ბათუმი

აჭარაში ინფიცირებულთა ნახევარზე მეტი ინფიცირების წყაროს ვერ ასახელებს

129
(განახლებულია 19:24 10.09.2020)
საქართველოში ეპიდემიოლოგიური ვითარების გართულების ფონზე აჭარა აქტუალობას არ კარგავს – რეგიონში ახალ-ახალი კერები ჩნდება.

თბილისი, 10 სექტემბერი — Sputnik. აჭარაში კორონავირუსით ინფიცირებულმა 16-მა პაციენტმა არ იცის, სად და რა ვითარებაში გადაედო ვირუსი, იუწყება რეგიონის საზოგადოებრივი ჯანმრთელობის ცენტრი. 

ბოლო დღე-ღამეში საქართველოში კორონავირუსის 57 ახალი შემთხვევა დაფიქსირდა, აქედან 25 აჭარას უკავშირდება – სამი შემთხვევა სამშობიარო სახლში დაფიქსირდა, ერთი ე.წ. ხოფის ბაზრობაზე, კიდევ ორი საკონდიტრო მაღაზია „დონასთან“ დაკავშირებული ოჯახური კონტაქტია.

ინფიცირებულთა შორისაა ასევე ბათუმის საზღვაო პორტის ორი თანამშრომელი, ინფექცია დაუდასტურდა ტექნიკის მაღაზიათა ქსელ „ელიტ ელექტრონიქსის“ თანამშრომელს.

ბოლო 24 საათში აჭარაში კორონავირუსი დაუდგინდა ხელოვნების სკოლის პედაგოგს, დაწესებულება ამ დროისათვის დაკეტილია. ინფიცირებულთა შორისაა აგრეთვე მაღაზია „ნოვას“ თანამშრომელი და ერთი პირი კარანტინიდან.

ამ დროისათვის ბათუმის რესპუბლიკურ საავადმყოფოში კორონავირუსის დიაგნოზით 122 პაციენტი მკურნალობს, მათგან უმნიშვნელო სიმპტომის მქონე 18 პირი საკარანტინო სივრცეებში არიან გადაყვანილი. ისინი ექიმების 24-საათიანი მეთვალყურეობის ქვეშ არიან.

„გვაქვს შემთხვევები, როდესაც ადამიანს არაფერი აწუხებს, თუმცა ლაბორატორიული დასკვნით დადასტურებული კორონავირუსი აქვს“, – განაცხადა აჭარის საზოგადოებრივი ჯანმრთელობის ცენტრის ხელმძღვანელმა რუსუდან შავიშვილმა, რომელნაც მოქალაქეებს მოუწოდა, არ დამალონ კონტაქტები. 

ცენტრში ასევე აღნიშნავენ, რომ აჭარაში კორონავირუსის უფასო ტესტირებისთვის მოქმედ კარვებში მოქალაქეების მიმართვიანობა გაზრდილია. ამ ეტაპზე ქალაქში ხუთი კარავი ფუნქციონირებს. ის პირები, რომლებიც კორონავირუსის ტესტს ჩაიტარებენ, ვალდებული არიან სამი დღის განმავლობაში თვითიზოლაციაში იმყოფებოდნენ და პასუხს დაელოდონ.

ბოლო მონაცემებით, საქართველოში  კორონავირუსით ინფიცირებულთა რაოდენობამ 1830-ს მიაღწია. გამოჯანმრთელდა 1334 ადამიანი. გარდაცვლილია – 19, კარანტინის რეჟიმში იმყოფება 5882, ხოლო სტაციონარებში ექიმების დაკვირვების ქვეშ 390 პაციენტია.

საქართველოში კორონავირუსის პირველი შემთხვევა 26 თებერვალს დაფიქსირდა.

129
თემები:
COVID-19 საქართველოში (1809)
ზურა დოიჯაშვილი

„ზურა ძალიან მენანები...“ - მომღერლის მეგობარი განცხადებას ავრცელებს

9
(განახლებულია 12:49 25.09.2020)
მომ­ღე­რა­ლი ზურა დო­ი­ჯაშ­ვი­ლი მძი­მედ არის ავად და ის­რა­ე­ლის ერთ-ერთ კლი­ნი­კა­ში გა­დის მკურ­ნა­ლო­ბას. სო­ცი­ა­ლურ ქსელ­ში მისი მე­გობ­რე­ბი საზოგადოებას მოუწოდებენ, ილოცონ მისთვის

თბილისი, 25 სექტემბერი — Sputnik. მომღერალ ზურა დოიჯაშვილის მეგობრები სოციალურ ქსელში მიმართვას ავრცელებენ და ხელისუფლებასა და საზოგადოებას დახმარებას სთხოვენ.

მომღერალი ისრაელის კლინიკაში, აპარატზეა შეერთებული. მისი მდგომარეობა მძიმეა.

მომღერლის მეგობრის ვალერი მურღულიას თქმით, დოუჯაშვილი ხუთი თვეა თელავივის კლინიკაში აპარატზეა მიერთებული და სიკვდილს ებრძვის.

2019 წლის ოქტომბერში ზურა დოიჯაშვილი გულის შეტევით საქართველოშიც იყო მოთავსებული კლინიკაში. მომღერალს შუნტირება აქვს გაკეთებული. იასრაელში კი ამას ფილტვების პრობლემაც დაერთო, სადაც ის ჯანმრთელობის მდგომარეობის გაუმჯობესებისთანავე სამუშაოდ წავიდა და აეროპორტში მუშაობდა.

9
თემები:
სელებრითების ცხოვრება
ბათუმი

ქვეყნის მასშტაბით 17 კრიტიკული პაციენტია ინფიცირების შემთხვევები რეგიონების მიხედვით

54
(განახლებულია 12:21 25.09.2020)
საქართველოში ახალი კორონავირუსით დაავადებულთა რაოდენობა ბოლო დღე-ღამეში 265-ით გაიზარდა და 4644-ს მიაღწია, გამოჯანმრთელდა 1759 ადამიანი, გარდაიცვალა 27 პაციენტი.

თბილისი, 25 სექტემბერი – Sputnik. საქართველოში ბოლო 24 საათში გამოვლენილი კორონავირუსის 265 ახალი შემთხვევიდან 165 აჭარას უკავშირდება, განაცხადა თბილისის ინფექციური საავადმყოფოს ბოქსირებული განყოფილების უფროსმა მარინა ენდელაძემ.  

რაც შეეხება სხვა რეგიონებს, მაჩვენებლები ასეთია: 43 – თბილისი, 27 – იმერეთი, 6–6 კახეთიდა სამეგრელო– ზემო სვანეთი, 4 სამცხე–ჯავახეთი, 3 – ქვემო ქართლი, 2 – შიდა ქართლი.

ენდელაძის განცხადებით, დღევანდელი მონაცემებით, ინფიცირებული პაციენტებიდან 17-ის მდგომარეობა კრიტიკულია.

რაც შეეხება უშუალოდ ინფექციურ საავადმყოფოს, კლინიკაში სულ 31 პაციენტი მკურნალობს, მათგან ორი მძიმე პაციენტია.  დანარჩენი პაციენტების მდგომარეობა მსუბუქი და უმეტესად საშუალო სიმძიმისაა.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 265-ით გაიზარდა და 4644-ს მიაღწია, გამოჯანმრთელდა 1759 ადამიანი, გარდაიცვალა 27 პაციენტი.

საქართველოში კორონავირუსის პირველი შემთხვევა 26 თებერვალს დაფიქსირდა.

54
თემები:
COVID-19 საქართველოში (1809)