PCR–ტესტირება ბათუმში

ინფიცირებული მედიკოსები, უფასო ტესტირება, რა ელოდება საქართველოს გამყრელიძის განმარტება

163
(განახლებულია 18:26 08.09.2020)
წინ რთული შემოდგომა გველოდება. ეპიდემიოლოგები კორონავირუსთან ერთად, რომელიც არსად წასვლას არ აპირებს, გრიპის ტრადიციულ სეზონსაც ელოდებიან და მაშინ სპეციალისტები სერიოზული პრობლემის წინაშე დადგებიან – რომელია სეზონური გრიპი და რომელი – კორონავირუსი?

თბილისი, 8 სექტემბერი – Sputnik. ყველაზე მეტი ინფიცირებული მედპერსონალი თბილისშია გამოვლენილი, განაცხადა ვიდეოჩართვის დროს დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელმა ამირან გამყრელიძემ.

აჭარა „წითელ ზონად“ გამოცხადდება? ვირუსის ახალი კერები რეგიონში>>

ინფიცირებული მედპერსონალის საერთო მაჩვენებელი ჩვენთან სხვადასხვა დროს 10-დან 13 პროცენტამდე მერყეობდა. სამწუხაროდ, ყველაზე მეტად თბილისში, რადგან პაციენტები ძირითადად დედაქალაქის კლინიკებში იყრიან თავს, განაცხადა გამყრელიძემ.

როგორც მოგვიანებით გახდა ცნობილი, კლინიკა „ავერსის" ინფიცირებული მედიკოსების რაოდენობა 15-მდე გაიზარდა. ინფიცირებულთა შორის რვა მედიკოსია, რომლებიც, სავარაუდოდ, ინფიცირების შემდეგ პაციენტებს იღებდნენ. ახლა მათი კონტაქტების გამოკვლევა მიმდინარეობს.

რა ელოდება საქართველოს?

კითხვაზე, რის წინაშე შეიძლება აღმოჩნდეს საქართველო, თუ ყოველდღიურად 30 და მეტი შემთხვევა გამოვლინდება, გამყრელიძემ უპასუხა, რომ დღეში 30–40 შემთხვევა განგაშისა და პანიკის საფუძველი არაა, მაგრამ ამაზე სერიოზული ყურადღების გამახვილებაა საჭირო. გამყრელიძემ კიდევ ერთხელ აღნიშნა, თუ რაოდენ მნიშვნელოვანია ყველასთვის, გამონაკლისის გარეშე, რეკომენდაციების დაცვა.

დახურულ სივრცეებში სოციალურ ღონისძიებებს ორი უწყება გააკონტროლებს>>

გამყრელიძის განცხადებით, სერიოზულად არის გაფართოებული ტესტირება, ამიტომ შემთხვევები ადრეულ ეტაპზე ვლინდება და ხდება იდენტიფიცირება. სექტემბრის დასაწყისში PCR–ტესტირების საშუალო მაჩვენებელმა დღეში 6,8 ათასი შეადგინა, ამას ემატება 1,5 ათასი სწრაფი ტესტი ყოველდღე.

გრიპის ვირუსი და კორონავირუსი

რაც შეეხება საქართველოს მომზადებას ზამთრის პერიოდისა და გრიპის ვირუსის სეზონისთვის, გამყრელიძის თქმით, ჯანდაცვის სამინისტრომ და დაავადებათა კონტროლის ცენტრმა ერთობლივი სერიოზული დოკუმენტი შექმნეს, რომელიც ამ სეზონს ეხება. დოკუმენტში წარმოდგენილია ქვეყნისა და ჯანდაცვის სისტემის მზადება ერთდროულად ორი ინფექციის – კორონავირუსისა და გრიპის ვირუსისთვის.

„ჩვენთან გრიპის ვირუსის ცირკულაცია იწყება უფრო ხშირად ნოემბრის შუა რიცხვებში და განსაკუთრებით აქტიურ ფაზაში შედის ნოემბრის ბოლოს – დეკემბრის დასაწყისში... ერთ-ერთი დიდი გამოწვევაა ამ ორი დაავადების სავარაუდო ზედდება. ეს ზედდება იქნება და ქვეყანა ამისთვის ემზადება, რადგან გრიპი არსად წასულა, კორონა კარგა ხანს არსად გაქრება და გრიპიც მოვა. იცით, რომ ეს ორივე დაავადება კლინიკურად ძალიან რთული გასარჩევია, თუმცა შეიძლება... ძირითადი გარჩევა ხდება ლაბორატორიულად“, – განაცხადა გამყრელიძემ.

კორონავირუსის გავრცელება ქვეყანაში 0,6%-ია

გამყრელიძის განცხადებით, კვლევების თანახმად, კორონავირუსის გავრცელების მაჩვენებელი საქართველოში 0,6%-ია, სწორედ ამდენმა ადამიანმა გადაიტანა ინფექცია ისე, რომ ამის შესახებ არც იცოდა. კვლევა ჩატარდა საავადმყოფოებიდან და სისხლის ბანკებიდან აღებულ 750 ნიმუშზე. დაახლოებით ათ დღეში გახდება ცნობილი ხელვაჩაურის, ქობულეთის, მარტვილისა და ბორჯომის რაიონებში ჩატარებული კვლევების შედეგები. აქედან აღებულია დაახლოებით 1,2 ათასი ნიმუში.

ბათუმსა და ქობულეთში სასწავლო პროცესი დისტანციურად წარიმართება>>

ვის უტარდება PCR–ტესტირება უფასოდ

მოქალაქეებს, რომლებიც ჩაქვის სასტუმრო Dreamland Oasis-ში იმყოფებოდნენ, ტესტის გაკეთება უფასოდ, სახელმწიფოს ხარჯებით შეუძლიათ.

პირებისთვის, რომლებიც იმყოფებოდნენ აჭარაში, რეკომენდებულია თვალი ადევნონ საკუთარ ჯანმრთელობას 7–14 დღის განმავლობაში. თუ ამ პერიოდის განმავლობაში მათ აეწევათ ტემპერატურა, შეიქმნება სუნთქვის პრობლემები, გაჩნდება ხველება, დიარეა, მათ უნდა მიმართონ ლაბორატორიებს და PCR–ტესტირება მათაც უფასოდ ჩაუტარდებათ.

იმ მოქალაქეებს, რომლებიც იმყოფებოდნენ აჭარაში, მაგრამ შეხება არ ჰქონიათ არც სასტუმროსთან ჩაქვში და არც კაფე „დონასთან“ ბათუმში, არა აქვთ კორონავირუსისთვის დამახასიათებელი სიმპტომები, მაგრამ სურთ ტესტირების ჩატარება, მათ თანხის გადახდა მოუწევთ.

ამასთან, გამყრელიძემ აღნიშნა, რომ ბათუმსა და ქობულეთში არის რამდენიმე წერტილი, სადაც ტესტირების ჩატარება ნებისმიერ მსურველს უფასოდ შეუძლია.

საქართველოს კოვიდ–კლინიკებში საწოლების რაოდენობა იზრდება>>

ვის ეხება რვადღიანი კარანტინი?

რვადღიან საკარანტინო ვადას მხოლოდ საქართველოში შემოსული მოქალაქეები დაექვემდებარებიან და არა ქვეყანაში ინფიცირებულთან კონტაქტში მყოფი პირები, განმარტა გამყრელიძემ. მერვე დღეს ყველა ამ ადამიანს PCR–ტესტი ჩაუტარდება და უარყოფითი პასუხის შემთხვევაში ისინი დატოვებენ საკარანტინო ზონას, თუმცა მე-12 დღეს ვალდებული იქნებიან ტესტი კიდევ ერთხელ ჩაიტარონ. ტესტირების ხარჯებს სახელმწიფო გასწევს.

დღემდე სამშობლოში საზღვარგარეთიდან დაბრუნებული მოქალაქეები, ან ინფიცირებულთან კონტაქტში მყოფი პირები კარანტინში 12 დღის განმავლობაში იმყოფებოდნენ. მანამდე ეს ვადა 14 დღით განისაზღვრებოდა. ასეთივე ვადა იყო თვითიზოლაციისთვის.

ბოლო დღე-ღამეში საქართველოში ინფიცირების 45 ახალი შემთხვევა გამოვლინდა. აქამდე ყველაზე მაღალი მაჩვენებელი იყო დღეში 38 შემთხვევა.

ინფიცირებულთა საერთო რაოდენობაა 1729 ადამიანი.

გამოჯანმრთელდა 1321 პაციენტი, აქედან ექვსი – ბოლო 24 საათში. გარდაიცვალა 19 ადამიანი.

ბათუმის კლასტერი სამეგრელოში: მარტვილში და–ძმას კორონავირუსი დაუდგინდა>>

კორონავირუსის პირველი შემთხვევა საქართველოში 26 თებერვალს დაფიქსირდა.

163
თემები:
COVID-19 საქართველოში (1789)
საკლასო ოთახი

საქართველოში სკოლები იხურება - ოზურგეთში კორონავირუსი პედაგოგს დაუდგინდა

217
ლაითურში მთელი დღის განმავლობაში მიმდინარეობდა ეპიდკვლევა. ბოლო მონაცემებით, გურიაში ჯამში კორონავირუსის 68 შემთხვევაა დადასტურებული

თბილისი, 23 სექტემბერი – Sputnik. ოზურგეთის მუნიციპალიტეტის დაბა ლაითურში პედაგოგის დაინფიცირების გამო საჯარო სკოლამ დროებით შეწყვიტა სასწავლო პროცესი და ორი კვირით სწავლების დისტანციურ რეჟიმზე გადავიდა, იუწყება საზოგადოებრივი მაუწყებლის პირველი არხი.

ლაითურში მთელი დღის განმავლობაში მიმდინარეობდა ეპიდკვლევა. ბოლო მონაცემებით, გურიაში ჯამში კორონავირუსის 68 შემთხვევაა დადასტურებული.

საქართველოში ბოლო პერიოდში კორონავირუსის დადასტურებული შემთხვევების რაოდენობამ მკვეთრად იმატა. ბოლო დღე-ღამეში საქართველოში კორონავირუსით ინფიცირებულთა რაოდენობა 227-ით გაიზარდა.

დღეს თბილისის ინფექციური პათოლოგიისა და შიდსის ცენტრის გენერალურმა დირექტორმა თენგიზ ცერცვაძემ განაცხადა, რომ თუ მომდევნო დღეებში ინფიცირებულთა რაოდენობა 200-ის ფარგლებში იქნება, სკოლებსა და ბაღებში სწავლა 1 ოქტომბერს განახლდება. იმ შემთხვევაში კი, თუ ინფიცირებულთა რიცხვი 200-ს გადასცდება, სასწავლო პროცესი ორი კვირით გადაიდება, თუმცა, ცერცვაძის თქმით, ამ ვერსიაზე საუბარი საკოორდინაციო საბჭოს სხდომებზე არ მიმდინარეობს.

კორონავირუსის პანდემიის გამო საქართველოს ყველა სკოლაში სწავლა 2 მარტს შეწყდა, მეცადინეობები დისტანციურად წარიმართა. სასწავლო წელი 15 სექტემბერს განახლდა, მაგრამ ეპიდვითარების გაუარესების გამო ქვეყნის რიგი ქალაქების – თბილისის, ბათუმის, ქუთაისის, ქობულეთის, ფოთის, რუსთავის, ზუგდიდის, გორის, ასევე კახეთის, გურიისა და შიდა ქართლის ზოგიერთი სოფლის სკოლებში სწავლა ორი კვირის განმავლობაში, 1 ოქტომბრამდე დისტანციურად წარიმართება. ქვეყნის მასშტაბით არსებულ დანარჩენ სასწავლო დაწესებულებაში სწავლა ჩვეულებრივ რეჟიმში დაიწყო.

სასწავლო პროცესის დაწყებიდან რამდენიმე დღეში, 21 სექტემბერს კორონავირუსი დაფიქსირდა ორ სკოლაში - ოზურგეთის მუნიციპალიტეტის სოფელ შრომაში და სენაკში. იქ OVID-19 რამდენიმე პედაგოგსა და მოსწავლეს დაუდგინდა. აღნიშნული სკოლები დისტანციურ რეჟიმზე გადავიდნენ.

ბოლო მონაცემებით, ქვეყანაში კორონავირუსის 4140 დადასტურებული შემთხვევა დაფიქსირდა. სულ გამოჯანმრთელდა 1643 პაციენტი, გარდაიცვალა 25 ადამიანი.

საქართველოში კორონავირუსის პირველი შემთხვევა 26 თებერვალს დაფიქსირდა.

217
თემები:
COVID-19 საქართველოში (1789)
ბათუმის რესპუბლიკური საავადმყოფო

ბათუმის რესპუბლიკურ საავადმყოფოში 9 პაციენტის მდგომარეობა უკიდურესად მძიმეა

131
(განახლებულია 21:49 23.09.2020)
აჭარაში კორონავირუსის შემთხვევების იმავე რაოდენობით მატებას ელოდებიან, რამდენიმე დღეში კი, სპეციალისტების გათვლებით, მოსალოდნელია კლება

თბილისი, 23 სექტემბერი – Sputnik. ბათუმის რესპუბლიკურ საავადმყოფოში 80 პაციენტის მდგომარეობა მძიმე, ცხრის კი განსაკუთრებით მძიმეა, განაცხადა თბილისის ინფექციური საავადმყოფოს სამედიცინო დირექტორმა, მარინა ეზუგბაიამ.

თბილისის საბავშვო ბაღებში ბავშვებს ინდივიდუალური ჩანთები გადაეცემა >>

ბოლო 24 საათში დარეგისტრირებული კორონავირუსის 227 ახალი შემთხვევიდან 165 აჭარაში გამოვლინდა. რეგიონში სულ ინფიცირების ათასზე მეტი აქტიური შემთხვევაა.

კლინიკაში მართვა კვალიფიციურად ხდება და ამ ეტაპისთვის მედპერსონალის რაოდენობაც საკმარისია.

„პერსონალი არის აბსოლუტურად მზად, მათ დამატებით ჩაუტარდათ ტრენინგები, მთავარია, დროულად მოხდეს დიფერენცირება ავადმყოფების, რომ მსუბუქ მდგომარეობაში მყოფი პაციენტები დროულად გადავიდნენ კლინიკებიდან კოვიდსასტუმროებში და იქაც გაგრძელდეს ეფექტური მართვა, კლინიკებში კი გამოთავისუფლდეს ადგილები მძიმე პაციენტებისთვის“, - აღნიშნა მარინა ეზუგბაიამ.

თბილისის ინფექციური საავადმყოფოს სამედიცინო დირექტორი მარინა ეზუგბაია მეორე დღეა, ბათუმში იმყოფება და ვითარებას ეცნობა.

აჭარაში არსებული ეპიდვითარება შეაფასა ასევე რეგიონის ჯანდაცვის მინისტრმა ნინო ნიჟარაძემ, რომლის განცხადებით, იმის იმედი, რომ ახალი შემთხვევების რაოდენობა მკვეთრად შემცირდება, არ უნდა გვქონდეს.

როგორც მან აღნიშნა, შემდგომი დინამიკა მთლიანად მოსახლეობაზეა დამოკიდებული. თუ ადამიანები არ დაიცავენ დადგენილ წესებს, შემთხვევების რაოდენობა არ შემცირდება.

„აჭარაში ეპიდსიტუაცია არის რთული და მომდევნო დღეებში შემთხვევების იმავე რაოდენობით მატებას ველოდებით, რამდენიმე დღის შემდეგ კი კლებას. ამ ყველაფერში მოსახლეობაც უნდა დაგვიდგეს გვერდით და დაიცვას რეკომენდაციები. ამ დროისთვის აჭარაში 600 საწოლია მობილიზებული, ხდება ავადმყოფების დიფერენციაცია, მიმდინარეობს პაციენტის მდგომარეობის შეფასება, ამის მიხედვით ნაწილდებიან ისინი კლინიკებსა და სასტუმროებში. მუდმივად ხდება გადაადგილებები კლინიკებიდან სასტუმროებში. ნაწილი პაციენტებისა გამოჯანმრთელდა, ამიტომ არსებული საწოლფონდი სრულიად ადეკვატური რაოდენობაა იმ საჭიროებისთვის, რაც დღეს აჭარაში არსებობს“, – განაცხადა ნინო ნიჟარაძემ.

კრიზისი, დისტანცია და ნიღბები: როგორ შეცვალა კორონავირუსმა მსოფლიო – ფოტო >>

საქართველოში ახალი კორონავირუსით დაავადებულთა რაოდენობა ბოლო დღე-ღამეში 227-ით გაიზარდა და 4140-ს მიაღწია, გამოჯანმრთელდა 1643 ადამიანი, გარდაიცვალა 25 პაციენტი.

საქართველოში კორონავირუსის პირველი შემთხვევა 26 თებერვალს დაფიქსირდა.

131
თემები:
COVID-19 საქართველოში (1789)
წმინდა გიორგის სახელობის ეკლესია მრავალძალში

საეკლესიო კალენდარი: 24 სექტემბერი

0
(განახლებულია 07:56 24.09.2020)
საქართველოს მართლმადიდებელი ეკლესია 24 სექტემბერს კრწანისის ბრძოლაში თავდადებულთა, ღირსი თეოდორა ალექსანდრიელის, მოწამეთა: დიმიტრის, ევანთიას, დიმიტრიანეს, დიოდორე და დიდიმე ასურელთა, იას, ღირსი ევფროსინეს, ღირსი სილოანე ათონელის ხსენების დღეს აღნიშნავს.

Sputnik საქართველო გიამბობთ ვინ იყვნენ ეს ადამიანები და რატომ არიან მოხსენიებულნი საეკლესიო კალენდარში.

კრწანისის ბრძოლაში თავდადებულნი: 300 არაგველი და სასულიერო და საერო პირები

მე-18 საუკუნის მიწურულს, აღა-მაჰმად-ხანმა ქართლ-კახეთის მეფეს, ერეკლე II-ს სამეფოზე სპარსეთის ბატონობის აღდგენა და რუსეთთან კავშირის გაწყვეტა მოსთხოვა. აღა-მაჰმად-ხანი 35-ათასიანი ჯარით საქართველოსკენ გამოემართა. ქართველთა ჯარი მტერზე ბევრად მცირერიცხოვანი იყო. სპარსელებმა თბილისი ჯერ გაძარცვეს, შემდეგ დაარბიეს და ცეცხლს მისცეს, მრავალი ათასი მცხოვრები ტყვედ წაიყვანეს. მოსახლეობის დიდი ნაწილი შიმშილისა და გადამდები სნეულებისაგან დაიღუპა. ქართლის სოფლებს მოთარეშეთა რაზმები შეესივნენ. კრწანისის ბრძოლამ, რომელიც კრწანისის ველზე ქართლ-კახეთისა და სპარსეთის ლაშქარს შორის 1795 წელს გაიმართა. დიდი ზარალი მიაყენა აღმოსავლეთ საქართველოს. 300 არაგველი და სხვა მებრძოლები უთანასწორო ბრძოლაში გმირულად დაიღუპნენ.

ღირსი თეოდორა ალექსანდრიელი

ღირსი თეოდორა ალექსანდრიელი და მისი ქმარი ალექსანდრიაში ცხოვრობდნენ იმპერატორ ზენონის (475-491) დროს.

წმიდა მოწამე ია 

წმიდა მოწამე იას აიგივებენ ღირსმოწამე ევდოკიასთან, რომელიც საპორ II-ის მიერ სპარსეთის ქალაქ ბიზადაში ტყვედ წასხმულ ქრისტიანებს შორის მოხვდა. ჭეშმარიტი სარწმუნოების ქადაგებისთვის წარმართებმა იგი შეიპყრეს. მთავარი ქურუმი ნეტარისგან დაჟინებით ითხოვდა, დაეგმო ჭეშმარიტი ღმერთი, მაგრამ ამაოდ. ამის შემდეგ წმიდა ია აწამეს და საპყრობილეში ჩააგდეს; განმეორებითი წამების შემდეგ კი თავი მოჰკვეთეს

წმიდა მოწამენი დიოდორე და დიდიმე ასურელნი

წმიდა მოწამენი დიოდორე და დიდიმე ასურელნი, წარმოშობით სირიის ლაოდიკიიდან იყვნენ. ისინი მხურვალედ ქადაგებდნენ ქრისტეს სარწმუნოებას თანამოქალაქეთა შორის, რისთვისაც წარმართებმა შეიპყრეს, სასტიკად აწამეს, დაბოლოს, შოლტების ცემით ამოხადეს სული.

წმიდა მოწამენი: დიმიტრი, მეუღლე მისი ევანთია და ძე მათი დიმიტრიანე

წმიდა მოწამე დიმიტრი ჰელესპონტის სკეფსეოსის მმართველი იყო მაშინ, როცა აქ კორნილიოს ასისთავი ჩავიდა სახარების ქადაგებით. წმიდა კორნილიოსმა ქალაქის მრავალი მკვიდრი მოაქცია ქრისტიანობაზე. წარმართებმა ჭეშმარიტი სარწმუნოების აღსარებისთვის ახალმოქცეულები საპყრობილეში გამოამწყვდიეს და შიმშილით დახოცეს.

ღირსი ევფროსინე 

ღირსი ევფროსინე პალესტინის ერთ-ერთი მონასტრის ბერი იყო და სამზარეულოში აღასრულებდა მორჩილების საქმეს. იგი გულმოდგინედ ემსახურებოდა ძმებს, გასაოცარი იყო წმიდანის მოთმინება: იგი უდრტვინველად იტანდა ყოველგვარ, ძალზე ხშირად, დაუმსახურებელ საყვედურს. მხურვალე მლოცველი და მკაცრი მმარხველი ევფროსინე ფარული ღვაწლით სათნოეყო უფალს, რაც თავად ზეცათა მეუფემ გაუცხადა მონასტრის ძმობას: სავანის ერთმა ხუცესმა ლოცვაში ითხოვა, მართლებისთვის განმზადებული საუკუნო ნეტარების ხილვის ღირსი გამხდარიყო. ღმერთმაც შეისმინა მისი და ძილში სამოთხის ენით აუწერელი მშვენიერება დაანახა. უეცრად მღვდელ-მონაზონმა თავისი მონასტრის ბერი - მზარეული ევფროსინე შენიშნა და ამგვარი შეხვედრით გაკვირვებულმა ჰკითხა, აქ როგორ აღმოჩნდიო. „ღვთის გამოუთქმელი მოწყალებით!“ - მიუგო წმიდანმა. ხუცესი ჩაეკითხა, თუ გაქვსო კადნიერება, მიბოძო რამე ამ ბაღიდან. მდაბალმა მონაზონმა სამოთხის ხის სამი ნაყოფი მოწყვიტა, ტილოში გაახვია და თანამოსაუბრეს გაუწოდა. ცისკრის ლოცვამდე გაღვიძებულმა მამამ ჩვენება ჩვეულებრივ სიზმრად ჩათვალა, მაგრამ მალე მისი ყურადღება ტილოში გახვეულმა საოცრად სურნელოვანმა ვაშლებმა მიიპყრო. ხუცესმა ტაძარში ღირსი ევფროსინე მოძებნა და სთხოვა, გაემხილა, სად იყო ღამით. ნეტარმა მიუგო: „მეც იქ ვიყავი, სადაც შენ. უფალმა შეგისრულა სათხოვარი, სამოთხე დაგანახა და მისი ნაყოფებიც გადმოგცა თავისი უღირსი მონის - ევფროსინეს ხელით“. ცისკრის შემდეგ ხუცესმა ეს ყოველივე ძმებს მოუთხრო, ბერებმა სამზარეულოს მიაშურეს, რომ თაყვანი ეცათ წმიდა მამისთვის, მაგრამ იგი ვერსად იპოვეს: ნეტარი განერიდა კაცთამიერ დიდებას და დატოვა სავანე. ძმებისთვის უცნობი დარჩა, სად გაიხიზნა მათი თანამოღვაწე, სამოთხის ვაშლებს კი  ბერები სასოებით ინახავდნენ და პატარ-პატარა ნაწილებად არიგებდნენ სულიერ და ხორციელ სნეულებათა საკურნებლად

ღირსი სილოანე ათონელი

ღირსი სილოანე ათონელი (ერობაში სვიმეონი) 1866 წელს დაიბადა ტამბოვის გუნერნიაში.

1892 წლის შემოდგომაზე ღირსი მამა ათონზე ჩავიდა და წმიდა პანტელეიმონის რუსულ მონასტერში მორჩილად შედგა. გამოსაცდელი ვადის გასვლის შემდეგ, 1896 წელს მან დიდი სქემა შეიმოსა.

წმიდა სილოანე ათონელი გარდაიცვალა 1938 წლის 11 სექტემბერს. მისი წმიდა ნაწილები ათონზე, პანტელეიმონის რუსულ მონასტერშია დაბრძანებული.

მასალა მომზადებულია ღია წყაროებზე დაყრდნობით

 

 

0