ბათუმში ავტობუსის მოსაცდელებს სპეციალური ხსნარით ამუშავებენ

© Sputnik / Alexander Imedashviliბათუმში ავტობუსის მოსაცდელებს სპეციალური ხსნარით ამუშავებენ
ბათუმში ავტობუსის მოსაცდელებს სპეციალური ხსნარით ამუშავებენ  - Sputnik საქართველო
გამოწერა
გარდა ამისა, ეტაპობრივად განხორციელდება 850-მდე მრავალბინიანი სახლის სადარბაზოებისა და ლიფტების სპეციალური ხსნარებით დამუშავება.

თბილისი, 3 სექტემბერი — Sputnik. კორონავირუსის გავრცელების პრევენციისა და მოქალაქეთა უსაფრთხოების მიზნით ბათუმში მუნიციპალური ავტობუსების 150-მდე მოსაცდელის სპეციალური ხსნარებით დამუშავება დაიწყო, იუწყება ბათუმის მერიის პრეს-სამსახური.

პარალელურად ხორციელდება მუნიციპალური ავტობუსებისა და მიკროავტობუსების დეზინფექცია. დილიდან სადეზინფექციო საშუალებებით დამუშავდა ბულვარის სრული ტერიტორია, ველობილიკები და სკამები.

ეკატერინე ტიკარაძე - Sputnik საქართველო
ბათუმიდან დაბრუნებულ მოქალაქეებს თვითიზოლაციისკენ მოუწოდებენ

ეტაპობრივად განხორციელდება 850-მდე მრავალბინიანი სახლის სადარბაზოებისა და ლიფტების სპეციალური ხსნარებით დამუშავება. ასევე დასუფთავების სამსახურის მიერ დეზინფექცია ჩაუტარდება სკვერებს, პარკებს, საბავშვო ატრაქციონებსა და სპორტულ მოედნებს.

გუშინ ცნობილი გახდა, რომ ე.წ. ყვითელი ავტობუსის მძღოლს, რომელიც ხელვაჩაური-ბათუმის მეშვიდე ხაზზე მუშაობს, კორონავირუსი დაუდგინდა. აჭარის მთავრობის მეთაურმა თორნიკე რიჟვაძემ მოქალაქეებს, ვინც აღნიშნული მარშრუტით ბოლო დღეებში სარგებლობდა, ტესტირების ჩატარებისკენ მოუწოდა.

აჭარის ჯანდაცვის სამინისტროში განაცხადეს, რომ მძღოლებს PCR–ტესტი ორ კვირაში ერთხელ უტარდებათ.

გუშინ საქართველოში კორონავირუსის რეკორდული მაჩვენებელი დაფიქსირდა – 38 შემთხვევა, აქედან 26 აჭარაში. ბოლოს შემთხვევების ასეთი მაღალი რაოდენობა 17 აპრილს დაფიქსირდა – 34 შემთხვევა.

ამ დროისთვის საქართველოში ინფიცირებულთა საერთო რაოდენობა 1568-ს შეადგენს. გამოჯანმრთელდა 1279, გარდაიცვალა 19 ადამიანი.

ქვეყანაში კორონავირუსით ინფიცირების პირველი შემთხვევა 26 თებერვალს დაფიქსირდა.

ყველა ახალი ამბავი
0