ამირან გამყრელიძე

გამყრელიძე: საქართველო ჯერჯერობით „მწვანე ზონაში“ რჩება

96
(განახლებულია 20:12 07.09.2020)
გამყრელიძის განცხადებით, კორონავირუსის შემთხვევების ზრდის ტენდენცია, რომელიც ბოლო პერიოდში დაფიქსირდა, მოსალოდნელი იყო, რაც გარკვეულწილად აჭარაში ზაფხულის სეზონზე ტურისტული ნაკადის ზრდით აიხსნება.

თბილისი, 7 სექტემბერი — Sputnik. მიუხედავად კორონავირუსის შემთხვევების ზრდის ტენდენციისა, ქვეყანაში ეპიდსიტუაცია სრულიად მართვადია, განაცხადა საქართველოს დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელმა ამირან გამყრელიძემ უწყებათშორისი საკოორდინაციო საბჭოს სხდომის შემდეგ გამართულ ბრიფინგზე. 

საქართველოში ამ დროისათვის კორონავირუსით ინფიცირებულთა რაოდენობამ 1684-ს მიაღწია. გამოჯანმრთელდა 1315 ადამიანი. გარდაცვლილია – 19, კარანტინის რეჟიმში იმყოფება 6020, ხოლო სტაციონარებში ექიმების დაკვირვების ქვეშ 299 პაციენტია.

გამყრელიძის განცხადებით, კორონავირუსის შემთხვევების ზრდის ტენდენცია, რომელიც ბოლო პერიოდში დაფიქსირდა, მოსალოდნელი იყო, რაც გარკვეულწილად აჭარაში ზაფხულის სეზონზე ტურისტული ნაკადის ზრდით აიხსნება.

„მიუხედავად იმისა, რომ ბოლო 10 დღის განმავლობაში ქვეყანაში გვაქვს ახალი შემთხვევების დინამიურად ზრდის ტენდენცია, ჩვენი ე.წ. სამფეროვანი შუქნიშნის მიხედვით და ევროპის დაავადებათა კონტროლის ცენტრის მონაცემების მიხედვით, კვლავ „მწვანე ზონაში“ ვართ“, – განაცხადა გამყრელიძემ.

მისი განმარტებით, ყვითელი, გამაფრთხილებელი ზონა მაშინ იწყება, როდესაც 100 ათას მოსახლეზე 10-დან 30-მდე შემთხვევა დაფიქსირდება, წითელი ზონა კი 100 ათას მოსახლეზე 30-ზე მეტ შემთხვევას ითვალისწინებს.

„ჩვენ გავაანალიზეთ ივლისის, აგვისტოსა და სექტემბრის პირველი კვირის ე.წ. ინციდენტობის (100 ათას მოსახლეზე ახალი შემთხვევების რაოდენობა) მაჩვენებლები. ეს მაჩვენებელი ივნისის პირველ კვირაში 100 ათას მოსახლეზე იყო 0,7, აგვისტოში – 1,2, ხოლო სექტემბრის პირველ კვირაში დაფიქსირდა 5,3. რაც მიანიშნებს იმას, რომ ვირუსის ზრდის ტენდენცია არის, მაგრამ კვლავ „მწვანე ზონაში“ ვრჩებით”, – აღნიშნა გამყრელიძემ.

მისი განცხადებით, დღეს ქვეყანაში შექმნილი ეპიდემიოლოგიური მდგომარეობა კონტროლს ექვემდებარება. მან საზოგადოებას კიდევ ერთხელ მოუწოდა ჯანდაცვის უწყების მიერ დადგენილი რეგულაციების დაცვისკენ.

საქართველოში კორონავირუსის პირველი შემთხვევა 26 თებერვალს დაფიქსირდა.

96
თემები:
COVID-19 საქართველოში (1738)
ტესტირება კორონავირუსზე

ლაგოდეხში კორონავირუსი ორ მცირეწლოვან ბავშვს დაუდასტურდა

37
გურჯაანის მუნიციპალიტეტის სოფელ ველისციხეში საველე სამედიცინო კარავი მოეწყო, სადაც მოქალაქეებს თერმოსკრინინგი უტარდებათ

თბილისი, 19 სექტემბერი – Sputnik. კახეთის რეგიონში კორონავირუსის ორი ახალი შემთხვევა დაუდასტურდა, იუწყება საზოგადოებრივი მაუწყებლის პირველი არხი დაავადებათა კონტროლისა და საზოგადოებრივი ჯანმრთელობის ეროვნული ცენტრის კახეთის განყოფილების უფროსზე, ნელი ხიზანიშვილზე დაყრდნობით.

ხიზანიშვილის განცხადებით, „კოვიდ-19“ ლაგოდეხში მცხოვრებ მცირეწლოვან ბავშვებს დაუდასტურდათ.

მათი გადაყვანა თბილისში, სპეციალიზებულ კლინიკაში იგეგმება.

ნელი ხიზანიშვილის ინფორმაციით, ბავშვების ჯანმრთელობის მდგომარეობა სტაბილურია და მათ სიცოცხლეს საფრთხე არ ემუქრება.

კორონავირუსის გამოვლენის პრევენციული ღონისძიებების ფარგლებში, გურჯაანის მუნიციპალიტეტის სოფელ ველისციხეში საველე სამედიცინო კარავი მოეწყო, სადაც მოქალაქეებს თერმოსკრინინგი უტარდებათ. ხიზანიშვილის ინფორმაციით, რეგიონში 34 ინფიცირებულია.

რეგიონის მასშტაბით მოქმედ სამ საკარანტინო ზონაში 122 ადამიანი რჩება, ხოლო თვითიზოლაციაში კი 171 მოქალაქე.

თბილისის ინფექციური საავადმყოფოს სამედიცინო დირექტორის, მარინა ეზუგბაიას მონაცემებით, კახეთის რეგიონში დღეს კორონავირუსის სამი ახალი შემთხევა გამოვლინდა.

საქართველოში COVID-19-ით ინფიცირებულთა უმრავლესობა უსიმპტომოა ან მსუბუქი სიმძიმისაა >>

პარასკევს კახეთის რეგიონში კორონავირუსის ერთი ახალი შემთხვევა დაფიქსირდა.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 187-ით გაიზარდა და 3306-ს მიაღწია, გამოჯანმრთელებულთა რაოდენობას 46 ადამიანი შეემატა. ამ დროისათვის სულ გამოჯანმრთელდა 1481 ადამიანი. გარდაიცვალა – 19, კარანტინის რეჟიმში იმყოფება 5014, ხოლო სტაციონარებში ექიმების დაკვირვების ქვეშ 836 პაციენტია.

37
თემები:
COVID-19 საქართველოში (1738)
ლელა წურწუმია

„ერთ-ერთი კონცერტის შემდეგ, აღმოვაჩინე, რომ ხმა დავკარგე“ - ლელა წურწუმიას უცნობი ისტორია

36
(განახლებულია 17:15 18.09.2020)
ქართველი მოკაშკაშე ვარსკვლავი და ყველასათვის საყვარელი პოპ-დივა წლიდან წლამდე არ იცვლება. ლელა წურწუმიამ კარიერა 90-იანებში დაიწყო

თბილისი, 19 სექტემბერი – Sputnik. მომღერალმა ლელა წურწუმიამ საკუთარ გადაცემაში „მხოლოდ ლელასთან“ მაყურებელს ხმასთან დაკავშირებით, უცნობი ისტორია გაუმხილა.

მომღერლის თქმით, იყო პერიოდი, როდესაც ხმა დაკარგა და ამას ძალიან განიცდიდა, სოლო კონცერტიც კი ჩაატარა იმის ფონზე, რომ კულისებში ექიმი ელოდებოდა და წამალს ასმევდა, თუმცა გარისკა, ოპერაცია გაიკეთა თურქეთში და ორ თვეში ხმაც დაუბრუნდა.

View this post on Instagram

#წამიყვანესიყვარულთან @nestansinjikashvili ❤️

A post shared by Lela Tsurtsumia (@lelatsurtsumia_official_page) on

ელეგანტური, ეშხიანი, განსაკუთრებული ტემბრისა და ხმის მქონე მომღერალი წლებია პოპულარობას არ კარგავს. უშუქობაში დაწერილი სიმღერები დღემდე ჰიტია. მისი შემოქმედება ლელა წურწუმიას ქალიშვილის თანატოლებმაც კი ზეპირად იციან და ყოველ სოლო კონცერტს დიდი ინტერესით ელოდებიან.

საქართველოში ერთადერთი ქალი შემსრულებელია, რომელმაც სოლო-კარიერის მანძილზე 12 ალბომი გამოუშვა. ბნელი 90-იანების დასაწყისში დაწყებული ბრწყინვალე კარიერა დღემდე წარმატებით მიმდინარეობს.

36
თემები:
სელებრითების ცხოვრება
მეწყერი ონში

ქედაში მეწყერი ჩამოწვა: დატბორილია სახლები, დაზიანებულია გზა

0
ბათუმი-ახალციხის ცენტრალური ავტომაგისტრალის ქედის მონაკვეთზე მოძრაობა ცალმხრივად არის შესაძლებელი.

თბილისი, 19 სექტემბერი – Sputnik. ქედის მუნიციპალიტეტში ძლიერი წვიმის შედეგად რამდენიმე ადგილზე საცხოვრებელ სახლებთან ახლოს მეწყერი ჩამოწვა, იუწყება „პირველი არხი“.

ადიდებულმა მდინარემ დააზიანა სავარგულები და წყალი შევიდა საცხოვრებელ სახლებშიც.

მეწყერმა და ღვარცოფმა დააზარალა სოფლები დოლოგანი, ზუნდაგი, ბზუბზუ, ცხემნა, დაბა ქედა და ოქტომბერი.

ბათუმი-ახალციხის ცენტრალური ავტომაგისტრალის ქედის მონაკვეთზე მოძრაობა ცალმხრივად არის შესაძლებელი.

ქედის მუნიციპალიტეტის მერიის ინფორმაციით, სოფელ ზვარესთან გზის სავალ ნაწილზე მიწის მასის ჩამოშლის შედეგად  მოძრაობა ნახევარი საათით შეწყვეტილი იყო.

ტელეკომპანიის ინფორმაციით, დილიდან მობილიზებულია ტექნიკა და მიმდინარეობს სალიკვიდაციო სამუშაოები. ადგილზე იმყოფებიან მუნიციპალიტეტის მერი, სამაშველო სამსახურები და სალიკვიდაციო შტაბის წევრები.

0
თემები:
უამინდობა საქართველოში