რუხის საავადმყოფო

რუხის კლინიკაში კორონავირუსის დიაგნოზით ოთხი პირი მოათავსეს

85
(განახლებულია 21:05 08.09.2020)
ამ დროისათვის საქართველოში ახალი კორონავირუსი 1729 ადამიანს დაუდგინდა. გამოჯანმრთელდა 1321, ეპიდემიის დაწყებიდან დღემდე გარდაიცვალა 19 ადამიანი.

თბილისი, 8 სექტემბერი — Sputnik. რუხის მულტიპროფილურ კლინიკაში კორონავირუსის დიაგნოზით კიდევ ოთხი პირი მოათავსეს, იუწყება „Sputnik-საქართველოს“ კორესპონდენტი. 

გავრცელებული ინფორმაციით, ამ დროისათვის კლინიკაში 12 პაციენტია მოთავსებული, მათ შორის ორი არასრულწლოვანი.

„რაც შეეხება დღეს შემოსულ ახალ პაციენტებს, ორი შემთხვევა მარტვილს უკავშირდება, ისინი რამდენიმე დღის წინ ბათუმში იმყოფებოდნენ. ერთი ფოთს უკავშირდება, ერთი კი ქუთაისის საკარანტინო სივრციდანაა. ამ ეტაპისთვის მათი ჯანმრთელობის მდგომარეობა სტაბილურია“, – განაცხადა კლინიკის ექიმმა მაია ჯანაშიამ.

ბოლო დღე-ღამეში საქართველოში კორონავირუსით ინფიცირების 45 ახალი შემთხვევა გამოვლინდა.

ამ დროისათვის საქართველოში ახალი კორონავირუსი 1729 ადამიანს დაუდგინდა. გამოჯანმრთელდა 1321, ეპიდემიის დაწყებიდან დღემდე გარდაიცვალა 19 ადამიანი.

კარანტინის რეჟიმში იმყოფება 5882, ხოლო სტაციონარებში დაკვირვების ქვეშ 390 პაციენტია.

საქართველოში კორონავირუსის პირველი შემთხვევა 26 თებერვალს დაფიქსირდა. 

ნიკა ლატარია

85
თემები:
COVID-19 საქართველოში (1771)
ავიაკომპანია  AirZena - Georgian Airways-ის თვითმფრინავი

დაინიშნა ჩარტერული რეისი თბილისი-ბერლინი

7
(განახლებულია 19:57 22.09.2020)
საქართველოს საჰაერო საზღვარი კორონავირუსის პანდემიის გამო ჯერ ისევ დაკეტილია. სრულდება მხოლოდ ჩარტერული რეისები

თბილისი, 22 სექტემბერი - Sputnik. ავიაკომპანია Georgian Airways ჩარტერულ რეისს ბერლინის მიმართულებით 27 სექტემბერს შეასრულებს, ნათქვამია ავიაკომპანიის განცხადებაში.

თბილისიდან ჩარტერული რეისები დაინიშნა: სტამბოლი, კიევი და მინსკი >>

თვითმფრინავი თბილისის საერთაშორისო აეროპორტიდან 09:30 საათზე გაფრინდება და ბერლინში დაეშვება 11:30  საათზე. რეისი ბერლინიდან დანიშნულია 12:20 საათზე, ხოლო  თბილისში თვითმფრინავი 17:50  საათზე დაეშვება.

„აღნიშნული რეისით სარგებლობა შეუძლიათ მათ, ვინც მიემგზავრება სასწავლებლად, ან აქვს სამუშაო კონტრაქტი გერმანიაში. აგრეთვე საქართველოს მოქალაქეებს, ვისაც სურს სამშობლოში დაბრუნება“, - ნათქვამია ავიაკომპანიის განცხადებაში.

ბილეთის ღირებულება 199 ევროს შეადგენს.

გასულ კვირაში პრემიერ-მინისტრმა გიორგი გახარიამ განაცხადა, რომ ქართველი სტუდენტებისთვის თბილისი-ბერლინი-თბილისის მიმართულებით მორიგი სუბსიდირებული რეისი, უახლოეს პერიოდში შესრულდება.

კორონავირუსის პანდემიასთან დაკავშირებით საქართველომ უცხოელი ტურისტებისთვის საზღვრები მარტში სრულად ჩაკეტა, გარდა გამონაკლისი შემთხვევებისა, და საჰაერო მიმოსვლა 21 მარტიდან ყველა მიმართულებით შეწყვიტა. გამონაკლისის სახით მთავრობა ეხმარება ქართველ სტუდენტებს, რომლებიც ევროპის სხვადასხვა ქალაქებში სწავლობენ და მათთვის სპეცრეისებს ნიშნავს.

ამ დროისათვის აღნიშნული სუბსიდირებული ავიარეისებით დაახლოებით 500-მა სტუდენტმა ისარგებლა.

ბოლო დროს საქართველოში მკვეთრად იმატა კორონავირუსით ინფიცირებულთა რაოდენობამ, მაგრამ ამის მიუხედავად მთავრობა მკაცრი შეზღუდვების შემოღებას არ გეგმავს. თუმცა, საქართველოს საჰაერო საზღვარი 31 ოქტომბრამდე დაკეტილი რჩება.

7
თემები:
ავიამიმოსვლა საქართველოში
გრიპის ვაქცინა

გრიპის საწინააღმდეგო ვაქცინა საქართველოში ოქტომბრის დასაწყისში გამოჩნდება

33
(განახლებულია 19:37 22.09.2020)
რესპირატორული დაავადებების გავრცელების სეზონის დაწყებასთან ერთად ქართველი მედიკოსები გრიპის ვაქცინაციის აუცილებლობაზე ალაპარაკდნენ

თბილისი, 22 სექტემბერი - Sputnik. ოქტომბრის დასაწყისში საქართველოს განკარგულებაში ექნება გრიპის ოთხკომპონენტიანი ვაქცინის 135 ათასი დოზა, განაცხადა დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ.

„წელს ნაყიდი გვაქვს 135 ათასი, რომლის პირველი პარტია, ჩემი ინფორმაციით, ოქტომბრის დასაწყისში უნდა შემოვიდეს. და დაიწყება ვაქცინაცია... ვაქცინა ასევე შემოაქვს კერძო სექტორს და მსურველებს ნებაყოფლობით შეუძლიათ აიცრან“, – განაცხადა გამყრელიძემ.

ამასთან დაავადებათა კონტროლის ცენტრი ვაქცინის დამატებითი რაოდენობის შეძენაზე მუშაობს.

თავად ვაქცინა ფრანგული წარმოებისაა. გამყრელიძის თქმით, ის განკუთვნილია რისკ-ჯგუფებზე, რომლებსაც ყოველ წელს ჯანდაცვის სამინისტროსთან არსებული იმუნიზაციის კომიტეტი განსაზღვრავს. რისკ-ჯგუფში შედიან ორსულები, ხანდაზმულები, ბავშვები და ქრონიკული დაავადებების მქონე პირები.

საქართველოს მოსახლეობაში გრიპის საწინააღმდეგო ვაქცინის პოპულარიზაცია 2014-2015 წლებში დაიწყო. 2018 წელს ქვეყანამ შეიძინა 40 ათასი დოზა, მაგრამ პრეპარატის დიდი ნაწილი აუთვისებელი დარჩა. გასულ წელს ქვეყანამ შეიძინა უკვე 100 ათასი დოზა, საიდანაც გამოუყენებელი ძალიან მცირე ნაწილი დარჩა.

33
თემები:
ჯანდაცვა საქართველოში