშობიარა: აღმოაჩნდათ თუ არა ვირუსი ჩვილებს >>

საქართველოში ახალი კორონავირუსის დადასტურებულ შემთხვევათა რაოდენობამ 4960-ს მიაღწია. ამ დროისათვის სულ გამოჯანმრთელდა 1819 ადამიანი, გარდაიცვალა – 28, კარანტინის რეჟიმში იმყოფება 5584, სტაციონარებში ექიმების დაკვირვების ქვეშ 836 პაციენტია, ხოლო კოვიდ–სასტუმროებში 781 ადამიანი იმყოფება.

საქართველოში კორონავირუსის პირველი შემთხვევა 26 თებერვალს დაფიქსირდა.

122
თემები:
COVID-19 საქართველოში
საჰაერო ბუშტი თბილისის თავზე

ამინდის ზუსტი პროგნოზი თბილისში 28 სექტემბერს

0
უნალექოდ, სუსტი ქარი, ჰაერი 24 გრადუსამდე გათბება - ასეთ ამინდს გვპირდებიან სინოპტიკოსები დედაქალაქში ორშაბათს

თბილისი, 26 სექტემბერი – Sputnik. სინოპტიკოსების პროგნოზით თბილისში ორშაბათს, 28 სექტემბერს, მზიანი დღე და მცირე მოღრუბლულობაა მოსალოდნელი.

მზე 06:55 საათზე ამოვა და 18:47 საათზე ჩავა.

ჰაერის მინიმალური ტემპერატურა ღამით პლუს 14 გრადუსი, ხოლო დღისით პლუს 28 გრადუსია ნავარაუდევი. ნალექის ალბათობა - 21%, ელჭექის - 2%. ღრუბლიანობა - 32%.

ქარი წამში 15 მეტრი სიჩქარით დაუბერავს.

0
თემები:
ამინდის ზუსტი პროგნოზი თბილისში