Праздничное оформление - Sputnik საქართველო
ყვითელი ამბები
სელებრითების ცხოვრება საზოგადოების საყვარელი თემაა. ქართველი და უცხოელი ცნობადი სახეების ცხოვრება, სასიყვარულო ისტორიები, ჩაცმის სტილი მუდმივი განხილვის საგანია. სელებრითების შესახებ ახალ ამბებს გაეცანით Sputnik საქართველოს ვებგვერდზე

ლიზა ყენიას ხელი სთხოვეს – ნახეთ მომღერლის პასუხი – ფოტო

© Photo: Liza Kenia / FBლიზა ყენია
ლიზა ყენია - Sputnik საქართველო
გამოწერა
თანამედროვე და ხშირად გამომწვევი შემსრულებელი მოდური ჩაცმულობითა და იმიჯით გამოირჩევა. თანატოლებში ლიზა ყენია დიდი პოპულარობით სარგებლობს.

ცნობილი მომღერლის მაია ჯაბუას ქალიშვილი უკვე ქართული ბომონდის განუყოფელ ნაწილად იქცა და, შესაბამისად, ყურადღებაც არ აკლია. ნიჭითა და ვოკალით გამორჩეულ ლიზას პოპულარობისთვის დიდი ძალისხმევა არ დასჭირვებია. მისი უმთავრესი მიზანი „მაია ჯაბუას ქალიშვილის“ სახელის ჩანაცვლება და საკუთარი თავის დამკვირდება გახდა. ცხადია, ახალგაზრდა მომღერალს ეს გამოუვიდა. ახლა ლიზას ელიზაბეთ ფრისკის ფსევდონიმითაც იხსენიებენ.

View this post on Instagram

A post shared by Elizabeth Frisky (@elizabethfrisky8) on

არასტანდარტული გარეგნობით გამორჩეული ლიზა ყენია თანატოლებში საკმაოდ პოპულარულია. მისი ჩაცმულობა, ტატუები და ფოტოსესიები ყოველთვის ტრენდულია და გოგონას ბევრი მიმდევარი ჰყავს. მომღერალი სითამამით გამოირჩევა, საოცარი გარდასახვებითა და იმიჯის შეცვლით არტისტი უფრო და უფრო მეტ ყურადღებას იქცევს.

View this post on Instagram

Wild 🌿

A post shared by Elizabeth Frisky (@elizabethfrisky8) on

აღსანიშნავია, რომ ლიზას თაყვანისმცემლების არმია ჰყავს. „ინსტაგრამზე“ თანატოლები ლიზას ხშირად ეკითხებიან რჩევას. ცოტა ხნის წინ „სთორიში“ ლიზას ჰკითხეს, როგორი უნდა იყოს ბიჭი, რომელიც შეიძლება შეუყვარდეს. მომღერალმა გაამხილა, რომ პირველ რიგში ის მისი ყველაზე დიდი თაყვანისმცემელი უნდა იყოს. ამჯერად კი ლიზას ხელი სთხოვეს. „დაკავებული ვარ“ – ასე უპასუხა მომღერალმა. უცნობია ეს პასუხი შეესაბამება თუ არა სიმართლეს, რადგან ცოტა ხნის წინ ლიზამ განაცხადა, რომ თავისუფალია.

რამდენიმე ხნის წინ მან ურთიერთობა თბილისელ უსიმპათიურეს ბიჭთან დაიწყო. მის პირად ურთიერთობებს ლიზას თაყვანისმცემლები აქტიურად განიხილავდნენ. მომღერლის გრაფიკისა და სკანდალების გამო ისინი ერთმანეთთან დიდხანს არ დარჩნენ. მასთან დაშორებამდე ლიზამ რამდენიმე ტატუ გაიკეთა.

ყველა ახალი ამბავი
0