საქართველოში თურქ სამხედროს კორონავირუსი დაუდგინდა

© photo: Sputnik / Stringerფოთის პორტი
ფოთის პორტი - Sputnik საქართველო
გამოწერა
თურქეთის მოქალაქე ნატოს წარმომადგენლებთან გამართულ შეხვედრაში მონაწილეობდა, რომელიც ფოთში საქართველოს თავდაცვის უწყების ორგანიზებით გაიმართა.

თბილისი, 3 სექტემბერი — Sputnik. საქართველოს თავდაცვის სამინისტროს მიერ ორგანიზებული ოფიციალური შეხვედრის ერთ-ერთ მონაწილეს კორონავირუსი დაუდასტურდა, იუწყება ტელეკომპანია Rustavi 2.

დისტანციურად მუშაობა კორონავირუსის დროს - Sputnik საქართველო
The Daily Beast: „დაგღალათ ამერიკამ? საქართველო მიგიღებთ"

ტელეკომპანიის ინფორმაციით, იგი თურქეთის მოქალაქეა. თავდაცვის უწყების მიერ ორგანიზებული ღონისძიება რამდენიმე დღის წინ ფოთის პორტში გაიმართა. მასში მონაწილეობდა 13 სამხედრო პირი, რომლებიც საქართველოში, აშშ-სა და თურქეთში ნატოს ძალებს წარმოადგენენ, და პორტის ორი წარმომადგენელი.

ამ დროისთვის ინფიცირებული მკურნალობის კურსს ბათუმის ინფექციურ საავადმყოფოში გადის.

როგორც საზოგადოებრივი ჯანდაცვის ცენტრში აცხადებენ, შეხვედრაში მონაწილე პორტის თანამშრომლებს ტესტირება უკვე ჩაუტარდათ, პასუხები დღის ბოლოს გახდება ცნობილი. ორივე თვითიზოლაციაშია.

პორტის ადმინისტრაციის განმარტებით, შეხვედრა უსაფრთხოების წესების სრული დაცვით გაიმართა და მთელ ტერიტორიას დეზინფექცია ჰქონდა ჩატარებული.

ყველა ახალი ამბავი
0