საქართველოში 7 ათასზე მეტი ტესტის პასუხს ელოდებიან

საქართველოში 7 ათასზე მეტი ტესტის პასუხს ელოდებიან

82
(განახლებულია 08:43 04.09.2020)
პრემიერმა გახარიამ მოსახლეობას მაქსიმალური სიფრთხილისკენ და ეპიდემიოლოგების რეკომენდაციების გათვალისწინებისკენ კიდევ ერთხელ მოუწოდა.

თბილისი, 3 სექტემბერი — Sputnik. გუშინ ქვეყანაში 7186 ტესტი გაკეთდა, რომელთა პასუხებიც დღის მეორე ნახევარში იქნება ცნობილი, რაც ქვეყანაში ეპიდემიოლოგიურ სურათს უკეთ დაგვანახებს, განაცხადა მთავრობის სხდომის წინ პრემიერ-მინისტრმა გიორგი ახარიამ.

მთავრობის მეთაურის თქმით, გლობალური პანდემია – ეს არის გამოწვევა, რომელთან ერთადაც მინიმუმ ერთი წელი, წელიწად-ნახევარი მოგვიწევს ცხოვრება და თითოეულს უნდა ესმოდეს, რომ დღეისათვის ძირითადი ამოცანა რისკების სწორად მართვაა.

„ცალკე აღებული ვერც ერთი ქვეყანა, მათ შორის საქართველო, გლობალურ პანდემიას ვერ დაამარცხებს, იმიტომ რომ ეს არის გლობალური გამოწვევა და რისკი. აქედან გამომდინარე, ჩვენ ყველაფერი უნდა გავაკეთოთ, რათა დავიცვათ ჩვენი მოქალაქეების ჯანმრთელობა და, რა თქმა უნდა, დავიცვათ ჩვენი ეკონომიკა", – განაცხადა პრემიერმა.

როგორც გახარიამ აღნიშნა, გასულ დღე-ღამეში ქვეყანაში კორონავირუსის 20 ახალი შემთხვევა დაფიქსირდა, რაც განსაკუთრებულ ყურადღებას მოითხოვს.

მისი განმარტებით, საქართველოს გარკვეული წარმატებები აქვს პანდემიისა და მასთან დაკავშირებული რისკების, მათ შორის, ეკონომიკურის მართვის კუთხით, რაც მსოფლიო საზოგადოების მიერ არის აღიარებული.

„როგორც იცით, ბოლო ორი კვირის განმავლობაში ორმა საერთაშორისო სარეიტინგო ორგანიზაციამ საქართველოს შეუნარჩუნა რეიტინგი, საინვესტიციო რეიტინგი, რაც, რა თქმა უნდა, მიღწევაა. ჩვენ სადაც არ უნდა ვიყოთ – თბილისში, ბათუმში, თელავში თუ სხვაგან, ძალზე ყურადღებით უნდა მოვეკიდოთ ეპიდემიოლოგების მოთხოვნებს და უნდა დავიცვათ სოციალური დისტანცია, ვატაროთ პირბადეები, არა ფორმალურად, არამედ როგორც ამას ექიმები და ეპიდემიოლოგები რეკომენდაციას უწევენ", – განაცხადა გახარიამ.

მან მოსახლეობას მაქსიმალური სიფრთხილისკენ და ეპიდემიოლოგების რეკომენდაციების გათვალისწინებისკენ კიდევ ერთხელ მოუწოდა.

ამ დროისთვის საქართველოში ინფიცირებულთა საერთო რაოდენობა 1568-ს შეადგენს. გამოჯანმრთელდა 1279, გარდაიცვალა 19 ადამიანი.

ქვეყანაში კორონავირუსით ინფიცირების პირველი შემთხვევა 26 თებერვალს დაფიქსირდა.

82
თემები:
საქართველოს მთავრობა (88)
პალატა ბათუმის კლინიკაში

ბათუმში კორონავირუსით 31 წლის ქალი გარდაიცვალა

119
პაციენტის მდგომარეობა კლინიკა „მედინაში“ გადაყვანის შემდეგ დამძიმდა. მას სუნთქვის უკმარისობა და ფილტვების დაზიანება დაუდგინდა.

თბილისი, 3 დეკემბერი - Sputnik. ბათუმში, კლინიკა „მედინაში“ კორონავირუსით 31 წლის ქალი გარდაიცვალა. იუწყება პირველი არხი.

არსებული ინფორმაციით, ინფიცირებულ ქალს 25 ნოემბერს საკეისრო კვეთა ბათუმის სამშობიარო სახლში გაუკეთდა, ორი დღის შემდეგ კი გართულებებით კლინიკა „მედინაში“ გადაიყვანეს.

„მედინას“ ექიმის, ჯუმბერ უნგიაძის თქმით, კორონავირუსით ინფიცირებული ორსული პაციენტის მდგომარეობა დამძიმდა, რაც ნაყოფის მდგომარეობაზე მოქმედებდა, რის შემდეგაც მას საკეისრო კვეთა ჩაუტარდა. ექიმის განცხადებით, პაციენტს კლინიკაში მოთავსებისას ფილტვების მძიმე დაზიანება დაუდგინდა.

„მრავალი ადამიანი გვყავს გადარჩენილი, თუმცა დღეს ვერ შევძელით პაციენტის გადარჩენა. მიუხედავად ადეკვატური მკურნალობისა, მისი მდგომარეობა უარესდებოდა, კერძოდ, კლინიკური ცვლილებები ჰქონდა. პაციენტს ასევე აღენიშნებოდა სუნთქვის უკმარისობა. მას კვლევის შედეგად პნევმონია და ფილტვის 23 პროცენტიანი დაზიანება დაუდგინდა. 1-2 დეკემბერს მდგომარეობა შედარებით გაუმჯობესდა, თუმცა გუშინ საღამოს თრომბოემბოლია მოხდა, რამაც გულის გაჩერება გამოიწვია“, - განაცხადა ჯუმბერ უნგიაძემ.

ექიმის ინფორმაციით, ახალშობილი ჯანმრთელია და კლინიკიდან სახლში გაეწერა.

საქართველოში ბოლო დღე-ღამეში ახალი კორონავირუსით კიდევ 45 ადამიანი გარდაიცვალა და გარდაცვლილთა საერთო რაოდენობამ 1.387-ს მიაღწია.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 4.260-ით გაიზარდა და ინფიცირებულთა საერთო რიცხვმა 147.636-ს მიაღწია. მათ შორის ბოლო 24 საათში აჭარის რეგიონში 525 შემთხვევა გამოვლინდა.

საქართველოში კორონავირუსის პირველი შემთხვევა 26 თებერვალს დაფიქსირდა.

119
თემები:
COVID-19 საქართველოში
კლინიკა

რამდენი უჯდება სახელმწიფოს ერთი კოვიდ–პაციენტის მკურნალობა: ჯანდაცვის უწყების განმარტება

135
(განახლებულია 19:47 03.12.2020)
თამარ გაბუნიას განცხადებით, სიმპტომებიანი პაციენტებისთვის ანტიგენზე დამყარებული სწრაფი ტესტებით გაფართოებული კვლევის მიზანი ინფიცირებულთა დროულად გამოვლენაა.

თბილისი, 3 დეკემბერი – Sputnik. საქართველოს მთავრობას კლინიკაში ერთი კოვიდ–პაციენტის მკურნალობა საშუალოდ 2 ათასი ლარი უჯდება, განაცხადა საქართველოს ჯანდაცვის მინისტრის მოადგილემ თამარ გაბუნიამ.

ამასთან, მისი თქმით, კოვიდ-ინფიცირებულის მკურნალობის ხარჯები შეიძლება 500 ლარიდან 10 ათას ლარამდე მერყეობდეს – ყოველივე დაავადების სიმძიმეზეა დამოკიდებული. 

„საშუალოდ, შეფასებისთვის ჩვენ ვიყენებთ 2000-ლარიან ნიშნულს ჰოსპიტალური შემთხვევის მართვისთვის. ეს, რა თქმა უნდა, არ ითვალისწინებს იმ ხარჯებს, რომელიც ხმარდება, მაგალითად, ჟანგბადით უზრუნველყოფას, სუნთქვის აპარატების მობილიზებას და პერსონალის ტრენინგს. სისტემის მომზადების საინვესტიციო ხარჯები ცალკე თემაა“, – განაცხადა თამარ გაბუნიამ.

მინისტრის მოადგილის თქმით, საქართველოში კორონავირუსზე ტესტირების პროცესში დაახლოებით 300 დაწესებულებაა ჩართული. ინტენსიური ტესტირება, რომელიც ქვეყანაში დაიწყო და დღეში 20 ათასამდე ტესტის ჩატარებას ითვალისწინებს, ხელს შეუწყობს ვირუსის გავრცელების შემცირებას, დასძინა გაბუნიამ.

როგორც მან აღნიშნა, ანტიგენზე დაფუძნებული სწრაფი ტესტების ხარისხი საკმაოდ მაღალია, „ტესტის ხარისხი და სანდოობა ძალზე დიდია. ვფიქრობ, რომ ეს მნიშვნელოვნად შეამცირებს რიგებს და მოსახლეობას და ექიმებს მკურნალობის სწრაფად დაწყების შესაძლებლობას მისცემს“, – განაცხადა გაბუნიამ.

135
თემები:
COVID-19 საქართველოში
ყვავილები ზღვის სანაპიროზე

2021 წლის ჰოროსკოპი: მორიელი ფინანსები, სიყვარული, ჯანმრთელობა

0
(განახლებულია 11:09 03.12.2020)
როგორი იქნება 2021 წელი მორიელებისთვის, რას მოუტანს ის ამ ნიშნით დაბადებულ ქალებსა და მამაკაცებს ცხოვრების სხვადასხვა სფეროში – გაეცანით ჩვენს ჰოროსკოპს

მორიელები ის ადამიანები არიან, რომლებიც რთული სიტუაციიდან გამოსავალს ყოველთვის იპოვიან. 2021 წელს ასეთი რთული ვითარება შეიძლება ბევრი იყოს, რაც ნიშნავს, რომ დგება დრო, როცა მორიელებმა მათთვის დამახასიათებელი მთელი სიფრთხილე და მძლავრი ინტუიცია უნდა აამუშაონ.

2021 წელი ძალზე დინამიკური იქნება. დგება ხანა, როდესაც უკვალოდ არაფერი ჩაივლის, ამიტომ მნიშვნელოვანია, გახსოვდეთ თითოეული თქვენი საქციელის შედეგები.

მორიელებმა ყურადღება უნდა მიაქციოთ მნიშვნელოვან ასტროლოგიურ მოვლენებს, როგორიცაა დაბნელებები და რეტროგრადული პლანეტები. ამ მოვლენებმა თქვენი ცხოვრება, შესაძლოა, ძალიან შეცვალოს.

მამაკაცი მორიელი

წლის დასაწყისი მამაკაცი მორიელებისთვის ძალზე იღბლიანი აღმოჩნდება, შეძლებთ ყურადღების გამახვილებას მნიშვნელოვანი პრობლემების გადაჭრაზე ცხოვრების ყველა სფეროში. ენერგეტიკული ე.წ. უძრაობის დრო გაზაფხულის მიწურულს დადგება. იმ დროისთვის, სჯობს, ყველა მნიშვნელოვანი საქმე დაასრულოთ, რადგან ზაფხულის დადგომისას საამისოდ, შესაძლოა, ძალები აღარ გეყოთ.

ფინანსები და სამუშაო: ამ სფეროში წარმატებები გელოდებათ. მთავარია, ფინანსები სწორად გადაანაწილოთ – გადადოთ გარკვეული თანხა დანაზოგის სახით სამომავლოდ და უაზრო და უსარგებლო ნივთების შეძენაში ფული არ დახარჯოთ. ყველაზე ძვირადღირებული ნივთების ყიდვა წლის დასასრულისთვის გადადეთ.

სიყვარული და ურთიერთობები: სიყვარულის სფეროში მამაკაცი მორიელებისთვის ყველაფერი სტაბილურად იქნება. თამამად შეგიძლიათ ახალი ურთიერთობების დაწყება ან ძველის განახლება. 2021 ის დროა, როცა პრობლემების გარეშე შეიძლება ნებისმიერ ადამიანთან საერთო ენის გამონახვა.

განწყობა და ჯანმრთელობა: უმეტეს ვითარებაში მშვიდ და პოზიტიურ განწყობას შეინარჩუნებთ. სჯობს, არ დაიძაბოთ. თუ რამე საქმის მიტოვების სურვილი გაგიჩნდებათ, კარგად დაფიქრდით, რომ შეცდომა არ დაუშვათ.

კრიმინალური ტალანტი ზოდიაქოს ნიშნის მიხედვით>>

ქალი მორიელი

ქალ მორიელებს ძალზე პოზიტიური წელი გელოდებათ. ვარსკვლავები დაგეხმარებიან ყველაფერში, რომ საუკეთესო შედეგებს მიაღწიოთ. იქნებით შთაგონებით სავსე, გექნებათ მოტივაცია და იღბალი არ მიგატოვებთ. ერთადერთი, რაც აუცილებელია, ეს საქმეების წინასწარ დაგეგმვაა.

ფინანსები და სამუშაო: ქალ მორიელებს დიდი წარმატება გელოდებათ შემოქმედებით საქმიანობაში – დიზაინში, მუსიკასა და კინოში. ასტროლოგები გირჩევენ, თანხა ეკონომიურად ხარჯოთ. თუ რამე მნიშვნელოვანი და ძვირფასი ნივთის შეძენა გახდება საჭირო, ინტუიციასა და იღბალს მიენდეთ.

სიყვარული და ურთიერთობები: ვარსკვლავები ბევრად მომხიბლავსა და მიმზიდველს გაგხდიან. მეორე ნახევრის პოვნა თქვენთვის სირთულე არ იქნება, განსაკუთრებით წლის დასაწყისში. ზაფხული და შემოდგომის დასაწყისი იდეალური პერიოდია დროის ოჯახთან გასატარებლად. ძალზე იღბლიანი იქნება ერთობლივი მოგზაურობა, მოახერხებთ არსებული ურთიერთობების გამტკიცებას.

ზოდიაქოს ნიშნების ვენდეტა>>

განწყობა და ჯანმრთელობა: მორიელმა ქალებმა 2021 წელს მეტი დრო უნდა დაუთმოთ დასვენებას, უნდა მოერიდოთ გადაღლას. ბევრს თუ იმუშავებთ და ცოტას დაისვენებთ, უბრალოდ, „გადაიწვებით“. დაღლილობამ ცხოვრებაში „შავი პერიოდის“ დაწყებაც კი შეიძლება გამოიწვიოს.

გაეცანით ასევე 2021 წლის ჰოროსკოპს ვერძების, კუროების, ტყუპების, კირჩხიბების, ლომების, ქალწულების, სასწორებისთვის.

0