„პისიარ“ ტესტირება

ხუთი უცნობი წყარო - დეტალები COVID-19-ით ინფიცირების ახალი შემთხვევების შესახებ

115
(განახლებულია 10:44 07.09.2020)
თბილისის ინფექციურ საავადმყოფოში მკურნალობას გადის 19 პაციენტი, ერთის მდგომარეობა კრიტიკული რჩება.

თბილისი, 6 სექტემბერი — Sputnik. ხუთი ახალი პაციენტის COVID-19-ით ინფიცირების წყაროები ჯერჯერობით უცნობია, განაცხადეს თბილისის ინფექციურ საავადმყოფოში.

დღეს საქართველოში კორონავირუსით ინფიცირების 29 ახალი შემთხვევა დადასტურდა.

საავადმყოფოს ინფორმაციით, ერთი ინფიცირებული რუსთავის „ავერსის“ კლინიკის თანამშრომელია, ხუთი - არსებული პაციენტების კონტაქტებია, ერთი გადმოყვანილია აფხაზეთიდან, ორი შემთხვევა იმპორტირებულია, 13 პაციენტს აჭარაში მოგზაურობის ისტორია აქვს და ორი პაციენტი ბათუმში მდებარე საკონდიტრო „დონას“ კლასტერს განეკუთვნება.

როგორც თბილისის ინფექციურ კლინიკაში პირველ არხს განუცხადეს, დაწესებულებაში მკურნალობას გადის 19 პაციენტი, ერთის მდგომარეობა კრიტიკული რჩება.

სამთავრობო ვებგვერდ StopCov-ის მონაცემებით, პანდემიის დაწყებიდან გამოვლინდა კორონავირუსით ინფიცირების 1 650 შემთხვევა, გამოჯანმრთელდა 1 310 ადამიანი. გარდაიცვალა 19 პაციენტი.

115
თემები:
COVID-19 საქართველოში (1857)
დისტანციური სწავლება

თუ შვილის სკოლაში გაშვება არ გსურთ: განათლების სამინისტროს ინსტრუქცია მშობლებისთვის

298
(განახლებულია 19:14 30.09.2020)
ბოლო პერიოდში ქვეყანაში კორონავირუსით ინფიცირების შემთხვევების მომატების გამო, მშობლების ნაწილი შვილების სკოლებში გაშვებას უფრთხის

თბილისი, 30 სექტემბერი — Sputnik. იმ მოსწავლეთა მშობლებმა, რომლებსაც არ სურთ შვილების სკოლებში გაშვება პანდემიის პირობებში და დისტანციური სწავლებით აპირებენ სარგებლობას, ან განაცხადი უნდა შეავსონ განათლების სამინისტროს საიტზე და ან სკოლას უნდა მიმართონ, ნათქვამია უწყების ვებგვერდზე.

საუბარია თბილისის, ზუგდიდის, ქუთაისისა და რუსთავის სკოლების I-VI კლასების მოსწავლეებზე.

როგორც უწყებაში აღნიშნავენ, დისტანციური სწავლების გამოცდილება საქართველოს სკოლებში ჯერ კიდევ გასული სასწავლო წლიდან არსებობს. დისტანციური სწავლების შედეგად 600 ათასზე მეტ მოსწავლესა და 55 ათასზე მეტ მასწავლებელს უკვე გააქტიურებული აქვთ სპეციალური პროფილები საგანმანათლებლო ონლაინ–პროგრამებში.

სამინისტროს მხარდაჭერით, მათ აქვთ შესაძლებლობა, სრულად ისარგებლონ შეთავაზებული ონლაინ–ინსტრუმენტებით — Microsoft Office 365-ით, რომელიც აერთიანებს Microsoft TEAMS–ს, OneNote–სა და სხვა პროგრამებსა და დანართებს.

დისტანციური სწავლების კიდევ ერთი ძირითადი რესურსი საქართველოში არის „ტელესკოლა“. საგანმა ნათლებლო ტელეპროექტის ბადეში ყველა საფეხურის საგნები შედის. ამასთან მაქსიმალურადაა გათვალისწინებული განსაკუთრებული საჭიროებების მქონე მოსწავლეთა ინტერესებიც.     

საქართველოს მთავრობის გადაწყვეტილებით, ზოგადსაგანმანათლებლო სკოლების I–VI კლასების მოსწავლეები სკოლებს 1 ოქტომბერს დაუბრუნდებიან.

298
თემები:
განათლება საქართველოში
ვინც პირბადიანია, ის დაცულია

ვინც პირბადიანია, ის დაცულია

84
(განახლებულია 20:47 30.09.2020)
საქართველოში კორონავირუსით ინფიცირებულთა რაოდენობის მკვეთრი ზრდა დაიწყო. მოსახლეობის გარკვეული ნაწილი იმდენად უფრთხის დაავადებას, რომ პირბადეს ქუჩაშიც იყენებს.
ვინც პირბადიანია, ის დაცულია

პირბადეების დეფიციტი საქართველოში არ არის, ფასებიც, გაზაფხულთან შედარებით, შემცირდა. მიუხედავად ამისა, ყველას არ შეუძლია იმდენი ნიღბის ყიდვა, რომ რეგულარულად იცვალოს – დღეში რამდენჯერმე. ხშირად ადამიანები ერთსა და იმავე ნიღაბს რამდენიმე დღის განმავლობაში ატარებენ, ზოგი კვირების განმავლობაშიც. სპეციალისტების აზრით, პირბადეების ასეთი გამოყენება ადამიანს დაავადებისგან ვერ დაიცავს.

დაინფიცირების რისკის შესამცირებლად საჭიროა წესების დაცვა: პირველ რიგში, ორ საათზე მეტხანს ნუ ატარებთ ერთსა და იმავე ნიღაბს, ცვალეთ რეგულარულად და ნუ შეეხებით ნიღბის ზედაპირს, სადაც შესაძლოა ვირუსი იყოს.

84
ვალუტის გაცვლის პუნქტი

ლარის კურსი 1 ოქტომბერს

0
(განახლებულია 17:39 30.09.2020)
წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0819 ლარით გამყარდა.

თბილისი, 1 ოქტომბერი  — Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,2059 GEL/$1 ნიშნულზე დაადგინა.

წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0819 ლარით გამყარდა.

ლარის კურსი 1 ოქტომბერს
ლარის კურსი 1 ოქტომბერს
0
თემები:
ლარის კურსი დღეს