თენგიზ ცერცვაძე

ეპიდემიოლოგი მოსახლეობას სიმშვიდისა და სიფრთხილისკენ მოუწოდებს

177
(განახლებულია 20:56 11.09.2020)
თენგიზ ცერცვაძის აზრითნ, პანიკის საფუძველი არ არსებობს, თუნდაც იმიტომ, რომ კორონავირუსით გამოწვეული სიკვდილიანობა უფრო დაბალია, ვიდრე „ღორის გრიპით“

 

თბილისი, 11 სექტემბერი - Sputnik. თბილისის ინფექციური საავადმყოფოს დირექტორი თენგიზ ცერცვაძე მოსახლეობას სიმშვიდისა და სიფრთხილისკენ მოუწოდებს. 

მან ქვეყანაში ინფიცირების შემთხვევების მკვეთრ მატებაზე ისაუბრა. საქართველოში დღეს ინფიცირების 87  შემთხვევა გამოვლინდა.

როგორც ცერცვაძემ განაცხადა, კორონავირუსის ზრდის ტენდენცია მთელ მსოფლიოში შეინიშნება, მათ შორის, საქართველოშიც. თუმცა, ევროპასა და აშშ-თან შედარებით, საქართველოში ერთ მილიონ ადამიანზე ვირუსის გავრცელების კვლავაც ყველაზე დაბალი მაჩვენებელია.

 „კორონავირუსის პირობებში ძალიან ძნელია რაღაც გარანტიების გაცემა, მაგრამ სრული პასუხისმგებლობით ვაცხადებთ, რომ შევეცდებით, შევინარჩუნოთ გამოჯანმრთელების ძალიან მაღალი პროცენტი და სიკვდილიანობის მცირე რიცხვი. ასე რომ, მოსახლეობას შეუძლია იყოს მშვიდად, მაგრამ ეს არ ნიშნავს, რომ უგულებელყოს მთავრობის მიერ შემოღებული რეგულაციები და არ დაიცვას საჭირო უსაფრთხოების ზომები. ზედმეტად  ზედმეტად გავთამამდეთ. ზედმეტად მოდუნება არ შეიძლება, სწორედ ამ გათამამებამ მიგვიყვანა ინფიცირების შემთხვევების გარკვეულ ზრდამდე“, – განაცხადა თენგიზ ცერცვაძემ.

ამასთან, ეპიდემიოლოგმა აღნიშნა, რომ კორონავირუსით გამოწვეული სიკვდილიანობა საქართველოში ნაკლებია, ვიდრე ეს 2009-2010 წლებში, „ღორის გრიპის“ პანდემიის დროს იყო.

„სულ ხუთი გარდაცვლილი ყოველ მილიონ მოსახლზე. ეს იმაზე ნაკლებია, ვიდრე 2009–2010 წლებში, ე.წ. ღორის გრიპის პანდემიის დროს გვქონდა. რატომაა ეს მნიშვნელოვანი? იმიტომ რომ ჩვენს მოსახლეობას ჰქონდეს განცდა, რომ ის არის დაცული, მის უსაფრთხოებაზე ზრუნავს სახელმწიფო, ჯანდაცვის სისტემა და რომ ეს სისტემა გამართულად მუშაობს“, - აღნიშნა ცერცვაძემ.

კორონავირუსის გამოვლენილი შემთხვევების რაოდენობა ბოლო დღე-ღამეში 87-ით გაიზარდა. ეს პანდემიის დაწყებიდან საქართველოში ყველაზე მაღალი მაჩვენებელია.

საქართველოს დაავადებათა კონტროლის ეროვნული ცენტრის მონაცემებით, ქვეყანაში ინფიცირებულთა საერთო რაოდენობა 1917-ია. მათგან გამოჯანმრთელდა 1354, გარდაიცვალა 19 ადამიანი.

177
თემები:
COVID-19 საქართველოში (1802)
ისრაელის და საქართველოს დროშები

საყოველთაო კარანტინი: ისრაელში საქართველოს საელჩო საკუთარ მოქალაქეებს აფრთხილებს

180
(განახლებულია 22:41 24.09.2020)
მიმდინარე წლის 25 სექტემბრის 14:00 საათიდან ისრაელი საყოველთაო კარანტინის რეჟიმზე გადადის. რეგულაციები 11 ოქტომბრამდე რჩება ძალაში.

თბილისი, 24 სექტემბერი – Sputnik. ისრაელში საქართველოს საელჩო საქართველოს მოქალაქეთა საყურადღებოდ ისრაელში საყოველთაო კარანტინთან დაკავშირებით ინფორმაციას ავრცელებს.

საელჩოს გვერდზე აღნიშნულია, რომ მიმდინარე წლის 25 სექტემბრის 14:00 საათიდან ისრაელი საყოველთაო კარანტინის რეჟიმზე გადადის. რეგულაციები 11 ოქტომბრამდე რჩება ძალაში.

„ეკონომიკური საქმიანობა სრულად შეიზღუდება, გამონაკლისს წარმოადგენს სასიცოცხლო მნიშვნელობის მქონე ორგანიზაციები, როგორიც არის: საფინანსო და ენერგეტიკული სექტორი, სოციალური მომსახურეობა, წარმოება და პროდუქტების მიწოდება, კავშირგაბმულობა, მედიცინა, მშენებლობა, ინფრასტრუქტურა, ტრანსპორტი და პორტი, დასუფთავების სამსახური“, - აღნიშნულია საელჩოს გვერდზე. .

გარდა ამისა, „იომ ქიფურის“ დღესასწაულის პერიოდში 27-28 სექტემბერს მზის ჩასვლამდე მანქანით გადაადგილება აიკრძალება. ამავე პერიოდში დაიხურება ყველა სავაჭრო ობიექტი, მათ შორის აფთიაქები.

საქართველოს საელჩო ასევე შეახსენებს თავის მოქალაქეებს, რომ ძალაში რჩება ადრე დამტკიცებული შეზღუდვები.

ბოლო მონაცემებით, ისრაელში კორონავირუსის 209 ათასზე მეტი შემთხვევაა დადასტურებული, აქედან გარდაიცვალა 1 376 ადამიანი.

180
თემები:
COVID-19-ის პანდემია მსოფლიოში
კორონავირუსით დაავადებული პაციენტის მკურნალობა

ქუთაისში გინეკოლოგები სამშობიაროს კოვიდ-ცენტრად გადაკეთებას აპროტესტებენ

105
(განახლებულია 22:19 24.09.2020)
მედიკოსები ირწმუნებიან, რომ სამშობიაროში არ არის სათანადო ინვენტარი და აღჭურვილობა იმისათვის, რომ კლინიკამ კოვიდცენტრად იმუშაოს.

თბილისი, 24 სექტემბერი – Sputnik. ქუთაისის მესამე სამშობიარო სახლის თანამშრომლებმა საპროტესტო აქცია გამართეს, იუწყება საზოგადოებრივი მაუწყებლის „პირველი არხი“.

მედიკოსებმა ამ ფორმით კლინიკის ხელმძღვანელობის ის გადაწყვეტილება გააპროტესტეს, რომელის თანახმადაც ეს სამედიცინო დაწესებულება კოვიდ ცენტრად უნდა გადაკეთდეს.

„ხელმძღვანელმა გვითხრა, რომ გადაწყვეტილებას ის იღებს და არ აინტერესებს თანამშრომლების პროტესტი. გვითხრეს, რომ ვისაც უნდა, დარჩება და იმუშავებს. მაგრამ როგორ წარმოუდგენიათ, გინეკოლოგმა ეპიდემიოლოგად იმუშაოს?“, - განაცხადა კლინიკის ერთ-ერთმა თანამშრომელმა.

კლინიკის 55 თანამშრომელი მოვითხოვს, გამოუყონ ფართი, სადაც ისინი თავიანთი პაციენტების მიღებას შეძლებენ. წინააღმდეგ შემთხვევაში გინეკოლოგები აქციების გაგრძელებას აპირებენ.

მედიკოსები ასევე აცხადებენ, რომ სამშობიაროში არ არის სათანადო ინვენტარი და აღჭურვილობა იმისათვის, რომ კლინიკამ კოვიდცენტრად იმუშაოს.

სამშობიაროს ხელმძღვანელის მედეა შავიშვილის თქმით, კლინიკის კოვიდცენტრად გადაკეთება სახელმწიფოს გადაწყვეტილებაა და ექიმების პროტესტი უსაფუძვლოა.

კორონავირუსით ინფიცირებულ პაციენტს ბათუმში საკეისრო კვეთა ჩაუტარდა >>

შავიშვილმა ასევე აღნიშნა, რომ კლინიკა კოვიდცენტრად რამდენიმე თვით გადაკეთდება. ამ დროის განმავლობაში კოვიდინფიცირებულ პაციენტებს მიიღებენ და თანამშრომლების ნაწილს შესთავაზეს ამ პირობებში ემუშავათ, რაზეც უარი მიიღეს.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 259-ით გაიზარდა და 4399-ს მიაღწია, გამოჯანმრთელდა 1705 ადამიანი, გარდაიცვალა 26 პაციენტი.

105
თემები:
COVID-19 საქართველოში (1802)
მოალერსე წყვილი

ზოდიაქოს სამი იღბლიანი ნიშანი ვის გაუმართლებს სასიყვარულო ასპარეზზე ოქტომბერში

0
(განახლებულია 11:53 24.09.2020)
ზოდიაქოს ზოგიერთი თანავარსკვლავედის წარმომადგენლებისთვის შემოდგომის შუა პერიოდი ძალზე ხელსაყრელი იქნება სიყვარულის თვალსაზრისით

ამ სამი ნიშნის წარმომადგენლებს ელოდება საბედისწერო შეხვედრა, რომელიც მათ დიდ სიყვარულსა და ბედნიერებას მოუტანს. ისინი სიყვარულის „მორევში“ ჩაიძირებიან.

როგორ ამჟღავნებენ სიყვარულს ზოდიაქოს ნიშნები>>

კურო

კუროები ოქტომბერში შეხვდებით ადამიანს, რომელიც თქვენს გულს დაიპყრობს. დიდი ხანია, ასეთ სიყვარულს ეძებთ და ამ თვეში მიაღწევთ საწადელს – თქვენს გულში რომანტიკული გრძნობებისა და ემოციების ქარცეცხლი დატრიალდება. კუროების ცხოვრებაში ასეთი შეხვედრები ხშირად არ ხდება – მეორე ნახევარს თვითონ სამყარო გამოგიგზავნით, თქვენ კი ეს შანსი ხელიდან არ უნდა გაუშვათ.

სასწორი

ოქტომბერში სასწორის ნიშნის წარმომადგენლებმა საკუთარ ინტუიციას გულდასმით უნდა მოუსმინოთ. სწორედ ის მიგანიშნებთ, როგორ უნდა იმოქმედოთ და რას უნდა მიაქციოთ ყურადღება. შემდეგ კი თქვენი გადასაწყვეტი იქნება – მოიპოვოთ ბედნიერება, თუ მარტო დარჩეთ. სასწორებისთვის ეს შეხვედრა საბედისწერო იქნება, ამიტომ დიდხანს ფიქრი არ ღირს.

როგორი სიყვარული იციან ზოდიაქოს ნიშნებმა>>

მერწყული

მერწყულები ხშირად იძირებით საკუთარ ფიქრებში. ამ დროს კი ნამდვილად ღირს, აქეთ–იქით გაიხედოთ. ამ შემთხვევაში დაინახავთ, რომ თქვენი მეორე ნახევარი სულაც არაა შორს, არამედ გვერდით დგას. ეს ადამიანი შეიძლება თქვენი ახლო გარემოცვიდან იყოს. შესაძლოა, ის არ გამოირჩევა სხვა ადამიანებისგან, მაგრამ სწორედ მას უწერია, თქვენი ბედი გახდეს. თუ ასტროლოგების რჩევებს გაითვალისწინებთ, ოქტომბერში საოცარი ბედნიერება გელოდებათ.

0