გიორგი გახარია

ბათუმსა და ქობულეთში სასწავლო პროცესი დისტანციურად წარიმართება

130
(განახლებულია 19:21 07.09.2020)
აჭარაში ზაფხულის სეზონზე ტურისტული ნაკადის ზრდამ რეგიონში ეპიდემიოლოგიური ვითარების გაუარესება გამოიწვია.

თბილისი, 7 სექტემბერი — Sputnik. ბათუმსა და ქობულეთში სკოლების გახსნა ორი კვირით გადაიდება და სასწავლო პროცესი 1 ოქტომბრამდე დისტანციურ რეჟიმში წარიმართება, განაცხადა უწყებათშორისი საკოორდინაციო საბჭოს სხდომის შემდეგ გამართულ ბრიფინგზე საქართველოს პრემიერ-მინისტრმა გიორგი გახარიამ.

ქვეყნის საჯარო სკოლებში სასწავლო პროცესი 15 სექტემბრიდან განახლდება – ჯანდაცვის უწყების რეკომენდაციების გათვალისწინებით. 

აჭარაში ზაფხულის სეზონზე კორონავირუსის მომატებული შემთხვევები დაფიქსირდა. ინფიცირებულთა შორის არასრულწლოვნებიც არიან. ამ ეტაპზე ბათუმის რესპუბლიკურ საავადმყოფოში კორონავირუსის დიაგნოზით 88 პაციენტი მკურნალობს. 

„ტურისტული სეზონიდან გამომდინარე ბათუმში მობილობა იყო ძალიან მაღალი. სასწავლო წლის დაწყება კი გამოიწვევს მობილობის კიდევ უფრო გაზრდას, ამიტომაც მივიღეთ შესაბამისი გადაწყვეტილება. ბათუმისა და ქობულეთის სკოლებში სასწავლო პროცესი ორი კვირით გადაიდება, სასწავლო პროცესი 1 ოქტომბრამდე დისტანციურად წარიმართება“, – განაცხადა გახარიამ.

მან აღნიშნა, რომ ხელისუფლება გეგმავს საკლასო კაბინეტებსა და აუდიტორიებში სასწავლო პროცესის 1 ოქტომბრიდან განახლებას.

პრემიერის განმარტებით, ამ დროისათვის ქვეყანაში ეპიდვითარება კონტროლს ექვემდებარება.

მას შემდეგ, რაც 26 თებერვალს ქვეყანაში კორონავირუსის პირველი შემთხვევა დაფიქსირდა, ხელისუფლებამ სკოლებში სასწავლო პროცესის შეჩერების გადაწყვეტილება მიიღო.

საგანმანათლებლო დაწესებულებები მუშაობის დისტანციურ რეჟიმზე გადავიდნენ. მოსწავლეები ონლაინ სწავლობდნენ, მათთვის შეიქმნა პროექტი „ტელესკოლა".

კორონავირუსის პანდემიის გამო საქართველოს ყველა სასწავლო დაწესებულებაში სწავლა 2 მარტს შეწყდა. სწავლის განახლების თარიღი სამჯერ გადაიტანეს. საბოლოოდ კი 24 აპრილს ქვეყნის პრემიერმა გიორგი გახარიამ განაცხადა, რომ სასწავლო დაწესებულებები სწავლას სექტემბრამდე არ განაახლებდნენ.

130
ევა ბარბაქაძე

„მიყვარს ჩემი ფუმფულა სხეული...“ ევა ბარბაქაძე გასუქდა? ფოტო

1219
(განახლებულია 13:00 19.09.2020)
შორენა ბეგაშვილის ერთადერთმა ქალიშვილმა სოციალურ ქსელში საცურაო კოსტიუმში გადაღებული ფოტო გამოაქვეყნა. ნახეთ რას სწერენ ევას.

ახალბედა ფოტომოდელის ევა ბარბაქაძის ახალმა ფოტომ, რომელიც მან „ინსტაგრამის“ „სთორიზე“ განათავსა, სოციალური ქსელის მომხმარებლების ვნებათაღელვა გამოიწვია. გოგონამ უამრავი წერილი მიიღო, რომელიც მისი წონის ცვლილებას ეხებოდა. ბოლოს ევამ გულშემატკივრებს ერთიანად გასცა პასუხი: „მიყვარს ჩემი ფუმფულა სხეული. ნუ მზომავთ. დიეტა დავიწყე იმისთვის, რომ ფორმაში ჩავდგე. ძალიან გამხდარიც ვიყავი და არ მიხდებოდა“.

ცოტა ხნის წინ ცნობილი მოდელის და ტელეწამყვანის შორენა ბეგაშვილის გოგონამ დაბადების დღეზე საოცარი საჩუქარი – ძვირადღირებული „აუდის“ მარკის ავტომობილი მიიღო. გოგონამ და დედამ „ინსტაგრამზე“ ერთდროულად დადეს ფოტოები. ევამ ფოტოებს დააწერა „ყველაზე ბედნიერი დღე ჩემს ცხოვრებაში“, ხოლო შორენამ – „საუკეთესო საჩუქარი ჩემს ევას შენგან“.

როგორც ჩანს, საჩუქრის ავტორი შორენა ბეგაშვილის ახალი პარტნიორია. შორენამ ფოტოზე მისი ინიციალი „ლ“ მონიშნა. ბოლო დროს აქტიურად ვრცელდება ინფორმაცია, რომ შორენა ბეგაშვილი კრიმინალურ ავტორიტეტზე ლაშა ბარათელზეა შეყვარებული, რომელიც თურქეთში ცხოვრობს, და სწორედ მის გამო დაანგრია ბიზნესმენ ირაკლი ნანაძესთან შექმნილი ოჯახი. გავრცელებული ინფორმაციით, ლაშა ბარათელი შორენას ირაკლი ნანაძესთან ყოფნის დროსაც ანებივრებდა ძვირადღირებული საჩუქრებით.

View this post on Instagram

BEST DAY OF MY LIFE🎈🎈🎈🎈🎈

A post shared by ევა🧚🏽‍♀️ (@_evvabarbaqadze_) on

შორენას და ევას განსაკუთრებული დედაშვილობა აკავშირებთ. მთელი საქართველო შეძრა ევას ტრაგიკულმა ისტორიამ, რომლის გამო შორენას ქონების დიდი ნაწილის გაყიდვა მოუწია. შეგახსენებთ, ულამაზესმა ევამ ხერხემალზე 17 ოპერაცია გადაიტანა. მის შემთხვევას სასწაული უწოდეს თურქმა ექიმებმა, რომლებმაც ის ფეხზე დიდი ძალისხმევის შედეგად დააყენეს.

View this post on Instagram

💗

A post shared by ევა🧚🏽‍♀️ (@_evvabarbaqadze_) on

შორენა ბეგაშვილს ერთი ქალიშვილი ჰყავს. ევა ბარბაქაძე მსახიობს პატარა ასაკში შეეძინა, ჯერ კიდევ მაშინ, როდესაც შორენა ეკრანებზე არ ჩანდა. პოპულარობა დედა-შვილის ცხოვრებაში დიდი შრომისა და ძალისხმევის შედეგად მოვიდა. ყველამ იცის, რომ შორენა რუსთავში გაჭირვებულად ცხოვრობდა. ახლა მთელი ქვეყანა ევას და შორენას სილამაზეზე საუბრობს. მათ ბოლო პერიოდში ერთმანეთს სულ უფრო ხშირად ადარებენ.

1219
თემები:
სელებრითების ცხოვრება
ორსული

ბათუმის სამშობიარო სახლში 17 კოვიდინფიცირებული ორსული იმყოფება

36
სამშობიარო მხოლოდ კოვიდინფიცირებულ ორსულებს იღებს. სამშობიარო სახლის დირექტორის, ნუგზარ პაპავას თქმით, კლინიკაში კორონავირუსის სამკურნალოდ ყველა პირობაა შექმნილი

თბილისი, 19 სექტემბერი – Sputnik. ბათუმის სამშობიარო სახლში კოვიდინფიცირებულ ორსულთა რაოდენობა 17-მდე გაიზარდა, იუწყება საზოგადოებრივი მაუწყებლის „პირველი არხი“.

კლინიკაში აცხადებენ, რომ ინფიცირებულების ჯანმრთელობის მდგომარეობა სტაბილურია და პროცესი უსიმპტომოდ მიმდინარეობს.

„ამ ეტაპზე გვყავს 17 კოვიდინფიცირებული პაციენტი. მათ შორის ორი არის 38 კვირის ფეხმძიმე. საკეისრო კვეთა არ იგეგმება, სავარაუდოდ, ფიზიოლოგიურად იმშობიარებენ. ყველა პაციენტის ჯანმრთელობის მდგომარეობა დამაკმაყოფილებელია. ძირითადად, დაავადება უსიმპტომოდ მიმდინარეობს. პაციენტები თავს კარგად გრძნობენ. იმყოფებიან ექიმების მეთვალყურეობის ქვეშ“, - განაცხადა სამშობიარო სახლის დირექტორმა, ნუგზარ პაპავამ.

აღსანიშნავია, რომ სამშობიარო 14 სექტემბრიდან მხოლოდ კოვიდინფიცირებულ ორსულებს იღებს. პაპავას თქმით, კლინიკაში კორონავირუსის სამკურნალოდ ყველა პირობაა შექმნილი. კლინიკაში მოწყობილია იზოლირებული ბლოკები. ჯამში კი კლინიკას 22 პაციენტის მიღება შეუძლია.

COVID-19-ით ინფიცირების ახალი შემთხვევების უმრავლესობა კვლავ აჭარაზე მოდის, 187 დადასტურებული შემთხვევიდან რეგიონში დღეს 116 შემთხვევა გამოვლინდა.

საქართველოში ახალი კორონავირუსით დაავადებულთა რაოდენობამ 3306-ს მიაღწია, გამოჯანმრთელებულთა რაოდენობას 46 ადამიანი შეემატა. ამ დროისათვის სულ გამოჯანმრთელდა 1481 ადამიანი. გარდაიცვალა – 19, კარანტინის რეჟიმში იმყოფება 5014, ხოლო სტაციონარებში ექიმების დაკვირვების ქვეშ 836 პაციენტია.

36
თემები:
COVID-19 საქართველოში