ბათუმი

გახარია: კორონავირუსის აფეთქების გამო ბათუმი არ ჩაიკეტება

90
(განახლებულია 20:05 07.09.2020)
საქართველოს მთავრობის მეთაურის განმარტებით, ამ დროისათვის ქვეყანაში ეპიდვითარება კონტროლს ექვემდებარება.

თბილისი, 7 სექტემბერი — Sputnik. ბათუმში, სადაც ეპიდვითარება გაუარესდა, ავტოტრანსპორტის შესვლა–გამოსვლაზე შეიზღუდვა არ დაწესდება, განაცხადა საქართველოს პრემიერ-მინისტრმა გიორგი გახარიამ ორშაბათს გამართულ ბრიფინგზე. 

აჭარაში ზაფხულის სეზონზე კორონავირუსის შემთხვევების მომატებული რაოდენობა დაფიქსირდა. ინფიცირებულთა შორის არასრულწლოვნებიც არიან. ამ ეტაპზე ბათუმის რესპუბლიკურ საავადმყოფოში კორონავირუსის დიაგნოზით 88 პაციენტი მკურნალობს.

„ბათუმი არ დაიკეტება. ეს საკითხი არ განიხილება“, – განაცხადა პრემიერმა გახარიამ.

საქართველოს მთავრობის მეთაურის განცხადებით, ქობულეთსა და ბათუმში სასწავლო პროცესი 1 ოქტომბრამდე დისტანციურ რეჟიმში წარიმართება.

საქართველოში ამ დროისთვის ინფიცირებულთა რაოდენობამ 1684-ს მიაღწია, გამოჯანმრთელდა 1315, გარდაიცვალა 19 პაციენტი.

 

90
თემები:
COVID-19 საქართველოში (1741)
პაატა თედიაშვილი

„ჩემ ძმაკაცთან ვიყავი ორი დღე...“ რატომ ატირა პაატა თედიაშვილმა დედა

337
(განახლებულია 13:02 19.09.2020)
მომღერალი პაატა თედიაშვილი, რომელიც განსაკუთრებით პოპულარული გახდა სიმღერით „უნდა შემოვიდე ამაღამ შენში“, საზოგადოების გაოცებას არ წყვეტს.

მომღერალმა პაატა თედიაშვილმა „ფეისბუქზე” პიკანტური ფოტოსესია გამოაქვეყნა, რაც დღემდე საზოგადოების განსჯის საგანია.

View this post on Instagram

A post shared by Paata TediaSvili (@paatatediasvili) on

მომღერალმა გადაცემა „პროფილში“ განაცხადა, რომ როდესაც დედამისმა მისი ეს პიკანტური ფოტოები ნახა, ტირილი დაიწყო.

„დედას არ ჰქონდა ნანახი ეს ფოტოები და წინასწარ არ ვუთანხმდები ხოლმე, რადგან მისი აზრი ჩემთვის ძალიან მნიშვნელოვანია და შეიძლება ჩემი აზრიც კი შემაცვლევინოს. ამ პროვოკაციებს შემდეგ ნახულობს ხოლმე. ეს ფოტო რომ ნახა, ტირილი დაიწყო. მე ჩემ ძმაკაცთან ვიყავი ორი დღე, რომ გამენეიტრალებინა ეს ყველაფერი“, – ამბობს პაატა თედიაშვილი.

View this post on Instagram

A post shared by Paata TediaSvili (@paatatediasvili) on

ფოტოები სახელწოდებით – „პასო დობლე” ფოტოხელოვანმა დავით ტრაპაიძემ გადაიღო, შიშველი მომღერალი კი მარაოთი და „პასო დობლეს” ქუსლიანი ფეხსაცმლით პოზირებს.

337
თემები:
სელებრითების ცხოვრება
ილო ბეროშვილი ანი ბებია

„დიდი თავკომბალა ვყოფილვარ“ - ანი ბებიას შოკისმომგვრელი პოსტი

27
ერთ-ერთმა გამორჩეულმა მსახიობმა საკუთარ თავს თავკომბალა უწოდა და სკოლის პერიოდის სურათი გამოაქვეყნა. როგორ გამოიყურებოდა ილო ბეროშვილის მეუღლე პატარა ასაკში?

ანი ბებიას გულახდილობამ რამდენიმე მეგობრის კრიტიკა დაიმსახურა. ულამაზეს მსახიობს საკუთარი თავი ბავშვობაში არ მოსწონს და ძველი ფოტო მოულოდნელი სიტყვებით აღწერა. „ჰოი, დიდი თავკომბალა ბავშვი ვყოფილვარ“, - წერს პოპულარული მსახიობი. უმცროსი შვილის, ჯერი ბეროშვილის დაბადების შემდეგ, ანი ბებია ტელევიზიას დაუბრუნდა. ეს მისი კარიერის მანძილზე ერთ-ერთი გამორჩეულად სკანდალური განცხადებაა. ანი ბებია შეუდარებელი თვალებითა და გარეგნობით გამოირჩევა, თუმცა როგორც ჩანს, ყველაფერი არც ისე იდეალურადაა.

„მთავარი არხის“ დილის გადაცემის წამყვანმა ფეხმძიმობის პერიოდი არც ისე მარტივად გადალახა. თუმცა, ილო ბეროშვილისა და მათი მეგობრების წყალობით, ანის უამრავი დამხმარე ძალა გამოუჩნდა. ილო ბეროშვილის უფროსი ქალიშვილებიც არიან ძმის გაზრდაში აქტიურად ჩართულნი. ამის ამსახველი ფოტოები ანი ბებიამ რამდენიმე კვირის წინ გამოაქვეყნა. ჯერი პირველად „მთავარი არხის“ ოფიციალურ გვერდზე გამოჩნდა. ილო და ანი ამ არხის თანამშრომლები არიან. მათთვის ჯერი პირველი საერთო შვილია. ანის პირველი ქორწინებიდან შვილი არ ჰყოლია. ილოს კი პირველ ქორწინებაში ჟურნალისტ ნელი აგირბასთან ორი გოგონა ჰყავს. აპრილის ბოლოს მესამე ქორწინებიდან ნელი აგირბასაც შეეძინა მესამე შვილი.

ანი ბებიამ ბავშვობის სხვა ფოტოც გააზიარა. ამ სურათზე ის რამდენიმე თვის არის. დედასთან და უფროს ძმასთან ნიკა ბებიასთან ერთად პოზირებს. „ის პატარა რაღაც მე ვარ...“- დაწერა სერიალ „ხელოვნური სუნთქვის“ მსახიობმა. ამ ფოტოზე ჯერი ბეროშვილს ანი ბებიას ამსგავსებენ, თუმცა ანი საკუთარ ვაჟს საყვარელ მამაკაცს უფრო ადარებს.

ანი და ილო ოფიციალურ ქორწინებაში არ იმყოფებიან, თუმცა ცხოვრების მნიშვნელოვან ეტაპზე გადავიდნენ. ფეხმძიმობის შესახებ ანიმ პირველად ტელეპროექტ „მხოლოდ ქართულში“ განაცხადა. ილო ბეროშვილმა ორსულ მეუღლეს პირდაპირ ეთერში მუცელზე აკოცა და მაყურებელთან პირობა დადო, რომ „მხოლოდ ქართულის“ ოცდამესამე სეზონზე მის შვილს პროექტში იხილავდნენ. ანი ბებიამ პირდაპირ ეთერში განაცხადა, რომ პატარას სახელი მშობლებს უკვე შერჩეული აქვთ. „ბავშვს სახელი დიდი ხნის წინ შევურჩიეთ. არ ჰქონდა მნიშვნელობა გოგო იქნებოდა თუ ბიჭი, მას მაინც ამ სახელს დავარქმევდით. ჩემი გადაწყვეტილებით მას დავარქმევთ ჯერის, არაქართული სახელია და მე ძალიან მომწონს“, – განაცხადა ბებიამ.

27
თემები:
სელებრითების ცხოვრება
რაგბის ბურთი

სროლა რაგბის კავშირში: მერაბ ბესელიას პატიმრობა შეეფარდა

0
(განახლებულია 17:01 19.09.2020)
დაცვის მხარე წარდგენილ ბრალდებას არ ეთანხმება და 20 ათას ლარიანი გირაოს შეფარდებას მოითხოვდა. ბრალდებული წარდგენილი ბრალდებაში თავს დამნაშავედ არ ცნობს

თბილისი, 19 სექტემბერი - Sputnik. თბილისის საქალაქო სასამართლომ რაგბის კავშირის ვიცე-პრეზიდენტს მერაბ ბესელიას აღკვეთის ღონისძიებად პატიმრობა შეუფარდა, იუწყება „პირველი არხი“.

16 სექტემბერს თბილისში, რაგბის კავშირის შენობაში მერაბ ბესელიამ რაგბი-7-ის ნაკრების ყოფილი კაპიტანი რამაზ ხარაზიშვილი დაჭრა. პოლიციამ 51 წლის ბესელია იმავე დღეს მცხეთაში დააკავა. გამოძიების ინფორმაციით, ბრალდებულმა 32 წლის ხარაზიშვილი ცეცხლსასროლი იარაღიდან გასროლით ურთიერთშელაპარაკების ნიადაგზე დაჭრა.

რაგბის კავშირში ბოლო პერიოდში საკმაოდ დაძაბული ვითარებაა. პრობლემები დაიწყო აგვისტოს დასაწყისში, როდესაც 31 კლუბის წარმომადგენლებისგან შემდგარი საინიციატივო ჯგუფი კავშირის ხელმძღვანელობას სთხოვდა ბოლო ოთხი წლის ფინანსური ანგარიში ჩაებარებინა.

პროკურორის განცხადებით, დაკავებულის მხრიდან არსებობს მტკიცებულებების განადგურების, მიმალვისა და მოწმეებზე ზემოქმედების საფრთხეები.

დაცვის მხარე წარდგენილ ბრალდებას არ ეთანხმება და 20 ათას ლარიანი გირაოს შეფარდებას მოითხოვდა. ბრალდებული წარდგენილი ბრალდებაში თავს დამნაშავედ არ ცნობს.

პროცესზე თავად ბრალდებულიც ჩაერთო დისტანციურად. როგორც მერაბ ბესელიამ განაცხადა, მან ემოციურ ფონზე იატაკს ესროლა და ფეხში სროლის განზრახვა არ ჰქონია.

„არ მისვრია მისთვის დასაჭრელად, ვისროლე იატაკზე. იმას, რომ მე საშიში ვიქნები თავისუფლებაზე, არ ვეთანხმები. ჩავბარდი თვითონ. ნასვამ მდგომარეობაში ვიყავი“, – განაცხადა ბრალდებულმა.

საქმეზე წინასასამართლო სხდომა 5 ნოემბერს 11:00 საათზე ჩაინიშნა.

0
თემები:
კრიმინალი საქართველოში