განათლების სამინისტრო

საზღვარგარეთიდან საქართველოში სწავლის გაგრძელებას მხოლოდ 22 სტუდენტი შეძლებს

271
(განახლებულია 20:07 11.09.2020)
გამოცდა საქართველოში გადმოსვლაზე 131-მა სტუდენტმა ჩააბარა. აქედან ბარიერი წარმატებით გადალახა 22-მა და საქართველოში გადმოსვლის უფლება მიიღო.

თბილისი, 11 სექტემბერი – Sputnik. საქართველოში სწავლის გაგრძელების უფლება სხვადასხვა ქვეყნის უმაღლესი სასწავლებლის 22-მა სტუდენტმა მიიღო, იუწყება საქართველოს განათლების სამინისტრო.

საქართველოში სწავლის გაგრძელების მსურველი სტუდენტების ტესტირების პასუხები 11 სექტემბერს გახდა ცნობილი – შედეგები გამოქვეყნდა ვებ-გვერდზე www.naec.ge.

გამოცდაზე 131 სტუდენტი გავიდა. აქედან ბარიერი მხოლოდ 22-მა გადალახა.

გამოცდაში მონაწილეობის მიღება შეეძლოთ საქართველოს იმ მოქალაქეებს, რომლებიც სწავლობდნენ ან სწავლობენ საზღვარგარეთის უმაღლეს სასწავლო დაწესებულებებში და სწავლის პერიოდში ქვეყნის ფარგლებს გარეთ ერთი სემესტრის განმავლობაში მინიმუმ 75 დღე იმყოფებოდნენ.

გამოცდის წარმატებით ჩაბარებისთვის მათ სულ ცოტა 23 ქულა უნდა მიეღოთ.

საქართველოში სწავლის გაგრძელების მსურველთა ტესტირება წელიწადში ორჯერ ტარდება.

271
თემები:
განათლება საქართველოში (316)
თენგიზ ცერცვაძე

ცერცვაძე: შესაძლოა სასწავლო პროცესის კიდევ ორი კვირით გადადების საკითხზე მსჯელობა დაიწყოს

2
(განახლებულია 11:19 23.09.2020)
ბოლო მონაცემებით, ქვეყანაში კორონავირუსის 4140 დადასტურებული შემთხვევა დაფიქსირდა. სულ გამოჯანმრთელდა 1643 პაციენტი

თბილისი, 23 სექტემბერი - Sputnik. თუ მომდევნო დღეებში ინფიცირებულთა რაოდენობა 200-ის ფარგლებში იქნება, სკოლებსა და ბაღებში სწავლა პირველ ოქტომბერს განახლდება, განაცხადა თბილისის ინფექციური პათოლოგიისა და შიდსის ცენტრის გენერალურმა  დირექტორმა თენგიზ ცერცვაძემ. 

ცერცვაძის ინფორმაციით, იმ შემთხვევაში, თუ დღეს არსებული მდგომარეობა ვერ შენარჩუნდა, შესაბამისი ორგანოები სასწავლო პროცესის კიდევ ორი კვირით გადადებას განიხილავენ.

,,თუ  ქვეყანაში ეპიდვითარება ისე განვითარდება, რომ ინფიცირებულთა რიცხვი 200-ს გადასცდება, როგორც ბოლო დღეებში ფიქსირდება, ალბათ, განათლების სამინისტრო და  შესაბამისი სტრუქტურები სასწავლო პროცესის კიდევ ორი კვირით  გადადების საკითხზე მსჯელობას დაიწყებენ.  თუმცა, ამ ვერსიაზე საუბარი საკოორდინაციო საბჭოს სხდომებზე  არ მიმდინარეობს“, - აღნიშნა თენგიზ ცერცვაძემ.

კორონავირუსის პანდემიის გამო საქართველოს ყველა სკოლაში სწავლა 2 მარტს შეწყდა, მეცადინეობები დისტანციურად წარიმართა. სასწავლო წელი 15 სექტემბერს განახლდა, მაგრამ ეპიდვითარების გაუარესების გამო ქვეყნის რიგი ქალაქების – თბილისის, ბათუმის, ქუთაისის, ქობულეთის, ფოთის, რუსთავის, ზუგდიდის, გორის, ასევე კახეთის, გურიისა და შიდა ქართლის ზოგიერთი სოფლის სკოლებში სწავლა ორი კვირის განმავლობაში, 1 ოქტომბრამდე დისტანციურად წარიმართება. ქვეყნის მასშტაბით არსებულ დანარჩენ სასწავლო დაწესებულებაში სწავლა ჩვეულებრივ რეჟიმში დაიწყო.

საქართველოში ბოლო პერიოდში კორონავირუსის დადასტურებული შემთხვევების რაოდენობამ მკვეთრად იმატა. ბოლო დღე-ღამეში საქართველოში კორონავირუსით ინფიცირებულთა რაოდენობა 227-ით გაიზარდა.

ბოლო მონაცემებით, ქვეყანაში კორონავირუსის 4140 დადასტურებული შემთხვევა დაფიქსირდა. სულ გამოჯანმრთელდა 1643 პაციენტი, გარდაიცვალა 24 ადამიანი.

საქართველოში კორონავირუსის პირველი შემთხვევა 26 თებერვალს დაფიქსირდა.

2
თემები:
COVID-19 საქართველოში
ლაბორატორია

საქართველოში კორონავირუსით 25–ე პაციენტი გარდაიცვალა

24
ამ დროისთვის ქვეყანაში კორონავირუსის 4140 შემთხვევაა დადასტურებული, გამოჯანმრთელებულია 1643 ადამიანი.

თბილისი, 23 სექტემბერი  — Sputnik. საქართველოში კორონავირუსით გარდაცვლილ პაციენტთა რაოდენობა 25-მდე გაიზარდა, შესაბამისი ინფორმაცია ვებგვერდზე stopcov.ge გავრცელდა

საქართველოში ახალი კორონავირუსით დაავადებულთა რაოდენობა ბოლო დღე-ღამეში 227-ით გაიზარდა და 4140-ს მიაღწია, გამოჯანმრთელდა 1643 ადამიანი, გარდაცვლილთა რაოდენობა დღეს ორით გაიზარდა და სულ 25 ადამიანი შეადგინა. კარანტინის რეჟიმში იმყოფება 5390, სტაციონარებში ექიმების დაკვირვების ქვეშ 836 პაციენტია, ხოლო კოვიდ–სასტუმროში 640 ადამიანი იმყოფება.

ასევე კორონავირუსის დიაგნოზით უცხოეთიდან სამშობლოში გადმოყვანილია საქართველოს 41 მოქალაქე, მათ შორის 38 – სამხედრო მოსამსახურე.

საქართველოში კორონავირუსის პირველი შემთხვევა 26 თებერვალს დაფიქსირდა.

24
თემები:
COVID-19 საქართველოში