ტელეკომპანია „რუსთავი2“-ის მიკროფონი

Rustavi-2-ის არც ერთ თანამშრომელს კორონავირუსი არ დაუდასტურდა

110
(განახლებულია 19:46 12.09.2020)
საქართველოში ამ დროისათვის კორონავირუსით ინფიცირებულთა რაოდენობამ 2075-ს მიაღწია. გამოჯანმრთელდა 1363 ადამიანი.

თბილისი, 12 სექტემბერი - Sputnik. ტელეკომპანია Rustavi-2-ის არც ერთ თანამშრომელს კორონავირუსი არ დაუდასტურდა, განაცხადა ტელეკომპანიის გენერალურმა დირექტორმა, პაატა სალიამ.

გუშინ ტელეკომპანია Rustavi-2-ის  თანამშრომელს, „კურიერის“ ერთ-ერთ ჟურნალისტს თეონა ცხომელიძეს Covid-19 დაუდასტურდა. ეს უკვე მეორე შემთხვევაა, როდესაც ქართველ ჟურნალისტს  ინფექცია დაუფიქსირდა. ამ კვირაში ცნობილი გახდა, რომ COVID-19 ტელეკომპანია „TV პირველის“ ჟურნალისტს, ვიკა ბუკიასაც დაუდასტურდა.

სალიას განცხადებით,  ტესტირება კომპანიის 400-მდე თანამშრომელს ჩაუტარდა და ყველა პასუხი უარყოფითია.

„სულ რამდნეიმე წუთის წინ მოვიდა პასუხები და საბედნიეროდ, ყველა ტესტის პასუხი არის უარყოფითი. თუმცა როგორც ეპიდემიოლოგები გვეუბნებიან, კიდევ რამდენჯერმე უნდა ჩატარდეს იმ ადამიანების ტესტირება, ვისაც უშუალო კონტაქტი ჰქონდა ინფიცირებულ პირთან. ეს არის ვიწრო წრე, თუმცა ეს არ გვაძლევს ამ ეტაპზე მოდუნების საშუალებას. ძალიან გავამკაცრებთ პირობებს, თუნდაც იგივე სტუმრების მიღების, გადაცემების ჩაწერის კუთხით“, - განაცხადა პაატა სალიამ.

თავად თეონა ცხომელიძე თავს კარგად გრძნობს. ის მკურნალობას პირველი საუნივერსიტეტო კლინიკის ბოქსირებულ განყოფილებაში გადის და მას ამ დროისათვის კორონავირუსისთვის დამახასიათებელი სიმპტომები არ აღენიშნება.

როგორც ტელეკომპანიის აღმასრულებელმა დირექტორმა, ირაკლი იმნაიშვილმა განაცხადა, კომპანიაში მუშაობა მკაცრი პროტოკოლის დაცვით გაგრძელდება. ის თანამშრომლები კი, რომლებსაც ინფიცირებულ პირთან უშუალო შეხება ჰქონდათ, მუშაობას იზოლაციაში განაგრძობენ, ამავდროულად 48 საათში განმეორებითი ტესტირება ჩაუტარდებათ.

„უმკაცრეს რეჟიმზე გადადის სწორედ ის ჯგუფი, ვისაც კონტაქტი ჰქონდა ინფიცირებულთან. მთლიანად ტელევიზიაში საოპერაციო მოდელი შეიცვლება, ყველა დეტალი გეგმის თანახმად გადამოწმდება და მაქსიმუმ ერთ საათში ჩაეშვება ცვლილებები სხვადასხვა გუნდთან მიმართებით, ვიდრე დაავადებათა კოტროლის ეროვნული ცენტრი არ მოგვცემს შესაძლებლობას, რომ გადავიდეთ მუშაობის ჩვეულ რეჟიმზე“, – განაცხადა იმნაიშვილმა.

გიორგი ვაშაძეს კორონავირუსი არ დაუდასტურდა >>

დღეს ქვეყანაში კორონავირუსით ინფიცირების შემთხვევების რეკორდული რიცხვი გამოვლინდა - 158. საქართველოში ამ დროისათვის კორონავირუსით ინფიცირებულთა რაოდენობამ 2075-ს მიაღწია. გამოჯანმრთელდა 1363 ადამიანი. გარდაცვლილია – 19, კარანტინის რეჟიმში იმყოფება 5882, ხოლო სტაციონარებში ექიმების დაკვირვების ქვეშ 390 პაციენტია.

საქართველოში კორონავირუსის პირველი შემთხვევა 26 თებერვალს დაფიქსირდა.

110
თემები:
COVID-19 საქართველოში (1741)
ევა ბარბაქაძე

„მიყვარს ჩემი ფუმფულა სხეული...“ ევა ბარბაქაძე გასუქდა? ფოტო

1224
(განახლებულია 13:00 19.09.2020)
შორენა ბეგაშვილის ერთადერთმა ქალიშვილმა სოციალურ ქსელში საცურაო კოსტიუმში გადაღებული ფოტო გამოაქვეყნა. ნახეთ რას სწერენ ევას.

ახალბედა ფოტომოდელის ევა ბარბაქაძის ახალმა ფოტომ, რომელიც მან „ინსტაგრამის“ „სთორიზე“ განათავსა, სოციალური ქსელის მომხმარებლების ვნებათაღელვა გამოიწვია. გოგონამ უამრავი წერილი მიიღო, რომელიც მისი წონის ცვლილებას ეხებოდა. ბოლოს ევამ გულშემატკივრებს ერთიანად გასცა პასუხი: „მიყვარს ჩემი ფუმფულა სხეული. ნუ მზომავთ. დიეტა დავიწყე იმისთვის, რომ ფორმაში ჩავდგე. ძალიან გამხდარიც ვიყავი და არ მიხდებოდა“.

ცოტა ხნის წინ ცნობილი მოდელის და ტელეწამყვანის შორენა ბეგაშვილის გოგონამ დაბადების დღეზე საოცარი საჩუქარი – ძვირადღირებული „აუდის“ მარკის ავტომობილი მიიღო. გოგონამ და დედამ „ინსტაგრამზე“ ერთდროულად დადეს ფოტოები. ევამ ფოტოებს დააწერა „ყველაზე ბედნიერი დღე ჩემს ცხოვრებაში“, ხოლო შორენამ – „საუკეთესო საჩუქარი ჩემს ევას შენგან“.

როგორც ჩანს, საჩუქრის ავტორი შორენა ბეგაშვილის ახალი პარტნიორია. შორენამ ფოტოზე მისი ინიციალი „ლ“ მონიშნა. ბოლო დროს აქტიურად ვრცელდება ინფორმაცია, რომ შორენა ბეგაშვილი კრიმინალურ ავტორიტეტზე ლაშა ბარათელზეა შეყვარებული, რომელიც თურქეთში ცხოვრობს, და სწორედ მის გამო დაანგრია ბიზნესმენ ირაკლი ნანაძესთან შექმნილი ოჯახი. გავრცელებული ინფორმაციით, ლაშა ბარათელი შორენას ირაკლი ნანაძესთან ყოფნის დროსაც ანებივრებდა ძვირადღირებული საჩუქრებით.

View this post on Instagram

BEST DAY OF MY LIFE🎈🎈🎈🎈🎈

A post shared by ევა🧚🏽‍♀️ (@_evvabarbaqadze_) on

შორენას და ევას განსაკუთრებული დედაშვილობა აკავშირებთ. მთელი საქართველო შეძრა ევას ტრაგიკულმა ისტორიამ, რომლის გამო შორენას ქონების დიდი ნაწილის გაყიდვა მოუწია. შეგახსენებთ, ულამაზესმა ევამ ხერხემალზე 17 ოპერაცია გადაიტანა. მის შემთხვევას სასწაული უწოდეს თურქმა ექიმებმა, რომლებმაც ის ფეხზე დიდი ძალისხმევის შედეგად დააყენეს.

View this post on Instagram

💗

A post shared by ევა🧚🏽‍♀️ (@_evvabarbaqadze_) on

შორენა ბეგაშვილს ერთი ქალიშვილი ჰყავს. ევა ბარბაქაძე მსახიობს პატარა ასაკში შეეძინა, ჯერ კიდევ მაშინ, როდესაც შორენა ეკრანებზე არ ჩანდა. პოპულარობა დედა-შვილის ცხოვრებაში დიდი შრომისა და ძალისხმევის შედეგად მოვიდა. ყველამ იცის, რომ შორენა რუსთავში გაჭირვებულად ცხოვრობდა. ახლა მთელი ქვეყანა ევას და შორენას სილამაზეზე საუბრობს. მათ ბოლო პერიოდში ერთმანეთს სულ უფრო ხშირად ადარებენ.

1224
თემები:
სელებრითების ცხოვრება
ორსული

ბათუმის სამშობიარო სახლში 17 კოვიდინფიცირებული ორსული იმყოფება

41
სამშობიარო მხოლოდ კოვიდინფიცირებულ ორსულებს იღებს. სამშობიარო სახლის დირექტორის, ნუგზარ პაპავას თქმით, კლინიკაში კორონავირუსის სამკურნალოდ ყველა პირობაა შექმნილი

თბილისი, 19 სექტემბერი – Sputnik. ბათუმის სამშობიარო სახლში კოვიდინფიცირებულ ორსულთა რაოდენობა 17-მდე გაიზარდა, იუწყება საზოგადოებრივი მაუწყებლის „პირველი არხი“.

კლინიკაში აცხადებენ, რომ ინფიცირებულების ჯანმრთელობის მდგომარეობა სტაბილურია და პროცესი უსიმპტომოდ მიმდინარეობს.

„ამ ეტაპზე გვყავს 17 კოვიდინფიცირებული პაციენტი. მათ შორის ორი არის 38 კვირის ფეხმძიმე. საკეისრო კვეთა არ იგეგმება, სავარაუდოდ, ფიზიოლოგიურად იმშობიარებენ. ყველა პაციენტის ჯანმრთელობის მდგომარეობა დამაკმაყოფილებელია. ძირითადად, დაავადება უსიმპტომოდ მიმდინარეობს. პაციენტები თავს კარგად გრძნობენ. იმყოფებიან ექიმების მეთვალყურეობის ქვეშ“, - განაცხადა სამშობიარო სახლის დირექტორმა, ნუგზარ პაპავამ.

აღსანიშნავია, რომ სამშობიარო 14 სექტემბრიდან მხოლოდ კოვიდინფიცირებულ ორსულებს იღებს. პაპავას თქმით, კლინიკაში კორონავირუსის სამკურნალოდ ყველა პირობაა შექმნილი. კლინიკაში მოწყობილია იზოლირებული ბლოკები. ჯამში კი კლინიკას 22 პაციენტის მიღება შეუძლია.

COVID-19-ით ინფიცირების ახალი შემთხვევების უმრავლესობა კვლავ აჭარაზე მოდის, 187 დადასტურებული შემთხვევიდან რეგიონში დღეს 116 შემთხვევა გამოვლინდა.

საქართველოში ახალი კორონავირუსით დაავადებულთა რაოდენობამ 3306-ს მიაღწია, გამოჯანმრთელებულთა რაოდენობას 46 ადამიანი შეემატა. ამ დროისათვის სულ გამოჯანმრთელდა 1481 ადამიანი. გარდაიცვალა – 19, კარანტინის რეჟიმში იმყოფება 5014, ხოლო სტაციონარებში ექიმების დაკვირვების ქვეშ 836 პაციენტია.

41
თემები:
COVID-19 საქართველოში (1741)
მგზავრები პირბადეებით

რამდენი ადამიანი დაჯარიმდა პირბადის ტარების წესის დარღვევისთვის

0
დახურულ საჯარო სივრცეში, ტრანსპორტში ან ტაქსიში პირბადის გარეშე ყოფნა 20 ლარიანი ჯარიმით ისჯება, იურიდიული პირი კი პირბადის გარეშე ადამიანის დაშვებისთვის 500 ლარით ჯარიმდება

თბილისი, 19 სექტემბერი — Sputnik. კორონავირუსის პანდემიის განმავლობაში, საქართველოში პირბადის ტარების წესის დარღვევის 9 884 შემთხვევა დაფიქსირდა, იუწყება საზოგადოებრივი მაუწყებლის პირველი არხი შსს-ზე დაყრდნობით.

აღნიშნული სტატისტიკა 2020 წლის 12 ივნისიდან 2020 წლის 31 აგვისტოს პერიოდს მოიცავს.

აღნიშნულ პერიოდში 5 107 ფიზიკური და ერთი იურიდიული პირი დაჯარიმდა, 4 776 პირს კი სიტყვიერი შენიშვნა ან გაფრთხილება მიეცა.

ადმინისტრაციულ სამართალდარღვევათა კოდექსში შესაბამისი ცვლილებები 12 ივნისს შევიდა. 42(11) მუხლის თანახმად, დახურულ საჯარო სივრცეში, ტრანსპორტში ან ტაქსიში პირბადის გარეშე ყოფნა ფიზიკური პირისთვის 20 ლარიან ჯარიმას ითვალისწინებს.

ხოლო დახურულ საჯარო სივრცეში პირბადის არმქონე პირის დაშვება აღნიშნული სივრცის მფლობელი იურიდიული პირის/ინდივიდუალური მეწარმის 500 ლარით დაჯარიმებას გამოიწვევს.

0
თემები:
COVID-19 საქართველოში (1741)