ფოთის პორტი

საქართველოში თურქ სამხედროს კორონავირუსი დაუდგინდა

126
(განახლებულია 19:41 03.09.2020)
თურქეთის მოქალაქე ნატოს წარმომადგენლებთან გამართულ შეხვედრაში მონაწილეობდა, რომელიც ფოთში საქართველოს თავდაცვის უწყების ორგანიზებით გაიმართა.

თბილისი, 3 სექტემბერი — Sputnik. საქართველოს თავდაცვის სამინისტროს მიერ ორგანიზებული ოფიციალური შეხვედრის ერთ-ერთ მონაწილეს კორონავირუსი დაუდასტურდა, იუწყება ტელეკომპანია Rustavi 2.

ტელეკომპანიის ინფორმაციით, იგი თურქეთის მოქალაქეა. თავდაცვის უწყების მიერ ორგანიზებული ღონისძიება რამდენიმე დღის წინ ფოთის პორტში გაიმართა. მასში მონაწილეობდა 13 სამხედრო პირი, რომლებიც საქართველოში, აშშ-სა და თურქეთში ნატოს ძალებს წარმოადგენენ, და პორტის ორი წარმომადგენელი.

ამ დროისთვის ინფიცირებული მკურნალობის კურსს ბათუმის ინფექციურ საავადმყოფოში გადის.

როგორც საზოგადოებრივი ჯანდაცვის ცენტრში აცხადებენ, შეხვედრაში მონაწილე პორტის თანამშრომლებს ტესტირება უკვე ჩაუტარდათ, პასუხები დღის ბოლოს გახდება ცნობილი. ორივე თვითიზოლაციაშია.

პორტის ადმინისტრაციის განმარტებით, შეხვედრა უსაფრთხოების წესების სრული დაცვით გაიმართა და მთელ ტერიტორიას დეზინფექცია ჰქონდა ჩატარებული.

126
თემები:
COVID-19 საქართველოში (2862)
საბაგირო გუდაურში

გუდაური-კობის დამაკავშირებელი საბაგიროები ჩაირთო

47
(განახლებულია 15:34 17.01.2021)
ძლიერმა თოვლმა და ქარმა პრობლემები ყაზბეგის მუნიციპალიტეტშიც შექმნა. სტეფანწმინდაში ათობით მანქანაა გაჩერებული.

თბილისი, 17 იანვარი – Sputnik. გუდაური-კობის დამაკავშირებელი საბაგიროები მხოლოდ მგზავრთა ტრანსპორტირების მიზნით ჩაირთო. ამის შესახებ Gudauri.ski-ს სათხილამურო კურორტის Facebook-გვერდზეა ნათქვამი.

მგზავრებს, რომლებიც უამინდობის გამო კობში არიან ჩარჩენილი, გუდაურში საბაგიროთი გადაიყვანენ.

„მხოლოდ მგზავრთა ტრანსპორტირების მიზნით, გუდაური-კობის დამაკავშირებელი საბაგიროები: გუდაურა, ფირნი, კობი და თრუსო, ჩაირთო და იმუშავებს 17:00 საათამდე“, - ნათქვამია განცხადებაში.

მგზავრობა უფასოა. მგზავრობის საშუალო ხანგრძლივობა - 40 წუთია, აღნიშნულია განცხადებაში.

რთული მეტეოროლოგიური პირობების გამო, კობი-გუდაურის მონაკვეთზე გზის გაწმენდითი სამუშაოების დაწყება ვერ ხერხდება. 

აღნიშნულ მონაკვეთზე ზვავსაშიშროების გამო მოძრაობა 11 იანვრიდან აკრძალულია. გზაზე ტრაილერების 10 კილომეტრიანი რიგი დადგა.

ყაზბეგის მერი: უამინდობის გამო ყაზბეგში ჩარჩენილ ასამდე ადამიანს დახმარება გაეწია >>

 

 

47
გუდაური-კობის მონაკვეთის გაწმენდა

ყაზბეგის მერი: უამინდობის გამო ყაზბეგში ჩარჩენილ ასამდე ადამიანს დახმარება გაეწია

64
(განახლებულია 14:19 17.01.2021)
ზვავსაშიშროებისა და დიდთოვლობის გამო 11 იანვრიდან, ჯვრის უღელტეხილის კობი-გუდაურის მონაკვეთი ჩაკეტილია

თბილისი, 17 იანვარი – Sputnik. საერთაშორისო მნიშვნელობის მცხეთა–სტეფანწმინდა–ლარსის (რუსეთის ფედერაციის საზღვარი) საავტომობილო გზის გუდაური(ფოსტა)–კობის მონაკვეთზე 11 იანვრიდან ზვავსაშიშროების გამო აკრძალულია ყველა სახის ავტოტრანსპორტის მოძრაობა. 

მონაკვეთზე ზვავსაშიშროების გამო სატვირთოების 10-კილომეტრიანი რიგი დადგა.

ამ დროისათვის მძღოლებს სურსათისა და წყლის დეფიციტი არ აქვთ, მაგრამ თუ გაწმენდითი სამუშაოები დროულად არ დასრულდება, უკვე საწვავის ნაკლებობა შეიქმნება.

„სამი დღეა ვდგავარ, მაგრამ ჯერ არაფერია ცნობილი, თოვლია გამოცხადებულია და რა იქნება, არ ვიცით. თოვს უღელტეხილზე და გზა არ არის," - აცხადებს ერთ-ერთი სატვირთო ავტომობილის მძღოლი ტელეარხ „რუსთავი2“-ის ეთერში.

ძლიერმა თოვლმა და ქარმა პრობლემები ყაზბეგის მუნიციპალიტეტშიც შექმნა. სტეფანწმინდაში ათობით მანქანაა გაჩერებული.

ყაზბეგის მერის ალექსანდრე ზაგაშვილის განცხადებით, რთული მეტეოროლოგიური პირობების გამო, კობი-გუდაურის მონაკვეთზე გზის გაწმენდითი სამუშაოების დაწყება ვერ ხერხდება.

„11 იანვრიდან აკრძალულია გადაადგილება ქარისა და ზვავსაშიშროების გამო. ვერ ირთვება, ჯერჯერობით, საბაგირო. სასტუმროებში არიან გადანაწილებული ადამიანები, კიდევ პატარა მანქანებით არიან დამსვენებლები. უამინდობის გამო, ჯერჯერობით, ვერ ხერხდება გაწმენდითი სამუშაოების დაწყება“, - აღნიშნა მერმა.

მისი თქმით, რთული სიტუაციაა უღელტეხილზე, შესაბამისად ძნელი იქნება საუბარი, როდის აღდგება მოძრაობა.

„თუ შეგვიწყობს მეტეოროლოგიური ვითარება ხელს, თავისთავად დაიწყება გზის გაწმენდითი სამუშაოები, ჯერჯერობით ვერ ხერხდება“, – განაცხადა ზაგაშვილმა.

აღნიშნული გზის დანარჩენ მონაკვეთებზე ავტოტრანსპორტის მოძრაობა თავისუფალია.

მცხეთა–სტეფანწმინდა–ლარსის ტრასა დღეისათვის ერთადერთი სახმელეთო გზაა, რომელიც საქართველოსა და სომხეთს რუსეთთან აკავშირებს.

 

64
საპატრულო პოლიცია

პანკისის ხეობაში ახალგაზრდა მამაკაცი მოკლეს

0
ადგილობრივების ცნობით, მოკლული მამაკაციც და მისი სავარაუდო მკვლელიც მეზობლები იყვნენ. მკვლელობას წინ თანასოფლელებს შორის ურთიერთშელაპარაკება უძღოდა

თბილისი, 17 იანვარი – Sputnik. ახმეტის მუნიციპალიტეტის სოფელ დუისში მამაკაცმა თანასოფლელი მოკლა. იუწყება პირველი არხი.

მკვლელობა პანკისის ხეობაში დღეს მოდა. მოკლული 40 წლამდე მამაკაცაია.

მკვლელობას წინ მამაკაცებს შორის ურთიერთშელაპარაკება უძღოდა. სავარაუდო დამნაშავის დაკავების შესახებ ინფორმაცია არ ვრცელდება.

გავრცელებული ინფორმაციით, მოკლული და სავარაუდო დამნაშავე მეზობლები და ახლობლები იყვნენ. ადგილობრივები მათ შორის რაიმე უთანხმოებას ვერ იხსენებენ.

შინაგან საქმეთა სამინისტრომ მომხდართან დაკავშირებით გამოძიება სისხლის სამართლის კოდექსის 108-ე მუხლით დაიწყო, რაც განზრახ მკვლელობას გულისხმობს და ისჯება თავისუფლების აღკვეთით ვადით 7-დან 15 წლამდე.

შემთხვევის ადგილზე მობილიზებული არიან სამართალდამცველები, ტარდება საგამოძიებო ღონისძიებები.

0