ვერიკო ტურაშვილი

10 ქართველი ცნობილი დედა, რომლებიც შვილებს მარტო ზრდიან ფოტოები

21483
(განახლებულია 21:08 13.09.2020)
მარტოხელა დედობა საკმაოდ რთულია, განსაკუთრებით ჩვენს რეალობაში. თუმცა, საბედნიეროდ, ბევრი ქალია, რომლებიც ამ ტვირთს საკუთარ თავზე იღებენ და არ აღელვებთ საზოგადოებრივი აზრი.

წარმოგიდგენთ 10 ქართველ მარტოხელა დედას, რომელთა ისტორიებმაც წლების მანძილზე სასიამოვნოდ გაგვაოცეს. ვერიკო ტურაშვილი ქვრივი გახლდათ და ამ თემაზე ღიად ყველა ინტერვიუში საუბრობდა, როდესაც საზოგადოებისთვის მოულოდნელად ორსულად გამოჩნდა. ბავშვის მამა „რუსთავი 2“-ის ოპერატორი და ამჯერად უკვე ტელეწამყვანი ლაშა ნაკაიძე გახლდათ, თუმცა წყვილის თანაცხოვრება არ შედგა და მომღერალმა გადაწყვიტა, შვილი ქმრის გარეშე გაეჩინა. ჰქონდა საკმაოდ მძიმე პერიოდები, მაგრამ ნატაშკას დაბადების შემდეგ წყვილი ცივილიზებულ ურთიერთობას ინარჩუნებს.

ნინო ქაჯაია იმ თაობის ჟურნალისტია, რომლებიც დღემდე არ ავიწყდება საზოგადოებას. ნინოსა და ნიკა ტაბატაძის წყვილი წლების წინ განსაკუთრებით პოპულარულები იყვნენ, თუმცა დაშორდნენ და ნიკამ ცალკე ოჯახი შექმნა. ნინო არ გათხოვდა, მაგრამ რამდენიმე წლის შემდეგ შეეძინა ულამაზესი გოგონა – თაია ქაჯაია, რომელიც უკვე 12 წლისაა.

თაკო ჩორგოლაშვილი პოპულარობის პიკში იყო, როდესაც შვილის გაჩენა გადაწყვიტა. ჟურნალისტი კალათბურთელ რეზი დიდიასთან უკვე რამდენიმე წლის დაშორებული იყო. გოგონას შეძენის შემდეგ თაკო ეკრანს არ დაბრუნებია, მაგრამ სხვადასხვა პროექტში ისევ აქტიურობს. აღსანიშნავია ისიც, რომ ბავშვის მამის ვინაობაზე დღემდე არ საუბრობს.

View this post on Instagram

@_evvabarbaqadze_ ❤️Best gift for my Eva from you😍 #L

A post shared by Shorena Begashvili (@shorenabegashviliofficial) on

ევა ბარბაქაძე მსახიობსა და მოდელს შორენა ბეგაშვილს ადრეულ ასაკში ქორწინებიდან ჰყავს. ევამ ცოტა ხნის წინ სკოლა დაამთავრა. ულამაზესი გოგონა დედას ძალიან ჰგავს. სამწუხაროდ, 2016 წელს შორენა ბეგაშვილსა და ევა ბარბაქაძეს უბედურება მოულოდნელად დაატყდათ თავს. ტელეწამყვანის ქალიშვილი იმ წელს მე-5 სართულიდან გადმოვარდა, როდესაც ფანჯრის რაფაზე იჯდა. საავადმყოფოში გადაყვანისას მოზარდის ჯანმრთელობა მძიმედ შეფასდა და ის მალე ხერხემლის მრავლობითი დაზიანებებით თურქეთში გადაიყვანეს.

View this post on Instagram

@dress_tbilisi ♥️♥️♥️♥️

A post shared by Tamo Vashalomidze (@tamovashalomidze) on

მოდელი თამო ვაშალომიძე დედა ერთი წლის წინ გახდა. ქალიშვილს სოფია დაარქვეს. თამო ბავშვის მამის ვინაობას ისევ არ ამხელს. „როცა რომანი მქონდა და ამაზე ხმამაღლა ვსაუბრობდი, მავანმა და მავანმა ყველაფერი გააკეთა იმისთვის, რომ ბედნიერი არ ვყოფილიყავი. მის მერე გადავწყვიტე ჩუმად ვიყო. ბედნიერი ვარ და ეს მომწონს“, – ამბობს მოდელი.

მომ­ღე­რალ ნინი ბა­დუ­რაშ­ვი­ლს წარუმატებელი ქორწინებიდან 6 წლის ელენე კუტალაძე ჰყავს. გოგონა წელს პირველ კლასში მივიდა. მომღერლის ყოფილი მეუღლე ბიზნესმენი ირაკლი კუტალაძეა, რომელთანაც ნინიმ დაახლოებით ერთი წელი იცხოვრა მოსკოვში და შემდეგ მშობლიურ ქალაქს დაუბრუნდა.

View this post on Instagram

MooooM

A post shared by mari grigolia (@mariam_grigolia) on

ცნობილ ტელეწამყვანს ინგა გრიგოლიას ქალიშვილი – მარიამ გრიგოლია ადრეული ქორწინებიდან ჰყავს. გოგონა ორი წლის წინ გათხოვდა. მისი რჩე­უ­ლი სა­სა­ზღვრო პო­ლი­ცი­ის ყო­ფი­ლი უფ­რო­სის ზუ­რაბ გა­მე­ზარ­დაშ­ვი­ლის ვაჟი ნი­კო­ლოზ გა­მე­ზარ­დაშ­ვი­ლია.

მომღერალ და ტელეწამყვან ქრისტინე იმედაძეს 6 წლის ტაისია ფეხბურთელ ლაშა ჯაკობიასგან ჰყავს. წყვილი დაქორწინებული იყო, თუმცა მალევე დაშორდნენ. ტაისია სულ უფრო ემსგავსება დედას. სოციალურ ქსელში წერენ, რომ რამდენიმე წელიწადში ტაისია სილამაზით დედას დაჩრდილავს.

View this post on Instagram

@olivia_geykhman 5 let 💓

A post shared by Keti Topuria (@keti_one_official) on

ცნობილი ქართველი მომღერალი, A'Studio-ს სოლისტი ქეთა თოფურიაც მარტოხელა დედაა. მომღერალი ბიზნესმენ ლევ გეიხმანზე იყო დაქორწინებული, რომელთანაც 3 წლის წინ გოგონა – ოლივია გეიხმანი შეეძინა. წყვილი წელიწად-ნახევრის წინ დაშორდა.

View this post on Instagram

A post shared by @nanka_kalatozi on

მსახიობ ნანკა კალატოზიშვილს და კალათბურთელ ირაკლი კეიდიას 2013 წელს დანიელი ეყოლათ. ნანკას ფეხმძიმობის შესახებ 2012 წლის მიწურულს გახდა ცნობილი, როდესაც ნანკა სამი თვის ორსული იყო. წლების მანძილზე შეყვარებული წყვილი ერთად ცხოვრობდა, მაგრამ ურთიერთობას ოფიციალური სახე არ შესძინეს. პოპულარული მსახიობი ტელეეთერებში ხშირად აღნიშნვდა, რომ ურთიერთობაში მთავარი სიყვარულია.

21483
თემები:
სელებრითების ცხოვრება (2123)
დისტანციური სწავლება

ოზურგეთში სწავლის პროცესი დისტანციურად გაგრძელდება

7
(განახლებულია 14:20 28.09.2020)
გურიაში სახელმწიფო რწმუნებულმა ზურაბ ნასარაიამ განაცხადა, რომ ჩოხატაურსა და ლანჩხუთში სასწავლო პროცესი ჩვეულ რეჟიმში გაგრძელდება

თბილისი, 27 სექტემბერი — Sputnik. გართულებული ეპიდვითარების გამო ოზურგეთის მუნიციპალიტეტში სწავლის პროცესი ონლაინრეჟიმში გაგრძელდება, ამის შესახებ გურიაში სახელმწიფო რწმუნებულმა ზურაბ ნასარაიამ ისაუბრა, იუწყება პირველი არხი.

ქვეყანაში სასწავლო წელი 15 სექტემბერს განახლდა, მაგრამ ეპიდვითარების გაუარესების გამო რვა ქალაქის – თბილისი, ბათუმი, ქობულეთი, ქუთაისი, ფოთი, რუსთავი, ზუგდიდი, გორი, ასევე კახეთის, გურიისა და შიდა ქართლის ზოგიერთი სოფლის სკოლების მოსწავლეები და სტუდენტები იძულებული არიან, ჯერჯერობით დისტანციურად ისწავლონ. სხვა ქალაქებსა და სოფლებში სასწავლო დაწესებულებები გაიხსნა.

სასწავლო პროცესის დაწყებიდან რამდენიმე დღეში, 21 სექტემბერს კორონავირუსი დაფიქსირდა სამ სკოლაში - ოზურგეთის მუნიციპალიტეტის სოფელ ლაითურში, შრომაში და სენაკში. იქ COVID-19 რამდენიმე პედაგოგსა და მოსწავლეს დაუდგინდა. აღნიშნული სკოლები დისტანციურ რეჟიმზე გადავიდნენ.

ზურაბ ნასარაიას განცხადებით, აღნიშნული გადაწყვეტილება კორონავირუსის გავრცელების მომატებულმა რისკმა განაპირობა.

„ოზურგეთის ყველა სკოლა, მომატებული რისკის გამო, სწავლების ონლაინრეჟიმზე გადავიდა. ჩოხატაურსა და ლანჩხუთში კი სასწავლო პროცესი ჩვეულ რეჟიმში გრძელდება, თუ რაიმე ახალი გამოვლინება იქნა, მივიღებთ შესაბამის გადაწყვეტილებას“, – განაცხადა ზურაბ ნასარაიამ.

„სწავლა მინდა!“ – ქართველმა სტუდენტებმა განათლების სამინისტროსთან აქცია გამართეს>>

დღეს განათლების მინისტრმა მიხეილ ჩხენკელმა ბრიფინგზე განაცხადა, რომ საბავშვო ბაღები ქვეყნის მასშტაბით, გარდა აჭარისა, 12 ოქტომბერს განაახლებენ მუშაობას, ხოლო უმაღლესი სასწავლებლები მეცადინეობებს აუდიტორიებში, ასევე აჭარის გარდა – 19 ოქტომბერს.

ასევე პირველი ოქტომბრიდან პირველიდან მეექვსე კლასის ჩათვლით მოსწავლეები, სადაც სასწავლო პროცესი დისტანციურად მიმდინარეობდა, საკლასო ოთახებში გააგრძელებენ სწავლას. გამონაკლისია აჭარის რეგიონი.

ამასთან, თუ მოსწავლეების მშობლები გადაწყვეტენ, რომ ბავშვებმა სასწავლო პროცესი გააგრძელონ დისტანციური ფორმით, ეს უზრუნველყოფილი იქნება, აღნიშნა მინისტრმა.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 298-ით გაიზარდა და 5552-ს მიაღწია. ამ დროისათვის სულ გამოჯანმრთელდა 1906 ადამიანი, გარდაიცვალა – 28, კარანტინის რეჟიმში იმყოფება 5637, სტაციონარებში ექიმების დაკვირვების ქვეშ 836 პაციენტია, ხოლო კოვიდ–სასტუმროებში 800 ადამიანი იმყოფება.

7
თემები:
განათლება საქართველოში
ლაბორატორია

14 მოსწავლის ინფიცირების წყარო რეპეტიტორია: რა ვითარებაა სამეგრელოში

38
(განახლებულია 13:05 28.09.2020)
ინფიცირებულთა შორის არიან ზუგდიდის მუნიციპალიტეტის  სოფელ რუხის, ინგირის, დიდინეძის და ზუგდიდის რამდენინე საჯარო სკოლის მოსწავლეები.

თბილისი, 28 სექტემბერი – Sputnik. რეგიონში გამოვლენილი კორონავირუსის ახალი შემთხვევებიდან 14 საჯარო სკოლის მოსწავლეა, რომელთა ინფიცირების წყარო რეპეტიტორია, განაცხადა სამეგრელო–ზემო სვანეთის სახელმწიფო რწმუნებულის მოვალეობის შემსრულებელმა მალხაზ თორიამ „Sputnik-საქართველოსთან“

რეგიონში გუშინ კორონავირუსზე PCR-ტესტი 200 მოქალაქეს ჩაუტარდა და აქედან დადებითი პასუხი 20 შემთხვევაში დაფიქსირდა.

თორიას განცხადებით, ინფიცირებული არიან ზუგდიდის მუნიციპალიტეტის  სოფელ რუხის, ინგირის, დიდინეძის და ქალაქის რამდენინე საჯარო სკოლის მოსწავლეები. 

ამ დროისთვის  მუნიციპალიტეტის სამივე სკოლა დისტანციურ სწავლებაზე გადავიდა –  მუნიციპალიტეტის სკოლებში ღრმა ეპიდკვლევა მიმდინარეობს.

გარდა ამისა, ახალი შემთხვევებიდან სამი ფოთის მცხოვრებია,  რომელთაც ბათუმში მოგზაურობის ისტორია აქვთ. ინფიცირებულთა შორის ერთი მარტვილიდანაა, ერთი საბერიოს კლასტერს,  ერთი შემთხვევა ე.წ. ოქროს ბირჟის კლასტერს უკავშირდება, ხოლო ერთი პაციენტი უკვე დადასტურებული შემთხვევის კონტაქტია.

 „ზუგდიდში გამოვლენილი 15 შემთხვევიდან 14 არასრულწლოვანია, რომელთა ინფიცირების წყაროც ერთ–ერთი საგნის რეპეტიტორია.  აღნიშნული პედაგოგი ე.წ.  ოქროს ბირჟის კლასტერია. ამ ეტაპზე მიმდინარეობს ახალი შემთხვევების კონტაქტების გამოკვლევა. სულ რეგიონში ინფიცირებულთა რაოდენობა 92-ს შეადგენს“, –  განაცხადა მალხაზ თორიამ.

ამ დროისთვის  რეგიონის მასშტაბით საკარანტინო სივრცეში ჯამში 173 ადამიანი იმყოფება.

რაც შეეხება რუხის მულტიპროფილურ საავადმყოფოს, კლინიკაში კორონავირუსის დიაგნოზით სულ  69  პაციენტი მკურნალობს, მათგან ოთხის მდგომარეობა მძიმეა.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 298-ით გაიზარდა და 5552-ს მიაღწია, გამოჯანმრთელდა 2054  ადამიანი, გარდაიცვალა 31 პაციენტი.

საქართველოში კორონავირუსის პირველი შემთხვევა 26 თებერვალს დაფიქსირდა.

ნიკა ლატარია

38
თემები:
COVID-19 საქართველოში