ბავშვი

უშვილო წყვილს, რომელთა ფოტომ სოციალური ქსელი მოიარა, ნანატრი ვაჟი ეყოლა ფოტო

532
(განახლებულია 11:06 11.09.2020)
წყვილს, რომელსაც 7 წლის განმავლობაში შვილი არ უჩნდებოდა, მარტვილში, სო­ფელ სალ­ხი­ნოს წა­ჩხუ­რუს მთა­ვა­რან­გე­ლო­ზის სა­ხე­ლო­ბის ტა­ძრის ეზოში მისვლის შემდეგ სასწაული ეწვია.

წყვილს, რომელთა ემოციურმა ფოტომ ორი წლის წინ სოციალური ქსელი მოიარა, შვიდი წლის შემდეგ ნანატრი ვაჟი შეეძინა. ინფორმაციას სოციალურ ქსელში ფოტოს ავტორი ლაშა შალამბერიძე ავრცელებს და წყვილს ბედნიერებას უსურვებს.

„და­ი­ბა­და ჩვე­ნი პრინ­ცი იო­ა­ნე, მად­ლო­ბა ღმერ­თს ამ დიდი ბედ­ნი­ე­რე­ბის­თვის“, – წერს ახალ­შო­ბი­ლის დედა მერი მელაძე სო­ცი­ა­ლურ ქსელ­ში.

ორი წლის წინ გავრცელებული ფოტო იმ­დე­ნად ემო­ცი­უ­რი იყო, რომ სრუ­ლი­ად სა­ქარ­თვე­ლო მო­იც­ვა. ფოტოზე მერი მელაძე და მისი მეუღლე თორნიკე სულაკაძე არიან აღბეჭდილი, რომლებიც მარ­ტვი­ლის მუ­ნი­ცი­პა­ლი­ტე­ტის ულა­მა­ზეს სო­ფელ სალ­ხი­ნოს წა­ჩხუ­რუს მთა­ვა­რან­გე­ლო­ზის სა­ხე­ლო­ბის ტა­ძრის ეზოში აკვნის ფონზე სხედან.

„როცა გუ­ლით შეს­თხოვ უფალს, უთუ­ოდ შე­ის­მენს შენს ვედ­რე­ბას“ – ასე ამ­ბო­ბენ უშვილო წყვილზე, ვინც ტაძარს მოინახულებს.

ტა­ძარ­ში გან­სა­კუთ­რე­ბუ­ლი ხალ­ხმრავ­ლო­ბაა ხოლმე აღ­დგო­მის მე­ო­თხე დღეს – ხუთ­შა­ბათს. უამ­რა­ვი მორ­წმუ­ნე, უშ­ვი­ლო ცოლ-ქმა­რი, ჯვარ­და­სა­წე­რი ქალ-ვაჟი ევედ­რე­ბა ხე­ლის მო­მარ­თვას უფალს. ამ დღეს ყო­ველ­თვის წვიმს და იქა­უ­რო­ბა ნის­ლით იბუ­რე­ბა. შარ­შან­წინ სწო­რედ წა­ჩხუ­რუს მთა­ვა­რან­გე­ლო­ზის სა­ხე­ლო­ბის ტაძ­რის ეზო­ში გა­და­ი­ღო ფო­ტოგ­რაფ­მა ლაშა შა­ლამ­ბე­რი­ძემ მომ­ლოც­ვე­ლი წყვი­ლი, რო­მე­ლიც უფალს შვილს სთოვ­და.

532
თელასი

„თელასი": თბილისის რომელ უბნებს შეეზღუდება ელექტროენერგიის მიწოდება 25 სექტემბერს

22
(განახლებულია 20:56 24.09.2020)
გადაუდებელი სარემონტო სამუშაოების გამო დედაქალაქის სხვადასხვა უბნებში ელექტროენერგიის მიწოდება დროებით შეიზღუდება.

თბილისი, 25 სექტემბერი — Sputnik. სააქციო საზოგადოება „თელასი" იუწყება, რომ 25 სექტემბერს გადაუდებელი სარემონტო სამუშაოების გამო დედაქალაქის სხვადასხვა უბანში ელექტროენერგიის მიწოდება დროებით შეიზღუდება.

საბურთალოს რაიონი

 11:00 საათიდან 16:00 საათამდე შეზღუდვა შეეხება: ვაჟა-ფშაველას VI კვარტლის (ნაწილობრივ) და ავთო ვარაზის ქუჩის მოსახლეობას.

კრწანისის რაიონი

11:00 საათიდან 17:00 საათამდე შეზღუდვა შეეხება: ხეივნის დასახლების მოსახლეობას.

დიდუბის რაიონი

11:00 საათიდან 18:00 საათამდე შეზღუდვა შეეხება: აკაკი წერეთლის გამზირის (ნაწილობრივ) მოსახლეობას.

 

კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.

22
თემები:
თბილისი დღეს
ბლოკპოსტი

ამჯერად გურია: ოზურგეთის მუნიციპალიტეტის დაბა ლაითური ჩაიკეტა

38
(განახლებულია 08:51 25.09.2020)
სპეციალურად დაბა ლაითურის მოსახლეობისთვის, სადაც კორონავირუსი რამდენიმე მოსწავლეს და მასწავლებელს დაუდასტურდა, გურიის სამხარეო ადმინისტრაციაში ამოქმედდა ცხელი ხაზი.

თბილისი, 25 სექტემბერი — Sputnik. კორონავისუსით ინფიცირების შემთხვევების მატების გამო ოზურგეთის მუნიციპალიტეტის დაბა ლაითურში გადაადგილება შეიზღუდა.

გურიის რეგიონში, რომელიც ამ დრომდე „მწვანე ზონად" ითვლებოდა, კორონავირუსის უკვე 84 შემთხვევაა დაფიქსირებული. პირველი შემთხვევა 4 სექტემბერს დაფიქსირდა – ინფექცია ჩოხატაურში ახალგაზრდა ქალს დაუდგინდა. ბოლო ინფორმაციით,  ოზურგეთში ინფიცირებულთა რაოდენობამ 61 შეადგინა, აქედან 11 შემთხვევა დაბა ლაითურს უკავშირდება. 

დაბა ლაითურში კორონავირუსი რამდენიმე მოსწავლეს და მასწავლებელს აქვს  დადასტურებული, რის გამოც საჯარო სკოლამ  შეწყვიტა სასწავლო პროცესი და ორი კვირით სწავლების დისტანციურ რეჟიმზე გადავიდა. 

ამ დროისთვის გურიის რეგიონში თერმოსკრინინგი და ფართო ეპიდკვლევა მიმდინარეობს.

სპეციალურად დაბა ლაითურის მოსახლეობისთვის გურიის სამხარეო ადმინისტრაციაში ამოქმედდა ცხელი ხაზი.

„ლაითურში მოსახლეობის შესვლა-გამოსვლა გაკონტროლდება სამართალდამცავთა მიერ. განხორციელდება მოსახლეობის თერმოსკრინინგი. მოვუწოდებთ მოსახლეობას, გაგებით მოეკიდონ აღნიშნულ გადაწყვეტილებას, რათა თავიდან იქნეს აცილებული კორონავირუსის გავრცელება“,- აცხადებენ ოზურგეთის მერიაში.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 259-ით გაიზარდა და 4399-ს მიაღწია, გამოჯანმრთელდა 1705 ადამიანი, გარდაიცვალა 26 პაციენტი.

საქართველოში კორონავირუსის პირველი შემთხვევა 26 თებერვალს დაფიქსირდა.

38
თემები:
COVID-19 საქართველოში