სკანდინავიური სიარული

თითის წვერებზე: ლეო ბოკერიამ გაამხილა, როგორ გავიხანგრძლივოთ სიცოცხლე

224
პასიური ცხოვრების წესი ძალიან მავნებელია. ამიტომ სასარგებლოა რეგულარული სიარული. ზოგიერთები კი თითის წვერებზე სიარულს გვირჩევენ

თბილისი, 3 სექტემბერი — Sputnik. ორგანიზმის გაჯანსაღების საუკეთესო გზა სიარულია, ორსაათიანი სეირნობა კვირაში ცხოვრებას 8-12 წლით ახანგრძლივებს, აცხადებს ცნობილი კარდიოქირურგი, რუსეთის მეცნიერებათა აკადემიის აკადემიკოსი ლეო ბოკერია.

„ჩვენი მოსახლეობა ძალიან აქტიურად იღებს ისეთ რჩევებს, რაც გაჯანსაღებას ეხება. არსებობს ასეთი მონაცემები: ადამიანები, რომლებიც კვირაში თუნდაც ორ საათს დადიან, 8-12 წლით მეტს ცოცხლობენ, ვიდრე ისინი, ვინც პასიური ცხოვრების რეჟიმით ცხოვრობს“, -  განაცხადა ბოკერიამ მოსკოვის საერთაშორისო წიგნის ბაზრობაზე.

კარდიოქირურგის თქმით, გაჯანსაღების საუკეთესო მეთოდია სიარული.

„თუ ადამიანი რეგულარულად სიარულს დაიწყებს, და მას გაუჩნდება კიდევ დამატებითი ფიზიკური აქტივობის მოთხოვნილება, მას შეუძლია დაუბრუნდეს თავის ფეხბურთს, კალათბურთს, სირბილს, აზიდვებს და ა.შ. მაგრამ თუ ფიზიკურად დატვირთული არასდროს ყოფილხართ, სჯობს თავიდან ექიმი დაგაკვირდეთ თავის სარბენ ბილიკზე, და უკვე გასაგები იქნება, თუ როგორ უნდა იცხოვროთ შემდგომში“, - აღნიშნა ბოკერიამ.

ადრე იუტას უნივერსიტეტის (აშშ) მეცნიერებმა განაცხადეს, რომ რეგულარული სიარული თითის წვერებზე ხელს უწყობს აქტიურ გახდომას. თითის წვერებზე სიარული ააქტიურებს კოჭ-წვივის სახსრის, ზურგის, მუხლების და ბარძაყების კუნთებს. ამიტომ, კუნთების ტონუსის ასამაღლებლად და ზედმეტი კალორიების დასაწვავად ისინი ამგვარად სიარულს დღეში ხუთი წუთის განმავლობაში გვირჩევენ.

224
თემები:
სასარგებლო რჩევები (282)
ხელბორკილი

ბაჩალიაშვილის საქმე: პროკურატურამ დავით ფურცხვანიძე დააკავა

6
საქართველოს პროკურატურამ თანამგზავრიდან გადაღებული ფოტოების ექსპერტიზა უკვე ჩაატარა და ისინი გაყალბებულად ცნო

თბილისი, 25 სექტემბერი - Sputnik. პოლიციამ  დავით ფურცხვანიძე დააკავა, რომელმაც გარდაცვლილი თამარ ბაჩალიაშვილის ოჯახის ადვოკატ მიხეილ რამიშვილს თანამგზავრიდან გადაღებული ფოტოები გადასცა, იუწყება ტელეკომპანია Imedi.

ბაჩალიაშვილის გარდაცვალების საქმეში ფოტოების თემა რამდენიმე ექსპერტიზის შედეგების გამოქვეყნების შემდეგ ამოტივტივდა. როგორც ოჯახის ადვოკატი აცხადებდა, ე.წ. სატელიტური ფოტოები ადასტურებდა, რომ გოგონას ავტომობილი დანაშაულის ადგილზე მოგვიანებით მიიყვანეს. ექსპერტიზამ კი დაადგინა, რომ ფოტოები გაყალბებული იყო და წყაროს ძიება დაიწყო.

ფურცხვანიძის დაკავების დეტალებზე პროკურატურა ინფორმაციას არ ავრცელებს. ცნობილია მხოლოდ, რომ მიხეილ რამიშვილმა იგი ე.წ. სატელიტური ფოტოების წყაროდ დაასახელა. საქართველოს პროკურატურამ რამიშვილის ტელეფონიდან ამოიღო მონაცემები, რომლებიც ადვოკატისთვის ფოტოების გადაცემას ეხებოდა. 

ფოტოების საქმეზე აღძრულია სისხლის სამართლის საქმე  „მტკიცებულებების გაყალბებისა“ და „ კომპიუტერულ სისტემაში უკანონო შეღწევის“ მუხლებით.

23 წლის პროგრამისტის გარდაცვალების საქმეზე ცალკე გამოძიება მიმდინარეობს. პროკურატურაში ამტკიცებდნენ, რომ პარალელური გამოძიება რამიშვილს საადვოკატო პრაქტიკაში ხელს არ შეუშლის.

რამიშვილი და გარდაცვლილის ოჯახი არ ეთანხმებიან გამოძიების ვერსიას შესაძლო სუიციდზე და ცდილობენ დაამტკიცონ, რომ თამარ ბაჩალიაშვილი მოკლულია.

თამარ ბაჩალიაშვილი ხუთი დღის ძებნის შემდეგ თეთრიწყაროს რაიონში, საკუთარ ავტომობილში გარდაცვლილი იპოვეს. ის სახლიდან 18 ივლისს გავიდა და უკან აღარ დაბრუნებულა. ოჯახი გოგონას დაღუპვას მის საქმიანობას უკავშირებს და ძირითადი ვერსიის – თვითმკვლელობის არ სჯერა. მათ მიაჩნიათ, რომ ეს მკვლელობა იყო, რომელიც თამარის სამსახურს უკავშირდება, რადგან მას ხელში გარკვეული კომპრომატი ჩაუვარდა.
სკანდალური ფოტოები, რომელთაც პროკურატურამ ყალბი და დამონტაჟებული უწოდა, ადვოკატმა რანიშვილმა პირველად ტელეკომპანია Formula–ს ეთერში სექტემბრის დასაწყისში გაასაჯაროვა.

6
მცხეთის სასამართლო – შაქარაშვილის მკვლელობის საქმე

შაქარაშვილის მკვლელობის საქმე: გაფორმდება თუ არა საპროცესო შეთანხმება

29
(განახლებულია 14:18 25.09.2020)
იმ შემთხვევაში, თუ დაკავებულები ბრალს აღიარებენ, ბრალდების მხარემ შეიძლება საპროცესო შეთანხმების გაფორმებაზე თანხმობა განაცხადოს

თბილისი, 25 სექტემბერი  — Sputnik.  პროკურორი გიორგი მუკმანიანი არ გამორიცხავს 19 წლის ფეხბურთელის გიორგი შაქარაშვილის განზრახ მკვლელობის საქმეზე ბრალდებულთა ნაწილთან საპროცესო შეთანხმების გაფორმებას. 

რეზონანსულ საქმეზე 17 პირი გადის, მათ შორის ექვსი არასრულწლოვანია. ნაწილს ბრალი ედება ჯგუფურ ძალადობაში, ნაწილს - დამამძიმებელ გარემოებაში განზრახ მკვლელობაში.

პროკურორის თქმით, ბრალდებულებთან საპროცესო შეთანხმება აღიარების სანაცვლოდ  შეიძლება გაფორმდეს.

 „საპროცესო შეთანხმება – მოლაპარაკებების საგანია და მისი აუცილებელი პირობა დანაშაულის აღიარებაა. მოლაპარალებების წარმოების უფლება ბრალდებულს აქვს. შესაბამისად, მათ შეუძლიათ ბრალდების მხარეს მიმართონ და ჩვენ მას განვიხილავთ“, განაცხადა მუკბანიანმა ტელეკომპანია Rustavi 2-ის ეთერში.

19 წლის ფეხბურთელის ცხედარი 22 ივნისს, ოთხდღიანი ძებნის შემდეგ, მდინარე არაგვში იპოვეს. ექსპერტიზამ დაადგინა, რომ ის წყალში დაიხრჩო, თუმცა ცხედარზე უამრავი დაზიანებაა, რომელიც სიცოცხლეშია მიყენებული. გამოძიების ვერსიით, ბრალდებულებმა შაქარაშვილი ჯერ სცემეს, შემდეგ კი მდინარეში გადააგდეს.

ამ შემთხვევას წინ უსწრებდა ჩხუბის ორი ეპიზოდი – ერთი მცხეთაში და მეორე თბილისი–მცხეთის გზაზე.

29
თემები:
19 წლის გიორგი შაქარაშვილის მკვლელობის საქმე