თბილისის სამედიცინო უნივერსიტეტი

უცხოელმა სტუდენტებმა კარანტინის ხარჯები თავად უნდა აანაზღაურონ

84
(განახლებულია 18:34 10.09.2020)
2018–2019 სასწავლო წლის მონაცემებით, საქართველოს უმაღლეს სასწავლო დაწესებულებში 12,2 ათასი უცხოელი სტუდენტი სწავლობდა.

თბილისი, 10 სექტემბერი — Sputnik. უცხოელმა სტუდენტებმა, რომლებიც საქართველოში სწავლობენ და ქვეყანაში შემოსვლაზე თანხმობა აქვთ, კარანტინში განთავსებასთან დაკავშირებული და PCR–ტესტირების ხარჯები თავად უნდა აანაზღაურონ, ნათქვამია საქართველოს მთავრობის დადგენილებაში.

დადგენილებაში უცხოელი სტუდენტების საქართველოში შემოსვლის პროცედურებია განსაზღვრული.

იმისათვის, რომ საქართველოში ჩამოვიდნენ, სტუდენტები ვალდებული არიან დარეგისტრირდნენ საქართველოს მთავრობის ვებ-გვერდზე StopCov.ge და შეავსონ სპეციალური აპლიკაციის ფორმა – „საქართველოში შემომსვლელ უცხოელ სტუდენტთა რეგისტრაციის ფორმა“. 

ამის შემდეგ ისინი საქართველოს განათლების, მეცნიერების, კულტურისა და სპორტის სამინისტროსგან საქართველოში შემოსვლაზე თანხმობას ან უარს მიიღებენ.

ის სტუდენტები, რომლებიც ქვეყანაში შემოსვლაზე ნებართვას მიიღებენ, ვალდებული არიან სავალდებული კარანტინი გაიარონ. კარანტინთან და PCR–ტესტთან დაკავშირებული ყველა ხარჯი მათ თავად უნდა აანაზღაურონ.

უმაღლესი საგანმანათლებლო დაწესებულებები ვალდებული არიან უზრუნველყონ სტუდენტების საკარანტინო სივრცეებში განთავსება, კარანტინის პერიოდში გააკონტროლონ ისინი და კოორდინაცია გაუწიონ მათზე სამედიცინო მეთვალყურეობას.

2018–2019 სასწავლო წელს საქართველოს უმაღლეს სასწავლებლებში 12,2 ათასი უცხოელი სტუდენტი სწავლობდა.

84
თემები:
განათლება საქართველოში (317)
ნინი ბადურაშვილი, ანასტასია თოფურიძე და ქეთო თოფურიძე

ნინი ბადურაშვილის უმცროსი დის გლამურული მოგზაურობა - გოგონა მონტე-კარლოს ქუჩებს იპყრობს

35
(განახლებულია 15:00 25.09.2020)
კორონავირუსის პანდემიის მიუხედავად ცნობილები საზღვარგარეთ მიემგზავრებიან. ნინი ბადურაშვილის უმცროსი და- ქეთევანი მონტე-კარლოს ცნობილ დაქალთან ერთად ეწვია. გლამურული ფოტოები სოციალური ქსელიდან...

ეკა კახიანს სამი ქალიშვილი სხვადასხვა ქორწინებიდან ჰყავს. მიუხედავად ამისა, გოგონები ერთმანეთს ძალიან ჰგვანან. წლიდან წლამდე მომღერალ დედას სულ უფრო და უფრო ემსგავსებიან. თავად ეკა კახიანს კი წლები ვერაფერს აკლებს. ნინი ბადურაშვილი, ანასტასია და ქეთევან თოფურიძეები დედასთან ერთად ხშირად პოზირებენ, თუმცა ქეთევანი ქალბატონების ამ გუნდს დროებით გამოეთიშა. კახიანების შვილიშვილი მონაკოს ეწვია.

View this post on Instagram

A post shared by Keto Topuridze (@ketevanne) on

 

რამდენიმე თვის წინ ქეთი თოფურიძე საინტერესო საქმიანობაში ჩაერთო. ახალგაზრდა ასაკის მიუხდავად, ქეთევან თოფურიძე „უნირენტ ჰოლდინგის“ კომერციული დირექტორია. ეს უმსხვილესი კომპანია ძვირადღირებული მანქანების გაქირავებას კურირებს.

View this post on Instagram

girls Trip

A post shared by Keto Topuridze (@ketevanne) on

ეკა კახიანი გადატვირთული გრაფიკის გამო შვილებთან ერთად იშვიათად იკრიბება. თუმცა ახლა გამონაკლისია, ვინაიდან კარანტინის გამო ყველამ სახლში მოიყარა თავი. ეკა კახიანი ქალიშვილებთან შექმნილ კოლაჟებს ხშირად აქვეყნებს.

View this post on Instagram

A post shared by Keto Topuridze (@ketevanne) on

ქეთევანი მონაკოში რამდენიმე მეგობართან ერთად გაემგზავრა. მათ შორის არის სერიალ „ჩემი ცოლის დაქალების“ ეპიზოდური როლის მსახიობი - სალი კერატიშვილი, რომელიც „შავლეგ მადლიანის“ საყვარლის როლს ასრულებდა.

35
თემები:
სელებრითების ცხოვრება
ხელბორკილი

ბაჩალიაშვილის საქმე: პროკურატურამ დავით ფურცხვანიძე დააკავა

36
საქართველოს პროკურატურამ თანამგზავრიდან გადაღებული ფოტოების ექსპერტიზა უკვე ჩაატარა და ისინი გაყალბებულად ცნო

თბილისი, 25 სექტემბერი - Sputnik. პოლიციამ  დავით ფურცხვანიძე დააკავა, რომელმაც გარდაცვლილი თამარ ბაჩალიაშვილის ოჯახის ადვოკატ მიხეილ რამიშვილს თანამგზავრიდან გადაღებული ფოტოები გადასცა, იუწყება ტელეკომპანია Imedi.

ბაჩალიაშვილის გარდაცვალების საქმეში ფოტოების თემა რამდენიმე ექსპერტიზის შედეგების გამოქვეყნების შემდეგ ამოტივტივდა. როგორც ოჯახის ადვოკატი აცხადებდა, ე.წ. სატელიტური ფოტოები ადასტურებდა, რომ გოგონას ავტომობილი დანაშაულის ადგილზე მოგვიანებით მიიყვანეს. ექსპერტიზამ კი დაადგინა, რომ ფოტოები გაყალბებული იყო და წყაროს ძიება დაიწყო.

ფურცხვანიძის დაკავების დეტალებზე პროკურატურა ინფორმაციას არ ავრცელებს. ცნობილია მხოლოდ, რომ მიხეილ რამიშვილმა იგი ე.წ. სატელიტური ფოტოების წყაროდ დაასახელა. საქართველოს პროკურატურამ რამიშვილის ტელეფონიდან ამოიღო მონაცემები, რომლებიც ადვოკატისთვის ფოტოების გადაცემას ეხებოდა. 

ფოტოების საქმეზე აღძრულია სისხლის სამართლის საქმე  „მტკიცებულებების გაყალბებისა“ და „ კომპიუტერულ სისტემაში უკანონო შეღწევის“ მუხლებით.

23 წლის პროგრამისტის გარდაცვალების საქმეზე ცალკე გამოძიება მიმდინარეობს. პროკურატურაში ამტკიცებდნენ, რომ პარალელური გამოძიება რამიშვილს საადვოკატო პრაქტიკაში ხელს არ შეუშლის.

რამიშვილი და გარდაცვლილის ოჯახი არ ეთანხმებიან გამოძიების ვერსიას შესაძლო სუიციდზე და ცდილობენ დაამტკიცონ, რომ თამარ ბაჩალიაშვილი მოკლულია.

თამარ ბაჩალიაშვილი ხუთი დღის ძებნის შემდეგ თეთრიწყაროს რაიონში, საკუთარ ავტომობილში გარდაცვლილი იპოვეს. ის სახლიდან 18 ივლისს გავიდა და უკან აღარ დაბრუნებულა. ოჯახი გოგონას დაღუპვას მის საქმიანობას უკავშირებს და ძირითადი ვერსიის – თვითმკვლელობის არ სჯერა. მათ მიაჩნიათ, რომ ეს მკვლელობა იყო, რომელიც თამარის სამსახურს უკავშირდება, რადგან მას ხელში გარკვეული კომპრომატი ჩაუვარდა.
სკანდალური ფოტოები, რომელთაც პროკურატურამ ყალბი და დამონტაჟებული უწოდა, ადვოკატმა რანიშვილმა პირველად ტელეკომპანია Formula–ს ეთერში სექტემბრის დასაწყისში გაასაჯაროვა.

36

ქართული ტრანზიტი: აღმოსავლეთ-დასავლეთის ტრასის მონაკვეთი მზადაა

0
ხაშური – ქალაქი აღმოსავლეთ საქართველოში, თბილისიდან 125 კმ-ში, მოსახლეობა დაახლოებით 25 ათასი ადამიანი. ამ დასახლებულ პუნქტში გადის ცენტრალური მაგისტრალი და რკინიგზა.

ხაშურის მთავარ ქუჩებზე ყოველთვის დატვირთული მოძრაობა და ხშირი საცობები იყო. ახლა, ახალი მონაკვეთის მშენებლობის დასრულების შემდეგ, მოძრაობა განიტვირთა და შემცირდა მგზავრობის საერთო დრო საქართველოს დედაქალაქსა და ქვეყნის დასავლეთ ნაწილის ქალაქებს შორის.

ჩქაროსნული მაგისტრალის ახალი მონაკვეთი გვერდს აუვლის ხაშურს და მრავალრიცხოვან სავაჭრო ობიექტებს ძველი გზის გასწვრივ, სადაც ადგილობრივები სხვადასხვა პროდუქტებით ვაჭრობდნენ. იმის უზრუნველსაყოფად, რომ მოსახლეობამ არ დაკარგოს შემოსავლები, ახალი გზაზე სპეციალური სავაჭრო ადგილები მოწეყობა.

აღმოსავლეთ-დასავლეთის მაგისტრალი, ანუ ევროპული სატრანზიტო გზა E-60, სიდიდით მეორე ევროპული სატრანზიტო დერეფანია, რომელიც იწყება ბრესტში (საფრანგეთი) და მთავრდება ერკეშტამში (ყირგიზეთი). საქართველოში E-60 იწყება აზერბაიჯანის საზღვართან და მთავრდება შავი ზღვის სანაპიროზე, ფოთის პორტთან. საქართველოს ტერიტორიაზე სატრანსპორტო დერეფნის სიგრძე 392 კილომეტრია.

0