ოპერატორი ტელეკამერით

TV Pirveli-ს ყველა თანამშრომელს COVID-19-ზე შეამოწმებენ

408
(განახლებულია 01:32 10.09.2020)
ყველაფრის მიუხედავად ტელეკომპანია მუშაობას ჩვეულ რეჟიმში აგრძელებს, ყველა პროგრამა დროულად გადის ეთერში

თბილისი, 9 სექტემბერი - Sputnik. ტელეკომპანია TV Pirveli-ის ყველა თანამშრომელს შეამოწმებენ კორონავირუსზე - СOVID-19 ერთ-ერთ ტელევიზიის თანამშრომელს დაუდგინდა.

დეპუტატების ნახევარი თვითიზოლაციაშია, ლევან გოგიჩაიშვილის პარტია ტაიმ-აუტს იღებს >>

ჟურნალისტ ვიკა ბუკიას და მისი მეუღლის, დეპუტატ ლევან გოგიჩაიშვილის კორონავირუსით ინფიცირების შესახებ ცნობილი დღეს გახდა.

მეუღლეების ჯანმრთელობის მდგომარეობა დამაკმაყოფილებელია. ვიკას შემთხვევაში ვირუსი უსიმპტომოდ მიმდინარეობს. რაც შეეხება მის მეუღლეს, მას პირველივე დღეებიდან ცხელება ჰქონდა.

„სიცხესთან ერთად ჰქონდა ხველა, ყელის ტკივილი, სურდო. მაგრამ, როგორც გვითხრეს, ასეთი ხველა კორონავირუსისთვის დამახასიათებელი არაა. მშრალი ხველა არ ყოფილა. ასე რომ ამან დააბნიათ. ჯერჯერობით მე ასეთი სიმპტომები არ მაქვს. ჩემი ტესტის შედეგი სუსტად დადებითია, რაც ნიშნავს, რომ ის ახლადგამოვლენილია და ეს სიმპტომები თანდათანობით შეიძლება გამწვავდეს“, - განაცხადა ბუკიამ.

მისი თქმით, ინფიცირების წყაროს დადგენა ჯერჯერობით ვერ ხერხდება. მეუღლეები ექიმების დაკვირვების ქვეშ კლინიკაში იმყოფებიან.

ლევან გოგიჩაიშვილის ავადმყოფობის გამო პარტიამ „ჩვენი საქართველო - სოლიდარობის ალიანსი“, რომლის პოლიტმდივანია პოლიტიკოსი, წინასაარჩევნო კამპანიაში პაუზა გამოაცხადა.

წვეულებათა სახლ „აჭარას“ თანამშრომელს COVID-19 დაუდასტურდა >>

როგორც პარტიის განცხადებაშია ნათქვამი, ყველა, ვისაც 6 სექტემბრის შემდეგ კონტაქტი ჰქონდა ლევან გოგიჩაიშვილთან, გადაყვანილია თვითიზოლაციაში და ტესტირება უტარდება.

ანალოგიური ზომებია მიღებული საქართველოს პარლამენტში. უმაღლეს საკანონმდებლო ორგანოში აცხადებენ, რომ ყველა პირი, რომელსაც 5 სექტემბრის შემდეგ ლევან გოგიჩაიშვილთან ჰქონდა კონტაქტი, გადადის თვითიზოლაციაში და ყველას ჩაუტარდება ტესტირება კორონავირუსზე.

408
თემები:
COVID-19 საქართველოში (1732)
პოლიცია

სამართალდამცველები 41 წლის მამაკაცს ეძებენ

38
(განახლებულია 16:45 18.09.2020)
მამაკაცს ბოლო სატელეფონო კომუნიკაცია მიმდინარე წლის 29 ივლისს დედასთან ჰქონდა, რის შემდეგაც მასთან დაკავშირება ვერ ხერხდება

 

თბილისი, 18 სექტემბერი - Sputnik. სამართალდამცველები უგზოუკვლოდ დაკარგულ 41 წლის ამირან გაფრინდაშვილს ეძებენ, ნათქვამია საქართველოს შინაგან საქმეთა სამინისტროს მიერ გავრცლებულ განცხადებაში. 

უწყების ცნობით, მამაკაცი თბილისში, გლდანის რაიონის სოფელ გიორგიწმინდაში ცხოვრობს. მას  ბოლო სატელეფონო კომუნიკაცია მიმდინარე წლის 29 ივლისს დედასთან ჰქონდა, რის შემდეგაც მასთან დაკავშირება ვერ ხერხდება.

სამართალდამცავ უწყებაში  მამაკაცის გაუჩინარების შესახებ შეტყობინება 12 აგვისტოს შევიდა.

„შეტყობინების მიღებისთანავე დაიწყო და გრძელდება აღნიშნული პირის ინტენსიური სამძებრო-საძიებო ღონისძიებები. ამ ეტაპზე, გამოკითხულია ათეულობით პირი, დანიშნულია ექსპერტიზები და აქტიურ რეჟიმში გრძელდება შესაბამისი მოქმედებები გაუჩინარებული მამაკაცის ადგილსამყოფელის დადგენის მიზნით“,- აღნიშნულია განცხადებაში.

საქმეზე გამოძიება საქართველოს სსკ-ის 143-ე მუხლით მიმდინარეობს, რაც თავისუფლების უკანონო აღკვეთას გულისხმობს.

შინაგან საქმეთა სამინისტრო მოქალაქეებს მოუწოდებს,  აღნიშნულ პიროვნებასთან დაკავშირებით ნებისმიერი ინფორმაციის არსებობის შემთხვევაში, დარეკონ საზოგადოებრივი უსაფრთხოების მართვის ცენტრ "112"-ში ან აცნობონ პოლიციის უახლოეს განყოფილებას.

38
თემები:
შემთხვევები საქართველოში
ლელა წურწუმია და კახა მამულაშვილი

„გავიკეთე ტესტი... ნერვები აღარ მაქვს და არც თმა თავზე“ - „მამულიჩა“ განცხადებას ავრცელებს

90
(განახლებულია 12:21 18.09.2020)
ცნობილი პროდიუსერი კორონავირუსის ტესტირებაზე იმყოფებოდა. ნახეთ რა ვიდეოს ავრცელებს კლინიკიდან მამულიჩა

ცნობილმა პროდიუსერმა კახა მამულაშვილმა „ინსტაგრამის“ „სთორიზე“ ვიდეო მიმართვა გაავრცელა, სადაც ამბობს, რომ კორონავირუსზე პირველ საუნივერსიტეტო კლინიკაში ტესტი გაიკეთა და პასუხს ელოდება. „მამულიჩა“ ამბობს, რომ ვირუსზე მეტად იმ ადამიანების კომენტარებმა გააღიზიანა, ვისაც ეჭვი ჰქონდა, რომ შესაძლოა მას ვირუსი ჰქონოდა. „ნერვები აღარ მაქვს და არც თმა თავზე“ - ამბობს პროდიუსერი.

ცნობილი პროდიუსერი ქართველი პოპ-დივას მეუღლე. წყვილი მრავალი წელია ოფიციალურად დაქორწინებული არიან. მათი ცალ-ცალკე ნახვა წარმოუდგენელია. ლელას და მამულიჩას ერთი ქალიშვილი ჰყავთ. თინეიჯერი მათ ურთიერთობას უფრო ამყარებს.

View this post on Instagram

A post shared by Kakhi Mamulashvili.Mamulicha (@mamulicha888) on

ლელა წურწუმიამ კარიერა 90-იანებში დაიწყო. მომღერლის სიმღერები ახლაც გაჰიტებულია. მამულიჩას და ლელას ყველაზე მეტად ის ახარებთ, რომ მათ და კომპოზიტორების მიერ შექმნილ სიმღერებს ახალგაზრდები და მათი თაობის ადამიანები ერთნაირად დიდი სიამოვნებით უსმენენ. ლელას სოლო-კონცერტების ბილეთებს სალაროებიდან იტაცებენ, პოპ-დივა აქტუალობას არ კარგავს.

View this post on Instagram

A post shared by Kakhi Mamulashvili.Mamulicha (@mamulicha888) on

მამულიჩას პირველი უიღბლო და ხანმოკლე ქორწინებიდან ერთი ვაჟი – ნიკოლოზი ჰყავს. სულ ცოტა ხნის წინ პროდიუსერი ბაბუა გახდა. ლელას და მის გერს – მამულიჩას სიმპათიურ ვაჟიშვილს ძალიან მეგობრული ურთიერთობა აქვთ, რაც საზოგადოების გაკვირვებას იწვევს. როგორც ჩანს, ლელა ოჯახის ახალ წევრებთან – რძალთან და შვილიშვილთანაც კარგ დროს ატარებს და ამას სოციალური ქსელის ოფიციალურ გვერდზე აქვეყნებს.

90
თემები:
სელებრითების ცხოვრება
სერგეი ლავროვი

ლავროვი: განცხადებები, რომ Sputnik და RT პროპაგანდის ინსტრუმენტებია, აბსურდულია

0
(განახლებულია 16:58 18.09.2020)
რუსულ მასმედიასთან დაკავშირებული ვითარება დასავლეთში ბოლო წლებში უფრო რთულდება: 2016 წელს ევროპარლამენტმა მიიღო რეზოლუცია, რომლის მიხედვით მთავარ საფრთხედ Sputnik და RT დასახელდა

თბილისი, 18 სექტემბერი – Sputnik. RT და Sputnik უმრავლეს ქვეყნებში დიდი პოპულარობით სარგებლობენ, ამიტომ განცხადებების იმის შესახებ, რომ ეს მედიასაშუალებები პროპაგანდის ინსტრუმენტებია, აბსურდულია, განაცხადა რუსეთის საგარეო საქმეთა მინისტრმა სერგეი ლავროვმა РИА Новости–სთან ინტერვიუში.

მისი თქმით, მოსკოვს მიუღებლად მიაჩნია ევროპაში Sputnik–ისა და RT–ს დისკრიმინაცია.

ჩერიშევა: სანქციები ჟურნალისტების წინააღმდეგ – ეს ცენზურაა>>

„რა თქმა უნდა, ეს პრობლემა განხილული იყო (ფრანგ კოლეგებთან). მიუღებლად მიგვაჩნია, რომ Sputnik–ისა და RT–ს, მათი კორესპონდენტების დისკრიმინაცია მიმდინარეობს ღიად – საფრანგეთშიც, და რაც Sputnik–ს ეხება ბალტიისპირეთის ქვეყნებში, ესეც კარგად ცნობილი ფაქტია. ის, რომ ბოლო წლებში, 2017 წლიდან აკრედიტება ელისეს სასახლეში არა აქვს არც RT–ს, არც Sputnik–ს, ეს, რა თქმა უნდა, სამწუხაროა“, – განაცხადა მინისტრმა.

ლავროვმა აღნიშნა, რომ რუსეთი ამ საკითხებს აყენებს არა მხოლოდ ფრანგების წინაშე და მოითხოვს რუსეთში დარეგისტრირებული მასმედიის საშუალებების დისკრიმინაციის შეწყვეტას.

„ჩვენი ფრანგი კოლეგები აცხადებენ, რომ არ შეცვლიან თავიანთ გადაწყვეტილებას, აკრედიტება არ გაიცემა, რადგან RT და Sputnik, ვციტირებ, „ეს მასმედია არ არის, არამედ პროპაგანდის ინსტრუმენტია“. ვფიქრობ, ამგვარი იარლიყების აბსურდულობაზე კომენტარის გაკეთება არაა საჭირო, რადგან RT–ცა და Sputnik–იც უზარმაზარი პოპულარობით სარგებლობენ უფრო და უფრო მეტ ქვეყანაში, იზრდება აუდიტორია“, – აღნიშნა ლავროვმა.

რუსულ მასმედიასთან დაკავშირებული სიტუაცია დასავლეთში ბოლო წლებში სულ უფრო რთულდება: 2016 წელს ევროპარლამენტმა მიიღო რეზოლუცია, რომლის მიხედვით მთავარ საფრთხედ Sputnik და RT დასახელდა და აღინიშნა, რომ აუცილებელია ამ საშუალებების წინააღმდეგ მოქმედება. რუსეთის პრეზიდენტმა ვლადიმირ პუტინმა ამ რეზოლუციის კომენტარისას Sputnik–ისა და RT–ს ჟურნალისტებს მიულოცა შედეგიანი მუშაობა და აღნიშნა, რომ რეზოლუცია დასავლურ საზოგადოებაში დემოკრატიის შესახებ წარმოდგენის დეგრადაციაზე მეტყველებს, თუმცა, იმედი გამოთქვა, რომ ჯანსაღი აზრი გაიმარჯვებს.

0
თემები:
რუსეთი დღეს