დეზინფექცია სკოლაში

სასწავლო წლის დაწყებამდე სკოლებში მასობრივი შემოწმებები ჩატარდება

176
შრომის ინსპექცია შეამოწმებს, არიან თუ არა სკოლები სათანადოდ მომზადებულები მუშაობისთვის კორონავირუსის პანდემიის პირობებში

თბილისი, 3 სექტემბერი — Sputnik. სასწავლო წლის დაწყებამდე შრომის ინსპექცია შეამოწმებს საჯარო სკოლების მზადყოფნას კორონავირუსის პანდემიის პირობებში მუშაობისთვის.

კორონავირუსი და სკოლა: რა შეზღუდვები ელოდებათ მოსწავლეებს >>

როგორც პირველ არხს ჯანდაცვის სამინისტროს შრომის ინსპექციის დეპარტამენტის უფროსმა ბექა ფერაძემ განუცხადა, სკოლების მასობრივი შემოწმება 4 სექტემბრიდან დაიწყება.

მისი თქმით, ამ დროისათვის 30-ზე მეტი კერძო სკოლა შემოწმდა, აქედან 21-მა ფუნქციონირების უფლება მოიპოვა.

„ვინაიდან პირველ ეტაპზე ნებადართული გახდა კერძო სკოლების ინდივიდუალურად ფუნქციონირების შესაძლებლობა, ამ დროისთვის 30-ზე მეტი კერძო სკოლა შემოწმდა. მათგან 21-ს მივანიჭეთ ფუნქციონირების უფლება“, - განაცხადა ფერაძემ.

რაც შეეხება საჯარო სკოლებს, მათი მასობრივი შემოწმება ხვალიდან დაიწყება, განაცხადა ფერაძემ.

„შემოწმებაში როგორც შრომის ინსპექცია, ასევე შემოსავლების სამსახური, სურსათის ეროვნული სააგენტო და ადგილობრივი მუნიციპალიტეტები არიან ჩართული. 400-მდე ინსპექტორი სკოლებს ერთობლივად შეამოწმებს, რაც საშუალებას მოგვცემს, 15 სექტემბრამდე მაქსიმალურად მოვიცვათ ეს სექტორი და თუ დააკმაყოფილებენ მოთხოვნებს, მივანიჭოთ ფუნქციონირების უფლება“, – განაცხადა ბექა ფერაძემ.

მისი თქმით, მომდევნო ეტაპი იქნება გეგმიური მონიტორინგი, როდესაც წლის განმავლობაში შერჩევის მეთოდით ესა თუ ის სასწავლო დაწესებულება შემოწმდება. ის, ვინც ვერ გაივლის შემოწმებას, შეძლებს დარეგისტრირებას ვებგვერდზე, რათა კვლავ გაიაროს შემოწმება.

საქართველოში სასწავლო პროცესი 15 სექტემბერს დაიწყება. ჯანდაცვის სამინისტრომ სკოლებისთვის შეიმუშავა სპეციალური რეკომენდაციები, რომელთა დაცვით კორონავირუსის პანდემიის პირობებში ბავშვებისთვის უსაფრთხო გარემოს შექმნას შეძლებენ.

 

176
თემები:
COVID-19 საქართველოში (1807)
თბილისი

ამინდის ზუსტი პროგნოზი თბილისში 27 სექტემბერს

6
(განახლებულია 11:31 25.09.2020)
თბილისელებსა და დედაქალაქის სტუმრებს კვირას მზიანი და უნალექო ამინდი ელოდებათ – ჰაერი 28 გრადუსამდე გათბება

თბილისი, 25 სექტემბერი - Sputnik. სინოპტიკოსების პროგნოზით თბილისში  კვირას, 27 სექტემბერს, თბილი და მზიანი ამინდია მოსალოდნელი.

მზე 06:53 საათზე ამოვა და 18:48 საათზე ჩავა.

ჰაერის მინიმალური ტემპერატურა  ღამით პლუს 17 გრადუსი, ხოლო დღისით პლუს 28 გრადუსია ნავარაუდევი.

ქარი წამში 10–15 მეტრი სიჩქარით დაუბერავს.

6
თემები:
ამინდის ზუსტი პროგნოზი თბილისში
პალატა

საქართველოში კორონავირუსით 27-ე პაციენტი გარდაიცვალა

26
(განახლებულია 11:32 25.09.2020)
საქართველოში ახალი კორონავირუსით დაავადებულთა რაოდენობა ბოლო დღე-ღამეში 265-ით გაიზარდა და 4644-ს მიაღწია,

თბილისი, 25 სექტემბერი — Sputnik. საქართველოში კორონავირუსით გარდაცვლილ პაციენტთა რაოდენობა 27-მდე გაიზარდა, შესაბამისი ინფორმაცია გავრცელდა ვებ-გვერდზე stopcov.ge.

გავრცელებული ინფორმაციით, 70 წლის მამაკაცი, რომელიც ბათუმის რესპუბლიკურ საავამყოფოში იყო მოთავსებული, თანმდევი დაავადებები აღენიშნებოდა.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 265-ით გაიზარდა და 4644-ს მიაღწია, გამოჯანმრთელდა 1759 ადამიანი, კარანტინის რეჟიმში იმყოფება 5584, სტაციონარებში ექიმების დაკვირვების ქვეშ კი 836 პაციენტი.

საქართველოში კორონავირუსის პირველი შემთხვევა 26 თებერვალს დაფიქსირდა.

26
თემები:
COVID-19 საქართველოში (1807)