„ყველაფერს გავაკეთებთ, რომ საარჩევნო პროცესი რისკის წინაშე არ აღმოჩნდეს“ – ტიკარაძე

© photo: Government of Georgia / FBეკატერინე ტიკარაძე
ეკატერინე ტიკარაძე - Sputnik საქართველო
გამოწერა
ჯანდაცვის მინისტრის თქმით, ამ მიმართულებით მუშაობა საერთაშორისო პარტნიორებთან და ცესკოსთან ერთად მიმდინარეობს.

თბილისი, 9 სექტემბერი — Sputnik. საქართველოს ჯანდაცვის სამინისტროც და ეპიდემიოლოგებიც პირობას დებენ, რომ მაქსიმალურად მომზადებული იქნებიან იმისთვის, რათა საარჩევნო პროცესი რისკის ქვეშ არ აღმოჩნდეს, განაცხადა ჯანდაცვის მინისტრმა ეკატერინე ტიკარაძემ. 

ანა მიქელაძე - Sputnik საქართველო
ვინ და როგორ მიიღებს კენჭისყრაში მონაწილეობას – ცესკომ წესები განსაზღვრა

ბოლო ორი დღის განმავლობაში საქართველოში ეპიდემიოლოგიური ვითარება მკვეთრად შეიცვალა – დღე-ღამეში ქვეყანაში ინფიცირების 45 და 44 შემთხვევა გამოვლინდა. ამის გამო მთავრობამ გარკვეული შეზღუდვებისა და აკრძალვების შემოღების გადაწყვეტილება მიიღო.

ტიკარაძის თქმით, არჩევნების სრულყოფილად ჩატარების მიმართულებით მუშაობა საერთაშორისო პარტნიორებთან და ცესკოსთან ერთად მიმდინარეობს.

„ჩვენ, ჯანდაცვის სამინისტრო და ეპიდემიოლოგები ვიქნებით მაქსიმალურად მოქნილი, რათა საარჩევნო პროცესს არ შეექმნას რაიმე რისკი და ყველა მოქალაქემ შეძლოს დააფიქსიროს თავისი სურვილი იმასთან დაკავშირებით, თუ როგორი მთავრობა და ხელისუფლება წარმოუდგენია შემდეგი 4 წლის განმავლობაში“, – განაცხადა ეკატერინე ტიკარაძემ.

საპარლამენტო არჩევნები საქართველოში 31 ოქტომბერს არის დანიშნული. ქვეყნის მოსახლეობა 150 დეპუტატს აირჩევს – 120-ს პარტიული სიებით, ხოლო 30-ს – ერთმანდატიან მაჟორიტარულ ოლქებში. პარტიებისთვის გამსვლელი ბარიერი 1%-ს შეადგენს. ცესკოს მონაცემებით, ხმის მიცემის უფლება აქვს საქართველოს 3 501 931 მოქალაქეს როგორც ქვეყანაში, ისე მის საზღვრებს გარეთ.

ყველა ახალი ამბავი
0