ეკატერინე ტიკარაძე

რა სანქციები იმოქმედებს სკოლების წინააღმდეგ: ჯანდაცვის უწყების განმარტება

131
(განახლებულია 18:37 03.09.2020)
ჯანდაცვის მინისტრის განცხადებით, ძალზე მნიშვნელოვანია, რომ თითოეულმა საკუთარ თავზე აიღოს პასუხისმგებლობა და გაითვალისწინოს ყველა რეკომენდაცია.

თბილისი, 3 სექტემბერი — Sputnik. სახელმწიფო დაინტერესებული არ არის სკოლების, მასწავლებლების ან მშობლების წინააღმდეგ საჯარიმო სანქციების გამოყენებით, თუმცა, გარკვეული გადაცდომების შემთხვევაში, მყისიერი რეაგირება მოხდება, განაცხადა საქართველოს ჯანდაცვის მინისტრმა ეკატერინე ტიკარაძემ დღეს გამართულ ბრიფინგზე.

როგორც მინისტრმა აღნიშნა, ძალზე მნიშვნელოვანია, რომ თითოეულმა საკუთარ თავზე აიღოს პასუხისმგებლობა და გაითვალისწინოს ყველა რეკომენდაცია. მხოლოდ ამ შემთხვევაში შეძლებენ მოსწავლეები უსაფრთხო გარემოში სწავლას.

„ძალზე მნიშვნელოვანია, პირველ რიგში, ჩვენ ავიმაღლოთ საკუთარი პასუხისმგებლობა და ვისწავლოთ კორონავირუსთან ერთად ცხოვრება. მოცემულ ეტაპზე ყოველივე ეს სარეკომენდაციო ხასიათისაა, ვინაიდან ჩვენი მიზანი არ არის საჯარიმო სანქციების განხორციელება სკოლებზე, მასწავლებლებზე, მოსწავლეებსა და მშობლებზე. მაგრამ თუ გამოიკვეთა გარკვეული გადაცდომები, რა თქმა უნდა, ჩვენ გვექნება მყისიერი რეაგირება და ყველაფერს გავაკეთებთ იმისთვის, რომ ჩვენმა ბავშვებმა უსაფრთხო გარემოში ისწავლონ", – განაცხადა ტიკარაძემ.

მინისტრმა არ გამორიცხა, რომ საჭიროების შემთხვევაში შეიძლება სკოლა დაიხუროს ან გადაიხედოს სანიტარული ნორმები და მათი შესრულება, ასევე მათ გადაეცემათ დამატებითი რეკომენდაციები, პერსონალისთვის ჩატარდება დამატებითი ტრენინგები და მხოლოდ შემდეგ მიეცემა სკოლას სასწავლო პროცესის გაგრძელების უფლება.

საქართველოს საჯარო სკოლებში სასწავლო პროცესი 15 სექტემბერს იწყება.

131
თემები:
COVID-19 საქართველოში (1830)
ნანიკო ხაზარაძე

„კარგად მაჭმევენ, წყნარად იყავი...“ - ნანიკო ხაზარაძის მამა პანსიონატიდან დედას მიმართავს

13
(განახლებულია 11:09 28.09.2020)
ყველასთვის საყვარელმა ტელეწამყვანმა ცოტა ხნის წინ სოციალურ ქსელში ქართული რეალობისთვის უჩვეულო განცხადება გაავრცელა

თბილისი, 28 სექტემბერი — Sputnik. ტელეწამყვანი ნანიკო ხაზარაძე მამის ვიდეოს აქვეყნებს, სადაც მისი მამა, ცნობილი პროფესორი დავით ხაზარაძე, რომელსაც ალცჰაიმერის დაავადება აქვს, პანსიონატიდან დედას მიმართავს.

ცნობილი ექიმი ვიდეოში დედას ეუბნება, რომ დაწესებულებაში კარგად კვებავენ და სანერვიულო არაფერი აქვს, ბაღში ვარჯიშობს კიდეც.

ტე­ლე­წამ­ყვან­მა ნა­ნი­კო ხა­ზა­რა­ძემ მამა, ცნობილი ექიმი და ლექტორი პან­სი­ო­ნატ­ში წა­იყ­ვა­ნა. ნა­ნი­კო ამის შე­სა­ხებ „ფე­ის­ბუქ­ის“ პირად გვერდზე წერდა და საზოგადოებას სთხოვდა, ამისთვის არ გაეკიცხათ.

ნა­ნი­კო აღ­ნიშ­ნავად, რომ მის მა­მას ალ­ცჰა­ი­მე­რის და­ა­ვა­დე­ბა აქვს და ოჯახმა გადაწყვიტა, რომ ის თავს უკეთ იგრძნობდა პანსიონატში, რადგან ამ მდგომარეობაში მისი თუნ­დაც მომ­ვლელ­თან ერ­თად სახ­ლში მარ­ტო და­ტო­ვე­ბა რის­კია.

სოციალური ქსელის მომხმარებლებისგან ტელეწამყვანმა მხოლოდ დადებითი გამოხმაურება მიიღო. საზოგადოების ნაწილმა საკუთარი გამოცდილებაც კი გაუზიარა ამ მძიმე სენთან ბრძოლაში და ნანიკოს გადაწყვეტილება შეუქო.

ნანიკო ხაზარაძე წლებია მედიასივრცის შეუცვლელი მუშაკია. კარიერა იმ პერიოდში დაიწყო, როდესაც საქართველოში მასმედია განვითარების პირველ საფეხურებს გადიოდა. პოპულარული ტელეწამყვანი ბევრი ადამიანის საყვარელ ტელესახედ იქცა. ცოტა ხნის წინ ტელეწამყვანმა ახალი საავტორო გადაცემა „საიმედო რეკომენდაციები“ დაიწყო. ტელესახე მხოლოდ საინტერესო რჩევებით არ შემოიფარგლება და მაყურებელს სხვადასხვა საყოფაცხოვრებო საკითხზე საკუთარ გამოცდილებას პირდაპირ ეთერში უზიარებს.

13
თემები:
სელებრითების ცხოვრება
ლევან გოგიჩაიშვილი

ლევან გოგიჩაიშვილი კორონავირუსისგან განიკურნა

19
(განახლებულია 11:53 28.09.2020)
ლევან გოგიჩაიშვილმაც და მისმა მეუღლე ვიკა ბუკიამაც მკურნალობის კურსის შემდეგ ჩაიტარეს ტესტი და პასუხი უარყოფითია

თბილისი, 28 სექტემბერი – Sputnik. საქართველოს პარლამენტის დეპუტატი ლევან გოგიჩაიშვილი და მისი მეუღლე, ტელეარხ „ტვ პირველის“ ჟურნალისტი ვიკა ბუკია კორონავირუსისგან განიკურნენ. ამის შესახებ ბუკიამ თავის Facebook–გვერდზე დაწერა.

„უარყოფითიო, ხალხნო, უარყოფითია ორივე! მორჩა კორონა:) დავამარცხეთ!“ – წერს ბუკია.

უფრო ადრე გოგიჩაიშვილმა აღნიშნა, რომ დაავადება მასაც და მის მეუღლესაც მსუბუქ ფორმაში აქვთ. უფრო მეტიც, როდესაც დეპუტატის მეუღლეს აღმოაჩნდა ვირუსი, მას სიმპტომები საერთოდ არ ჰქონდა.

გოგიჩაიშვილს კორონავირუსი 9 სექტემბერს დაუდგინდა. ამის შემდეგ პარტიას „ჩვენი საქართველო – სოლიდარობის ალიანსი“, რომლის პოლიტიკური მდივანიც ის არის, წინასაარჩევნო კამპანიაში პაუზის აღება მოუწია.

დეპუტატების შემდეგ აპარატის თანამშრომელი: პარლამენტში ინფიცირების შემთხვევა დაფიქსირდა>>

ამასთან, უმაღლეს საკანონმდებლო ორგანოში ყველა პირი, რომელთანაც გოგიჩაიშვილს ჰქონდა კონტაქტი 5 სექტემბერის შემდეგ, თვითიზოლაციაში გადაიყვანეს და ყველას ჩაუტარეს ტესტი კორონავირუსზე.

კორონავირუსზე მკურნალობას განაგრძობს პარლამენტის კიდევ ერთი დეპუტატი გედევან ფოფხაძე.

19
თემები:
COVID-19 საქართველოში (1830)