თბილისის სახელმწიფო უნივერსიტეტი

მოუწევთ თუ არა სტუდენტებს პირბადეების ტარება: თამარ გაბუნია განმარტავს

200
(განახლებულია 19:31 06.09.2020)
რეკომენდაციები მოიცავს ფიზიკური დისტანცირების დაცვას, ხელის დეზინფექციას. ასევე, უნივერსიტეტებში არ უნდა იყოს თავშეყრის ადგილები

თბილისი, 6 სექტემბერი - Sputnik. სკოლებისგან განსხვავებით, უნივერსიტეტებში ყველასთვის სავალდებულო იქნება პირბადის ტარება, განაცხადა საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილემ თამარ გაბუნიამ.

მინისტრის მოადგილის თქმით, სტუდენტებმა თავი უნდა შეიკავონ თავშეყრისგან და დაიცვან პირადი ჰიგიენა.

„ჯანდაცვის სამინისტრომ განათლების სამინისტროსთან ძალიან აქტიური თანამშრომლობით მოამზადა რეკომენდაციების პაკეტი. უნივერსიტეტების რეკომენდაციების პაკეტი მსგავსია იმის, რაც სკოლებისთვის მომზადდა, თუმცა მთავარი განსხვავება გახლავთ ის, რომ უნივერსიტეტებში ყველასთვის არის ნიღბის ტარების მოთხოვნა“, - განაცხადა გაბუნიამ.

რეკომენდაციები ასევე მოიცავს ფიზიკური დისტანცირების დაცვას, ხელის დეზინფექციას. მისივე თქმით, არ უნდა იყოს თავშეყრის ადგილები უნივერსიტეტებში.

საქართველოს უწყებათშორისი საკოორდინაციო საბჭოს გადაწყვეტილებით, 15 სექტემბრიდან სასწავლო პროცესი დაიწყება სკოლებში, ორი კვირის შემდეგ კი, 1 ოქტომბრიდან – საბავშვო ბაღებში. სასწავლო პროცესი სპეციალური რეკომენდაციების გათვალისწინებით წარიმართება. კორონავირუსის პანდემიის გამო საქართველოს ყველა სასწავლო დაწესებულებაში სწავლა 2 მარტს შეწყდა. სწავლის განახლების თარიღი სამჯერ გადაიტანეს. საბოლოოდ კი 24 აპრილს ქვეყნის პრემიერმა გიორგი გახარიამ განაცხადა, რომ სასწავლო დაწესებულებები სწავლას სექტემბრამდე არ განაახლებდნენ.

200
თემები:
COVID-19 საქართველოში (1732)
პოლიცია

სამართალდამცველები 41 წლის მამაკაცს ეძებენ

18
(განახლებულია 16:45 18.09.2020)
მამაკაცს ბოლო სატელეფონო კომუნიკაცია მიმდინარე წლის 29 ივლისს დედასთან ჰქონდა, რის შემდეგაც მასთან დაკავშირება ვერ ხერხდება

 

თბილისი, 18 სექტემბერი - Sputnik. სამართალდამცველები უგზოუკვლოდ დაკარგულ 41 წლის ამირან გაფრინდაშვილს ეძებენ, ნათქვამია საქართველოს შინაგან საქმეთა სამინისტროს მიერ გავრცლებულ განცხადებაში. 

უწყების ცნობით, მამაკაცი თბილისში, გლდანის რაიონის სოფელ გიორგიწმინდაში ცხოვრობს. მას  ბოლო სატელეფონო კომუნიკაცია მიმდინარე წლის 29 ივლისს დედასთან ჰქონდა, რის შემდეგაც მასთან დაკავშირება ვერ ხერხდება.

სამართალდამცავ უწყებაში  მამაკაცის გაუჩინარების შესახებ შეტყობინება 12 აგვისტოს შევიდა.

„შეტყობინების მიღებისთანავე დაიწყო და გრძელდება აღნიშნული პირის ინტენსიური სამძებრო-საძიებო ღონისძიებები. ამ ეტაპზე, გამოკითხულია ათეულობით პირი, დანიშნულია ექსპერტიზები და აქტიურ რეჟიმში გრძელდება შესაბამისი მოქმედებები გაუჩინარებული მამაკაცის ადგილსამყოფელის დადგენის მიზნით“,- აღნიშნულია განცხადებაში.

საქმეზე გამოძიება საქართველოს სსკ-ის 143-ე მუხლით მიმდინარეობს, რაც თავისუფლების უკანონო აღკვეთას გულისხმობს.

შინაგან საქმეთა სამინისტრო მოქალაქეებს მოუწოდებს,  აღნიშნულ პიროვნებასთან დაკავშირებით ნებისმიერი ინფორმაციის არსებობის შემთხვევაში, დარეკონ საზოგადოებრივი უსაფრთხოების მართვის ცენტრ "112"-ში ან აცნობონ პოლიციის უახლოეს განყოფილებას.

18
თემები:
შემთხვევები საქართველოში
ლელა წურწუმია და კახა მამულაშვილი

„გავიკეთე ტესტი... ნერვები აღარ მაქვს და არც თმა თავზე“ - „მამულიჩა“ განცხადებას ავრცელებს

76
(განახლებულია 12:21 18.09.2020)
ცნობილი პროდიუსერი კორონავირუსის ტესტირებაზე იმყოფებოდა. ნახეთ რა ვიდეოს ავრცელებს კლინიკიდან მამულიჩა

ცნობილმა პროდიუსერმა კახა მამულაშვილმა „ინსტაგრამის“ „სთორიზე“ ვიდეო მიმართვა გაავრცელა, სადაც ამბობს, რომ კორონავირუსზე პირველ საუნივერსიტეტო კლინიკაში ტესტი გაიკეთა და პასუხს ელოდება. „მამულიჩა“ ამბობს, რომ ვირუსზე მეტად იმ ადამიანების კომენტარებმა გააღიზიანა, ვისაც ეჭვი ჰქონდა, რომ შესაძლოა მას ვირუსი ჰქონოდა. „ნერვები აღარ მაქვს და არც თმა თავზე“ - ამბობს პროდიუსერი.

ცნობილი პროდიუსერი ქართველი პოპ-დივას მეუღლე. წყვილი მრავალი წელია ოფიციალურად დაქორწინებული არიან. მათი ცალ-ცალკე ნახვა წარმოუდგენელია. ლელას და მამულიჩას ერთი ქალიშვილი ჰყავთ. თინეიჯერი მათ ურთიერთობას უფრო ამყარებს.

View this post on Instagram

A post shared by Kakhi Mamulashvili.Mamulicha (@mamulicha888) on

ლელა წურწუმიამ კარიერა 90-იანებში დაიწყო. მომღერლის სიმღერები ახლაც გაჰიტებულია. მამულიჩას და ლელას ყველაზე მეტად ის ახარებთ, რომ მათ და კომპოზიტორების მიერ შექმნილ სიმღერებს ახალგაზრდები და მათი თაობის ადამიანები ერთნაირად დიდი სიამოვნებით უსმენენ. ლელას სოლო-კონცერტების ბილეთებს სალაროებიდან იტაცებენ, პოპ-დივა აქტუალობას არ კარგავს.

View this post on Instagram

A post shared by Kakhi Mamulashvili.Mamulicha (@mamulicha888) on

მამულიჩას პირველი უიღბლო და ხანმოკლე ქორწინებიდან ერთი ვაჟი – ნიკოლოზი ჰყავს. სულ ცოტა ხნის წინ პროდიუსერი ბაბუა გახდა. ლელას და მის გერს – მამულიჩას სიმპათიურ ვაჟიშვილს ძალიან მეგობრული ურთიერთობა აქვთ, რაც საზოგადოების გაკვირვებას იწვევს. როგორც ჩანს, ლელა ოჯახის ახალ წევრებთან – რძალთან და შვილიშვილთანაც კარგ დროს ატარებს და ამას სოციალური ქსელის ოფიციალურ გვერდზე აქვეყნებს.

76
თემები:
სელებრითების ცხოვრება