Polish Airlines (LOT)

LOT Polish Airlines სექტემბერში თბილისის მიმართულებით ორ რეისს შეასრულებს

150
(განახლებულია 15:34 03.09.2020)
სექტემბერში საქართველოდან/საქართველოში 24 რეგულარული სამგზავრო და 40-მდე ჩარტერული სამგზავრო რეისი შესრულდება.

თბილისი, 3 სექტემბერი — Sputnik. პოლონური ავიაკომპანია LOT Polish Airlines თბილისი-ვარშავის მიმართულებით ჩარტერულ რეისებს 12 და 26 სექტემბერს შეასრულებს, ნათქვამია სამოქალაქო ავიაციის სააგენტოს Facebook-გვერდზე.

ფრენები შესრულდება შემდეგი განრიგით: 12 სექტემბერი – თბილისი–ვარშავა (გაფრენა 04:25, ჩაფრენა 06:10), 26 სექტემბერი – თბილისი–ვარშავა (გაფრენა 04:25, ჩაფრენა 06:10).

ნებართვა აღნიშნული ფრენების შესრულებაზე სამოქალაქო ავიაციის სააგენტოს მიერ უკვე გაიცა.

„აქვე გაცნობებთ, რომ, ამ ეტაპზე არსებული მონაცემებით, მიმდინარე წლის სექტემბერში საქართველოდან/საქართველოში 24 რეგულარული სამგზავრო და 40-მდე ჩარტერული სამგზავრო რეისი შესრულდება. მიუნხენი-თბილისი-მიუნხენის მიმართულებით კვირაში ორჯერ რეგულარულ რეისებს ავიაკომპანია Lufthansa შეასრულებს, პარიზი-თბილისი-პარიზის მიმართულებით კი რეგულარულ ფრენებს კვირაში ორჯერ – ავიაკომპანია AirFrance. ევროპის სხვადასხვა ქალაქების მიმართულებით კომერციული ჩარტერული რეისების შესრულებას Georgian Airways გააგრძელებს. ავიაკომპანია ფრენებს ამსტერდამის, ვენის, პარიზის და ბერლინის მიმართულებით შეასრულებს", – ნათქვამია განცხადებაში.

სამოქალაქო ავიაციის სააგენტომ ასევე დააკმაყოფილა სხვადასხვა უცხოური ავიაკომპანიის განაცხადი ცალკეული კომერციული ჩარტერული რეისების შესრულებაზე, რომლებიც საქართველოდან პირდაპირი თუ ტრანზიტული მიმართულებით მგზავრების გაყვანაზეა ორიენტირებული. ჩარტერული ფრენები ამ ეტაპზე დანიშნულია სტამბულის, დოჰას, ათენის, ვარშავის, კიევის და მინსკის მიმართულებებით.

„მგზავრობის დაგეგმვის დროს გირჩევთ ყურადღებით გადაამოწმოთ ამა თუ იმ სოციალური გვერდის/ჯგუფის მიერ დაანონსებული ფრენის შესახებ ინფორმაცია და იხელმძღვანელოთ მხოლოდ ოფიციალურ წყაროებზე, მათ შორის, სამოქალაქო ავიაციის სააგენტოს ვებ-გვერდზე და სოციალურ გვერდზე განთავსებული განრიგებით", – ნათქვამია განცხადებაში.

დადასტურებული რეგულარული და ჩარტერული რეისების განახლებადი ფრენის განრიგი ხელმისაწვდომია ბმულზე: http://www.gcaa.ge/geo/tbilisiout.php.

150
თემები:
ავიამიმოსვლა საქართველოში (190)
მონაცემების დამუშავება

ფიშინგი google-ის საძიებო სისტემის გამოყენებით: კიბერთაღლთობის ახალი სქემები

15
(განახლებულია 17:13 27.01.2021)
სპეციალისტების განცხადებით, ბოლო დროს კიბერთაღლითობის და სხვისი თანხის მითვისების შემთხვევები გახშირდა.

თბილისი, 27 იანვარი – Sputnik. საქართველოს საბანკო ასოციაცია მოსახლეობას კიბერთაღლითობის ახალი ფორმების შესახებ აფრთხილებს.

ასოციაციის ინფორმაციით, ბოლო დროს დაფიქსირდა რამდენიმე ფაქტი, რომლის შედეგად მომხმარებლებმა ფინანსური ზარალი ნახეს. კიბერთაღლითობის ერთ-ერთი გავრცელებული ფორმაა „ფიშინგი“, რომლის მიზანია ინტერნეტ-მომხმარებლის პერსონალური მონაცემების თაღლითური გზით მოპოვება. 

თაღლითობის ახალი სქემის მიხედვით, კიბერდამნაშავეები შეტევის დროს  იყენებენ Google-ის საძიებო სისტემას,  სადაც კომერციული ბანკების ინტერნეტბანკის ვებ-გვერდების მსგავი, ყალბი ე.წ. ფიშერული გვერდების რეკლამას ახორციელებენ. ასეთი გვერდების მისამართი, ხშირ შემთხვევაში,  კომერციული ბანკების ინტერნეტბანკის ნამდვილი მისამართების მსგავსია. ბმულზე გადასვლის შემთხვევაში იხსნება ყალბი ვებგვერდი, რომელშიც მომხმარებელს საკუთარი პერსონალური მონაცემების შეყვანას (პაროლი, საბანკო ბარათის ნომერი და სხვ.) სთხოვენ.

„გთხოვთ, არ გადახვიდეთ საეჭვო ბმულებზე, ბმულზე კურსორის მიტანით გამოჩნდება ვებგვერდის რეალური მისამართი. ყურადღებით დააკვირდით იმ ვებგვერდის მისამართს, სადაც პაროლი შეგყავთ, დარწმუნდით, რომ ნამდვილად ბანკის ვებგვერდზე იმყოფებით. ზოგიერთ შემთხვევაში, გაყალბებული მისამართი შეიძლება მხოლოდ ერთი სიმბოლოთი განსხვავდებოდეს ნამდვილისგან“, – ნათქვამია ასოციაციის განცხადებაში.

სპეციალისტები მომხმარებლებს ურჩევენ ინტერნეტბანკით სარგებლობისთვის Google-ის საძიებო ველში რომელიმე კონკრეტული ბანკის სახელწოდების მოძებნის ნაცვლად, მისამართის ველში პირდაპირ კომერციული ბანკის ვებგვერდის მისამართი ჩაწერონ.

ორგანიზაცია მოქალაქეებს მაქსიმალური სიფრთხილისკენ მოუწოდებს.

15
თემები:
კრიმინალი საქართველოში
სტუდენტური აქცია

აქცია განათლების სამინისტროსთან სტუდენტები სწავლის საფასურის შემცირებას მოითხოვენ

13
(განახლებულია 17:06 27.01.2021)
ეს პირველი და უნდა ვივარაუდოთ, რომ არც უკანასკნელი აქციაა სტატუსშეჩერებული სტუდენტებისა, რომელთა რაოდენობა ქვეყანაში 75 ათასს სჭარბობს

თბილისი, 27 იანვარი – Sputnik. საქართვლოს განათლების, მეცნიერების, კულტურისა და სპორტის სამინისტროსთან იმ სტუდენტების მორიგი აქცია გაიმართა, რომლებსაც სწავლის საფასურის დავალიანების გამო სტატუსი შეჩერებული აქვთ.

განათლების სამინისტროსთან შეჩერებული სტატუსის მქონე სტუდენტები საკითხის გადაჭრას მოითხოვენ>>

შეკრებილებს ორი მოთხოვნა ჰქონდათ – მათთვის სტატუსის აღდგენა და სწავლის საფასური განახევრება.

ისინი ასევე განათლების მინისტრ მიხეილ ჩხენკელთან შეხვედრას მოითხოვენ.

ამავე მოთხოვნებს შეიცავს არასამთავრობო ორგანიზაცია „პროგრეს–ცენტრის“ პეტიცია, რომელსაც 10 ათასმა ადამიანმა მოაწერა ხელი. სტუდენტები ასევე მოითხოვენ კანონის მიღებას, რომელიც სწავლის საფასურს დაარეგულირებს.

აქციის მონაწილეთა განცხადებით, პანდემიის დაწყებიდან მათ უამრავი პრობლემა გაუჩნდა და ეს მხოლოდ ფინანსებთან არ არის დაკავშირებული. მათ მოუწიათ ონლაინ–სწავლებაზე გადასვლა, გაჩნდა უწყვეტი ინტერნეტის, ტექნიკის საჭიროება. არიან ოჯახები, სადაც მაგალითად ორი სტუდენტია და მათ ერთდროულად სჭირდებათ კომპიუტერი.

ბოლო მონაცემებით, საქართველოში 75 803 სტატუსშეჩერებული სტუდენტია.

13
თემები:
განათლება საქართველოში
ექიმი და სმენადაქვეითებული პაციენტი

ამწვავებს ამინდის ცვალებადობა: ექიმმა დაასახელა დაავადებები

0
(განახლებულია 17:34 27.01.2021)
ირკვევა, რომ ამინდის ცვლილებაზე ფაქტობრივად ყველა ადამიანის ორგანიზმი რეაგირებს, თუმცა გარკვეული დაავადებების მქონეებს გართულებები ეწყებათ

თბილისი, 27 იანვარი — Sputnik. არსებობს გარკვეული დაავადებები, რომელთა არსებობის შემთხვევაში ადამიანებმა ამინდის ტემპერატურული ცვლილების დროს შესაძლოა თავი ცუდად იგრძნონ, აცხადებს თერაპევტი ლუდმილა ლაპა.

„რისკ-ჯგუფებია გულ-სისხლძარღვთა დაავადებების მქონე ადამიანები, ინფარქტ– და ასევე ინსულტ–გადატანილები, ბრონქული ასთმით, ქრონიკული ბრონქიტით, ტონზილიტით, რინიტით დაავადებულები. ყველა ეს დაავადება მწვავდება სწორედ მაშინ, როცა ამინდი იცვლება“, — თქვა ლაპამ.

მისი განმარტებით, ასეთი რამ — რეაქცია ამინდის ცვლილებაზე — ფაქტობრივად ყველა ადამიანში ხდება, თუმცა ჯანმრთელებში ეს პროცესი შეუმჩნევლად მიმდინარეობს, ხოლო ქრონიკული დაავადებების მქონე პაციენტებს სხვადასხვა გართულებები უვითარდებათ.

როგორც ლუდმილა ლაპა აცხადებს, დაავადებები ადამიანის სიხლძარღვთა სისტემის ტემპერატურის ცვალებადობაზე რეაქციის გამო მწვავდება. ასეთ დროს აუცილებელია, მიმართოთ ექიმს, რათა დანიშნულება მიიღოთ და გარკვეული თერაპიული კურსი ჩაიტაროთ. 

 

0
თემები:
ექიმი გირჩევთ