ეკა ხოფერია

„გლანდები ამომაჭრა დიდმა ხუჯიკამ...“ ეკა ხოფერია ფოტოს აქვეყნებს

314
(განახლებულია 11:43 04.09.2020)
პოპულარული ჟურნალისტი ეკა ხოფერია სოციალურ ქსელში ფოტოს აქვეყნებს და წერს, რომ მეუღლემ გლანდები ამოაჭრა.

ეკა ხოფერია და მისი მეუღლე მიშა ხუჯაძე 12 წელია ერთად ცხოვრობენ. წარმატებული ჟურნალისტის მეუღლე პროფესიით ექიმია. გადატვირთული გრაფიკის მიუხედავად, წყვილი სამ შვილთან ერთად ინტენსიურ ურთიერთობასა და საოჯახო ვითარებაში დროის გატარებას ყოველთვის ახერხებს. ეკა ხოფერიასა და მიშა ხუჯაძეს ორი საერთო ვაჟი ჰყავთ.

View this post on Instagram

Me and my khujiks ) for @citymagazineofficial @kidsgallery.ge photo @anna_kostomarova

A post shared by Eka Khoperia (@ekakhoperiacity) on

ეკა ხოფერიამ „ინსტაგრამზე“ შვილის ფოტო გამოაქვეყნა, სადაც იკა თვეებისაა. ჟურნალისტი წერს, რომ ამ ფოტოს გადაღებიდან 8 წელი გავიდა, ფოტოზე კი გლანდები აქვს ახალი ამოჭრილი.

ეკა ხოფერიას პირველი ქორწინებიდან ერთი ქალიშვილი ანანო ლევიძე ჰყავს, რომელიც საზღვარგარეთ ცხოვრობს და სწავლობს. მიუხედავად იმისა, რომ ანანო შორს ცხოვრობს და ძმებთან ინტენსიური ურთიერთობა არ აქვს, უმცროსი ძმები და უფროსი და ძალიან მეგობრობენ. ეკა აღნიშნავს, რომ მიშასთან დაწყებული ურთიერთობის პერიოდში ანანო გარდატეხის ასაკში იყო და ძალიან ეჭვიანობდა. თუმცა ახლა ყველაფერი შეიცვალა და დალაგდა. მიშა და ეკა ანანოს ესპანეთში ხშირად აკითხავენ და ერთად მოგზაურობენ.

View this post on Instagram

#aboutlastweek #madrid @ananolevidze

A post shared by Eka Khoperia (@ekakhoperiacity) on

მას შემდეგ, რაც ერთ-ერთმა გამორჩეულმა ჟურნალისტმა ეკა ხოფერიამ ტელეკომპანია „იმედში“ ბოლო სამსახური დატოვა, მისი ცხოვრება ახალი გამოწვევების ფონზე განვითარდა. ტელევიზიის გამოჩენილი სახე ტელეეკრანებზე აღარ ჩანს. ეკამ ჟურნალის შეფ-რედაქტორობას მოჰკიდა ხელი. მან ჟურნალი „სითი“ დააფუძნა, რომელიც 9 წელია ბაზარზე დიდი წარმატებით სარგებლობს. მორიგი უახლესი სურათი ჟურნალ „სითის“ ახალ ნომერში მოხვდება. ეკა ხოფერია უმცროს ვაჟებთან ერთად პოზირებს.

314
თემები:
სელებრითების ცხოვრება (2107)
რთველი

რთველი 2020: ფერმერებმა 148,3 ათასი ტონა ყურძენი ჩააბარეს

13
(განახლებულია 08:08 24.09.2020)
საქართველოს მთავრობამ წელს COVID-19-ის პანდემიის შედეგად დაზარალებული მევენახეობა-მეღვინეობის დარგის მხარდასაჭერად „რქაწითელისა“ და „კახური მწვანეს“ ჯიშის ყურძნის სუბსიდირება გადაწყვიტა.

თბილისი, 24 სექტემბერი  — Sputnik.  საქართველოში „რთველი 2020“–ის ფარგლებში ამ დროისთვის  დაახლოებით 148,3 ათასი ტონა ყურძენია გადამუშავებული, იუწყება ღვინის ეროვნული სააგენტო. 

კახეთში ყურძნის მოსავლის აღების სეზონი 22 აგვისტოს დაიწყო. გადამუშავების პროცესში 60–ზე მეტი ღვინის საწარმოა ჩართული.  ამ დროისთვის ჩაბარებული ყურძნის ღირებულებამ დაახლოებით 148,2 მლნ ლარი შეადგინა.

საქართველოს მთავრობამ წელს COVID-19-ის პანდემიის შედეგად დაზარალებული მევენახეობა-მეღვინეობის დარგის მხარდასაჭერად „რქაწითელისა“ და „კახური მწვანეს“ ჯიშის ყურძნის სუბსიდირება გადაწყვიტა.

სუბსიდიას მიიღებენ ის კომპანიები, რომლებიც შეისყიდიან და გადაამუშავებენ ამ ჯიშების სულ ცოტა 1 ათას ტონა ყურძენს. ამასთან, ღვინის ქარხნებს დადგენილი აქვთ ერთი კილოგრამი ყურძნის ფასი – არანაკლებ 80 თეთრისა. სახელმწიფოს სუბსიდია ერთ კილოგრამზე 30 თეთრს შეადგენს.

უწყების ცნობით, ამ ეტაპზე გადამუშავებულია 109,6 ათასი ტონა „რქაწითელი”, 32 ათასი ტონა  „საფერავი”, 2,3 ათასი ტონა „კახური მწვანე”, 125,1 ტონა „ალექსანდროული–მუჯურული“ და 4,1 ათასი ტონა სხვა ჯიშის ყურძენი.

13
თემები:
საქართველოს სოფლის მეურნეობა
საკლასო ოთახი

საქართველოში სკოლები იხურება - ოზურგეთში კორონავირუსი პედაგოგს დაუდგინდა

235
ლაითურში მთელი დღის განმავლობაში მიმდინარეობდა ეპიდკვლევა. ბოლო მონაცემებით, გურიაში ჯამში კორონავირუსის 68 შემთხვევაა დადასტურებული

თბილისი, 23 სექტემბერი – Sputnik. ოზურგეთის მუნიციპალიტეტის დაბა ლაითურში პედაგოგის დაინფიცირების გამო საჯარო სკოლამ დროებით შეწყვიტა სასწავლო პროცესი და ორი კვირით სწავლების დისტანციურ რეჟიმზე გადავიდა, იუწყება საზოგადოებრივი მაუწყებლის პირველი არხი.

ლაითურში მთელი დღის განმავლობაში მიმდინარეობდა ეპიდკვლევა. ბოლო მონაცემებით, გურიაში ჯამში კორონავირუსის 68 შემთხვევაა დადასტურებული.

საქართველოში ბოლო პერიოდში კორონავირუსის დადასტურებული შემთხვევების რაოდენობამ მკვეთრად იმატა. ბოლო დღე-ღამეში საქართველოში კორონავირუსით ინფიცირებულთა რაოდენობა 227-ით გაიზარდა.

დღეს თბილისის ინფექციური პათოლოგიისა და შიდსის ცენტრის გენერალურმა დირექტორმა თენგიზ ცერცვაძემ განაცხადა, რომ თუ მომდევნო დღეებში ინფიცირებულთა რაოდენობა 200-ის ფარგლებში იქნება, სკოლებსა და ბაღებში სწავლა 1 ოქტომბერს განახლდება. იმ შემთხვევაში კი, თუ ინფიცირებულთა რიცხვი 200-ს გადასცდება, სასწავლო პროცესი ორი კვირით გადაიდება, თუმცა, ცერცვაძის თქმით, ამ ვერსიაზე საუბარი საკოორდინაციო საბჭოს სხდომებზე არ მიმდინარეობს.

კორონავირუსის პანდემიის გამო საქართველოს ყველა სკოლაში სწავლა 2 მარტს შეწყდა, მეცადინეობები დისტანციურად წარიმართა. სასწავლო წელი 15 სექტემბერს განახლდა, მაგრამ ეპიდვითარების გაუარესების გამო ქვეყნის რიგი ქალაქების – თბილისის, ბათუმის, ქუთაისის, ქობულეთის, ფოთის, რუსთავის, ზუგდიდის, გორის, ასევე კახეთის, გურიისა და შიდა ქართლის ზოგიერთი სოფლის სკოლებში სწავლა ორი კვირის განმავლობაში, 1 ოქტომბრამდე დისტანციურად წარიმართება. ქვეყნის მასშტაბით არსებულ დანარჩენ სასწავლო დაწესებულებაში სწავლა ჩვეულებრივ რეჟიმში დაიწყო.

სასწავლო პროცესის დაწყებიდან რამდენიმე დღეში, 21 სექტემბერს კორონავირუსი დაფიქსირდა ორ სკოლაში - ოზურგეთის მუნიციპალიტეტის სოფელ შრომაში და სენაკში. იქ OVID-19 რამდენიმე პედაგოგსა და მოსწავლეს დაუდგინდა. აღნიშნული სკოლები დისტანციურ რეჟიმზე გადავიდნენ.

ბოლო მონაცემებით, ქვეყანაში კორონავირუსის 4140 დადასტურებული შემთხვევა დაფიქსირდა. სულ გამოჯანმრთელდა 1643 პაციენტი, გარდაიცვალა 25 ადამიანი.

საქართველოში კორონავირუსის პირველი შემთხვევა 26 თებერვალს დაფიქსირდა.

235
თემები:
COVID-19 საქართველოში
ბარაკ ობამა

„დრო და დრო გიპასუხებთ“ - ბარაკ ობამამ Twitter-ზე თავისი ტელეფონის ნომერი გამოაქვეყნა

0
(განახლებულია 09:18 24.09.2020)
ყოფილი პრეზიდენტის თქმით, ის დრო და დრო იქნება კავშირზე და გაუზიარებს ამერიკელებს თავის გეგმებს არჩევნებთან დაკავშირებით

თბილისი, 24 სექტემბერი — Sputnik. აშშ–ის ექს–პრეზიდენტმა ბარაკ ობამამ Twitter–ზე საკუთარი ტელეფონის ნომერი გამოაქვეყნა და ამერიკელებს სთხოვა, გაუგზავნონ მას შეტყობინებები მომავალ  არჩევნებში მონაწილეობასთან დაკავშირებით.

​„მოსინჯეთ რაღაც ახალი. თუ შეერთებულ შტატებში იმყოფებით, გამომიგზავნეთ შეტყობინება ნომერზე 773-365-9687. მინდა გავიგო, როგორ მიდის თქვენი საქმეები, რაზე ფიქრობთ და როგორ გეგმავთ ხმის მიცემას წელს“, — წერს ობამა.

ყოფილი პრეზიდენტის თქმით, ის დრო და დრო იქნება კავშირზე და გაუზიარებს ამერიკელებს თავის გეგმებს არჩევნებთან დაკავშირებით.

აშშ–ში საპრეზიდენტო არჩევნები 3 ნოემბერსაა დაგეგმილი. ვადამდელი ხმის მიცემა ზოგ შტატში უკვე დაიწყო. მოქმედი პრეზიდენტის, დონალდ ტრამპის კონკურენტი არჩევნებში დემოკრატების კანდიდატი ჯო ბაიდენია.

0
თემები:
მსოფლიო დღეს