საკლასო ოთახი

როგორ დაეხმარება განათლების სამინისტრო სკოლებს კორონავირუსის პანდემიის პერიოდში

756
ახალი სასწავლო წლისთვის ყველა საჯარო სკოლა სანიტარულ-ჰიგიენური საშუალებებით აღჭურვილი იქნება. ასევე მოსწავლეებს უსასყიდლოდ გადაეცემათ სახელმძღვანელოები, ხოლო პირველკლასელებს - კომპიუტერები

თბილისი, 3 სექტემბერი — Sputnik. განათლების სამინისტრო ახალი სასწავლო წლისთვის, 10 სექტემბრამდე საჯარო სკოლებს პირბადეებით, დისტანციური, უკონტაქტო თერმომეტრებით, დეზობარიერებითა და ზედაპირების სადეზინფექციო სითხეებით უზრუნველყოფს, ნათქვამია უწყების ვებგვერდზე.

სამინისტროს ცნობით, ახალი სასწავლო წლისთვის ყველა საჯარო სკოლა აუცილებელი სანიტარულ-ჰიგიენური საშუალებებით აღჭურვილი იქნება.

გარდა ამისა, ყველა სკოლაში ინსპექტირება ჩატარდება. სასწავლო პროცესი სკოლებში ინსპექტირების დასკვნის საფუძველზე დაიწყება.

„15 სექტემბრამდე ჯანდაცვის სამინისტროში არსებული შრომის ინსპექტირების სამსახური შეამოწმებს როგორც ყველა საჯარო, ასევე კერძო სკოლას და მხოლოდ მათი რეკომენდაციების დასკვნის შემდეგ მოხდება კონკრეტულ სკოლაში სასწავლო პროცესის დაწყება. მანამდე, სასწავლო წელი არ დაიწყება“, - განაცხადა განათლების მინისტრის მოადგილემ ეკატერინე დგებუაძემ.

მისი თქმით, შეიქმნება ვიდეორგოლები, რაც სასწავლო პროცესში მონაწილე ყველა პირს დაეხმარება დაიცვან დადგენილი რეკომენდაციები.

განათლების მინისტრის მოადგილის თქმით, სკოლებს სასწავლო პროცესის ირგანიზაბისას სრული თავისუფლება მიეცათ.

„იმის გამო, რომ ყველა სკოლას საკუთარი ინდივიდუალური საჭიროება და განსხვავებული ინფრასტრუქტურული მდგომარეობა აქვს, მათ შორის მოსწავლეების რაოდენობიდან გამომდინარე, სკოლებს მიეცათ სრული თავისუფლება, რომ სასწავლო პროცესი საკუთარი საჭიროებიდან გამომდინარე დააორგანიზონ“, - განაცხადა მან.

ამასთან ერთად, განათლების სამინისტრო 2020-2021 სასწავლო წლისთვის „მოსწავლეებისა და მასწავლებლების სახელმძღვანელოებით უზრუნველყოფის“ პროგრამის ფარგლებში, საჯარო სკოლების მოსწავლეებს სახელმძღვანელოებს უსასყიდლოდ გადასცემს. კერძოდ, ყველა მოსწავლეს I-დან XII კლასის ჩათვლით საკლასო ოთახში დახვდება სახელმძღვანელოები, ხოლო პირველკლასელებს კომპიუტერები.

სწავლა წელს საქართველოს საჯარო სკოლებში 15 სექტემბერს დაიწყება.

756
თემები:
განათლება საქართველოში (314)
პოლიცია

სამართალდამცველები 41 წლის მამაკაცს ეძებენ

15
(განახლებულია 16:45 18.09.2020)
მამაკაცს ბოლო სატელეფონო კომუნიკაცია მიმდინარე წლის 29 ივლისს დედასთან ჰქონდა, რის შემდეგაც მასთან დაკავშირება ვერ ხერხდება

 

თბილისი, 18 სექტემბერი - Sputnik. სამართალდამცველები უგზოუკვლოდ დაკარგულ 41 წლის ამირან გაფრინდაშვილს ეძებენ, ნათქვამია საქართველოს შინაგან საქმეთა სამინისტროს მიერ გავრცლებულ განცხადებაში. 

უწყების ცნობით, მამაკაცი თბილისში, გლდანის რაიონის სოფელ გიორგიწმინდაში ცხოვრობს. მას  ბოლო სატელეფონო კომუნიკაცია მიმდინარე წლის 29 ივლისს დედასთან ჰქონდა, რის შემდეგაც მასთან დაკავშირება ვერ ხერხდება.

სამართალდამცავ უწყებაში  მამაკაცის გაუჩინარების შესახებ შეტყობინება 12 აგვისტოს შევიდა.

„შეტყობინების მიღებისთანავე დაიწყო და გრძელდება აღნიშნული პირის ინტენსიური სამძებრო-საძიებო ღონისძიებები. ამ ეტაპზე, გამოკითხულია ათეულობით პირი, დანიშნულია ექსპერტიზები და აქტიურ რეჟიმში გრძელდება შესაბამისი მოქმედებები გაუჩინარებული მამაკაცის ადგილსამყოფელის დადგენის მიზნით“,- აღნიშნულია განცხადებაში.

საქმეზე გამოძიება საქართველოს სსკ-ის 143-ე მუხლით მიმდინარეობს, რაც თავისუფლების უკანონო აღკვეთას გულისხმობს.

შინაგან საქმეთა სამინისტრო მოქალაქეებს მოუწოდებს,  აღნიშნულ პიროვნებასთან დაკავშირებით ნებისმიერი ინფორმაციის არსებობის შემთხვევაში, დარეკონ საზოგადოებრივი უსაფრთხოების მართვის ცენტრ "112"-ში ან აცნობონ პოლიციის უახლოეს განყოფილებას.

15
თემები:
შემთხვევები საქართველოში
ლელა წურწუმია და კახა მამულაშვილი

„გავიკეთე ტესტი... ნერვები აღარ მაქვს და არც თმა თავზე“ - „მამულიჩა“ განცხადებას ავრცელებს

73
(განახლებულია 12:21 18.09.2020)
ცნობილი პროდიუსერი კორონავირუსის ტესტირებაზე იმყოფებოდა. ნახეთ რა ვიდეოს ავრცელებს კლინიკიდან მამულიჩა

ცნობილმა პროდიუსერმა კახა მამულაშვილმა „ინსტაგრამის“ „სთორიზე“ ვიდეო მიმართვა გაავრცელა, სადაც ამბობს, რომ კორონავირუსზე პირველ საუნივერსიტეტო კლინიკაში ტესტი გაიკეთა და პასუხს ელოდება. „მამულიჩა“ ამბობს, რომ ვირუსზე მეტად იმ ადამიანების კომენტარებმა გააღიზიანა, ვისაც ეჭვი ჰქონდა, რომ შესაძლოა მას ვირუსი ჰქონოდა. „ნერვები აღარ მაქვს და არც თმა თავზე“ - ამბობს პროდიუსერი.

ცნობილი პროდიუსერი ქართველი პოპ-დივას მეუღლე. წყვილი მრავალი წელია ოფიციალურად დაქორწინებული არიან. მათი ცალ-ცალკე ნახვა წარმოუდგენელია. ლელას და მამულიჩას ერთი ქალიშვილი ჰყავთ. თინეიჯერი მათ ურთიერთობას უფრო ამყარებს.

View this post on Instagram

A post shared by Kakhi Mamulashvili.Mamulicha (@mamulicha888) on

ლელა წურწუმიამ კარიერა 90-იანებში დაიწყო. მომღერლის სიმღერები ახლაც გაჰიტებულია. მამულიჩას და ლელას ყველაზე მეტად ის ახარებთ, რომ მათ და კომპოზიტორების მიერ შექმნილ სიმღერებს ახალგაზრდები და მათი თაობის ადამიანები ერთნაირად დიდი სიამოვნებით უსმენენ. ლელას სოლო-კონცერტების ბილეთებს სალაროებიდან იტაცებენ, პოპ-დივა აქტუალობას არ კარგავს.

View this post on Instagram

A post shared by Kakhi Mamulashvili.Mamulicha (@mamulicha888) on

მამულიჩას პირველი უიღბლო და ხანმოკლე ქორწინებიდან ერთი ვაჟი – ნიკოლოზი ჰყავს. სულ ცოტა ხნის წინ პროდიუსერი ბაბუა გახდა. ლელას და მის გერს – მამულიჩას სიმპათიურ ვაჟიშვილს ძალიან მეგობრული ურთიერთობა აქვთ, რაც საზოგადოების გაკვირვებას იწვევს. როგორც ჩანს, ლელა ოჯახის ახალ წევრებთან – რძალთან და შვილიშვილთანაც კარგ დროს ატარებს და ამას სოციალური ქსელის ოფიციალურ გვერდზე აქვეყნებს.

73
თემები:
სელებრითების ცხოვრება